رواية المريض والعزباء الفصل الثالث 3 بقلم سعود نصر

رواية المريض والعزباء الفصل الثالث 3 بقلم سعود نصر

رواية المريض والعزباء البارت الثالث

رواية المريض والعزباء الجزء الثالث

رواية المريض والعزباء الحلقة الثالثة

احمد بعصبيه وتهور يقوم بازاحة الباب بعنف لتبتعد سلمي من خلف الباب وهي في حالة خوف شديد الي ان ينجح في فتحه ويدخل ويغلقه خلفه بعصبيه ويتقدم نحوها
مش عاوزه تفتحي الباب ليه هو انا مش جوزك وانا متجوزك ليه انتي مجنونه
سلمي تتراجع الي الوراء حتي تصبح في اخر الغرفه وتضع يديها علي صدرها بخوف
انا مش مجنونه واهدي لو سمحت اهدي
احمد يقوم بنزع الكرافته ويقوم بتفكيك ازرر قميصه ويتقدم اتجاهها
انا بقي هطلع الجنان اللي فيكي دا وبالمره نتعود علي بعض
سلمي تحاول الفرار منه الي باب الغرفه ولكنه يمسكها من الخلف من شعرها ويقربها اليه ويقوم بصفعها علي وجهها مره ثم الثانيه ويلقيها علي السرير
عاوزه تهربي مني انا هعلمك درس تحفظيه كويس ها تحفظيه كويسه
ثم يقترب منها وهي ملقاه علي ظهرها ويصفع بوجهها ويقوم بتقطيع الفستان الذي ترتديه وهو صارخا
انتي لازم تعصبيني لازم تخرجيني عن شعوري انتي مبتفهميش
واثناء تذكره كل هذه الاحداث يطرق باب شقته ليترك باب الغرفه ويتجه اليه ومن خلفه
مين برا

علي .انا ياحمد انا علي افتح
احمد يطمئن ويفتح الباب في تعجل
ماتت ياعلي ماتت سلمي ماتت
علي يمسك ازرع احمد.اهدي ووطي صوتك اهدي
ثم يتقدم في عجله الي غرفة النوم وعندما يدخل يجدها ملقاه علي السرير وبها كدمات ودماء اسفل منها وثيابها مقطعه ليلتفت الي احمد
ادخلي غطيها الاول
يدخل احمد ويتقدم ويمسك غطاء السرير يضعه فوق جسدها
علي يتقدم .انت عملت ايه عملت ايه في حد يعمل اللي انت عملته دا وديت نفسك في داهيه
احمد.انا انا معملتش حاجه
علي.اذاي اذاي امال مين اللي عمل كدا هو فيه غيرك
احمد فاقدا اعصابه ويبكي مثل الاطفال ويجلس علي الارض ويضع ايديه علي وجهه
انا معملتش حاجه صدقني صدقني
يتكئ علي علي ركبتيه ويمسك احمد من ازرعه وينظر اليه ثم يرفع راسه للاعلي
رد عليا هنا واهدي احكيلي عملت ايه متخافش اهدي لازم نعرف عملت ايه علشان نعرف هنتصرف اذاي
احمد يرفع راسه للاعلي بحزن شديد ويملاءه العرق

احنا دخلنا الشقه عادي وكنا مبسوطين وبعدها اوضتنا وقفلنا الباب اتكلمنا شويه كنت هغير هدومي طلبت اخرج تغير هي وبعدها ادخل واغير انا خرجت وبعد شويه رجعت ادخل كانت قافله الباب بالمفتاح ومكنتش عاوزه تفتح اتعصبت فضلت احاول ادخل افتح انا الباب وادخل وفعلا عملت كدا وبعدين
ثم يقاطعه علي
هي مكنتش عاوزه تفتح الباب ليه
احمد بتنهيده.كانت تقولي خايفه مني وشويه انها عاوزانا نتعود علي بعض فضلت علي الحال دا كتير اتعصبت انا فدخلت بعد مكسرت الاوكره بتاعة الباب
علي .تمام كمل
احمد.بس كدا حاولت تهرب مني مسكتها من شعرها ضربتها علي السرير وغبت عن الوعي قربت منها ذي اي اتنين متجوزين بس كانت فاقده الوعي بعدها بشويه فوقت لقيتها كدا ومش بتنطق وعنيها مفتوحه اوي ومش بتتكلم فاتصلت بيك
احمد وهو يضع ايديه علي وجهه يملئه الدموع.صدقني ياعلي هي دي الحقيقه
علي .يعني انت مخنقتهاش او كتمت نفسها افتكر ياحمد افتكر
احمد يقف وبتوتر ثم يعلو صوته .لالا مموتهاش مموتهاش انا مموتهاش
يقف علي متسرعا ويكتم فم احمد
اسكت انت عاوز تفضحنا اسكت
بداخل الشقه المقابله اليهم بغرفة النوم تنفزع مدام مديحه من نومها وتنير المصباح بجوارها وتيقظ محمد بجوارها
محمد محمد قوم الحق في مصيبه

محمد بخضه ويفتح اعينه ويتكئ علي ظهره .في ايه يامديحه فيه ايه انا عارف انك بتحشري ودانك في كل كل حاجه والليله دي مش هتعدي
مديحه.هو دا اللي قدرك عليه ربنا يامحمد بدل متسالني فيه ايه تقولي كدا
محمد.حاضر يامديحه خير فيه ايه الساعه اربعه الصبح
مديحه بهدوء.انا لسا سامعه صوت من الشقه اللي ادامنا واحد بيصرخ وبيقول مقتلتهاش مقتلتهاش مصيبه يامحمد مصيبه
محمد يتفاجئ بحديث مديحه بجواره
يانهار اسود يانهار اسود انا عارف ان اخرتي السجن علي ايدك
مديحه.ليه وانا ذنبي ايه هو انا اللي قتلتها قوم شوف فيه ايه ليكون العريس قتلها
محمد ينظر اليها بغيظ.اشوف ايه متتهدي اروح اخبط علي الباب اسالهم الساعه اربعه الفجر بتعملو ايه ولا بأي مناسبه ادخل شقتهم اشوف حصل ايه كل دا بسبب تهياتك
مديحه.تهيآت ايه انا سمعاهم بوداني دول وهو بيزعق انه مقتلهاش
محمد.اهو انا مش خايف غير من ودانك دي من اخر مره عملتي فيها عمليه وانتي مبقتيش تسمعي كويس نامي يامديحه نامي واحد ومراته في شقتهم عرسان وهو بيزعق مقتلتهاش بالعقل هيزعق لمين وهو في الشقه ومراته بس ولو ماتت ايه بيرد علي عفريتها مثلا تصبحي علي خير يامديحه
ثم يتركها ويضع فوقه الغطاء ويذهب في نومه بينما هي جالسه علي السرير
لا انا لازم اعرف فيه ايه
محمد وهو نائما.روحي ياكش تحصليها
تتجه مديحه الي خارج غرفة النوم ببطئ الي خلف باب الشقه لتنظر من خلفه وتستمع بكل هدوء

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية المريض والعزباء)