رواية كان اخي الفصل الرابع 4 بقلم نور محمد

رواية كان اخي الفصل الرابع 4 بقلم نور محمد

رواية كان اخي البارت الرابع

رواية كان اخي الجزء الرابع

رواية كان اخي الحلقة الرابعة

سها مسكت كوبايه عصير وكانت رايحه تديها ل زين
وعد شافت كدا وجريت نحيتها وبكل غيره قالت :سها زين مش بيشرب عصير الجوافه وشربت هي كوبايه العصير بلهفه
زين استغرب لفعلها ده بس ابتسم عليها وقال:فعلا مش بشربه ياسها
سها راحت تقعد جمبه وقالت :طيب م تقولي يازين العيشه برا مصر عامله ازاي
وعد شدت زين وقومته :لابس رايح فين يازين
زين :خارج رايح الجامعه
سها بغيريه :انتي يابتاعه بتشديه ليه كدا
وعد :حرام ياحبيبتي انو يقعد معاكي بمنظرك ده
سها ضحكت ضحكه صفرا وقالت:ليه ياحبيبتي ان شاء الله
وعد :شوفي لبسك ولا شعرك ولا المكياج ده استهدي بالله
سها :احسن م اكون يتيمه ومعنديش بيت وعايشه عاله علي غيري
وعد حست يالاهانه ومقدرش تتكلم خدت شنطتها وبصوت مبحوح قالت :سلام يانور انا ماشيه
نور :رايحه فين ياوعد
زين :وعد استني

وعد مسعتش منهم ونزلت بسرعه لحقها زين وهو بيقول ل سها :انا هعرفك مين العاله دي ونزل ورا وعد
نور :اشكال ميتقعدش معاها بصحيح ودخلت اوضتها
سها في سرها :كل ده عشان الجربوعه دي طاب استنوا عليا
عند وعد كانت وصلت البيت وسلمت علي توتو وخلت اوضتها وفضلت تعيط بحرقه
وعد :هو انا وحشه عشان اتحرم من أبسط حقوقي وعشان اتحرم من اهلي ده انا حتي فاكره شكل ماما وبابا بالعافيه هو انا ليه مليش حتي اخ سند يقف معايا ويدافع عني صح احمد اخويا بس مش باقيلي كانت شهقات صوتها واصله لبره وتوتو قلبها وجعها عليها في اللحظه دي دخل زين
زين :هي فين ياتوتو
توتو :فهمني يابني مالها الاول
زين :هي فين بس وهفهمك كل حاجه
توتو:في اوضتها جوه يابني
دخل زين وخبط ع الباب
وعد:انا كويسه ياتوتو متقلقيش
زين :احم احم بس انا زين
وعد بصلته كان نفسها تترمي ف حضنه وتكمل عياط لكن مسحت دموعها وعدلت حجابها وقالت :اتفضل يازين
زين قعد جمبها :اي بقي ياوعدي العيون الحلوه دي مينفعش تبكي
وعد ابتسمت :بطل تقولي وعدي دي
زين :هقولك تاني م انتي وعدي فعلا

وعد سكتت واتكسفت زين لاحظ سكوتها ف حب يلطف الجو
زين :بصي ياستي هنعمل حاجه حلوه
وعد :هي اي
زين :انا رايح كليه الهندسه دلوقتي وعرفت ان وعدي حلمها تدخل كليه هندسه ف اي رأيك تيجي معايا
وعد بفرحه :بجد يازين
زين :ايوا ياقلب زين
وعد فرحت جدا بس بعدين خدت بالها لما قال قلب زين واتكسفت جدا وقالت :طيب اطلع انت وانا هلبس وجايه
وعد لبست جيب سوده وهاي كول ابيض وجاكت جينز اسود وطرحه نبيتي كانت زي القمر
طلعت وعد من الاوضه وقالت لتوتو أنها خارجه مع زين
توتو:روحي ياحبيبيتي ومتزعليش نفسك من حاجه
وعد :ماشي ياتوتو بس هو فين زين
توتو :في المطبخ جوه
وعد استغربت بس دخلت المطبخ واول م دخلت وقعت من الضحك علي زين
زين وهو مش عارف يتكلم من الاكل :بتضحكي علي اي زين كان ماسك حله المحشي ونازل اكل ولا اللي ليه عشر سنين مش اكل
وعد :كفايه يازين حلت المحشي خلصت
زين :طيب يلا يختي عشان مش نتاخر قالها وهو بياكل ف حله المحشي ومش هاين عليه يسيبها😂😂
زين و وعد نزلوا راحوا الجامعه وزين قابل عميد الكليه وقاله انو تم تعينه هنا
زين بفرحه :بجد شكرا لحضرتك واتمني اكون عند حسن ظنكم
العميد :احنا يفندم اللي الفخر لينا ان نعين شخص زي حضرتك درس في جامعه محترمه وتقديرااته عاليه
زين شكرا يافندم
العميد :طيب علي م يخلص الورق تشرب اي انت والمدام بتاعت حضرتك(علي وعد😂)
وعد كانت لسه هترد قاطعها زين وقال :احنا لسه مخطوبين يفندم ادعيلنا بقي وغمز ل وعد اللي كانت هتموت من الغيظ بس جواها مبسوطه بالكلام ده
زين خلص وطلع من عند العميد هو و وعد
وعد :ممكن اعرف اي اللي قولته ده
زين :ده حقيقي ياوعدي بس استني عليا فتره وعد اتعصبت جدا ومشيت قدامه ع العربيه
زين :ها ياستي بمناسبه تعيني بقي تحبي نروح فين
وعد :هنروح
زين :نتغدا الاول ونروح يلا هاخدك انا علي مكان جميل
وعد ماشي

في مكان تاني اول مره نروحه في شوارع القاهره في بيت قديم
مجهول 1:متاكد انو هو رجع مصر
مجهول 2:ايوا رجع وهو قدامي اهو
مجهول 1:طيب فتح عينك عليه وارصدلي تحركاته
مجهول2 :تمام تؤمر ب حاجه اعملها معاه
مجهول 1: لا سيبه ده حسابه معايا انا وقفل الفون وقال :والله زمان يازين زماان اوي
نروح ل زين و وعد
زين :ها ياوعدي مبسوطه
وعد :جدااا
زين ضحك عليها و وصلها لحد البيت ورجع بيتهم
زين وهو نازل لمح شخص مش غريب عليه كأنه يعرفه زين نده علي الشخص ده و وقفه
زين :لو سمحت انت اسمك شادي
شادي :ايوا بس انت مي.. مخلصش كلمته وكأن زين حاضنه
شادي عرف ان ده صاحب عمره زين حضنه اكتر وقاله لسه فاكر

زين :هو انا اقدر انساك صح سافرت بس عمري م لقيت صاحب واخ زيك
شادي ضربه وقاله :طيب ابعتلي حتي رساله فى البريد
زين :معلش ياصحبي طمني عليك بس اي اخبارك
شادي :اهو اتخرجت من كليه هندسه اللي كانت حلمنا واتوظفت ف شركه وبحضر للماجستير وانت بقي ؟
زين:ماشاء الله ربنا يزيدك ياصحبي
انا بقي برضوا كليه هندسه حلمنا واتعينت النهارده معيد فيها وهفتح شركه كده علي قدي معايا مبلغ كويس
شادي :تمام ياصحبي ربنا يزيدك يارب
زين :علي فين كدا
شادي :رايح اقعد ع الناصيه اللي كنا بنقعد عليهازماان
زين:طيب خدني معاك الف ف بلدي وحشتني
فضلوا ماشين وهما بيفتكروا ايام زمان ويضحكوا وكانوا مبسوطين جدا
عند وعد صحيت الصبح فرحانه جدا لانو يوم الاربعاء يوم مميز ليها عشات بتر……………..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية كان اخي)