رواية احبني اناني الفصل السابع 7 بقلم هبة المعداني

رواية احبني اناني الفصل السابع 7 بقلم هبة المعداني

رواية احبني اناني البارت السابع

رواية احبني اناني الجزء السابع

رواية احبني اناني الحلقة السابعة

ثاني يوم
امشي ركان مع محمد لي بو ارجوان
وعرف بنفسه لي وطبعا عمران مكانش عنده
علم أن ركان جاي
عمران قال لي ركان نبي شويه وقت بحكم أن عاطي كلمه لي الرجاله أن خلاص معتصم بياخد ارجوان لكن اللي صار توا بيقلب كل شي
تفاهم هوا وركان وقرر أن ياخد شوية وقت ويرد عليه
ركب ركان سيارته هوا ومحمد ومشي
محمد:اني حاس أن مش حيوافق
بعد ما عطي كلمه للناس
ركان:مدام شاف العز ولا وعرفني شن عندي خلاص

محمد: انت شن تقول الراجل واضح عليه مش متع فلوس واضح علي حاله وكويس ورزق الدنيا ما يهماش
ركان: الله اعلم
طبعا ركان كان كل تفكيره أن يقدر يشري اي حد بالفلوس
اما عمران فكان باله مشغول وقال لو وافقت العيله
يحسابوني طماع وعاطي بنتي لي واحد معبي
ولو موافقتش ح نكسر قلب بنتي
لان عمران يحساب بنته تبيه وهوا اغلى حاجه
عنده بناته
قعد عمران سارح بين أفكاره
عند أرجوان
رن تليفونها وكان المتصل ركان
ارجوان : الو
ركان : اني مشيت لي بوك وكلمته وقالي عطيني شويه وقت ونرد عليك
ارجوان: دير حل بالله عليك والله لو ياخدني ولد
خالتي وننفضح بوي لما يموت
ركان :تمام تمام
وصكر الخط
صكر ركان وكان حاس بتأنيب ضمير وندم علي داره كله
لكن الله غالب مرات الندم ايجي بعد فوات الأوان
الناس كلها تغلط مافيش حد معصوم من الغلط
لكن الفرق أن في اللي يصحح الغلط اللي داره وفي اللي لا
اما ارجوان فكانت غارقه في دموعها
وتدعي أن ربي يسترها
امل: خيرك تبكي شن فيه
ارجوان:ركان كلم بوي
امل: شن قاله

ارجوان: قاله نبي شويه وقت ونرد اعليك
امل:خلاص به علاش تبكي
ارجوان: خايفه لو ميوافقش
امل :باذن الله ح يوافق
فات أسبوع وعمران مردش خبر لي ركان لا تو
واما ارجوان مكانتش تطلع من دارها ولا تمشي لي الجامعة حست خلاص الدنيا اتسكرت في وجها فكرت تنتحر أكتر من مره بس خافت أنها اتموت كافره
لين رن تلفونها
المتصل ركان ردت من غير شعور
ارجوان:الو
ركان:بوك كلمني
ارجوان:خير 💔
ركان:وافق
ارجوان:الحمد الله ياربي الحمدالله
ركان:وأختي غدو جايتكم باش تشوفك ع الاقل انسرعو الموضوع لان بجد حسيت روحي ادبست فيك وقلت لي بوك الكلام هدا وفهمته أن غدو بي اتجي أختي
أرجوان:حاولت نخلي روحي هادئه ونسكت… وعلاش امك مش حا اتجي
ركان اسكت اشويه وبعدها رد
ركان:متوفيه
أرجوان:اسفه الله يرحمها مش قصدي نجرحك
ركان: خيرك تتكلمي هلبا وصدقتي روحك تي باهي حتى تواضعت وبعت لكم أختي متقعدوش تتشرطو هلبا
ارجوان:اسفه حاضر
وسكر ع وجهي
حاولت انوسع بالي لين ياخدني لكن ح انكرها في اليوم اللي شافني فيه عادي يوم اعليه ويوم اعليا
ثاني يوم
امل :قصدك قعده ملبستيش قريب حتى توصل المره

ارجوان:وانتي كيف اعرفتي انها قريب توصل
امل: كلم تو بابا
ارجوان:اممم باهي اهو نايضه
نضت البست او واسيت روحي او درت اشوية ميك اب
اشوية او جو
خشت لي امل
امل: كان اتشوفيها كأنها موديل البرفان امتعها غرق الحوش كله 😭
ارجوان: خايفه ياامل
امل: مش وقت خوف تو تو اطلعي امعاي
ارجوان:مش قادره
امل:تي هي من غير جو😂
اطلعت معها وكنت خايفه
خشت اعليهم اول مشفتني ناضت وقفت سلامت اعليا
رودينا:مشاءالله مشاءالله ربي ايبارك اعليك
اتحشمت 😅
أرجوان:تسلمي ❤
قعمزت وقعدت سكتها وهيا تهدرز هيا وماما بين اعليها توضع ورقيها وبعدها شبحتلي
وبعدها بدت أتعرف بي عائلتها
ردينا:طبعا اني اخته المتوسطه اني رأس ابنيه وعندي أربعة خوت أولاد وركان الكبير زوز منهم متزوجين وزوز لا او كلنا عايشين مع بعضنا واني مش حا نقعد امعاكم هلبا لأن عرسي قريب يعني ح ايكون بعد عرسك حبيت انعرفك بالعائلة لي بي اتنوريها و بي اتكوني منها
أسلوبها حلو اسرحت معاها كيف تتكلم
خديجة:الله يبارك
ردينا:وطبعا امي متوفيه وبابا شبه منشوفش فيها بي حكم خدمته كلها سفر
خديجة:الله يرحمها يابنتي

ردينا:اللهم امين عمتي
ردينا:ويابختك بي ركان اخديتي الحنين في خوته
اكتفيت أني نبتسم فقط
وفي داخلي انقول من هوا الحنين
تفاهموا ع العرس وقرروا أن العرس ح يكون بعد شهر ونص
#تسريع في الأحداث
بدت ارجوان تجهز في روحها وفوق من نفسها
لكن قدام امها وبوها ادير في روحها فرحانه
باش ما يحسو بي شي
وبالنسبه لي معتصم
كلمت خديجه اختها سعاد وفهمتها علي كل شي
بحكم هما كانوا عيله طيبه ومتفاهمه
فقدرت الموقف وفاهمت ولدها
وحتي هوا فهم

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية احبني اناني)