روايات

رواية دق قلبي لها الفصل السادس 6 بقلم أميرة أشرف لبنة

رواية دق قلبي لها الفصل السادس 6 بقلم أميرة أشرف لبنة

رواية دق قلبي لها البارت السادس

رواية دق قلبي لها الجزء السادس

رواية دق قلبي لها الحلقة السادسة

في المستشفي
مراد : ممكن بقي تهدي و تفردي وشك دا علشان داخلين نشوف واحدة عاملة حادثة مفيش داعي أننا نزعلها بالكلام كمان
فريدة : طيب
دلفوا سويا الي داخل غرفة فيروز بهدوء وجدوها تؤدي فرضها وهي جالسة علي الفراش تصلي بخشوع
فانسحبوا بهدوء خارج الغرفة
مراد : شوفي برغم كل اللي هي فيه دا كله و لسة بردو فاكرة فرض ربنا عليها
فريدة : اه فعلا
ثم فتحت هاتفها تعبث به
مراد بتساؤل : بتكلمي مين يا فري
فريدة : بكلم مريم
مراد : طيب يلا ندخلها اكيد خلصت صلاة
انصاعت له فريدة و دلفوا الي الداخل
فيروز بابتسامة مرحبة : اهلااا ازيكم
مراد : احنا كويسين يا فيروز المهم انتي عاملة اية انهاردة
نظرت له فريدة بغضب من نبرة صوته الحنونة معها ولكنها التزمت الصمت
فيروز بفرحة : الحمد لله اتحسنت لما شوفتكم ثم نظرت إلي فريدة : ازيك يا فريدة الف مبروك يا حبيبتي
فريدة بتعالي : الله يبارك فيكي

 

 

فيروز بحرج : احم ربنا يسعدكم
مراد : ربنا يخليكي يا فيروز
فريدة بزهق : يلا بقي نمشي يا مراد
مراد : يلا
خرجت فريدة و نظرت فيروز الي مراد : مراد لو سمحت عاوزاك دقيقة
اقترب منها مرة ثانية : نعم محتاجة حاجة ؟
فيروز : ممكن متجيش تزورني تاني
مراد باستغراب : لية انا ضايقتك في حاجة ؟
فيروز : لا بس علشان فريدة متتضايقش
مراد بابتسامة : ملكيش دعوة بحد يا فيروز انا هاجي اشوفك وقت ما انا حابب لحد لما ترجعي بيتك بالسلامة
و تركها و غادر هو و فريدة
**********************
في السيارة
فريدة : شوفت الخاتم شكله احلي من الدبلة ازاي
مراد : ماشي
فريدة : مالك
مراد : انتي بتتعاملي مع فيروز كدا لية يا فري
فريدة : مراد انا معملتش حاجة دي إنسانة انا مش بطيقها ومش بحب اتعامل معاها و بردو ضغطت علي نفسي و جيت معاك وانا مش بعرف اخبي ريأكشنات وشي اعمل اية يعني
مراد : يا فريدة يا حبيبتي للمرة المليون بقولك حاولي تعامليها بأسلوب احسن و ارقي من كدا هي معملتلكيش اي حاجة تخليكي تعامليها كدا
فريدة بتأفف : حاضر
و ذهبوا سويا و جلسوا في مطعم ليقضوا به بعض الوقت
********************
في المساء
فريدة : الو
حسام : نعم
فريدة : بترد عليا كدا لية

 

 

حسام : هي اية البجاحة اللي انتي فيها دي يعني خطوبتك امبارح كانت علي واحد من الد أعدائي وجاية تكلميني انهاردة
فريدة : حسام انا بحبك و كل دا علشان مصلحتك
حسام بسخرية : هو انا عيل صغير يا فريدة هتضحكي عليا !!
فريدة : صدقني والله انت مش فاهم حاجة
حسام : و مش عاوز افهم اصلا
واغلق الهاتف في وجهها بغضب
**********************
في احدي محافظات صعيد مصر
سليمان : عرفت حاجة عنيها يا ولدي
مصطفي : لع يابوي كانها فص ملح و داب
سليمان : كيف الحديت ده يعني
مصطفي : والله زي ما بجولك كدا يابوي البت ملهاش اثر
سليمان : دورت عليها في القاهرة ؟
مصطفي : ايوة دورت بس مش في كل الأماكن علشان زهجت يابوي
سليمان : من بكرة تنزل القاهرة تدور عليها تاني وتلفها كلها
مصطفي : حاضر يابوي بس انت عاوز اية منيها ما أهلها ماتوا وخلاص و هي هجت من البلد
سليمان : هي الشاهد الوحيد علي الحادثة ولازم ولابد اتخلص منها
مصطفي بخبث : دماغك سم يابوي
وضحكوا سويا ثم تذكر مصطفي شيئا
مصطفي بتفكير : يابوي انت نسيت اني رايدها ليا ؟!
سليمان : لع منسيتش
مصطفي : اومال كيف رايد تجتلها
سليمان : يا ولدي هي لما تتجوزك هتفضل اهنه تحت عنينا و عارفين كل حاجة عنيها واكده هتكون ضامنين سكوتها
ابتسم مصطفي مرة ثانية و جلس يفكر في الموضوع بجدية
**********************

 

 

تاني يوم
في الشركة
عبد الرحمن: فيروز عاملة اية دلوقتي
مراد : بقالها تلت ايام في المستشفي اهو ولسة مفيش اي تحسن حتي في جروح وشها
عبد الرحمن: ربنا يتولاها برحمته البنت غلبانة جدا و الدنيا جاية عليها جامد
مراد : المهم الشغل عامل اية
عبد الرحمن: فل يباشا عامل اية انت و فريدة
مراد : مكملناش يومين خطوبة و المشاكل شغالة
عبد الرحمن: لية بس كدا
مراد : زعلانة اني بهتم بفيروز وبروح ازورها في المستشفي
عبد الرحمن: يمكن غيرانة عليك يا مراد
مراد : مش لما تحبني اصلا تبقي تغير
عبد الرحمن: يعني اية
مراد : يعني انا عارف كل نوايا فريدة و عارف كل التخطيط بتاعها هي و حسام
عبد الرحمن بصدمة : حسااام !!!
مراد : اه حسام مالك مستغرب لية
عبد الرحمن: هي لسة علي علاقة بيه ؟
مراد ساخرا : الهانم مفكرة أنها بتخدعني هي والعيل العبيط بتاعها
عبد الرحمن: لا رسيني علي الحوار بقي علشان بقيت حاسس اني تايه
مراد : هحكيلك …….
*********************

 

 

و تمر الايام و يبقي الوضع كما هو عليه و حالة فيروز تتحسن تدريجيا و علاقة مراد وفريدة تزداد توتر و مشاكل
و بعد مرور شهر تقريبا
في المستشفي
الممرضة : آنسة فيروز في حد عاوز يشوفك
فيروز : مراد دخليه
الممرضة : لأ مش استاذ مراد دا واحد اسمر و لابس جلابية ولهجته صعيدية
فيروز بتوتر : لا لا اوعي تدخليه
انصاعت الممرضة لكلامها و خرجت من الغرفة بهدوء
فيروز بفزع : دا اكيد مصطفي ياربي هو عرف طريقي ازاي
خارج الغرفة
مصطفي : نايمة متجلجيش انا هفوجها
الممرضة : ممنوع يفندم اتفضل امشي من هنا بدون مشاكل
مصطفي بعصبية : انا هشوفها يعني هشوفها اخفي من وشي دلوج
و دلف الي الغرفة رغما عن الممرضة
فيروز بخوف : اخرج بره يا مصطفي
مصطفي بابتسامة : اخيرا لجيتك يا بت عمي دا انا ريجي نشف وانا عدور ( هدور ) عليكي
فيروز : متقربش يا مصطفي اكتر من كدا و اتفضل اخرج بره
مصطفي بنظره متفحصه : مالك بس أكده كفانا الشر عنك
فيروز بصوت عالي : بقولك اطلع برررره
اقترب منها أكثر وامسك وجهها : لسة حلوة زي ما انتي يا بت عمي
فيروز بقرف وهي تضرب يده الممسكة بها : ابعد ايدك دي عني يا حيوان
مصطفي : انا لسة بحبك
فيروز باشمئزاز : انت عمرك ما حبتني يا مصطفي طول عمرك بتشوفني بطريقة حقيرة شبهك
صفعها مصطفي علي وجهها وصرخت هي بالم
مصطفي : اخرسي يا جليلة الرباية
و في هذا اللحظة دلف مراد الي غرفة فيروز و صدم مما رأي
مراد : انت مين و ازاي تمد ايدك عليها كدا
مصطفي : انا ابن عمها و خطيبها انت اللي مين
مراد بدهشة : خطيبها !!
مصطفي : ايوة خطوبتنا اول ما تخرج من المستشفي بخير
فيروز ببكاء : انت انسان حقير وانا لا يمكن افكر اتخطب لواحد زيك انت وابوك عاوزين مني اية تاني سيبوني في حالي بقي حرام عليكم اخرج بره انا مش طايقة اشوف وشك

 

 

حاول مصطفي صفعها ثانيا ولكن هذا المرة امسكه مراد وثني يده خلف ظهره بعنف واقترب منه وتكلم بجده غير معهودة
مراد : انسي انك تعرف تمس منها شعرة ولا تأذيها وانا موجود و ايدك دي لو اتمدت عليها تاني هقطعهالك
مصطفي : بطل تخريف يا جدع انت انا ممكن اموتك دلوج ولا حد هيعرفلك طريج
مراد : مش مراد المنشاوي اللي واحد زيك يهدده
مصطفي : ماشي يا انا يا انت يا مراد
مراد : يلا يا حلو يا امور انت لم عبايتك دي واتفضل بره بدل ما ارميك أنا بره بنفسي و متفكرش حتي مجرد تفكير انك تقرب من فيروز تاني لأني أنا اللي هقفلك
نظر له مصطفي بغل و غادر

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية دق قلبي لها)

اترك رد