رواية أنبض بقلب حبيبي الفصل التاسع 9 بقلم عائشة حسين

رواية أنبض بقلب حبيبي الفصل التاسع 9 بقلم عائشة حسين

رواية أنبض بقلب حبيبي البارت التاسع

رواية أنبض بقلب حبيبي الجزء التاسع

رواية أنبض بقلب حبيبي الحلقة التاسعة

وقف أمام العمارة لدقائق… أخرج هاتفه وبحث فيه قليلاً ليعود للداخل لكنه تلك المره وحينما وصل لمكان جلوس هنا التي لم تتحرك أو تكف عن البكاء.. …شملها بنظرة هادئة ثم اقترب هامساً
-وسعي شويه .
تطلعت للمساحه ثم رفعت عينين مغرورقتين بالدموع وهمست بنحيب
-واسع اهو اطلع ..يلا ..
همس وهو يجلس بجانبها
-أنا هقعد مش هطلع ..
نظرت له بحيرة لايخلو منها للعتاب ليسترسل هو بهدوء
-الي شفعلك عندي يا هنا سنك وعدم خبرتك ،وأن ملك أنا فاهم اسلوبها كويس…
تطلعت لخصلاته ثم همست
-أنت مقصتش شعرك ..؟
ابتسم بوداعة ،ومال هامساً
-أنا خاطب هنا مش ملك ،وهنا عيزاه طويل علشان شكلها عايزه تلعب فيه ،يبقا اسمع كلام ملك ولاهنا ..؟
ردت بعفوية وهي تمسح بقايا دموعها المتجمدة بظاهر كفها
-هنا طبعاً .
همس سيف وهو يستعذب شفتيها النديتين بفعل دموعها…
-هو أنا لو بوستك هتقولي لملك ..؟
قطبت حاجبيها بنفور ،وانكمشت بجسدها ،ليضحك مشاكساً
-متخافيش… .بس عايزك تفهمي ..أن الي بينا مينفعش يطلع ولا لاصحابك المقربين حتى ياهنا ….مش كل حاجه ينفع نقولها ونحكيها ..ثم سألها مداعباً
-ولا أنتِ مش حابه يكون في بينا حاجه خاصة تجمعنا محدش يفهمها ولا يعرفها غيرنا ..؟
همست بسعادة وهي تلتحم بنظراته الحانيه
-عايزه أكيد…
مد كفه منتظراً كفها ،لتمده بخجل فيتناوله ويضمة قائلا
-طيب بتحكي ليه ..؟كده انا مش هحب احكي معاكي ياهنا او اقولك حاجه… .عني مضيقاني لانك بتقوليها فبالتالي عمرنا ما هنكون اصحاب ابداً… بدل ما تكوني صاحبي… تكوني يادوب خطيبتي…
رمشت تستوعب حديثة ،لتنقبض ملامحها وتهمس بحزن
-أنا أسفه بجد ،يمكن من فرحتي بيك… .
تخلل أناملها بأناملة وتابع وهو يبتسم لها برقة
-مش لازم تثقي فكل الناس ..ياهنا… عارفه هي طلعت غبية ومتسرعه بعتتلي الكلام فالاول وكده هفوقلها وانبهك ،كويس مستغلتش ده علشان تبعدنا من غير ماتتكلم ..او أنتِ تفهمي…
همست هنا بتفكير
-فعلا الحمدلله… .أنا كده وكنت هموت ،أمال لو بعدتني .
زم شفتيه وضغط على كفها معاتباً
-بعد الشر عليكِ ياتلميذتي الشقية ،فداء دموعك الحلوة دي أنا… .
تعالت دقاتها حتى كادت تخرج عن عقال صدرها ،التهبت وجنتاها حرارة وتدفق الدم بقوة لهما… .ليعاود الهمس وقد راقه خجلها
-أحلى حاجه عارفه ايه والي خلتني اعديهالك غير قلة خبرتك ..
رمقته بحيرة مستفسرة
-أيه… .؟
ليُخرج هاتفة بيدة الشاغرة ويوريها الهاتف قائلا
-اقرأي
همست بخجل
-بحبه بس قولي بعشقة ،سيف ده حياتي كلها مقدرش اوصفه غير انه نور عيني .
ماإن انهت القراءة حتى أخفضت رأسها وتحاشت النظر لعينيه…
ليهمس وقد لمعت عينيه ببريق الشقاوة
-خليتها خلفية للفون… .يانونتي… ،
غيرت الحديث وقد تبدلت ملامحها للحزن
-كنت بتحب ملك…
ظل قابض على كفها ،ليطالعها بعبوس قائلا
-مش هكدب واقول خطبتها لاني مش بحبها وتقليدي ..هي كانت جارتي لفترة اتخطبنا…
قاطعته هامسة بإرتباك
-وسيبتو بعض ليه ..؟
ابتسم سيف وتابع
-اصل انا غيور فحاجتي… .ومبحبش حد ييجي جنبها… وهي كانت شايفة ده تخلف ..دا غير شافت اني مرتبي مش هيقضيها ميك أب وفسح ومصيف…
شددت هي تلك المره من أحتضان كفه ،وابتسمت هامسة
-انا شايفة الغيرة حب ،لما جوزي يغير عليا معناها أنا غاليه أوي… يعني أنا مِلكه بتاعتة هو لوحدة ،… .الراجل الي مبيغيرش يبقا ميعرفش يمتلك ولا يحب…
ثانياً الفلوس مش كل حاجه على فكرة ،أنك تكون مع حبيبك ومبسوطين ومستورين اهم من فلوس كتير لوحدك… .
رفع سيف حاجه هاتفاً
-أنتِ جبتي الكلام ده منين ..؟
عقدت حاجبيها معترضة
-عادي ده احساسي…
زفر بحزن وقد لمعت عيناه بخوف هامساً
-خايف ياهنا يكون كلام مراهقة وشعارات سنك ..
سحبت كفها بغتتة وتحدته هاتفة
-لا… .أنا بتكلم الي حساه… ومستعده اثبتلك
همس بترقب
-توعديني متقفيش مع الغلس أحمد ،…
شهقه ناعمة اردفتها بهمس
-أنت بتغير منه ..؟
اشاح مردفاً بضيق
-مبغيرش… .بس متقفيش وخلاص .
ليحك رأسه ويطالعها بإبتسامة
-صراحة بغير عليكِ من الهواء… ..
ابتسمت لكنها صمتت ،تبدلت ملامحها وهمست بخوف
-أنا كده مفرقش عن ملك ..كنت برضو بتغير عليها ..
سحب كفها مره أخرى وهمس بحب
-في فرق… .ملك كنت مبحبش تعاملها مع الناس بالتلقائية دي والناس الغُرب تحديداً
انما أنتِ مختلفة لاني بغير عليكي من عمرو… ياسين امي احمد ..
من حضن والدتك لاني بتمنى ترجعي لحضني أنا بس… .متعرفيش غيره ..وبصراحة هو مش هيقصر…
نهضت قافزة ..فتحت شقتها فهمس بمكر
-رايحة فين… ؟
ردت بأنفاس لاهثة ،وضربات تصم أذنها
-كده زي مابيقول ياسين ،الشيطان هيتنطط جنبنا ..
قهقه سيف مردفاً بزهو
-احبك وأنت فاهم ياشقي…
اغلقت خلفها الباب هامسة
-وأنا أحبك وأنت غيور أوي كده ياأستاذي…
ابتسامة رضا تخللت وجهه ،وقناعة سرت في اوردته لينهض وهو يغمغم
-وداد لو عرفت أن قعدت عالسلم ووسخت الهدوم هتخليكي تغسلي هدومي ..
ليأتيه هتافها
-فالخدمة يااستاذي ..بس مش هتاخدهم تاني ..
اغلقت الباب وصعد هو للأعلى ولسان حاله يردد
-عيون وقلب أستاذك .
************
استقبلت ملك دخوله قائلة
-اتأخرت…
ابتسم سيف ساخراً ،لتباغته بسؤال
-مقصرتش شعرك يعني…
ابتسم سيف وهتف ببساطة
-هنا… .زعلت وعيطت وأنا مقدرش على زعلها .
للحظة كانت ستظهر نيرانها المستعرة بالغيرة ،لكنها ابتسمت وهمست وهي تجعد انفها
-هنا صغيرة ومش فاهمة…
نهض سيف يمسد قميصة قائلا
-وعملنا ايه بالكبار… وبعدين نونه ذكية وعاقلة ..وحقها تعترض مش جوزها المستقبلي ..
هتف ياسين بإنشداه
-الله عليك ياحبيب والديك…
نظرة نارية القتها ملك بوجه ياسين ..لينكمش مردداً
-خاف ياياسين… ياامي ياامي ..
قهقه سيف بمتعة وهو يتابع ياسين الي يقتص من برود ملك ويتغذى عليه…
تناولت ملك حقيبتها وابتسمت ببرود
-يلا بقا… علشان منتأخرش ..
همس سيف في اذن ياسين ،ليقفز ياسين ويهرول للاسفل… .
بدأ سيف يراوغ ملك حتى أتت صاحبة الجلاله… وتبعها ياسين ..
وقف سيف واشار لملك قائلا
-يلا بينا… لفت ذراعها حول ذراعه وتقدمت ترمق هنا بحقد وتشفي ،ليشير سيف لهنا وياسين
-يلا… .
توقفت ملك وهتفت بإستنكار
-هما جايين معانا ..؟
ترك سيف ذراع ملك وجذب ذراع هنا ولفه حول ذراعه قائلا بإبتسامة
-اها… بيني وبينك أنا من ساعة ماخطبت نونه مطلعتهاش… وبما أن انهردا عيد ميلادها فقولت نحتفل بيه سوا… .
شهقة ناعمة صدرت عن هنا لترفع رأسها هامسة
-سيف .
رفع سيف كفها مقبلا .ليطلق ياسين صفيراً اتبعه برقصة البطريق وهتف بتشفي
-الحب شطة نار شطة نار شطه نار… .
أما الاخرى فابتسمت بوداعه مصطنعه وتقدمت هامسة ببريق أعين يشبه الحيات
داعبت ذقن هنا قائلة
-وماله… دي هنا غاليه عندنا أوي…
ازاح سيف اناملها عن ذقن هنا ،وضم الأخرى لصدرة يحيطها بذراعه فارضاً حمايته…
لتشتعل الاخرى غضباً فقد كان احتضانه لهنا سهماً اصابها بمقتل فتعللت أنها نسيت أن لديها موعد وتغادر تطلق دخاناً من أذنها…
صفق ياسين بمرح قائلا
-يالعبك ياكبير… .وكعبو كعبو حبيبي وانا لاعبه ..
دفعه سيف ناهرا
-ايه الي بتقوله ده…
التفت سيف لهنا غامزاً
-عندك امتحان جيولوجيا بكرة لو جبتي درجه كويسه ليكي عندي افسحك احلى فسحه يانونتي .
حرك ياسين حاجبه هاتفاً بمشاكسة
-لبنيتا والدلع صافي… ..اوعدنا يارب ..
اشار لها سيف قائلا
-انزلي هاتي مامتك وكتب الجيولوجيا وتعالي نذاكر سوا… ..
ثم همس بتحذير
-بلاش بنطلونات ياهنا… .
اومأت هنا بفرحة
-حاضر عيوني… .
رددخلفها بإبتسامة مشعه
-تسلملي عيونك ياتلميذتي…
*****************
دخل المطبخ وجد زوجة عمة عاكفة على صنع الطعام… .شعر بالاشفاق لحالها… جلس بجانبها مداعباً
-بتطبخي ايه ..؟
رفعت رأسها مجيبة بإبتسامة
-اهلا ياقاسم… بطبخلك طاجن الكوسة الي بتحبه ..
هتف قاسم بسعادة
-بجد… ..
هتفت زوجة عمة بتأكيد
-طبعا ياابن الغالية…
شمر قاسم تيشرته متحمساً
-هساعدك بقا…
رفضت والدة عمة بمعاتبة
-لا ياابني… .خليك بعيد
تقدم قاسم وتناول البصل والسكين قائلا
-ابداً ..هساعدك ونعمل أحلى أكل .
دمعه فرت من عينيها المتغضة .لتمسحها باناملها وتراقب قاسم بفرحة… ..
دخلت ياسمين تتهادئ في خطواتها ،رمقت قاسم بنظرات غل ،ولمحة واضحة من الازدراء… تصنع قاسم عدم الأكتراث وتابع عمله… .فيما جلست ياسمين .وهتفت بسخرية
-الراجل الي بره ده لو شاف ابنه الحيلة كده هيعلقنا اسبوع ..
نظرات حاد غاضبة،لتهز ياسمين رأسها بنفور…
هتفت والدتها بحنق
-ياسمين… .
هزت ياسمين كتفها ببرود قائلة
-ايه ..غلطت ..ربنا يهدهم… ثم اشارت لقاسم مسترسلة
-منكم لله… ربنا يخلصنا منكم…
صرخت عمتها الناهر يوازي هتاف والدتها ،اما هو فظل يرمقها بثبات وهمي… والم يمتلك ثنايا صدرة ونيران مستعرة في احشائه
هتفت عمته وهي تتناول من السكين
-اتجننت ياقاسم بتساعدهم فالمطبخ…
تابع قاسم مايفعله وهو يهمس ببرود
-مش شايف مشكله… وبعدين مرات عمي تعبانه…
صرخت عمته بإعتراض
-وأنت مالك… .
اراحت ياسمين كفها على خصرها ومالت بجسدها ساخره
-شكله عنده… .قلب بني أدمين مش زيكم… قلوب كلاب سعرانه ..
انقضت عليها عمتها تقيدها من خصلاتها الحرة ،نهض قاسم يحاول تحريرها…
ساقتها عمتها ناحية الموقد… متحفزة للنيل منها ..تبعه لمعان نصل سكين اخترق بريقة الأنظار… ..

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية أنبض بقلب حبيبي)