رواية كما تدين تدان الفصل الأول 1 بقلم زينب رمضان

رواية كما تدين تدان الفصل الأول 1 بقلم زينب رمضان

رواية كما تدين تدان البارت الأول

رواية كما تدين تدان الجزء الأول

رواية كما تدين تدان الحلقة الأولى

-حسام يابني انت فين
*انا هنا يا ماما في حاجه
-ايوا يابني تعالى عايزاك في موضوع
*خير يا ماما
-خير يابني بص يا حبيبي انت دلوقت ما شاء الله كبرت وبقيت عريس ملو هدومك وانا الصراحه عايزه افرح بيك وعندي العروسه
*ان شاء الله هتفرحي ياما بس في الوقت المناسب وبعدين هي مين دي الي في دماغك
-هدير بنت عمك صابر الي في الشارع الي جنبنا انتي عارفها بنت محترمه ومنتقبه والف مين يتمناها
*لا ياما مستحيل اتجوزها تتجوز اي واحد من الألف دول بس هي متنفعنيش انا
-ليه يابني مالها البنت دي تقول للقمر قوم وانا اقعد مكانك مالها ادب واخلاق وجمال ناقصها اي
*ناقصها اني كنت بكلمها وماشي معاها عادي قبل ما تلبس النقاب
-بجد يعني انت رافضها عشان كدا طب في حد في دماغك واحده شايفها مكلمتش حد قبلك ولا كلمتك انت كمان
*اه في ياما صفاء صحيح مش ملكة جمال ومش منتقبه بس واثق ان محدش كلمها قبل كدا
-لا والله يعني انت مش راضي بالي كلمتها وعايز تتجوز واحده بتكلم طوب الارض مش راضي بالي زرعت في قلبها الحب

وغويتها وعايز الي كلمت غيرك بس متكونش مكلماك انت بص يابني البنت بعد ما سبتها ربنا هداها وانتقبت وبتصلي الوقت بوقته مكلمتش غيرك معملتش زي الي بيقولوا انا كدا كدا وحشه ومش هتغير وتزيد في الغلط لا دي رجعت لربنا وتابت وحافظت ع نفسها ليه عايز تغلط الغلط دا يابني
*ياما البنات كلها زي بعضها خلاص مش عايز اتجوز خالص
-اسمع يا حسام لو مسمعتش كلامي وكلمت عمك صابر وقولتله ان احنا هنروحلهم بكره نطلب ايد هدير مش هتكون ابني ولا اعرفك وشوفلك مكان تاني عيش فيه
*يا ماما بس اسمعي انتي ليه محموقه ليها كدا كإنها بنتك مش انا الي ابنك
-محموقه ليها لانه بنت واحنا عندنا بنات مش عايزه الي بتعمله في بنات الناس يطلع ع بناتي وانت عارف ان كما تدين تدان وانا مش مستغنيه عن بناتي ان يحصلهم حاجه بسببك يا ابن بطني
*خلاص ياما الي تشوفيه هكلمه ونروحلهم بكره ونشوف اخرتها اي معاها
-ربنا يسترها معاك يا حبيبي ويفتحلك الابواب المقفوله يارب ويهديك يا حسام يا ابن بطني
*يارب ياما يارب
*السلام عليكم
#وعليكم السلام يا حسام يابني

*معلش بكلمك في وقت زي دا يا عم صابر بس انا عايز اعزم نفسي عندكم بكره انا والحاجه لو معندكمش مانع
#تنورونا يابني البيت بيتكم
*خلاص ان شاء الله هنكون عندكم بكره بعد العصر
ان شاء الله يابني على خيرة الله
——————-
_اي يا حماتي اقفي عوج واتكلمي عدل ياختي
♕انتي بتكلميني كدا ليه يابت انتي
_اتكلم زي ما يعجبني والي مش عاجبه ياخد الباب في ايده وهو خارج
♕دا بيتي وبيت ابني انتي الي تاخدي الباب في ايدك مش انا انتي الغريبه مش انا
_لا ياحماتي اقفي عندك ما غريب إلا الشيطان يا اختي وانا اصلا موافقتش اتجوز الي حارسه وصاينه ابنك غير لما اتنازلي عن الشقه والارض يعني انتي وهو ملكوش حاجه عندي عرفتي مين الي هياخد الباب في ايده
♕انتي بتقولي ايه مستحيل ابني يعمل كدا
_اهو عندك اهو اسأليه ياختي عمل كدا ولا لا بس بعيد عني عشان عايزه اريح دماغي من صداعكم
♕انت عملت كدا يا صبحي ليه يابني مفكرتش فيا مفكرتش في الي ربتك وسهرت ع راحتك عمرها كله الي فنت عمرها في تربيتك مفكرتش فيا خالص

“خلاص ياما بلاش تقطيم على الصبح واسطوانة كل يوم دي محدش قالك خلفيني واسهري على راحتي وبعدين منال حبيبتي تقول وتعمل الي هي عايزاه عايزه تعيشي معاها يبقا بشروطها هي وتعملي الي هي عايزاه من غير ما تفتحي بوقك غير كدا الباب يفوت جمل
♕ليه يابني حرام عليك دا انا وابوك عمرنا موكلناك مال حرام ولا منعنا عنك حاجه ولا في مره رفعنا ايدنا عليك عشان تطلع كدا يابني قولي غلطنا في ايه واحنا بنربيك عشان تطلع كدا
” اسمعي بقا من غير كتر كلام لمي هدومك دلوقت وشوفي هتعيشي فين انا مش عارف اعيش مرتاح مع مراتي في وجودك
ماشي يابني انا ماشيه ارض الله واسعه وربنا مش هيسبني بس ابقا دورلك انت كمان على مكان تعيش فيه لما عيالك يكبروا انت والمدام مع السلامه يابن بطني
———
#اهلا اهلا يا حسام يابني نورتونا والله ياست ام حسام
-دا نور البيت وصحابه يا ابو هدير بص يا ابو هدير من غير لف ولا دوران احنا جاين النهارده طالبين القرب منكم في بنتك هدير لابني حسام اي قولك
#هو في قول بعد قولك يا ام حسام بس انا من نحيتي يشرفني ان نكون نسايب دا كفايه ان بنتي هتكون عند انسانه محترمه زي حضرتك

-تسلم يا اخويا ربنا يخليك بس ممكن تنادي العروسه تشوف العريس ويتكلموا مع بعض شويه عشان ناخد رأيها
#القول قولك يا ام حسام معلش يا ام هدير روحي ناديلها
+من عنيا يا ابو هدير ثواني يا جماعه
+بت يا هدير
~نعم يا ماما
البسي يابنتي واطلعي سلمي على خالتك ام حسام وابنها
~خير يا ماما في حاجه
+ام حسام وابنها جاين طالبين ايدك يابنتي
~انا مش موافقه يا ماما ومش عايزه اطلع
يابنتي اسمعي الكلام مينفعش تحرجي ابوكي قدام الجماعه
~بس يا ماما
+مفيش بس اطلعي اقعدي معاه ولو مرتحتيش خلاص اكيد مش هنجبرك على حاجه يعني
هدير بتوتر: حاضر يا ماما ثواني وطالعه
هدير في نفسها يا ترى عايز مني ايه ياحسام بعد ما كسرت قلبي عايز ايه مني تاني

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية كما تدين تدان)