رواية ألمي الفصل السادس 6 بقلم السمراء

رواية ألمي الفصل السادس 6 بقلم السمراء

رواية ألمي البارت السادس

رواية ألمي الجزء السادس

رواية ألمي الحلقة السادسة

بابا: قال ان راح يجي يخذك هوا..
– بس كيف!!
بابا: قال صاحبة راح يسوق بيه
– تمام بس نخلي معاي رتاج عشان تساعدني
بابا: براحتك نحنا توا نطلعوا
– تمام….
-حسيت في دموع في عين بابا ضميت وبسته على يدَ
بابا بدموع: عينك من روحك ورني عليا كل يوم راكي تنسي
طمنيني عليك.
-حاضر.. اهم شيء ادويتك وعينك من ماما وانا لو حصلت راح انجيكم.
بابا: وانتِ طيبه.. أهم شئ ردي بالك من زوجك.. مكنش خاطري نطلعك هك بس كل حاجه نصيب.
– من عيوني يا بابا…
-خش عليا عمي جمال وخوالي سلمت عليهم وطلعت ل داري
ماما: هيا يا ألمى نبوا نطلعوا
– تمام يا ماما انا صقر راح يجي يخذني
ماما: كيف.!
– قال صاحبه يبي يسوق بينا.
ماما: تمام هيا يا رتاج
– لا خليها من يبي ايساعدني
رتاج: يا نعلي وين نبي نركب طيح سعدك
– جنبي متخفيش
ماما: خلاص أوكي
______________________

 

 

عند صقر…
-جبرني باتي إني نمشي نجيب البنت اتفقت مع صاحبي صلاح أن يخذني عشآن انجيبه ومش عارف حتى الحوش قعمزت جنب صلاح..
صلاح: كنك ما تقعد لورا..
صقر: على أساس وخذه عن حب
صلاح: يا راجل يمكن تطلع احسن من بنت خالتك..
صقر: كذا اسكت توا خذيت الوصف صاح
صلاح: اها خلاص قريب نوصلو
-واخيرا وصلنا بعد نص ساعه.
صلاح: رن عليهم.
صقر: أنزل طق الباب
صلاح: ماشي
….. طق طق
رتاج: هيا هيا وفتحت الباب
رتاج بصدمه سكرت الباب في وجه
صلاح مقدرش يمسك الضحكه في نفس الوقت
صلاح: ههههه هذي مكلوبه والله شنو…. بس جميله
صلاح بصوت عال: انا صاحب صقر
.
ملامح رتاج كانت بسيطه بس دمه خفيف واضحه حتي في وجه….
___________________
– طلعت رتاج تفتح في الباب ومعش ردت…
– ها وصلت تقوى
رتاج وجه أحمر: مطلعتش تقوى
– ها من وكأن وجك!
رتاج: صاحب صقر..
-ههههههههه شكلك فتحتي هك وشافك
رتاج: من بختي…. هيا نلبس عباتي ونساعدك
– تمام.. بس طلعي الشناطي قبل
رتاج: هيا
_____________________

 

 

صقر: شن صار؛؟
صلاح: فتحتلي وحده هبله وسكرت في وجي
صقر: ههههههههههه تستاهل
صلاح: تي رن عليهم هيا
صقر: تمام
رنيت عليها…
صقر: هيا اطلعي
ألمى: تمام بس عندي شناطي
صقر: في حدا امعك
ألمى: صحبتي
صقر: خلاص خليه اطلعهم ل صاحبي
ألمى: تمام
صلاح: ها شن صاح
صقر: صحبتها راح اطلعلك شناطي حطهن في السيارة
صلاح: يعني صحبتها الي سكرت في وجي
صقر: للاسف ههههههههههههه
__________________
-رتاج طلعي الشناطي ل صاحب صقر.
رتاج: يا نعلي كيف نطلع هك
-هههههههههه بليز توتو
رتاج: حسبي الله فيك يا شيخه
اطلعت رتاج شفت روحي في المرايا صلحت شوي مكياجي وبخيت عطر…
رتاج فتحت الباب…
رتاج: معليش
صلاح يبي يقهر رتاج..
رتاج: معليش يا عمو
صلاح بصدمه: ان شاء الله قصدك عليا
رتاج بحركة هبله: في حدا آخر هنا
صلاح: وين الشناطي يا عمتي
رتاج قلبت عيونها: تفضل
وخشت وردت سكرت الباب في وجه
صلاح: لا هذي مكلوبه رسمي
– رتاج.. شن صار نطلع
رتاج: هيا متاكده خذيتي كل حاجه
– باذن الله
-طلعت نا ورتاج وهي تساعد في فتحت ليا الباب وبعد مية الف طريقه واخيرا قعمزت شن هذا حاجه متُعب بكل قعمزت جنبي رتاج ونا مش قادره نرفع راسي..

 

 

رتاج: متريحه
– اهاا
صقر: هيا يا صلاح
صلاح: باهي كملت توكلنا على الله
-السياره حالت صمت غير صاحب صقر صلاح الي واضح فيه دم خفيف ويلطف في الجووو
رتاج في وذني: دم ثقيل
-حرام عليك
رتاج: مانزلش عيون من المرايا.. يبحت في
– معُجب
رتاج: حيوانه
صلاح: اقريب..
صقر: تمام…. توا نرن على صفاء
صقر: وصلت يا صفاء
-وصلنا وأخيرا ساعدتني رتاج في النزله.. دخلت لقيت صفاء في انتظاري..
صفاء: ماشاء الله الله اكبر
– حبيبتي تسلمي.. سلحت وحطيت روج
صفاء: ها جاهزه يا ألمى
-اها..
صفاء: شن اسم صحبتك
-رتاج
صفاء: هيا معايا يا رتاج عشان تدخل ألمى
رتاج: تمام يلا… أهم شي كيف ما وصيتك ابتسم بسيطه وامشي بشويش
-تمام ما عليك
– دخلنا صفاء ورتاج وطلعت علي وليه. حطتني قدام الباب ورتبتلي الفستان سميت بسم الله..
البنت: نفتح الباب
– اها…… دخلت الاضاءة عليا ونسمع
قمر احلى بنات الدار ،، على الي نافست نورك
.
وصارت ياقمر قمرة
وتشعل ب الفرح ليل لبس من ضيها فجره
تبادت والعيون الي تناظرها بها تحتار
تفكر شمس ولا هي قمر في منتصف شهره
وكل ماتنظر تردد صلاة الله على المختار
وعين الله تحرسها من الحاسد ومن شره
-مركزتش في أي حدا مشيت بشويش وضحكه بسيطه على وجي الي يشوفني يقول متزوجه على حب وصلت للمسرح وجاءت وحده ساعدتني عشان نجلس على الكرسي جلست وتضوي الصاله انصدمت عالم الصاله معقوله هذوم كلهمم معزيم جاءت صفاء سلمت عليا وزغرتاتت ضحكت شكله طيبه بكلل كل مره وحده جيتيني وتسلم بعد جتني ماما سلمت عليا…

 

 

ماما: ها بنيتي متريحه
-حبيبتي متخفيش.. المهم قوليلي حدا تكلم او قاللكم كلمه
ماما: لالا بس ام صقر.. حسيت مش عاجبه شي
-ان شاء الله خير
ماما: المهم نبي ننزل
-تمام كلمي رتاج وينه امعش شافتها
ماما: هيا
شوي وصلت رتاج
-وينك
رتاج: قاعده بس مشيت انصلح في مكياجي..
-تمام.. شن رايك
رتاج: شكلهم فلوس كل حاجه خيال التنسيق وكل شئ
-منحكيش على هذا
رتاج: ها
-بصراحه خايفه من هل حسيت مفيش حدا قبلني غير صفاء
رتاج: لو حدا جاء بس شورك قوليلي
-هههههههههه
– نزلت رتاج عشان العشاء وقعدت بروحي نشوف في الصبايا وهنا يوشنشن في بعضهن والله لو انا مكانهن نستغرب كيف في يوم وليله تستبدل العروس ونا سرحانه.
صفاء: ألمى…
– هم.. نعم صفاء
صفاء ومعاه ثلاث صبايا: هذين سلفاتك زوجت أنس هديل.
أماني: اهلين الف الف مبروك حبيبتي ربي يهنيكم صقر طيب بكل.
-حبيبتي الله يبارك فيك تسلميلي.
صفاء: وهذي هديل زوجت امين
هديل: نورتي العيله يا جميله الف الف مبروك ربي يهنيكم.
– أللهم امين تسلميلي منوره بوجودك.
صفاء: وهذي…… أريج زوجت صادق
أريج بنص صوابع: مبروك.
– ونا مصدومه… يبارك فيك
صفاء في وذني: شوي ويخش صقر تمام
-تمام حبيبتي.
نزلت صفاء…. بصراحه استغربت من تسليم أريج زوجت صادق عليا شكله يبي يبدا المشاكل من توا.. لا حول ولاقوة الابالله العلي العظيم…

 

 

______________________
-نقريت فاتحتي على وحده لا نعرفه لا شيء نقلبت حياتي كلها بسببه….
صلاح: خوي الف الف مبروك ربي يسعدك
صقر: الله يبارك فيك وعقبالك
صلاح: ان شاء الله
اب صقر: هيا يا صقر
صقر: وين يا باتي.
اب صقر: اتخش ل عروستك.
صقر بضحكه: تبصر يا باتي صاح
اب صقر: ولد تكلم كويس
صقر: اسف مش قصدي بس منبيش انخش
اب صقر: الله يربحك يا وليدي
صقر: كيف نبي انخش هك
اب صقر: كرسيك يقدر يخليك تدخل بروحك بدون ما حدا ايساعدك وبعدين درتلك حاجه عشان الدروج.
صقر: لا حول ولاقوة الابالله العلي العظيم.
– ساعدني امين هشان نوصل لقسم الصبايا وطلعتلي أروى وصفاء وامي..
أم صقر بدموع: ماشاء الله عليك يا وليدي
صفاء: لالا اي الجمال هذا
صقر: قصدك جمال الكرسي
لحظة صمت
صقر: شن رايك يا أروى ليش ساكته
أروى بمجامله: الف مبروك
صقر: صفاء تعالي نبيك…
قربت صفاء من صقر..
صقر: جاءت
صفاء: قصدك اسماء
صقر: اها
صفاء: لالا…. صفاء غيرت الموضوع.. هيا متبيش اتشوف العروس.
صقر: منبيش حدا يساعدني راح ندخل بروحي
ام صقر: براحتك
_____________________

 

 

-جاتني صفاء وقالتلي ان صقر يبي يدخل ساعدتني ودرتلي الطرحه ونزلت ضلمت الصاله تمت أضاء عليا وعلى الباب.. دخل صقر وهوا على الكرسي بي بدلته البيضه وسروال اسود وملامحه القاسيه وطوله الي واضح حتى وهوا على الكرسي …. قلبي ينبض بسرعه توترت، قدام بعضنا توا شن نبي اندير شفت صقر عيون عليا بذهول هل عجبت او شيء ثاني حولت اني نداري الموضوع حسيت الناس كله اتبحت فينا شن يبي ايصير فا نزلت على ركبي لصقر ..
– ارفعلي الطرحه
صقر: ضروري
-يعني متبيش نرفع بروحي عادي
صقر: خلاص
-رفع صقر الطرحه وعطيت ابتسم بسيطه….
– مبروك علينا……. ورفعت روحي مع جيت صفاء ام صقر واروى وكم عجوز
صفاء: تعالي يا ألمى قعمزي
صقر: لا هي نبوا نمشوا
صفاء بغمزه: مستعجل العريس
صقر: مش وقتك يا صفاء
ام صقر: صقر شوي وتطلع خليك
صفاء: هيا يا ألمى تعالي نساعدك
– قعمزت على الكرسي وقعد جنبي صقر وكل مره وحده جايه اتسلم على صقر مع جيت ماما حسيت صقر استغرب
-هذي.. امي
صقر: اها اهلين عمتي
باسه على يده
ماما: الف مبروك يا وليدي.
صقر: الله يبارك فيك تسلمي
ماما: عينك من بنيتي .
صقر بمجامله: ان شاء الله
ماما: هيا يا ألمى باتك قال هيا
– ليش خليك شوي
ماما: كيف ماوصيتك
– صبيت ل ماما وضميته: حبيبتي ما عليك بعد توصلي طمنيني عليكي تمام وبسته مرتين هذي وحده لك ول بابا تمام.
ماما بدموع مع ضحكه: حاضر في امان الله
– باي سلمت عليه وشيرت ل خالاتي ومرت عمي وبناتهن
مع جيت رتاج.
رتاج: حبيبي يلا عاد نبي نمشي
-حتى انتِ خليك شوي
رتاج: والله بابا من بدري برا… المهم ربي يهنيك اتصالي بي تمام.
– تمام يا قلبي.
-طلعت رتاج وحسيت روحي بروحي بدون هلي وصحبتي نزلنا دموعي حولت اني ننمسحن بس في حدا من بدري عيون عليا.
صقر: هيا نمشوا
– تمام
طلعت نا وصقر…

 

 

صفاء: صقر المصوره تبي تصوركم في الغرفه هذي.
صقر: عليك قصه
دخلنا نا وصقر للغرفه مع جيت المصوره.
المصوره بضحكه: السلام عليكم الف مبروك
-وعليكم السلام
المصوره: اول شئ نبدا بيك يا عروسه شن اسمك
-ألمى
المصوره: يلا يا ألمى ماشاء الله عليك جميله مش راح تحتاجي تعديل
-شكرا من ذوقك….. كل مره اتخلي في اندير في حركه حسيت روحي مودل وصقر عيون عليا ما نزلنش بكل..
صقر في عقله: البنت جميله بكل شعره احمر طبيعي هذا والله شنو وحركاته طفوليه.. اها ياريتك اسماء
– ححسيت صقر سرحان مش معانا
المصوره: يلا يا عريس
-قرب صقر مني المصوره جابت كرسي عشان نجلس عليه جلست جنب صقر.
المصوره: يلا بحتوا في بعضكم
– حسيت بتوتر عيون عليا امتى تكمل القصه هذي
المصوره: قرب من العروس
صقر: هك تمام.. منبيش كثرت صور كم صوره وخلاص معليش
المصوره: خلاص كملت
صقر: هيا…. صفاء أمشي البسي حاجه عشان تساعدي البنت
صفاء: تمام.. هيا
– ححسيت بغصه كيف ميعرفش اسمي لبست الكاب وطلعت ساعدتني صفاء وقعمزت بروحي لورا وهوا جلس جنب صاحب تميت انفكر كيف نبي ننزل بعد نوصل مفيش حدا ايساعدني …
صقر: امتى تبي تروح!

 

 

صلاح: بكرا في الصباح ان شاء الله
صقر: توصل طيب يا غالي رن عليا قبل ما تطلع
صلاح: ان شاء الله
– دخلت السياره في قصر مش فيلا الاضاءه الحديقه والزينهالي توحيان في فرح عرفت ان ل هله ماشاء الله، نزل صاحب صقر وخلنا بروحنا.
صقر يحكي بالتلفون: ها ميرا اطلعي
– جيت نبي نسأل قلت لا لو يبي يقولي انزلي مع جيت وحده
ميرا: استاذ صقر وين عروس
صقر: اها هذي.. وريه الغرفه… وتعالي خوذي شناطي
ميرا: مرحبا مدام انا ميرا اشتغل هنا
-اهلين أسمي ألمى… ساعدتني ودخلتني جوا سيبت صقر يساعد في صاحبه عشان ينزل…
– دخلنا ماشاء الله التنسيق رهيب شكلهم فلوس.
ميرا: تعالي مدام ألمى اوريك غرفه.
– قولي ألمى بس تمام
ميرا: ميقدر انا بعدين كبير يعصب
دخلتني في اصنصير شكله كم دور وصلنا للغرفه كبيره وطغي عليه اللون الاسود في الازرق دخلت .
ميرا: هذي غرفه انتِ واستاذ صقر
-تمام شكرا بس جيبيلي الشناطي
ميرا: حاضر
نزلت ميرا وقعدت بروحي حولت الكاب وتاملت في الغرفه شوي….
_____________________
صقر: مع السلامه
– سسلمت على صلاح وجيت نبي انخشّ لكن قلت خليني شوي برا.
صقر: ها ميرا طلعتي الشناطي للمدام
ميرا: توا توا
صقر: تمام وجوزي عشاء
ميرا: ٠وأنت استاذ
صقر: مش شورك بي يا ميرا امشي
ميرا: تمام
– مشت ميرا وسمعت صوت الزفه عرفتهم هلي جوا اوف معنديش نيه ل حدا مشيت لي اصنصير وصعدت لغرفتي طقيت الباب..
ألمى: تفضل..
– دخل عليا صقر استغربت ققبل قلت اكيده مش راح يجي بسس الي صار…….

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)