رواية بنت العدو 2 الفصل الأول 1 بقلم ندى علي

رواية بنت العدو 2 الفصل الأول 1 بقلم ندى علي

رواية بنت العدو 2 البارت الأول

رواية بنت العدو 2 الجزء الأول

رواية بنت العدو 2 الحلقة الأولى

” مصطفي وليلي اتنقلو بيتهم المتواضع من سنه ونص و سلمي اللي عمرها سنتين وشقيه جدا ومغلبه ليلي معاها ”
” في بيت مصطفي ”
” ريحة فول وبطاطس مقليه وبيض مقلي ماليه البيت كله ليلي وقفه في المطبخ لمه شعرها علي شكل كحكه ولبسه بجامه سودا نص كم ضيقه وبتقطع السلطه ”
سلمي قامت بصت جنبها لقت مصطفي بس ليلي مش موجوده قالت بنوم : مامااااا
ليلي وهي في المطبخ : تعالي انا في المطبخ … صحي بابا الاول يا سلمي
سلمي راحت ليها بنوم وبتدعك في عينها سلمي قصيره بطريقه تضحك حتي في مشيتها بس بشرتها بيضه وعسوله اووي : الرضعه فين
ليلي جابت الرضعه من الطبق اللي فيه ميه سافعه كانت بتبردها وداقت شويه كانت دافيه : خدي لو شربتيها كلها هناكل اندومي بليل روحي لبابا علشان الجو حار هنا واقفلي الباب علشان المكيف
” سلمي راحت علي الاوضه بنوم والرضعه في بوقها طلعت علي السرير من غير ما تقفل الباب ولا ترد علي ليلي اصلا قعدت علي ضهر مصطفي اللي نايم بعمق وبتلعب في شعره وبترضع وبتريل علي رقبته ”
مصطفي اتقلب واشتال سلمي نيمها في حضنه : صباح الخير علي حبيب بابا وقلب بابا
سلمي بصتله بنوم وحضنت رقابته : بابا نيمني
” مصطفي ضمها لصدره والعريان وفضل يطبطب عليها لحد ما راحت في النوم شال الرضعه من بوقها وغطاها كويس وراح لليلي “

مصطفي حضنها من ضهرها : صباح القمر علي القمر بتاعي
ليلي ببتسامه : صباح الخير يا حبيبي سلمي فين ؟
مصطفي بضحك : نامت تاني كالعاده يعني ” وبص علي الاكل ” بس ايه الشطاره اللي علي الصبح دي انتي صاحيه من بدري بقا
ليلي ببتسامه : صاحيه من بدري علشان بغسل وكنت عوزاك تقوم علشان تربطلي الاحبال بتوع المنشر في البلكونه وعلشان عوزه اغسل ملاية السرير
مصطفي باس رقابتها : هدخل استحمي ونفطر وقبل ما انزل الشغل هربطلك الاحبال
ليلي : حاضر يا حبيبي ادخل استحمي علي ما اخلص الفطار ؟
مصطفي : طيب طلعيلي هدوم علي ما اطلع الواحد جسمه متكسر
ليلي : علشان بتنام عريان والمكيف شغال لازم جسمك يوجعك يا مصطفي
مصطفي : طب بأمانه الجو مشجعك انك تلبسي حاجه وانتي نايمه
ليلي بضحك : والله ولا وانا صاحيه حتي بس علشان عضمك يا حبيبي البس تيشيرت خفيف حتي
مصطفي اتمطع وعدل عضلات جسمه : قولي ياارب بقاا ” و راح علي الحمام يستحمي وليلي خلصت تجهيز الفطار وراحت علي الدولاب جابت هدوم ليه وخبطت علي باب الحمام ”
ليلي : مصطفي ادخل ولا اسيب الهدوم علي الاوكره ؟
مصطفي : ادخلي انا قافل الستاره بتاعت البانيوو
ليلي بشك : مصطفي متهزرش احلف انك قافلها كدا ؟

مصطفي بضحك : هحلف في الحمام ازاي يا ليلي ادخلي متخافيش انا متأخر علي الشغل مش عامل حاجه
ليلي اطمنت وفتحت الباب وفعلا كان قافل الستاره : الهدوم اهي البس واطلع الفطار جاهز
مصطفي طلع راسه وغمزلها : مش هتيجي ؟
ليلي طلعت جري وقفلت الباب : سااافل قليل الادب ” وراحت علي اوضة النوم اشتالت سلمي براحه لحد ما شالت الملايا وحطيتها مكانها تاني وكنست الاوضه ونضفتها وكان مصطفي طلع من الحمام لافف وسطه بفوطه ”
ليلي بصتله : مصطفي انا عوزه اروح اشوف ماما فاطمه والعيله ؟
مصطفي : خليها لبليل نبقي نروح شويه الواد عمر ابن غالب واحشني وعاوز اشوفه اصلا
ليلي ببتسامه : يااربي متفكرنيش بيه الواد دا فتح نفسي علي الاطفال الصغيره تاني من حلاوته
مصطفي قرب منها بغمزه : وانا سداد عليكي الحلم وانا تحقيقه ؟
ليلي بكسوف وهي بتحاول تفك ايده من علي وسطها : مصطفي ابعد وبطل قلة ادب مش بتقول متأخر وعندك شغل
مصطفي بخبث : وايه يعني لما اتأخر علي الشغل الدنيا مش هتطير يعني مراتي عوزه بيبي وانا بصراحه مبحبش ارفضلك طلب ؟
ليلي بضحك : طيب ما انت هترجع من الشغل متبقاش ترفض الطلب بقا يلااا بقا يا حبيبي هتتأخر ومش هتخلص من لسان غالب

مصطفي بخبث : غالب نفسه بيجي متأخر بس دا مراته مبترفضلوش طلب مش زيك
ليلي برفع حاجب : وانا امتي رفضتلك طلب يا ابن الجبراني ولا هي تهم وخلااص علي الصبح
مصطفي : بترفضيني اهووو عيني عينك مع ان ممكن ادوبك من بووسه
ليلي برقه : يا حبيبي هتتأخر علي شغلك لما تيجي اللي انت عوزه اعمله يلااا بقااا البس وتعالي نفطر ” ومصدقت مصطفي سابها جريت علي براا وايدها علي قلبها ” حقك عليا يا حبيبي عرفه ان بمنع نفسي عنك اليومين دول بس لازم اتأكد ان كنت حامل ولا لاء الاول
………………………………
” في بيت غالي الجبراني ”
فاطمه : حاج غالي اعملك كوباية ينسون ولا شاي ؟
غالي : اعملي كوباية قهوه يا فاطمه مش عاوز انا شاي ولا ينسون بس اعمليها انتي متخليش حد يعملها
فاطمه : عنيااا يا حاج ” وراحت علي المطبخ تعمله القهوه ”
اميمه كانت بتقلي بطاطس : اعدي انتي يمااا وانا هعمل القهوه ؟
فاطمه : هعملها انا يا اميمه ” وبدأت تعمل القهوه ” البت سلمي وحشاني اووي والله يا اميمه
اميمه : شوفي رغم انهم مشين من سنه بس عقلي بيقولي انهم قعدين في الشقه فووق
فاطمه : يلااا ربنا يكرمه ويرزقه مصطفي جدع يا اميمه عمله بيت يتسند عليه
اميمه : يعمل يمااا بس مكنش يطلع من البيت ابدا وكانت سلمي تتربي مع ولاد عمها
فاطمه : هو يعني في سابع بلد يا اميمه دا ربع ساعه تكوني في بيته ” وصبت القهوه في الفنجان وطلعت برا المطبخ ” خد يا حج دوق كدا وقولي رأيك

غالي : تسلم ايدك يا فاطمه انتي مبتعمليش حاجه وحشه اصلا … غالب لسه منزلش ؟
فاطمه بضحك : المفعوص ابنه طول الليل بيعيط زي ما انت سامع كدا ومصحيهم جنبه بينامو الصبح وكبد امه يقوم الساعه 9 علشان الشغل بتاعه
غالي : والشغل اليومين دول صعب وفي الحار والبقر كلها عيانه هو ومصطفي مش ملاحقين ربنا يرزقهم كمان وكمان
خالد نزل باس دماغ ابوه وامه : صباح الخير يا بركه
فاطمه : صباح العسل يبااا مراتك بتعمل الفطار اهو علشان تفطر
خالد هز راسه : ابااا هنعمل ايه في الكيماوي اللي ناقص دا محدش راضي يبيع خالص
غالي وهو بيشرب شويه من القهوه : مسألتش في المنصوره عند منصور الفلاح ؟
خالد : سألت في الدنيا كلها والله يباا في المنوفيه وفي اسماعيليه وفي المنصوره وسألت خالي رجب في الصعيد محدش راضي يبيع شكاره حتي كله جايب علي قده
غالي : الاه طب والعمل ما الكيماوي اللي عندنا دي مش هتكفي الارض
خالد : والله يبااا ما عارف هنعمل ايه كلمت مصطفي ليلة امبارح قالي حاضر هشوف حد من صحابه يكلمه ويبيع ليه حتي لو بسعر عالي المهم يجيب قبل ما الدوده ترمح في الارض
غالي : غالب الوقتي هو كمان ينزل ونشوف هنعمل ايه في حوار الكيماوي دا………. انصاف ….. يا انصااف
انصاف طلعت من المطبخ : نعم يبااا عاوز حاجه

غالي : كلمتي فؤاد النهارده
انصاف : لاء والله يبااا لسه هكلمه ؟
غالي : طيب لما تيجي تكلميه اديهولي
انصاف : حاضر يبااا ” ودخلت علي المطبخ تاني ”
خالد : انا معرفش فؤاد اخويا سافر الامارات لييه ما الشغل هنا زي العسل اهو
غالي : فؤاد اخووك ليه دماغ لوحده كدا علشان كلنا قولنا لاء متسافرش قالك هسافر مش قاعد يلاا الله يرزقه
” غالب نزل وعينه كلهااا نووم راح نام علي رجل فاطمه ”
فاطمه : يا كبدي منمتش حلوو ولا اييه
غالب : هو انا نمت من ابن الكلب اللي فوق داا الواد كله علي بعضه تلاته كيلو وصوته جررس يصحيك لو انت في احلي نومه
غالي : جررب يا اخويا الجواز والخلفه جررب
غالب : الجواز هو فيه احلي من الجوار ودلع الجواز بس هو كداا الحلو ميكملش ابدا تبقي عااايش ملك وحياتك حياة سلطااان فجأة تلاقي الوليه حامل تبدء من هنا بقا مراحل النكد في الحيااه
خالد بضحك : هو اللهم لا شماته وكل حاجه بس ان جيت للحق انا شمتاااان
غالي بضحك : ولا اناااا بقاااا
غالب بصلهم وبعدين بص لفاطمه : طب دا يرضيكي يعني دول شكل اهل بدل ما يقولولي معلش دي سُنه الحياه يشمتوو فيا
فاطمه : متردش عليهم يا كبدي سيبك منهم
غالب بصله : انا قاايم رايح الشغل مش فاضي ليكم انا راجل ابوو عيل دلوقتي
فاطمه بلهفه : استني مش هتمشي غير لما تاكل لقمه و والنبي يا غالب تجيب مصطفي في ايدك وانت جاي
غالب : طيب ما كدا الفطار هيأخرني زمان مصطفي مسحول في الشغل هنااك
فاطمه : يلااا يا اميمه انجزي شويه الفطااار

اميمه طلعت ومعاها الصنيه : يلااا يمااا الاكل جهز فين بسمله يا غاالب علشان تفطر
غالب : بسمله نايمه كانت سهرانه بعمر طول الليل سبيها لما تبقي تصحي تفطر
انصاف وقفت في بير السلم : كنزززز يا شهددد
شهد فتحت باب شقتهم وبصت ليها من فوق : نعم يماااا
انصاف : هاتي اختك وتعالي علشان تفطروو يلاا
شهد : جينا اهو يماا ” ونزلو علي تحت قعدو علي الطبليه مع العيله فطروو في جو اسري جميل وبدايه يوم سعيد وبعد الفطار كل واحد راح علي شغله والحريم اللي بينضف البيت واللي بيجهز الغدا ”
…………………………………….
” جمال ومروه اتجوزو من 6 شهور ”
” في شقة جمال ”
” مروه كانت في المطبخ بتجهز الفطار وبتكلم امها ”
مروه : يا ماما حاولت معاه كتير كل يوم بقوله يا جمال تعالي نروح لدكتور نشوف سبب تأخر الحمل تعالي نعمل تحاليل يبصلي ويمشي يقولي انتي عوزاني اروح اقول لدكتور شوفني مبخلفش ليه الحجات دي بتاعة ربنا اقوله عرفهه انها بتاعة ربنا بس مفيش مانع لما نطمن
نجوي : مش مرتاحه لجوزك يا مروه لو هو كويس ومفيش فيه حاجه هيخاف يروح لدكتور ليه
” جمال واقف ورا مروه وسامع كلامها وكلام امها دخل بكل هدوء المطبخ واخد الفون من مروه ”
جمال : ازيك يا حماتي بصي مش هكترر كلام عليكي بس علشان تطمني خالص من نحيتي انا زي الفل وبنتك عندك ممكن تسأليها وحوار هروح لدكتور اقوله انا متجوز من 6 شهور ومنهم شهرين مراتي كانت تعبانه فيهم ومبقربش منها خالص ومراتي بتقول الحمل اتأخر انا مش عامل الكلام دا واللي في نفسك ونفس بنتك اعملوه ” وحط الفون علي الرخامه بتاعة المطبخ وفتح باب الشقه ونزل علي تحت “

مروه قفلت مع امها بسرعه بس ملحقتش جوزها قال بضيق : يوووه الدنيا عماله تعك مفيش حاجه بتظبط ابدا لييه كدا ودا نزل زعلان ومن غير فطار بس انا اللي غبيه راحه اتكلم مع امي وهو في الشقه ياربيييي
ولقت رساله صوتيه من امها بتقول : خليكي وراه لحد ما يوافق اضغطي عليه
مروه بضيق : خلفة اييه يماا اللي انا عوزاها انا مش عوزه غير جمال وبس والله ” ولبست اسدال ونزلت علي تحت ”
………………………………
” عند مصطفي وغالب ”
” مصطفي وغالب تقريبا مبيقدروش يرتاحو دقيقه بسبب الكشوفات والفحوصات الكتير ”
غالب راح لمصطفي : بقولك ايه لو في رياله ديما عند البقره دا معناه ان في انسداد في المرئ صح
مصطفي بص علي البقره : دا حالة تسمم جهزلي الفحم المنشط والخرطوم وتعالي معايا يا غالب
” غالب راح وجهز الحجات اللي هيحتاجوها وراح لمصطفي وبدأ يدخلو الخرطوم في مناخير البقره لحد المعده ويغسلو بالفحم المنشط ”
مصطفي : محمود ثبت البقره كويس مش عاوزها تتحرك خااالص
محمود الممرض : مش هقدر اثبتها لوحدي لازم حد معايا
مصطفي : غالب سيب الخرطوم وامسك البقره
” غالب مسك البقره وساب الخرطوم لمصطفي لوحده وبدؤ يشتغلوو لحد ما خلصوو ”
سعيد صاحب البقره : ايه يا دكتور مصطفي البقره مالها

مصطفي : بص يا حج سعيد دي حالة تسمم احنا حاليا لحقنا البقره وعملنا ليها تنضيف بلاش تأكلها برسيم من المرشوش كيماوي علشان دا مميت يا حج
سعيد : الله يخليلك بنتك وتفرح بيها يا ابني ” واخد بقرته ومشي ”
مصطفي : محموووود وااد يا حووده
محمود دخله : قول يا باشااا ؟
مصطفي : الحقني بعلبة سجاير وحياااة ابوووك
محمود : عيني يا رييس….. يا غااالب عاوز سجاير
غالب : لو هتشتري لمصطفي معايااا لو مفيش معاه انا كمان مفيش معايا
مصطفي : كل دا علشان مطلبش منك سيجاره يا جاايف عليا الطلاق ما هتاخد مني نفس حتي روح يا محمود اشتريلي علبه
غالب لقي وحده جايا عليه مزه بمعني الكلمه راح صفر : هو القمر بيطلع بنهاار ولا ايه يا جدعااان
مصطفي : ايوا يا بسمله صوت وصوره كمااان
غالب بصله وملقاش الفون علي ودنه ولا حاجه : انت بتزاولني ؟
مصطفي وهو بيشرب شويه من كوباية الشاي : خااالص بس خليك صاين مراتك برا بيتك قبل جوا بيتك يا غالب يا جبراني
غالب بصله ببتسامه : بس الجمال يقدر ولا ايه ؟
مصطفي : الجمال يقدر وكل حاجه بس الجمال الحلال اللي من حقك ولعلمك بقا مش بالبس الضيق اللي مفصل جسمها ولا شعرها الباين دي مش خايفه علي نفسها ولا حتي هاممها نظرة الناس ليها يبقي دا رخص مش جمال قارن بينها وبين مراتك اللي انت الوحيد اللي بتشوف جمالها وقتها هتعرف انت ليه بتحب تخبيها عن عيون الناس كلهاا
غالب : الحياه علمتناا كتير اووي صح
مصطفي : ولسه هنتعلم يا صاحبي يلااا شوف وراك اييه ” وبدؤ يشتغلوو من تاني ”
………………………………….

” الساعه بقت 8 المغرب ليلي عماله تنيم سلمي اللي رافضه النوم نهائي ”
ليلي وهي رايحه جايا بيها في الاوضه : علشان خاطر ماما نامي شويه وهصحيكي والله
سلمي بضيق : قوووم ننه لاء يا مامااا
ليلي بصتلها : ننه شويه صغيرين وبعدين اصحي
سلمي : لاء العب الاول ” وسمعت مفاتيح البيت بتتفتح سقفت بفرحه ” باباااا ” و جريت علي الباب ”
مصطفي دخل وكان معاه كيس في حاجه حلوه كالعاده اشتال سلمي بشتياق : روح بابا وعقل بابا
سلمي مسكت وشه بين اديها الصغيره : عوزه حلاوه حلوه
مصطفي باس اديها : شوفي الكيس دا كله ليكي لوحدك فيه شيبسي ولبان ومصاصه وكل حاجه
سلمي فتحت الكيس وبصت : فيش كولا ( مفيش كاكولا )
مصطفي : سنانك لما تطيب هجيبلك كاكولا … ليلي
ليلي طلعت ليهم : حمدالله علي السلامه يا حبيبي ” وباسته من خده ”
مصطفي برفع حاجب: انتي بتبوسي اخوكي انا عوزه بوسههه من بتاعتنااا السافله ديي
ليلي ضحكت بكسوف : ماالك النهارده يا مصطفي سافل ليه يا حبيبي طب انت عارف ان سلمي بتحفظ كل كلمه متقولش الكلام دا بقااا قدامهاا
سلمي بصتلها بغضب : انا شبقول حاجه ( مش بقول )
ليلي ضحكت : اتفرج بقااا يعمم
مصطفي اشتال سلمي : انتي صاحيه ليه لحد دلوقتي يا قرده
سلمي ببرائه : علشان اركب علي ضهرك وتمشي زي الحمار يا بابا

مصطفي بص لليلي : ايه رأيك في التربيه يا ستي في الشغل بتعامل مع بقر وفي البيت بتعمل حمار
ليلي بضحك : طب ادخل يلا غير هدومك علي ما اجهز الغداا علشان عوزه اروح ازور ماما احلام وماما فاطمه
مصطفي قلع التيشيرت بتاعه : لاء خلينا النهارده لأن بجد تعبان مش قادر حتي اسووق
ليلي : خلاص ادخل استحمي وغير هدومك علي ما اجهزلك الغداا
مصطفي : القمر عامل اكل اييه ؟
ليلي حوطت رقابته : عمله فراخ وشوربه ورز وفصولياا
مصطفي باس شفايفها برقه : تسلملي اديكي اغرفي علي ما اطلع علشان عوزك في حوار حياة او موت ” وغمزلهاا ”
ليلي بهمس مكسوف : ادخل استحمي علي ما اعمل الاكل ” وراحت علي المطبخ وفونها رن ” بطوطة قلبي وحياتي وحشتيني موووت
فاطمه :يابكاشه لو كنت وحشتك كنت جبتي جوزك وبنتك وجيتي
ليلي : والله العظيم قولت لمصطفي النهارده توديني عند بطوط قالي علي ما اجي من الشغل هنروح وجيه من الشغل هلكان يوم الجمعه هاجي من بدري اقضي معاكم اليوم
فاطمه : انا سايبه ليكي كيسين لبن في التلاجه وجبنه حدقه علشان بتحبيها وابوكي غالي جاب بسله من الارض ليلة اول امبارح وفضلنا نفصص فيهم وسبت منابك من البسله لما تيجي تخديهم كلهم مع بعض

ليلي : هو انا بحبك من فرااغ منحرمش منك ولا من مجايبك ابدا يا بطة قلبي
فاطمه : هو انا عندي كام ليلي في حياتي دا انتي مرات الغالي
مصطفي من وراها : قلب الغالي من جواا ” واخد الفون منها وليلي بتقلي الفراخ ”
فاطمه : انت متتكلمش معايا خالص بقالك اسبوع ولا بتطل عليا تشوفني ولا تكلمني اخص عليك يا خسااره تربيتي فيك
مصطفي : انا عارف ان غلطان ومقصر معاكي بس والله العظيم غصب عني الشغل مبهدلني خالص يا بطوط
فاطمه : يوم الجمعه تجيب مراتك وبنتك وتيجي اسبوع عندنا
سلمي : ايوا ايوا انا عوزه الوح هنااك لنونه
مصطفي : حاضر والله هنيجي
فاطمه : عامل ايه يا كبدي طمني عنك ؟
مصطفي بضحك وغمزه لليلي : انا هبقي زي فل لو سلمي بنتي نامت نص ساعه بس
ليلي ضربته في كتفه وقالت بهمس : سااافل
فاطمه بضحك : هاتها تعد معانا شويه واستفرد بالبت شويه
” ليلي وشها بقا احمر من كلام فاطمه واحمرت اكتر لما مصطفي قرصها من وسطها ”
فاطمه : يلا روح كل لقمه وشوف هتعمل ايه علي ما ارنلك تاني مع الف سلامه
مصطفي : ماشي يا حبيبتي وانا هجيلك والله ” وقفل ”
ليلي : مصطفي اشتال الصنيه يلاا
” مصطفي اشتال الصينيه وطلع علي الصاله وقعدو ياكلوو وبعد الاكل وليلي نيمت سلمي وطلعت قعدت جنب مصطفي اللي كانت بيسمع فيلم “

مصطفي قرب منها وحضنها وباس رقابتها : سلمي نامت ؟
ليلي بعدت بتوتر : ايوا نامت نومها بقا صعب اووي
مصطفي بهمس : وحشتيني ؟!
ليلي بتوتر وهي بتبعد : هووو ينفع تسيبني النهارده لأن بجد حسه ان تعبانه اووي
مصطفي بعد بغضب : في اييه يا ليلي امبارح تعبانه واول امبارح دايخه والنهارده تعبانه مبحبش جو الحوارات في حاجه قوليلي علطول ماالك
ليلي : وطي صوتك علشان سلمي مصدقت انها نامت وبعدين فيها ايه لما تستحملني شويه وانا تعبانه قدرني شويه
مصطفي قام وقف وبصلها : لالا الحوار مش تعب او ارهاق الموضوع في حاجه مش طبيعيه في ايه بقا ما هو انا لازم اعرف … حامل ومش طيقاني مثلا
ليلي بصتله : انا شاكه ان حامل بس مش متأكده معملتش اختبار لسه؟
مصطفي : ومبتقوليش ليه ليه سيباني لدماغي تودي وتجيب فياا مبتقوليش ليه يا مصطفي هاات اختبار حمل وانت راجع من الشغل وانا اجيب ونشوف ليه حياتك غمضه كدا
ليلي : مش غموض يا مصطفي انا مكنتش عوزه اقولك غير لما اتأكد علشان مش عوزه اديك امل كداب دي كل الحكايه …. وانا اسفهه حقك عليا انا قدامك اهو اللي انت عوزه اعمله ؟
مصطفي بصلها : وانتي مفكره بعد ما قولتيلي انك شاكه انك حامل هقرب منك انا مش عاوز حاجه حاليا غير تحكيلي شاكه ازاي ؟

ليلي وشها احمر شويه وقالت : الدوره الشهريه عندي متأخره اربع ايام
مصطفي : رقم واحد دا مش سبب لأنها ممكن تتأخر بسبب التفكير الزايد او التوتر بس برضو الصبح هنجيب اختبار ونشوف بتحسي بدوخه استفراغ وجع في بطنك من تحت ؟
ليلي : لاء مفيش اي اعراض من دي هي بس لما اتأخرت شكيت خصوصا ان مش باخد اي مانع حمل وسهل ان احمل
مصطفي مسك اديها وقعد علي الكنبه : فهميني يا ليلي اي حاجه تخصل معاكي يا حبيبتي مهما كانت عرفيني بيها بلاش تسبيني لدماغي افضل افكر مراتي وحبيبتي منعه نفسها عني ليه بلاش تخبي عني اي حاجه
ليلي بصتله ومسكت وشه : حقك عليا والله يا حبيبي مكنتش عوزه اشغلك بالك والله
مصطفي باس اديها : ولما بالي مينشغلش بيكي هينشغل بإيه خليني نفسك زي ما انا مخليكي نقسي يا ليلي
ليلي بحب : انت دُنيتي يا مصطفي مش نفسي وبس
مصطفي بضحكه خفيفه : احنا نتفرج بحترام احسن لحد ما نتأكد بكرا
سلمي عيطت من الاوضه : مامااا
ليلي قامت وقفت : جايا متخافيش ” وراحت جابتها وقعدت في حضن مصطفي وسلمي في حضنها ” مالك مخضوضه ليه كدا يا حبيبي
مصطفي : علشان كنت طافي النور عليها قامت مفزوعه اكيد
ليلي : في بطاطس مهروسه في الفرن هقوم اجيبها تاكل منه واجي ” وقامت جابت البطاطس وفضلت تأكل في سلمي اللي بتاكل ابوها ” يعني انت تأكلي مصطفي وانا لاء يا خسااره 9 شهور يابنتي
” وقضو اليوم في سعاده وراحه قدام التلفزيون “

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية بنت العدو 2)