رواية وصل أمانة الفصل الأول 1 بقلم مريم سرور
رواية وصل أمانة الفصل الأول 1 بقلم مريم سرور
رواية وصل أمانة البارت الأول
رواية وصل أمانة الجزء الأول
رواية وصل أمانة الحلقة الأولى
انتي واحدة غبية …
_انا آسفه …او…اوعدك مش هتتكرر..
قام من ع الترابيزه بعصبية وزعق
_اسمعي ي متخلفة انتي انا مش هستحمل غباءك ده كتير ..ي تتعدلي ي اعدلك انا ؟
اترعشت بخوف وحسيت ان دموعي هتنزل
_أنا آسفه والله خلاص
رمي طبق الاكل ع الارض وقالي وهو بيزعق
_لمي القرف اللي انتي طبخاه ده واطبخي حاجه عدله … سامعه ولا لا ؟!!
_سامعه
دخلت المطبخ قعدت اعيط جامد دموعي نزلت ع الارض بصيت بتوهان ف كل حته قعدت ع الارض ونا مش قادرة اخد نفسي البني ادم ده م هيسبني غير لما يموتني ….يا رب خلصني منه عشان خاطري
قومت اطبخ بسرعه عشان مش ناقصه يدخل يضربني بالحزام او يكسر عضمي .
كنت خايفه يطلع الاكل وحش او ناقص حاجه
حطيت الاكل ع السفرة وانا بترعش …
_مالك م مظبوطه كده ليه …انتي عامله حاجه غلط!!!
اتوترت _لا بس ..
شششش انتي لسه هتبسبسي
وقفت وانا قلبي بيدق مرعوبه يطلع ف عيب ف الاكل ..حقيقي مش هسلم منه
بصلي في عيني جامد ..بس خلاص انا هموت انهارده
_لا برافووووو اول مره تعملي اكل عدل .
اتنفست بهدوء وراحة كان زماني بضرب دلوقتي .
لقيته نام فجاه قررت اخد موبايله اكلم بابا لانه مانه عني الموبايل او حتي الخروج من الشقه
سحبت موبايله بهدوء ووبص علي وشه برعب …بيشخر …فجاه اتقلب الناحيه التانيه ..قلبي كان هيقف
خدت الموبايل وخرجت بهدوء فتحته واتصلت ع رقم بابا وانا كل شوييه ابص ع الصورة
_بابا؟!
_ياسمين؟!
عيطت جامد
_وحشتني اوي ي بابا …
_انتي كمان ي حبيبي ايه الاخبار ؟!كده متتصليش ببابي
_أنا آسفه غصب عني ..
ضحك وقال
_اه مشغوله بجوزك
عيطت بصمت بابا ميعرفش اللي فيها
_اكيد ي بابا
_مش هتيجي انتي ومرتضي قريب ؟!
اتوترت
_معتقدش ي بابا …مرتضي وراه شغل كتير
_ربنا يعينه يارب
_انتي بتكلمي مين؟
الموبايل وقع من ايدي …ده صحى …
مسك الموبايل وقفل ع بابا وبص لي وهو بيتنفس بعصبيه
_انتي مبتحرميش ؟!!!
_والله ما عملت حاجه . … بكلم بابا عشان وحشني …بالله ما تضربني
_ولما اسجن ابوكي بالفلوس اللي عليه هتتبسطي !!!
مسكت رجله وانا بعيط
_بالله لا …كله الا بابا….
مسك شعري وشده بعنف
_منا قولت لك ميت مره لو مسمعتيش الكلام هسجن ابوكي بس انتي واحده مش متربيه
وراح ضربني بالقلم ونزل فوقي ضرب ولا كاني بهيمه . حتى البهيمه متضربش كده
خدت نفسي بالعافيه ومناخيري جابت دم …جسمي اصلا كله بقي كدمات .
قرب من وشي فغمضت عيني
_خلاص كفايه عشان خاطري
مسك شعري
_المره الجايه هموتك .
دخلت استحميت ونا بعيط ده مرتضي جوزي .. المفروض اني اتجوزته عن حب كنت بحبه اووي وكان بيمثل انه بيحبني مسك ع بابا وصلات امانه ممكن تسجنه هددني بيها وقالي هيسجن ابويا …وطبعا رضيت بالذل والخدمه عشان احمي ابويا ابوييا مريض ولو عرف ممكن يموت فيها. …بس انت تعبت …اموته وارتاح !!!
قعدت ع الكنبه وانا بأن الوجع صعب اتضربت فكل حته معدش فيه مكان
فجاه الباب خبط …هو مرتضي م ف البيت اومال فين؟!! ممكن يكون هو
فتحت الباب لقيت شاب ف وشي اتخضيت لان اول مره اشوفه
_خير؟!
_بعتذر جدا لحضرتك…ممكن بس مدبدبوش عشان احنا بليل وانا ورايا شغل ؟
بس ده ضرب مش دبدبه
_اكيد بعتذر جدا لحضرتك
_ولا يهمك ي آنسه حصل خير .. بس هو انتي مضروبه؟!!
اتوترت
_لا لا …وقعت
بصلي بشك وبصلي من فوق لتحت وقال
_ع فكره انا دكتور….يعني …
الله الله وكمان واقفه مع شباب ده انتي هتموتي بقا انهارده
_مرتضى؟!!!
_اه مرتضى ي ساقطه
_انت فاهم غلط …ي استاذ.
ملحقش يكمل كلامه وكان في قلم نزل ع وشي صدعني
شدني من شعري لجوه وقفل الباب ف وشه .
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية وصل أمانة)