رواية حبي الوحيد الفصل الرابع 4 بقلم هاجر العفيفي

رواية حبي الوحيد الفصل الرابع 4 بقلم هاجر العفيفي

رواية حبي الوحيد البارت الرابع

رواية حبي الوحيد الجزء الرابع

رواية حبي الوحيد الحلقة الرابعة

إياد بصدمه : أطلقك !!!!
مريم بدموع : ده الحل الوحيد انت مش مجبر تكون مع واحده مريضه زي وممكن تمو”ت فى اي وقت
إياد : هشششش بلاش كلام ملوش لازمه زي ده انا مش هتخلى عنك يامريم ابدا
مريم بدموع : ليه !!! انت اتخليت عني لما اتجوزت عليا انا مش عايزه شفقه منك مش محتجاها
إياد : ودي مش شفقه يامريم
مريم : ومستحيل يكون حب يا إياد انت عمرك ماحبتني ولا هتحبني حاولت أخليك تحبني وفشلت وانت روحت اتجوزت وحطتني قدام الأمر الواقع جرحك ليا كبير اوى يا إياد وللاسف انا مش عارفه اتعافى منه لأن دايما انت جمبي عارف لو بعدت عني انا وقتها يمكن احاول أتأقلم على الوضع ابعد عني يا إياد علشان خاطرى وجودك بيتعبني اوي والله
كانت بتتكلم ودموعها نازله بشده
إياد قلبه وجعه عليها ومكانش عارف يقولها ايه ولكن قال : خلاص اهدي انا هخرج بره دلوقتي لحد ماتهدي وبعدين نتكلم
مريم بإصرار : مفيش كلام تاني انا عايزه اطلق وده قرار نهائي
إياد بنفاذ صبر : مريم فكرى كويس انتي كده بتدمرى حياتنا
مريم بسخريه : هي اصلا متدمره
إياد لسه هيرد كانت أمه بتخبط على الباب وكان معاها رزق والد مريم راح يفتح لهم
رزق : ازيك يابني عامل ايه
إياد بإحترام : الحمد لله ياعمي اتفضل
رزق : يزيد فضللك يابني فين مريم
إياد : فى الأوضه اتفضل ادخلها
رزق دخل عند مريم وكريمه قالت : مالك متضايق ليه
إياد بضيق : مريم عايزه تطلق
كريمه بصدمه : يامصيبتي طلاق
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
رزق : ازيك يابنتي عامله ايه
مريم بفرحه : بابا وحشتني جدا والله
رزق ضمها بحنان وقال : كده قافله تلفونك المده دي ومش عارف اوصلك
مريم : معلش يابابا حقك عليا
رزق : الف مبروك يابنتي على الحمل اخيرا هبقا جدو
مريم عرفت أن ابوها معرفش حكاية مرضها وهي محبتش تقلقه أكتر
مريم بابتسامه باهته : اه ياحبيبي أن شاء الله
رزق بحنان : المهم خلى بالك من نفسك وصحتك اهم حاجه وانا تجيلك اطمن عليكي دايما وسيبي تلفونك مفتوح علشان أعرف أوصلك
مريم : حاضر
رزق : يحضرلك الخير يا غاليه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
إياد برجاء : علشان خاطرى يا أمي متعرفيش عم رزق خالص
كريمه بسخريه : هقوله الخيبه يعني
رزق خرج وقال : انا همشي دلوقتي وهبقى اجي ازورها باستمرار ده بعد إذنك ياست كريمه
كريمه : طبعا البيت بيتك
إياد : هنزل أوصلك ياعمي
رزق : لاء يابني خليك مش عايز اتعبك
إياد : ولا تعب ولا حاجه العربيه معايا تحت اتفضل
رزق : ماشى يابني كتر خيرك
نزلوا الاتنين وكريمه دخلت عند مريم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
كريمه : عامله ايه دلوقتي ياحبيبتى
مريم : الحمد لله
كريمه قعدت جمبها وخدتها فى حضنها وقالت : أمك الله يرحمها كانت دايما تقول إن مريم قلبها طيب وأقل حاجه بتبسطها ولما جوزتك إياد ابنى واتقربت منك اكتر عرفت انك يابنتي اطيب خلق الله
مريم بدموع : انا تعبانه اوي ياخالتى الدنيا جايه عليا
كريمه : استغفرى ربنا يامريم يابنتي ده كله ابتلاء من ربنا علشان بيحبك رب الخير لا يأتى إلا بالخير وانا واثقه انك هتعدي كل حاجه وبشجاعه كمان
مريم : تفتكرى هقدر لوحدي
كريمه : يعني أنا موت علشان تقولى كده يامريم
مريم : بعد الشر عليكي ياخالتى انا من غيرك مقدرش اعيش والله ربنا يباركلنا فى عمرك يارب
كريمه بابتسامه : ويباركلى فيكي ياقلبي ويحميكي ويحفظك هقوم بقا أحضرلك لقمه علشان العلاج واعملى حسابك من بكره لازم تروحي جلسات الكيما”وى علشان تعمل نتيجه
مريم : حاضر
كريمه : يحضرلك الخير ياحبيبتى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
رزق : تسلم يابني
إياد : تحت أمرك
رزق : الأمر لله وحده انا بس كنت طالب منك طلب صغير
إياد باهتمام : اتفضل طبعا
رزق : مريم تخليها فى عينك والله دي غلبانه اوي بس أوقات هتلاقيها عنيده انا حاسس انها تعبانه وزعلانه بس مرضيتش اتكلم علشان انا عارف انها مش هتحكي متقساش عليها ابدا
إياد : حاضر هحطها فى عيني والله
رزق : وده العشم برضوا يلا عايز حاجه
إياد: ربنا يباركلك مع السلامه
رزق نزل ودخل بيته وإياد شغل العربيه وطلع على بيت نيرمين
نيرمين بغيظ : يا أهلا لسه فاكر إن ليك واحده تسأل فيها
إياد قعد على الكنبه بحزن وقال : نيرمين بالله عليكي اطلعي من دماغي انا مش فايق
نيرمين بعصبيه : لاء بقا ماهو كل حاجه وليها حدود انت عايز ايه بالظبط
إياد بضيق : عايزك تسكتي شويه
نيرمين بعصبيه : طلقني
إياد : هو انا كل ماواحده تشوف خلقتى تقولى طلقني
نيرمين بفرحه : هي مريم طلبته
إياد بضيق : اه
نيرمين بخبث : وانت قولت ايه
إياد : هروح هقعد معاها فتره علشان هي محتجاني
نيرمين بصدمه : نعممم هو انت هتسيبني
إياد : نيرمين استحمليني الفتره دي وصدقيني هعوضك
نيرمين بعصبيه : دي مبقتش عيشه
دخلت الأوضه ورزعت الباب
إياد خبط ايد على ايد وقال : لاحول ولا قوة الا بالله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
إياد : يلا علشان ندخل الجلسه
مريم : انا هدخل لوحدي
إياد بنرفزه : بطلى عند بقا
مريم : ولو مدخلتش لوحدي مش هدخل خالص
إياد بنفاذ صبر : ماشى يامريم براحتك
هي دخلت وهو فضل يستناها بره وبعد شويه الدكتوره خرجت
إياد : خير يادكتوره فى حاجه
الدكتوره : للأسف فى خبر مش أحسن حاجه
إياد بقلق : فى ايه مريم كويسه
الدكتوره : للأسف الجلسات دي هتكون خطر على البيبي ولازم ينزل ضرورى ولما قولتلها كده انهارت واديناها حقنه مهدئه صدقني ده فى مصلحتها والله
إياد دموعه نزلت وقال : ………..

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حبي الوحيد)