روايات
رواية أحببته رغم قسوته الفصل الأول 1 بقلم دينا محمد
رواية أحببته رغم قسوته الفصل الأول 1 بقلم دينا محمد
رواية أحببته رغم قسوته البارت الأول
رواية أحببته رغم قسوته الجزء الأول
رواية أحببته رغم قسوته الحلقة الأولى
:يلا يا روح يا حبيبتي عشان نجهز الشنط .
روح بيأس : خلاص يا ماما أنتِ أخدتي قرارك ،هننزل مصر ازاي بعد كل الغياب دا نرجع أنا خلاص اتعودت علي البُعد.
حبيبه (أم روح ): يا حبيبتي أنت ِ عارفه إن مهما مر من الوقت فإحنا مكانا مش هنااا مكانا وسط أهلنا وعيلتنا في مصر .
روح بغضب : لا مكانا مش وسطهم يا ماما أنتي ناسيه كانوا بيعاملوكي ازاي ولا عملوا فيكي اي معقول حنيتي ليهم بعد كل القسوه اللي شوفتيها منهم .
حبيبه بحزن :لازم ننسي يا حبيبتي أنا مش هعيشلك العمر كله ،انا عاوزه أطمن عليكي وأنتي وسط أهلك وناسك.
روح : أنتِ عارفه إن انا مش هقدر أنسي بس تمام خلينا ننزل .
روح وحبيبه والدتها جهزوا الشنط وبعد يومين كانوا في مصر .
روح بإشتياق وهي لسه في المطار فارده دراعتها وبتاخد نفس :ياااااه هوا مصر حاجه تانيه .
حبيبه طبطبت علي دراعها وهي بتبص لقدام : آكيد دا دي مصر .
روح نزلت دراعتها وحضنت امها : مش عارفه بس من ساعه ما نزلت وانا حاسه إن فرحانه اوي .
حبيبه ابتسمت وقالت بحنيه: لسه الفرح جايلك يا بنتي .
روح بضحك: طيب ايه يلا نمشي من هنا لان حاسه إن الناس كلها بتبص علينا .
روح وحبيبه وصلوا القاهره وواقفين قدام قصر عيله النصراوي .
حبيبه : يلا يا روح بقالنا شويه واقفين مش هندخل ولا ايه .
روح بمشاعر مختلطه : انا خايفه يا ماما احنا بقالنا عشرين سنه غايبين ونزلنا فجأه من غير حتي ما نعرفهم ،وفي نفس الوقت أنا فرحانه لان هشوف جدو اللي وحشني اوي .
حبيبه بإبتسامه : يلا يا روح انا واثقه أنهم هيفرحوا بشوفتك .
كانت العيله كلها قاعده علي السفره وفجأه دخلت عليهم حبيبه وخلفها روح كلهم قاموا وقفوا بصدمه .
حبيبه بتردد وهي واقفه قدام بوابه القصر الداخليه : أنا عارفه إن جيتنا جت فجأة بس أنا معرفتش اتواصل مع حد منكم عشان أقوله.
جريت عليها بنت في سن التلاتين ومسكت أيدها وحضنتها وهي بتبكي بدموع:طنط حبيبه وحشتيني اوي ليه غبتي عننا كل دا .
حبيبه زادت من احتضانها وقالت : المهم دلوقتي إني رجعت يا هاجر يا حبيبتي .
جه صوت من وراهم وكان صوت سالفتها (أم هاجر ): ويا تري رجوعك دا عشان محتاجه فلوس ولا عشان تفرقي العيله .
رجوعنا مش عشان فلوس رجوعنا عشان ناخد حقنا .
دا كان صوت روح اللي اتقدمت ووقفت قدام زوجه عمها .
ناديه زوجه عمها بغضب : انتي مين يا بت .
روح بإمتغاض وتكبر وهي بتلف حواليها وفجأه وقفت قدام وجهه : اولا أتعلمي تحترمي اللي قدامك ثانيا بقي انا الدكتوره روح محمد النصراوي .
ناديه ظهر علي وجهه علامات الصدمه وقالت : انتي روح .
اومأت لها روح إيجابا بوجه مبتسم بسخريه علي صدمتها.
تقدم منها جدها وهو يمسك عكازه وقام باحتضانها : حبيبه قلب جدك وحشتيني اوي.
بكت روح في حضن جدها وبعد دقائق ابتعدت عنه وقبلت جبينه ويديه بإشتياق وحب .
روح وهي ممسكه بيد جدها بحب : انت وحشتني اكتر .
جدها شد أيدها ومشي بها : تعالي أما اعرفك علي عيلتك .
وقف الجد ووقفت روح بجانبه .
شاور الجد علي رجل يبدو عليه علامات المرض والتعب وقال : دا عمك مجدي يا روح أبو هاجر .
راحت له روح وحضنته وباست أيده وبعدين راحت وقفت جنب جدها .
فشاور تاني علي امرأه تبلغ من العمر ٥٠ عاما ويظهر علي وجهها معالم الطيبه والحنان : ودي مرات عمك سليم الله يرحمه طنطك ضحي فكراها .
جريت عليها روح وحضنتها وهي بتقول : ودي تتنسي دا أطيب قلب شوفته في حياتي وباست أيدها .
ضحي بحب وهي بتلمس وجهها بإبتسامه : وحشتيني اوي يا روح .
روح حضنتها تاني وقالت : انتي أكتر .
وبعدين جدها شاورلها علي الشخص اللي شاغل عقلها قبل قلبها كل السنين اللي فاتت :ودا بقي الضابط جاسر ابن عمك سليم آكيد فكراه دا انتوا مكنتوش بتفارقوا بعض وانتوا صغيرين .
سكتت روح ووقفت أمام جاسر
حور وهي تمد له يدها وتنظر له كم تغير وأصبح أكثر وسامه من ذي قبل: ازيك يا جاسر .
جاسر مد يده وسلم عليها وبكل جمود : الحمد لله .
احرجت حور من بروده في الرد فتركت يده ووقفت بجانب جدها.
فأشار بيده للمره الرابعه ودا بقي الدكتور آسر ابن عمك مجدي .
ذهبت له روح ومدت يدها : ازيك يا آسر.
ابتسم آسر وسلم عليها وقال بمرح : من ساعه ما شوفتك وانا بقيت زي الفل .
ضحكت روح فبصلها جاسر نظره كادت أن تحرقها فسكتت ووقفت بجانب جدها واظن بقي انتي اتعرفتي علي ناديه مرات عمك مجدي نظرت روح ناحيه ناديه وتبدلت ملامحها للغضب والسخريه .
أضاف جدها وهو ينادي الخادمه زمانكم تعبانين من السفر اطلعوا ارتاحوا في غرفكم وعلي العشاء نتكلم
الجد للخادمه : طلعيهم فوق وسبيهم يختاروا غرفتين من الغرف الفاضيه .
اومأت الخادمه إيجابا وذهبت وخلفها روح وحبيبه بعد أن سلمت علي الكل .
اختارت روح غرفه بجانب غرفه جاسر ولم تكن تعرف أن الغرفه التي بجانبها هي غرفته واختارت حبيبه أيضا غرفه .
دخلت روح الغرفه ابدلت ملابسها ودخلت الحمام لكي تأخد حمام ساخن طلعت من الحمام وارتدت ملابس عباره عن شورت جينز قصير وبدي بحمالات رفيعه لونه ابيض وعملت شعرها علي شكل كعكه فوضاويه وخرجت .
في الخارج كان جاسر متجه ناحيه غرفته لما شافها كدا عروقه برزت ومعدش شايف قدامه من كتر الغضب شدها من أيدها وفتح غرفتها ودخلها .
جاسر وهو واقف قدامها بغضب وروح لسه في صدمتها: لتكون الهانم لسه فاكره نفسها أن هي في أمريكا .
روح بعصبيه: انت ازاي تشدني كدا .
جاسر وهو يقترب منها بغضب أعمي ممسك بيدها بقوه : قسما بالله يا روح لو ما غيرتي هدومك دي لحاجه محترمه لأكون قاتلك فيها .
روح بألم من مسكه أيده: سيب ايدي هتتكسر في ايدك وبعدين مين انت عشان تتحكم في لبسي .
جاسر ساب أيدها وقال وهو يخرج من الغرفه : خليني اشوفك كدا بلبسك دا بره وشوفي انا هعمل فيكي ايه .
قفلت روح الباب خلفه بعنف ووقعت أرضا تبكي وهي ضامه ركبتيها وبتقول : ليه بيعاملني بجفاء وقسوه أنا عملت فيه اي لكل دا .
قامت واتجهت للدولاب وارتدت تيشرت بنصف كم واسع وعليه بنطلون واسع ونزلت .
الجد وهو ينظر لروح وكل العيله : الحمد لله أن كلكم متجمعين عشان اقولكم قراري انا قررت أن هجوز روح لابن عمها .
نظرت روح لجاسر بحب وثم نظرت لجدها الذي أضاف : روح هتتجوز من آسر .
روح بصدمه :…