روايات

رواية حي العشاق الفصل الخامس 5 بقلم سلمى تامر

رواية حي العشاق الفصل الخامس 5 بقلم سلمى تامر

رواية حي العشاق البارت الخامس

رواية حي العشاق الجزء الخامس

رواية حي العشاق
رواية حي العشاق

رواية حي العشاق الحلقة الخامسة

_كرييييييييممممممم
بص كريم بصدمة ولقى سماح واقفه بتبصله بشر ونظرات اجرام وعنيها مبرقه وماسكه في ايديها سكن..تين ووراها رجالتها كلهم بيبصوا لكريم بتوعد
كريم لفاطمة بخوف عليها
_فاطمة اطلعي بيتكم بسرعة
فاطمة بصيت لسماح بسخرية وبصتله بحدة وعيون مدمعه
_هي دي؟!
هي دي ياكريم اللي سبتني من غير سبب علشانها..انا بكرهك ياكريم..بكرهك وهفضل أكرهك طول عمري طول عمري
_ومين قالك ان هو عايزك تحبيه يعنيا ،تعالي هنا يابت شكلك عايزة تتربي
كريم منع سماح بعنف انها تقربلها وهي بصتله بصدمة لأنه أول مره يتعامل معاها كده،كريم لاحظ صدمتها وبص بسرعة لفاطمة بعصبيه

 

 

_زي ما خطيبتي قالتلك
محدش طلب منك تحبيني وامشي غوري من وشي انا مش طايق اشوفك
سماح ابتسمتلها بشماتة وفاطمة بصتلهم بحزن واشمئزاز وطلعت تجري على شقتهم اللي في وش شقة كريم
كريم بصلها بنظرات غامضة ورجع بص لسماح بحب
_ايه بقا يابيبي الجو اللي انتِ عملاه ده؟
سماح بنظرات متفحصه
_ابدا..كان معايا انا والرجاله حوار كده مع عيلة بدوي وروحنا خلصنا على تسع عشر رجالة من عيلته وجينا
كريم بحنان
_حبيبتي هو انا مش قولتلك بلاش ترهقي نفسك في الشغل الايام دي علشان خطوبتنا
سماح بغضب
_سيبك مني دلوقت يخويا،ايه بقا حكاية البت الملزقة اللي اسمها فاطمة اللي كنت واقف تسبل ليها دي
كريم بتتويه
_حبيبتي فكك من حوار البت دي متحطيهوش في دماغك هي اصلا متخصنيش،تعالي اطلعي اتغدي معانا
سماح برفض
_لأ انا عندي شغل انا والرجالة مش فاضيين،خلي بالك ياكريم انا حاطه عيني عليك
وقسما بالله لو طلعت بتلعب عليا هتشوف سواد مني انت وعيلتك كلها
وسابته ومشيت تحت نظرات كريم الغامضة
طلع تليفونه وكلم حد بعصبية
_انت فين…انا لازم اشوفك في اسرع وقت لأن الموضوع بدأ يخرج عن سيطرتي
~~~~~~~~
فاطمة دخلت بيتها منهارة من العياط وبتفتكر كل ذكرياتها مع كريم وقد ايه كانوا بيحبوا بعض وفجأة سابها وبعد عنها وراح ارتبط بغيرها
_ايه ده في ايه بتعيطي كده ليه يابت
:لا رد
_الخاين الواطي اللي اسمه كريم صح ردي عليا
فاطمة هزيت راسها بإيجاب وحكيتلها اللي حصل
وئام بعصبية

 

 

_مهو انا مش عارفة انتوا عاجبكم ايه في شباب عيلة رياض وبتحبوهم على ايه انتِ واختك
دول عيلة متخلفة عقليا يابنتي من اصغر نفر لأكبر نفر ،خلاص يابت متزعليش انا هقوم أفرج عليه الدنيا علشان كلمك كده
قامت وئام بغضب وفتحت لكن لقيت عمر بيتسحب وبيطلع سطح البيت
وطبعا بطبعها الفضولي شكيت فيه وطلعت وراه
لقيته واقف عالسطح وبيتكلم في التليفون
_بس ياتيته وعينك ما تشوف إلا النور..اه والله
لقيت بقا بابا اتعصب وقايلها
جرى اي يازينب هو انتِ كل يوم هتفضلي تعجوني الرز بالشكل ده راحت رديت عليه بعصبية وقايلاله
وقلد نبرتها
_بقولك ايه يارياض لو مش عاجبك أكلي روح كل عند امك ياعنيا..اه والله بالحرف كده قالت امك مقالتش مامتك حتى
وئام بهمس وصدمة
_ايه ده؟
ايه البني آدم ده
فكرت شوية وابتسمت بخبث ونزلت شقتهم تاني بسرعة وهي بتخطط لحاجة
~~~~~~~~~
عمر خلص مكالمته وحس براحة غريبه ودخل البيت وقعد جنب الوه اللي بيقرا الجرنان
_مالك ياحاج قاعد متضايق كده ليه
رياض وهو بيبص ناحية المطبخ اللي واقفة فيه بقرف
_وهو فيه حاجة عدلة في البيت ده يابني
عمر بص ناحية المطبخ بخبث ورجع بص لأبوه بمكر وهمس
_اتجوز يابا
رياض بصله بصدمه وعمر هزله راسه بتأكيد
_اه والله اسمع مني

 

 

اتجوز بت صغيرة كده تدلعك وتشخلعك وتعيشك في هنا مش امي اللي مقضية تلت اربع اليوم في نكد وخناق وامك عملت واختك مش عارفة ايه وقارفاك في عيشتك
رياض بتفكير
_ايوه ياض بس امك دي برضه الحتة اللي في القلب ومقدرش اعرف ست غيرها
عمر بهمس وغضب
_يحج حب ايه وزفت ايه مفيش حاجه اسمها كده اصلا،الست مبتتعدلش وتتظبط غير وانت متجوز عليها
زينب اللي كانت سامعه كلامهم قربت منهم واتكلمت بنفس همسهم
_ايوه بس لو اتجوز هيعيش فين
عمر بتفكير وهمس
_عادي ممكن تاخد أوضتي وتعيش فيها مع مراتك التانية بإذن الله وانا هقعد مع كريم وسمير
رياض بتفكير وهمس
_بس ياض امك مجنونة وممكن تق..تلني لو فكرت اعمل كده
زينب بحنان مصطنع وهمس
_لأ ياروح قلب زينب من جوه متقلقش مش هزعل
سمير طلع من أوضته بيفرك عنيه بنعاس وشاف امه وابوه واخوه بيتكلموا مع بعض بهدوء وابتسم وقعد عالكنبة اللي قصادهم يتأملهم بحب وحنان وقد ايه هما اسرة جميلة ومتفاهمة
فجأة زينب صرخت لدرجة انه وقع من عالكنبة بفزع
_هقت..لككككك هق..تلك يارياض انت وابنك تعالولي
عمر ورياض اتخضوا من زينب وعمر جرى يستخبى ورا ضهر سمير
_بقا عايز تتجوز عليا بعد العمر ده كله يارياض
وقعدت على الكنبة بزعل وحزن
رياض قرب عليها وحاول يهديها

 

 

_يازيزي ياحبيبتي انا مستحيل اعمل كده ده انا اقسم بالله ما ببص بواحدة غيرك ده انتِ العشق يا أم سمير
زينب هديت فجأه وابتسمت بخجل
_بجد يارضروضة عمرك مابصيت لواحده غيري
رياض قعد جنبها عالكنبة وأخدها في حضنه
_طبعا يازيزي..ده انا بحبك من واحنا في تالته اعدادي واتجوزنا واحنا في تانية كلية هلحق ابص لغيرك امتى ده انتِ مالية عيني وقلبي وكل حاجه فيا
_اوف..اوف بجد بقا
سمير ساب تليفونه اللي كان بيبص فيه وبص لعمر بإستغراب
_فيه ايه يابني مالك
عمر بغضب وانزعاج
_معرفتش افرق بينهم
سمير بصله بغضب وسخرية
_ياض هو انت كنت هتبقى مشروع واحدة نسوان وفشل
فيه ايه ياجدع متسترجل شوية
الباب خبط قبل ما الخناقة المشهورة بتاعتهم تبدأ على مين يفتح الباب
سمير قام وقف بسرعة
_بسسس قبل ما حد يتكلم انا اللي هقوم افتح
سمير فتح ولقى يارا واقفة وماسكة علبة شيكولاتة وبوكية ورد
نفخ وابتسملها بسماجة
_خير
يارا باستغراب
_ايه ياسمير مش هتدخلني
زينب بترحيب
_اهلا اهلا ياحبيبتي اتفضلي
يارا دخلت وقعدت في الصالون وقعد قدامها سمير وزينب سابتهم ودخلت المطبخ
_يلا ياسمير قوم تلبس علشان نخرج
سمير ببرود
_مليش مزاج اخرج النهاردة

 

 

يار بصتله بحزن
_هو انت ليه بتتعامل معاية بالطريقة دي؟
ده جزاتي اني بحبك يعني ياسمير؟!
سمير بنفس البرود
_انا مبحبش الخروج يايارا هو انا كده شخص بيتوتي خلينا قاعدين هنا احسن
يارا وافقت وفضلت تتكلم وتحكي عن نفسها وهو قاعد يسمعها بعدم اهتمام
الباب خبط تاني وعمر فتح ولقى بنت جميلة جدا بتسأل عن سمير
_هو ايه كله سمير سمير مفيش عمر ولا انا جربان ومش المقام ولا اييي،اتفضلي قاعد جوه
البنت دخلت ولقيت سمير ابتسمتله وجريت عليه حضنته تحت صدمة يارا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حي العشاق)

اترك رد