نوفيلا تزوجت ملتزم الفصل الأول 1 بقلم إيثار حسين

_لاء مش موافقه_

هتفت بها “مريم” باعتراض وهى تنظر لوالدتها التى تنظر لها دموع ملئت مقلتيها بحزن فهى تظن ان والديها يريدونها ان تتزوج حتى ترحل ولكنه لن تشعر بالنار المشتعله بقلوبهم بحزن عليها فهى ترفض اى رحل يريدها كزوجه وتخلق له عيب حتى يرحل.

    _يا بنتى طمنى قلبى الله يطمن قلبك_

هتفت بها والدتها برجاء لترد عليها “مريم” ببكاء

    _المفروض قلبك يطمن وانا جمبك مش وانا بعيده عنك_

         _قلبى هيطمن وانتى فى بيت جوزك_

  _ماما متحوليش تبررى انك انتى وبابا عايزنى اتجوز وامشى_

 _ابدأ انا وابوكى عايزينك فى بيت جوزك متهنيه_

                      _مرريم_

هتف بها والدها قاطع ذلك الحديث لترد مريم 

                   _نعم يا بابا_

     _امسحى دموعك يلا عشان العريس برا_

اردف والدها بصرامه مصطنعه لتجيبه مريم برجاء

   _يا بابا انا مش موافقه دا واحد ملتزم اوى وهيخنقنى بتحكماته_

 _قلبيه واقعدى معاه….انا وامك عايزين مصلحتك وعايزين نشوفك سعيده_

                       _حاضر يا بابا_

هتفت بها مريم بطاعه ثم ذهبت للمطبخ لتأخذ الصينيه ثم تخرج متجه الى الصالون بيد مرتعشه، وضعت الصينيه على الطاوله ثم جلست بجوار والديها الذى اتو ورائها.

      _بارك الله فيما خلق، ازيك يا بنتى_

هتفت بها والده العريس موجه حديثها الى مريم لترد عليها مريم بهدوء

                _الحمدلله يا طنط_

       _لو سمحتى يا انسه مريم قبل ما توافقى او ترفضى ممكن نتكلم شويه_

هتف بها ساجد (العريس) ليجيبه والد مريم 

        _تمام، يلا يا جماعه نسيبهم شويه_

خرجت والد مريم ووالدتها ووالده ساجد ليتركوهم وحدهم بعدما نظر لها والدها برجاء.

_اولا لازم اعرفك بنفسي، انا ساجد محمد الرفاعى عندى 28 سنه بابا توفى من سنتين اتخرجت من كليه شرعيه وقانون بس اشتغلت فى دكان عطاره بتاع بابا وبنيت مسجد باسمه ،حاجه تانيه عايزه تعرفيها عنى_

           _معتقدش ان لسه فى حاجه_

قالتها مريم بصرامه لتستكمل

         _انا مش هقول انى موافق اتجوزك انا موافقه اننا نتخطب ولو استريحنا مع بعض هنتجوز غير كدا فكل واحد لحاله ، ومعتقدش بردو ان الموضوع مستاهل خطوبه وهيصه لان  احتمال كبير اوى ان كل واحد هيروح لحاله_

   _موافق، بس ممكن نكتب الكتاب عشان نبقى براحتنا_

هتف بها ساجد مهدوء معاكس لنبرتها التى تحاول ان تحرجه وتجلعه يسترجع فى قراره، لترد عليه ايمان بغضب

   _عشان تتحكم فيا وتقولى دا حرام ودا حلال، ولا عشان لما نسيب بعض ابقى مطلقه…..ها عشان ايه بالظبط_

         _انا مش بحب اتحكم اما بقى ان تكونى مطلقه فمتبقيش تجددى بطاقتك الا لما تتجوزى_

هتف بها ساجد بصرامه لاول مره ليدخل الحميع بعدما سمعوا مشاجرتهم.

ليهتف والده ساجد بفرحه

                   _ايه نقرى الفاتحه_

                          _يلا_

هتف بها ساجد وهو ينظر لمريم بعند، ليقول الجميع الفاتحه بداخله وبعدها انتلقت الزغاريط.

ليقول ساجد موجه حديثه لوالد مريم

    _لو سمحت يا عمى ممكن نكتب الكتاب، عشان نكون براحتنا_

          _اكيد يا بنى، بعد يوم الجمعه الجاى هيكون كتب الكتاب وتلبيس الدبل_

هتف بها والد مريم بفرحه عامره ليستأذن ساجد ووالدته ويذهبوا.

 ليقول والد مريم بفرحه

                _ربنا يسعدك يا بنتى_

لترد عليه مريم بحزن

                           _يا رب_

             _ الف مبارك يا حبيبتى_

هتفت بها والدتها لتجيبها بهدوء

    _الله يبارك فيكى يا ماما، تصبحوا غلى خير_

ثم تركتهم وذهبت لغرفتها بينما نظرت والدتهها نحو الغرفه بحزن ثم اردفت بتسأل

 _تفتكر انها ممكن متحبوش ويبعدوا عن بعض_

 _معتقدش ساجد شاب كويس واكيد هتحبوا طول ما هى شايفه نظره الحب فى عنيه_

               _يارب يسعدهم_

هتفت بها والده مريم بدعاء وهى تتجه لغرفتها ووراءها زوجها.

                             *****

توالت الايام بسلام، لم ترى مريم ساجد بعد ذلك اليوم  ولم تحدثه، الا ان جاء يوم الجمعه.

     _ازاى هتجوز واحد مشفتوش غير مره_

هتفت بها مريم بحنق لتجيبها صابرين ابنه عمها 

     _بعد كتب كتاب هتشوفيه كتير وتعرفيه_

  _يوووووه هو كل واحد يقولى نفس الكلام دا_

   هتفت بها مريم وهى ترتدى حجابها لتدخل والدتها وتقول باعجاب

    _بسم الله ما شاء الله زى القمر يا حبيبتى_

فكانت مريم ترتدى فستان باللون البنفسجى وحجاب باللون الفضى ووضعت القليل من مساحيق لتصبح فى غايه الروعه.

                   _يلا بقى يا طنط_

هتفت بها صابرين لتومأ والده مريم مؤكده ثم خرجوا ليركب والد مريم بجوار ساجد ومريم وصابرين ووالده مريم وساجد جلسوا بالخلف فى سياره ساجد.

بعد مده ليست قصيره اوقف ساجد سيارته الصغيره امام محل المجوهرات ليدخلوا.

لتبدأ مريم باختيار محوهراتها مع والدتها وصابرين لتقول مريم وهى تمسك بخاتم ذهبى رقيق

                   _دا حلو يا ماما_

لتجيبها والدتها باعجاب

               _جميل يا حبيبتى_

لتتدخل والده ساجد فى الحوار لتقول لها مريم بتسأل 

                      _حلو يا طنط_

                 _جميل اوى يا قلب طنط_

اجابتها والده ساجد باعجاب لتقول والده مريم

          _طب يلا نقولهم اننا خلصنا_

                      _يلا_

هتفت بها والده ساجد ليتجه الجميع لساجد ووالد مريم اللذان وقفا مع صاحب المحل.

                     _خلصتوا؟!

سأل ساجد لتجيبه مريم لاول مره مؤكده

                         _اه_

ليقول ساجد موجهاً حديثه الى صاحب المحل بتساؤل

                   _الحساب كام_

                    _******_

اجابه صاحب المحل ليذهبوا متجهين الى بيت والد مريم، بعدما وصلوا اوقف ساجد السياره ونزلوا ليروا صديق ساجد والذى يقف مع المأذون، ليفتح والد مريم باب المنزل ويتجهوا الى الصالون ليجلس المأذون وامامه ساجد ووالد مريم ممسكين بيد بعضهما.

بعد مده اردف الماذون ويردد الجميع خلفه لتصبح مريم زوجه ساجد قانوناً

 _بارك الله لكما وبارك عليكما وجمع بينكما فى خير_

اطلقت والده مريم زغروطه شعبيه ثم احتضنت ابنتها وصابرين تلوها ثم والده ساجد ليتجه ساجد الى مريم ويمسك بالدبله ويدخلها اصبعها وهى ايضا فعلت ذلك معه.

بعد مباركاتهم خرج الجميع خارج الغرفه وتركا ساجد ومريم وحدهما.

جلس ساجد بجوار مريم على الاريكه وامسك بيدها ليهتف

   _عارف انك دلوقتى بتفكرى ازاى بقيتى مرات حد انتى متعرفهوش ودى تانى مره نتقابل بس انا جبيت اننا منتكلمش بعض ولا نشوف بعض غير بعد كتب الكتاب عشان ميكونش فى بينا قوانين ،احتمال كبير زى ما انتى بتقولى اننا ننفصل بس انا عن نفسي عايزك تكونى ليا لوحدى واكيد انتى كمان هتحبينى زى ما انا بحبك ومش هنبعد عن بعض ثانيه_

صمتت مريم لثوانى تستمع لحديثه ثم اردفت بلا مبالاة

_مظنش اننا ممكن نفضل مع بعض ولو سمحت سيب ايدى_

         _اسيب ايه؟!! وانا بقولك انى كتبت تلكتاب عشان ميكونش فى قوانين او حواجز وانتى تقولى سيب ايدى_

قالها ساجد استغراب مصطنع لتقول مريم بغضب مزيف

      _اه سيب ايدى ممنوع تمسك ايدى تانى_

             _تعرفى انا نفسي اعمل ايه_

هتف بها ساجد بتفكير لتجيبه مريم بفضول

                          _ايه_

           _نفسي اخمس فى وشك القمر دا_

اردف بغضب لتقول مريم وهى تسحب يده من بين يده بعنف

       _تخمس فى وش مين يا بابا دا انا اخمس فى وشك وفى وش عيلتك_

    _صوتك ميعلاش، تانى حاجه احترمى نفسك وانتى بتكلمينى انا مش عيل انا جوزك يا استاذه يا محترمه_

          _محترمه غصب عنك وعن عينك_

هتفت مريم بغضب يقول ساجد بمرح وهو يقترب منها

     _انتى اصلا متقدريش تسيطرى على نفسك وانتى  باصه فى عيونى، انا عيونى خضرا وحميله اما انتى عيونك سودا زى عيون المهى، يا مهى_

لتهتف مريم بغباء ولم تنتبه لقربه

                   _يعنى ايه مهى_

               _اقولك ومتزعليش_

هتف بها ساجد بمرح لتجيبه مريم بفضول

                      _مش هزعل_

                 _عيون الجاموسه_

                _اها ،نااااعم عيون مين_

اومأت له مريم بتفهم ثم انتبهت لحديثه لتصرخ فى وجهه ليقول وهو يكمم فمها

          _وطى صوتك، ايه اكله جاموسه_

               _لاء دا انت الى اكلها_

هتفت مريم بصوت مكتوب وهى تحاول ازاحت يده ليتركها ساجد

     _يخربيت طوله لسانك دا هتتعقبى عليه_

                 _ربنا يذيك يا شيخنا_

هتفت مريم بسخريه ليجيبها ساجد بهدوء

       _يا رب، هاتى رقمك بقى عشان امشي_

       _ماشي سجل عندك، 01*********_

سجل ساجد الرقم ثم استأذن وخرج هو ووالدته فتذهب مريم الى غرفتها وتجلس على فراشها وتفكر

لتقول مريم بداخلها

     _انا فى الاول مكنتش موافقه ومكنتش حاسه انى عروسه وهتخطب لغايه لما روحنا عند بتاع الدهب حسيت ان بفرحه وانا بنقى الدبله وبعدها والمأذون بيكتب الكتاب كنت فرحانه انى بقيت على زمه رجاله وانى هكون ملك لراجل واحد بس، اكتر بقى حاحه خلتنى ابقى طليره من الفرحه لما قالى انى ملكه حسبت انى ملكه على عرش قلبه، لما اتكلمنا من شويه حسيت براحه واتلغبطت هو الى بيكلمنى وبيضحك دا هو نفس الملتزم الى اتقدملى اول الاسبوع………….

قاطع افكارها رنين هاتفها، امسكته لترى ان الرقم  مجهول فاغلقت ليرن مره اخرى لترد بغضب

 _فى ايه يا حيوان مش انا قفلت بترن تانى ليه_

                         _افندم_

    _انت عارف لو رنيت تانى هخلي كرامتك فى الارض_

هتفت بها مريم بغضب ثم اغلقت فى وجهه واخذت تأخذ انفاسها بغضب ليرن هاتفها مره اخرى لترد دون ان تنظر من المتصل

                _هو انت مش بتحرم_

                _اهدى بس انا ساجد_

                          _ايه_

هتفت بها مريم بصدمه ليرد عليها ساجد بضحك 

    _انا ملحقتش اقولك انى ساجد ،انتى دخلتى فى التهزيق على طول_

                      _ا انا اسفه_

هتفت مريم باحراج ليجبيها ساجد بهدوء

          _تمام، ممكن اقولك حاجه_

                   _اتفضل_

      _انا مش قصدى انى اتحكم فيكى بس انا عايز نروح الجنه مع بعض، مش هقولك البسى النقاب دلوقتى بس البسى الخمار عشان طول ما انتى لابسه البناطيل بتاخدى زنوب، فى ناس كتير مسلمين بالاسم وانا عايز انى اكون انا ومراتى مسلمين اسم وفعل_

       _بس انا من رأى مفيش فرق بين الخمار والبناطيل لانهم لبس_

    _لاء فى فرق كبير وهو الستر ومش بس الستر الى مفروض عليكى ربنا قال فى سوره النور الايه 31

“وقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ” انتى عارفه التفسير ولا اقولهولك_

         _لاء عارفاها بابا قالى قبل كدا بس انا ملقاش حد يشجعنى_

      _مش محتاجه تشجيع لو انتى عايزه تعملى كدا هتعملى من غير ما حد يقولك_

صمتت مريم لم تعرف بماذا تجيب ولكن ساجد استكمل

     _انا قولتلك انى مش بفرض عليكى سيطرتى ومش قصدى اتحكم فيكى انتى فى يديك حريه الاختيار وافقتى هكون فرحان انى اشردت حد للطريق الصح ولو موافقتش فدا براحتك بردو وعمرى ما هبعد عنك لو موافقتيش_

                         _تمام_

هتفت بها مريم بهدوء ليجيبها ساجد بحب مغيرا مجرى الحديث

                     _وحشتنى_

                       _افندم_

 _بقولك وحشتينى المفروض تردى وتقولى وانت كمان_

              _ممكن اسألك سؤال_

                     _اه ممكن_

                     _انت طبيعى_

هتفت بها مريم بتساؤل ليجيبها ساجد باستغراب

                        _بتسألى ليه_

      _اصلك مره بتكون ملتزم ومره بتضحك_

              _الدين يسر وليس عسر_

                         _امممم_

                 _هو ايه الى امممم_

      _مفيش، قولى بقى انت كنت بترن ليه_

    _عشان نتكلم لغايه الفجر ونصلى وننام_

       _طب ثوانى اشوف الفجر لسه قد ايه ويأذن_

              _ليه عيزانى اقفل_

هتف بها ساجد بمرح لتجيبه مريم باحرج

                _لا مش قصدى_

                     _ماشي_

ظلا يتحدثا الى ان سمعا اذان الفجر لينهوا مكالمتهم ويأدون فرضهم ثم ناما.

                        ******

فى صياح يوم جديد يستيقظ ساجد على صوت والدته التى تتحدث فى الهاتف بصوت عالى.

    _لاء قوليله ان ساجد عايز يخرج مع مريم_

هتفت بها والده ساجد لتصمت لثوانى تستمع لرد والده مريم ثم تهتف

           _ماشي هقوله يغير ويجى_

ثم اغلقت الهاتف ثم التفتت لترى ساجد يقف خلفها لتهتف 

   _صباح الخير يا حبيبى تعالى افطر عشان هتروح لبيت مريم_

 ليجيبها ساجد بتساؤل

                   _ليه فى حاجه_

           _لاء يا قلب امك هتخرجوا_

   _ماشي هفطر واروحلها وبعد كدا متقرريش حاجه زى دى عشان ممكن اكون مش فاضى_

           _ماشي يا حبيبى تعالى افطر بقى_

هتفت بها والده ساجد ثم جلسا على طاولت الطعام، بعدما انتهى ساجد من طعامه نهض ليبدل ملابسه.

  _ماما انا نازل العطاره وبعد كدا هروح الجامع_

      _ماشي يا حبيبى ومتنساش تروح لمريم_

                          _حاضر_

خرج ساجد متجه الى محل عطارته.

                        ****** 

كانت تعمل مع والدتها فى اعمال المنزل لتقول والدتها

       _روحى انتى يا مريم كملى طبيخ وانا هعمل البيت_

                    _ماشي_

ذهبت مريم للمطبخ وبدأت بتجهيز الطعام يرن هاتفها فترد بعدما رأت ان الاسم هو ساجد.

                     _وحشتنى_

هتف بها ساجد بحب لتجيبه مريم متجاهله عن قصد

                        _نعم_

       _هههه لا مفيش، بتعملى ايه دلوقتى_

                       _بطبخ_

                       _بتعرفى_

هتف بها ساجد بمشاكسه لتجيبه مريم بكبرياء انثى

                    _عندك شك_

                      _لا طبعا_

هتف ساجد مؤكدا ليستكمل

              _هصلى الظهر وهاجيلك_

                        _ليه_

هتفت بها مريم بغباء ليجيبها ساجد بضحك

           _جاى ادوق اكلك هههه_

                  _قول بقى_

 _هو مامتك مقالتلكيش انى هجيلك عشان هخرجك_

      _لاء وحتى لو قالتلى فانا مش موافقه_

               _ليه بقى لسمح الله_

        _مش بخرج مع رجاله معرفهاش_

                _بتتكلمى بس يعنى_

هتف ساجد بسخريه لتجيبه مريم بغضب

                _ما تحترم نفسك_

  _هصلى الظهر وهاجيلك، الاقى لابسه عشان هنخرج_

هتف بها ساجد بامر ثم اغلق الهاتف بوجهها بينما نظرت مريم للهاتف بصدمه فلاول مره يأمرها احد بهذا الشكل.

اكملت تحضير الطعام واندمجت ولم تنتبه بأذان الظهر او بمن خلفها.

       _مش قولتلك اجى الاقيكى جاهزه_

انتفضت مريم على صوته لتقول بخضه

                 _انت ايه الى جابك_

    _شاكلك بتنسي بسرعه وكدا هتتعبينى معاكى_   

                        _اطلع برا_

                           _نعم_

                     _بقولك اطلع برا_

       _دا على اساس انى فى اوضه نومك_

هتف ساجد بسخريه ثم خرج لتهرول مريم لغرفتها بسرعه لتبدل ملابس التنظيف الخاصه بها الى سروال اسود وسيوت شرت وردى وحجاب  وردى ثم خرجت.

نظر لها ساجد بعدم رضى ثم اخذها وخرجا.

             _مالك بتبص كدا ليه_

                     _مفيش_

هتف بها ساجد دون النظر إليها لترد مريم بغيظ

                     _ما هو واضح_

 تجاهلها سلجد حتى ينر اليوم بسلام ثم اظار محرك سيارته متجه الى مكان ما، وبعد نصف ساعه اوقف السياره امام منزله.

                    _انت جايبنى فين_

هتفت مريم بتساؤل ليجيبها ساجد ببرود

                          _بيتى_

 _يا سافل جايبنى بيتك لاء وكمان بتقولعا ببرود دا انت واحد واطى وانا اتخدعت فيك واقول ملتزم والاقيك واطى يا قزر_

انتهت مريم من كلامها الموبخ ثم نزلت من السياره وكادت ان تذهب ولكن امسك ساجد يدها وهو يهتف بغضب

   _اما ساكتلك من بدرى لكن طوله لسانك دى مش معايا……فاهمه_

هتف اخر جملته بصوت مرتفع افزعها لتهتف بدموع

       _عايزنى اعمل ايه وانت جايبنى بيتك_

                     _امى جوا_

  صمتت مريم وهى تنظر له بحرج ليبادلها ساجد بنظره حزينه فهو يحبها ولا يرد ان تبادله حبه باهانه او عدم ثقه.

دخلا الى المنزل لتهتف والده ساجد بصوت مرتفع من الصالون

                         _مين_

                 _انا يا امى ومريم_

اجابها ساجد بهدوء لتأتى والدته وتحتضن مريم بقوه

                 _ازيك يا بنتى نورتى_

              _الحمدلله يا طنط، شكرا_

   _معلش يا حبيبتى هتقعدى فى اوضه ساجد عشان فى مرات عمه هنا_

                    _اوك_

هتفت بها مربم لتوجه والده ساجد حديثها اليها

 _دخل مريم الاوضه يا ساجد وتعالى سلم على مرات عمك_

                    _حاضر يا امى_

أجابها ساجد ثم امسك بيد مريم متجه الى غرفته ثم اغلقها وراءهم.

                _انت قفلت الباب ليه_

هتفت بها مريم بتوتر ليجيبها مالك بسخريه

               _متخافيش اوى كدا_

                   _مش خايفه_

هتفت بها مريم بخوف ظاهر لينظر لها ساجد بسخريه ثم اتجه الى الدولاب واخرج له ملابس وخرج من الغرفه متجه الى المرحاض ليبدل ملابسه تاركا مريم جالسه على الفراش، بعد حوالى عشر دقائق دخل ساجد الغرفه ليضع ملابسه على الفراش باهمال وكاد ان يخرج ولكن اوقفه صوت مريم المنادى

                       _ساجد_

                        _نعم_

                     _انت زعلان_

                  _وهزعل من ايه_

هتف ساجد ببرود لتنفجر مريم فى البكاء 

            _انا اسفه مش قصدى ازعلك_

            _خلاص اهدى انا مش زعلان_

قالها ساجد ثم ضمها وربت على ظهرها بحنو ثم اردف بعدما استكانت بين احضانه

              _انا مقولتش انى زعلان_

                   _كفايه بصتك_

        _والله ما زعلان، تعالى بس نطلع نسلم على مرات عمى بدل ما تفهم غلط_

انهى جملته وغمز لها لتحمر وجنتها فضحك ساجد وهتف

             _كدا هخليهم يتأكدوا_

وكزته مريم بغيظ مخلوط بخجل ليحاوطها من كتفها ويخرجا متجهين الى الصالون.

                _ازيك يا مرات عمى_

               _الحمدلله يا بنى_

هتفت بها زوجه عمه ثم نظرت لمريم باستغراب لتهتف والده ساجد بتعريف

 _دى مريم مرات ساجد كتب كتابهم كان امبارح_

          _الف مبروك وهتتجوزوا امتى_

هتفت زوجه عمه بمباركه ليجيبها ساجد

 _الله يبارك فيكى يا مرات عمى، لسه محدتناش_

  _ابقى قولى يا ساجد لما تحددوه دا عمك هيفرح اوى_

                    _ان شاء الله_

هتف بها ساجد لتقول زوجه عمه وهى تنهض

   _انا كنت جايه اقولك ان خطوبه سميه بنتى بعد بكرا_

       _ان شاء الله هنيجى والف مبارك_

اردف مالك بمباركه لتجيبه

          _الله يبارك فيك ،يلا سلام عليكم_

ثم غادرت لتهتف والده ساجد موجهه حديثها الى مريم

       _البيت بيتك يا مريم انا هدخل الريح بس عشان ضغطى على_

ثم اتجهت الى غرفتها مغلقه الباب خلفها.

اقترب ساجد من مريم وهو يهتف بخبث

_هو احنا صحيح مش هنحدد معاد الفرح ولا ايه_

                      _ليه_

هتفت مريم بغباء ليجيبها ساجد بغيظ

     _حد قالك انك انتى الى دخلتى الغباء مصر_

                   _انا عملت حاجه_

   _لا خالص انتى ملاك وسعى بقى جناحاتك يا ملاك عشان اقعد_

               _يووووه مستفز_

جلس ساجد بجوارها وامسك بريموت التلفاز وفتحه.

          _لما تيجى الساعه 2:30 قوليلى_

 هتف بها ساجد وهو يقلب فى القنوات لتجيبه مريم بتساؤل

                           _ليه_      

             _عشان انزل الجامع آذن_

              _هو انت الى بتأذن_  

                       _اه_

                _طب ممكن تاخدنى معاك_

هتفت مريم بحماس طفولى ليقول ساجد باستهزاء

              _العبى بعيد يا شاطره_

                   _يووووه_

ظل يقلب قناه تلو الاخرى بملل متجاهلا مريم حتى اخبرته ان حان موعد اذان العصر ليبدل ملابسه وينزل.

ظلت جالسه مكانها تنظر للفراغ من حولها لتسمع صوت جميل عزب يأذن فاستمعت اليه ورددت خلفه قم قامت بعد انتهاء الاذان تعثر على المرحاض الى ان وجدته فدخلت وتوضأت وعندما اقام الصلاه ظلت تعثر عن مكان الابله الى ان وجدت مكان فى غرفه ساجد به سجاده صلاه مفروده فعلمت ان هذا اتجاه الابله.

فتحت دولاب ساجد واخذت جلباب ابيض رجالى وارتده ثم وقفت على السجاده تركع بخشوع.

بعد مده انتهت من اداء فرضها فنزعت الجلباب عنها ووضعته فى الدولاب مره اخرى وخرجت من الغرفه.

لتقابل ساجد امامها ليهتف ساجد باستغراب

                   _كنتى فين_

                 _كنت بصلى_

ضمها ساجد بحب وهتف 

                       _حرما_

                     _جمعا_

               _مش يلا بقى_

                    _يلا ايه_

               _نروح نتغدى_

                  _ماشى يلا_

اخذها وذهبا متجهين الى مطعم.

                     ******

وضع النادل الطعام على الطاوله امامهم ثم ذهب.

ليهتف ساجد وهو يأكل

             _تحبى تروحى فين بعد كدا_

                       _اى حته_

               _بتحبى الملاهى_

                 _لاء بخاف منها_

        _خلاص نقعد على الكرنيش_

  _طب ما نروح وبعدين نبقى نروح الكرنيش عشان الجو ساقعه_

                   _ماشي_

اكلموا طعامهم فى صمت وعندما انتهيا دفع ساجد الحساب وذهبا.

ادار ساجد محرك السياره متجه الى منزل مريم.

      _تعرفى ان دا احلى يوم فى حياتى_

هتف بها ساجد متسألا ايها لتجيبه باستغراب

                 _اشمعنى_

امسك بيدها وقبلها وهو يهتف

    _عشان قضيته معاكى، رغم طوله لسانك_

صمت لثوانى ثم هتف بحب

                      _بحبك_

ثم اوقف السياره امام منزلها لتنزل مريم وهى هائمه أهو يحبها الى هذا الحد.

بينما ادار ساجد محرك سيارته متجه لمنزله.

تفسير الايه

(وقل للمؤمنات يغضضن من أبصارهن عمَّا لا يحلُّ لهن من العورات، ويحفظن فروجهن عمَّا حَرَّم الله، ولا يُظهرن زينتهن للرجال، بل يجتهدن في إخفائها إلا الثياب الظاهرة التي جرت العادة بلُبْسها، إذا لم يكن في ذلك ما يدعو إلى الفتنة بها، وليلقين بأغطية رؤوسهن على فتحات صدورهن مغطيات وجوههن؛ ليكمل سترهن، ولا يُظْهِرْنَ الزينة الخفية إلا لأزواجهن؛ إذ يرون منهن ما لا يرى غيرهم. وبعضها، كالوجه، والعنق، واليدين، والساعدين يباح رؤيته لآبائهن أو آباء أزواجهن أو أبنائهن أو أبناء أزواجهن أو إخوانهن أو أبناء إخوانهن أو أبناء أخواتهن أو نسائهن المسلمات دون الكافرات، أو ما ملكن مِنَ العبيد، أو التابعين من الرجال الذين لا غرض ولا حاجة لهم في النساء، مثل البُلْه الذين يتبعون غيرهم للطعام والشراب فحسب، أو الأطفال الصغار الذين ليس لهم علم بأمور عورات النساء، ولم توجد فيهم الشهوة بعد، ولا يضرب النساء عند سَيْرهن بأرجلهن ليُسْمِعْن صوت ما خفي من زينتهن كالخلخال ونحوه، وارجعوا- أيها المؤمنون- إلى طاعة الله فيما أمركم به من هذه الصفات الجميلة والأخلاق الحميدة، واتركوا ما كان عليه أهل الجاهلية من الأخلاق والصفات الرذيلة؛ رجاء أن تفوزوا بخيري الدنيا والآخرة)