رواية أحببتها في الأرشيف الفصل الثالث 3 بقلم روان أحمد

رواية أحببتها في الأرشيف الفصل الثالث 3 بقلم روان أحمد

رواية أحببتها في الأرشيف البارت الثالث

رواية أحببتها في الأرشيف الجزء الثالث

رواية أحببتها في الأرشيف الحلقة الثالثة

ـ بصت بفزع لقيته باباها سابت ايديها من ايد خالد وقامت حضنته بفرحه .
بصلها وهو بيرتب على دماغها بحنان : انتى كويسه يا حبيبت بابا .
ـ اه انا كويسه الحمد لله بس انا جعانه اوى يا بابا .
كلهم ضحكوا عليها و روحوا كلهم لبيت فرح .
اول لما دخلوا ام خالد جرت عليه وهى بتعيط حضنته وهو طمنها انه كويس .
وام فرح راحت حضنتها وفضلت تعيط وفرح عيطت معاها دام الحضن لمده لحد ما فرح طلعت من حضن امها وقالت : انا جعانه يا ماما عامله اكل اى .
ـ امها بغضب : بقا انا قلبى واكلنى عليكى واعصابى تعبت قولت انك اتخطفتى ولا حصلك اى وانتى بعد دا كله بتقولى جعانه .
ـ اعمل اى طيب يا امى ما انا جعانه فعلا وخالد كمان جعان صح يا خالد .
ـ صح يا عيو انقذه صوت والدته وهى بتقول : يالا يا حبيب ماما انا كنت عامله الحمام اللى بتحبه يالا علشان اسخنه وتاكل .
ـ اردف والده بهدوء : طب استاذنكوا يا جماعه .
ـ ابو فرح : طب اقعدوا كلوا معانا .
ـ ام خالد راحت باستها وقالت : بالهنا يا حببتى مع السلامه وراحت باست فرح وحضنتها ومشت مع خالد .
ـ ام فرح وفرح : مع السلامه .
______________
تانى يوم لبست و طلعت تفطر علشان تروح الشغل.
ـ امها : اى دا انتى رايحه الشغل .
ـ اه يا امى تليفونى وشنطتى هناك وكمان يعنى مفيش حاجه حصلت هروح الشغل عادى .
ـ تمام يا حببتى طب اقعدى افطرى يالا .
ـ ماشى يا ست الكل .
__________
روحت الشغل وانا بتمنى اشوف خالد حتى فى ممر بالغلط لكن للاسف وصلت المكتب استغربت ان ملكتش حاجتى على المكتب زى ما حطيتها امبارح قعدت عليه وفتحت الادراج يمكن الاقى لقيت الشنطه والتليفون فى الدرج
استغربت بس مهتمتش المهم لقيتهم فتحت الفون لقيت مكلمات فائته كتير من امبارح مسحتهم وبدأت شغلى يوم ممل بكل تفاصيله والله أخدت حاجتى علشان وقت البريك نزلت علشان اشترى عصير و بسكوت أخدت الحاجه وطلعت المكان المفضل بتاعى اللى من النادر لو لقيت حد فيه هو دا نفس المكان اللى كنت اعيط فيه امبارح ، اقعد فيه البريك نص ساعه فاقعد براحتى بقا .
ـ قعدت على الكرسى وقدامى إزاز شفاف من وراه الفيو على الشارع فبسرح فى الشارع و بفصل شويه
حسيت بحد جنبى فبصيت بسرعه لقيته بابتسامته الجميله
فقولت بابتسامه: خالد عامل اى .
ـ ابتسم وقال : كويس انتى أخبارك اى .
مديت ايدى بالبسكوت وقولت : اتفضل بسكوت .
ـ ابتسم و مد ايده خدها : بقا معقول بسكوته بتدينى بسكوت .
ـ ابتسمت بخفوت وسكتت .
ـ اتكلمت باستغراب : خالد .
ـ ابتسم : عيونه .
ـ رفعت حاجبى وبصيتله بحده فابتسامته اختفت وبص قدامه ، فكملت : أنت عرفت مكانى منين .
ـ بصلى و رجعت الابتسامه اللى دوبتنى دى وقال : قلبى دليلى يـ فرحي .
ـ ابتسمت وسكتت بخجل .
ـ عايزه تعرفى عرفت مكانك منين .
ـ بصيتله بفضول فقال : من الصبح عايز اعرف مكان مكتبك بس للاسف معرفتش فنزلت فى الكافيه وقولت انك اكيد هتيجى وفعلا لقيتك و اشتريتى وطلعتى فطلعت وراكى بس كدا .
ـ ابتسمت بخجل وبصيت قدامى تانى .
ـ فضحك على خجلى ومد ايده بحاجه بصيت لقيته تليفونه .
فبصيت له بجهل واستغراب .
فقال : ممكن رقمك علشان اطمن عليكى .
ـ بردح : لااا مش علشان سمحتلك تقعد واتكلمت معاك تقولى رقمك لاااا مش انا يحبيبى وقمت مشيت .
ـ ابتسم زقال : تسلم تربيه امك والله اما اكلم الحاجه كان نفسها تفرح بيا وقد آن الاوان .
_____________
ـ آنسه فرح آنسه فرح .
ـ التفت اشوف مين اللى بينادى عليا استغربت لما لقيته دا زميل ليا بس كان اسمه اى يا فرح اسمه اى ….
قطع حبل تفكيرى لما لقيته واقف قدامى و بيقول بابتسامه : انا استغربت جدا لما مشيتى فى نص اليوم وقلقت عليكى سألت عليكى انا وبقيت الزملاء فخلود طمنتنى وقالت انك روحتى بدرى فانا حبيبت اطمن عليكى انتى كويسه ؟
ـ طب خلود قالت كدا ليه اى اللى هيفيدها لما تعمل كدا ولا تكون كانت عارفه انى محبوسه ولا …. قطع تفكيرى للمره التانيه وهو بيقول : إنتى كويسه يا آنسه فرح ؟
_________________
ـ ام خالد اهلا وسهلا يا حببتى تعالى ادخلى .
ـ دخلت ام خالد وقعدوا فى الصالون وبعد الضيافه .
ـ اتكلمت ام خالد وقالت : بصى بقا يا ام فرح انتى عارفه خالد شقته جاهزه وهو ابنى الوحيد وعايزه افرح بيه فـ من غير لف ولا دوران أنا عايزه فرح بنتك لخالد ابنى .
ـ بابتسامه : يختى وانا اطول يحببتى ثم اردفت بحزن : بس يام خالد حسن ابن اختى متكلم عليها .
_____________
ـ بصيت له وقولت وانا مش مركزه دماغى بتفكر فى تصرف خلود دا : أنا كو … قطع كلامى صوت خالد وهو بيزقنى على جنب ووقف قصاده و
بيقول بغضب : أنا هطمنك يا رو..ح أمـك .

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية أحببتها في الأرشيف)