رواية سر الفصل الثاني 2 بقلم إيمان الخيال

رواية سر الفصل الثاني 2 بقلم إيمان الخيال

رواية سر البارت الثاني

رواية سر الجزء الثاني

رواية سر الحلقة الثانية

علي : ازيك يا سونا ؟
سونا بخجل : الحمد لله
علي : وانا كمان كويس الحمد لله
دقيقة صمت
علي : طيب هنفضل ساكتين كدا
سونا : يعني لو عاوز تسأل عن حاجة بخصوص حياتي اسأل
علي : مفيش داعي
سونا : يعني ايه مفيش داعي ؟!
علي : ايه الفايدة اني اسأل عن حاجة مش هنحتاج اي تفصيلة فيها بعد كدا
سونا : دا علي أساس اني هنسي حياتي وتفاصيلها بعدين
علي : الحياة مش هتستحمل غير تفاصيلي
سونا : هو انت بتكلمني كدا ليه ؟!
علي : اللي هو ازاي !

سونا : وكأنك جاي و واثق اني هوافق وكأنك جاي تشتري حاجة عارف تمنها وهتاخدها وتمشي
علي : وانتي عندك اي شك ان الجوازة دي مش هتم
سونا : والله الموضوع متوقف علي رأيي
علي بغرور : غلط ، الموضوع متوقف علي الوقت وفي خلال اسبوع بالكتير هيكون الحوار كله خلص لأني عندي رحلة لألمانيا وهخدك معايا كشهر عسل
سونا : دا بعينك ان الجوازة دي تتم
في الأثناء دي كان كاظم و رمضان بيحددوا معاد كتب الكتاب والفرح في خلال اسبوع .
في اليوم التالي
انور : كان لازم ناخد رأي سونا يا حاج
كاظم : ومن امتي وكان في رأي غير رأيي
انور : بس دي حياتها وبصراحة كدا انا مش موافق علي اللي اسمه علي دا …
قبل ما انور يكمل كلامه نزل علي وشه كف قوي هزه في مكانه

كاظم : غور من وشي
انور ساب ابوه وطلع اوضته وقفل علي نفسه وعلي السر اللي مخليه رافض علي .
في غرفة البنات
سونا كانت تبكي بشدة وكأنها ستلبس كفنه*ا وليس فستان زفافها
داليدا : اهدي بقا يا سونا وقوليلي ماله علي ؟!
سونا : انا متأكدة ان حياتي معاه هتكون جحي*م
داليدا : ليه بس !
سونا : انا قلبي اتقبض اول ما عيني جات في عينه
داليدا بهزار : مع ان الواد قمر
سونا : انا مش بهزر يا داليدا ، انا خايفة منه ومش عاوزة اكون معاه بأي شكل
في اللحظات دي ريحانة دخلت الاوضة وقعدت تتكلم مع سونا وتقنعها بالموافقة لأن مفيش خيار غيرها بعد قرار ابوها .
مرت الأيام بثقل علي سونا وهي بتحضر لزواجها ولم تذق طعم السعادة لحد ما جه معاد كتب الكتاب والفرح .
في يوم الزفاف

بارك الله لكما وعليكما وجمع بينكما في خير
خلص حفل الزفاف وكل شخص رجع بيته وكمان سونا وعلي راحوا علي بيتهم اللي هو عبارة عن فيلا كبيرة الي حد ما وقديمة الطراز واجمل ما فيها الجنينة اللي ملحقة بيها .
في فيلا رمضان
رمضان : الف مبارك ليكوا يا ولاد
علي : الله يبارك في حضرتك يا ابويا
رمضان : انا عاوزك تعتبري البيت بيتك يا سونا وانا زي والدك تمام ولو الواد ده زعلك في مرة تعاليلي وانا اشدلك ودانه
كانت سونا بتهز راسها مع ابتسامة خفيفة من غير ما تنطق بولا حرف وعلي اخد سونا وطلعوا اوضتهم
في غرفة علي وسونا
علي : ……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية سر)