روايات

رواية جمعنا القدر الفصل الخامس عشر 15 بقلم زينب محروس

رواية جمعنا القدر الفصل الخامس عشر 15 بقلم زينب محروس

رواية جمعنا القدر البارت الخامس عشر

رواية جمعنا القدر الجزء الخامس عشر

رواية جمعنا القدر الحلقة الخامسة عشر

فى المساء ابدل مروان ملابسه و خرج من المنزل ليقابل نادية
مروان : ازيك يا عمتى عاملة ايه
نادية : الحمد الله يا حبيبى انا كويسة
مروان : ايه الاخبار
نادية : احنا دلوقتى فى نهاية اللعبة انا معايا كل الادلة اللى توديهم فى داهية بس انت لازم تخلى بالك من قدر اليومين دول .
مروان : و قدر مالها
نادية : هما اللى حاولوا يخطفوا قدر و كمان ( و أخبرته بمخطط اسامة و عدلى )
مروان : يا ولاد ال*** انا مش هرحمهم ان ما دخلتهم السجن يعفنوا فيه .
نادية : هى خطوة واحدة بس يا مروان و كل حاجة تنتهى
مروان : ثوانى … انتى قولتى انهم عايزين يلبسوا ابويا تهمت قتل خالد الهلالى
نادية : اه
مروان : يبقى اكيد هما اللى قتلوه ….. هى العملية دى هتم امته ؟

 

 

نادية : كمان اسبوع بس احتمال تتاجل
مروان : معتقدش لانها لو اتاجلت هيخسروا فيها كتير
نادية : طب و اخوه اللى مسجون ده اكيد هيحاول يهربه الاول
مروان : اه صح هو بيحب اخوه بس حبه للفلوس اكتر
نادية :طب هتعمل ايه
مروان : متشغليش بالك اهم حاجة تاخدى بالك كويس عشان اسامة مش سهل
نادية :انشاء الله خير …. يلا انا لازم امشى خلى بالك من نفسك
مروان : مع السلامة
فى اليوم الثانى فى الكلية
ايسيل : انا نسيت فونى فى الكافيه هرجع اجيبه و اجى
قدر : ماشى بسرعة عشان منتاخرش على المحاضرة بتاع الدكتور الرخم
ايسيل : طب اسبقينى انتى و راندا و احجزيلى عشان محدش يقعد على مقاعدنا
قدر : حاضر
وذهبت ايسيل تحضر هاتفها و اثناء رجوعها كانت تركض سريعا حتى اصتدمت بأحد و كادت تقع و لكن يدا فولازية امسكت بها .
ايسيل و هى تعتدل : كرم .. انت هنا
كرم : 😂😂 لاء هناك … ايه يا بنتى واخدة فى وشك و ماشية بسرعة كدا ليه

 

 

ايسيل : كنت ناسية فونى فى الكافيه و رجعت اجيبه بسرعة احسن عندى محاضرة و الدكتور بتاعها رخم اوى و لو اتاخرت يقولى( و هى تقلده ) … آنسة ايسيل متأخرة خمس دقايق
و كدا المجتمع هيدمر لما انتى تتاخرى خمس دقايق و غيرك خمس دقايق … فين احترام المواعيد ….. تقولش الدنيا هتتهد يعنى عشان إتأخرت .
كرم : 😂😂😂 يخرب عقلك يا ايسيل 😂😂
ايسيل بجدية : سيبك من الدكتور ده انت هنا بتعمل ايه
كرم : جاى اشوف عدى متعرفيش مكتبه فين
ايسيل : تعال هوديك عنده مكتبه قريب من قاعة المحاضرة
كرم : يلا
بعد انتهاء المحاضرة
راندا : انا عندى ليكوا خبر حلو يابنات
قدر : ابهرينا ايه هوا
راندا : لاء احذروا هو ايه
ايسيل : انا غلب حمارى
قدر : و انا كمان

 

 

راندا بسعادة : انا اتخطبت
ايسيل : بجد لمين
قدر : اكيد ل محمد جارك مش كدا
راندا : اه هوا
ايسيل : اخيرا دا انتو كنتوا هتشلونا
راندا : اه اخيرا انا مبسوطة اوى يا بنات .
قدر و هى تحتضنها : الف مبروك ربنا يفرحك دايما
راندا : الله يبارك فيكى يا قلبى اعملوا حسابكم الشبكة يوم الجمعة
ايسيل : دا بعد بكرة…. بسرعة كدا
راندا : ايه اللى بسرعة دا انا بحبه بقالى اربع سنين عايزة ايه تانى
قدر : طب و هو قالك انه بيحبك
راندا : لاء بس باين فى عنيه مش محتاج يتكلم اصلا هو من النوع الكتوم
ايسيل :ربنا يتمملك على خير

 

 

راندا : يا رب .. عقبالك
ايسيل بمرح : لاء انا لسة صغيرة .. . و بعدين دى السنجلة جنتلة
راندا : 😂😂😂 بكرة تتقلبى على بوزك
نظرة ايسيل لقدر وجدتها تنظر اليها و تبتسم
ايسيل : مالك فى ايه
قدر : لاء ولا حاجة
راندا : يلا يا بنات انا ماشية عشان راحين نجيب الشبكة متنسوش يوم الجمعة
قدر : مع السلامة … يلا يا ايسيل احنا كمان عشان نروح
ايسيل : يلا
فى مكان اخر
اسامة و هو يضع يده على ذقنه : انا شاكك فى نادية
عدلى : ليه
اسامة : مش عارف بحس كدا انها بتكدب … شكلهامخبية حاجة
عدلى : طب ماتخلى حد يراقبها
اسامة : ما انا عملت كدا
عدلى : متقولش على خطط تانى قدامها
اسامة : ازاى و احنا عشان ناخد املاك ابن الصياد محتاج مساعدتها
عدلى : قولها اللى هيا المفروض تعمله و بس
♡♡♡♡♡♡♡♡♡♡♡♡♡♡♡♡♡♡

 

 

بعد ان انتهى عدى من عمله ذهب و احضر العديد من الهدايا ثم ذهب الى دار الايتام و عندما دخل و جد الاطفال يضحكون و نور فى المنتصف و ملفوف حول عينيها قطعة من القماش عندما وجده احد الاطفال يقف بعيد عنهم ذهب اليه و سحبه من يده ليلعب معهم و سار عدى معه دون ان ينطق حتى وصل اليهم و ذهب له جميع الاطفال و احتضنوه و بعد ان انتهو من الترحيب به اكملوا لعبهم و لم تدرى نور بوجود عدى
و ظلت تتبع خطواتهم حتى امسكت ب عدى و الجميع يضحكون
نور بغباء : ايه ده انتو فيكم حد بالطول ده
عدى : 😂😂😂😂
ازالت نور قطعة القماش فور سماعها لهذه الضحكة فهذه الضحكة ليست لطفل
نور بحرج : عدى ….. ثم ابتعدت عنه فهى كانت تقف بالقرب منه تكاد تكون داخل احضانه .
نور بحرج : انا اسفة مش قصدى
عدى : ولا يهمك انا الحق عليا
نور : انت بتعمل ايه هنا ؟
عدى : هو المكان ده بيتعمل فيه ايه
نور بغباء : مش عارفة

 

 

عدى : 😂😂 ايه يا بنتى مالك احنا فى دار ايتام
نور : اه صح
عدى : طب ممكن توزعى معايا الهدايا
نور : اه طبعا
و وزعوا الهدايا على الاطفال و بعد ان انتهوا وجدت نور فتاة تبكى فذهبت اليها
نور و هى تمسح دموعها : الجميل بيعيط ليه ؟
تيا : عشان محدش مخلينى العب معاه
نور : انتى اسمك ايه
تيا : انا اسمى تيا
نور : اسمك جميل يا تيا و انتى اصلا جميلة …مش عايزينك تلعبى ليه
تيا و هى تشير الى جانب و جهها اليمين : عشان وشى محروق و بيضحكوا عليا
نور : طيب تعالى معايا ….. و اخذتها و ذهبت الى باقى الاطفال
نور : انتوا مش عايزينها تلعب معاكم ليه ؟
محمد : بصى وشها عامل ازاى و شكلها و حش

 

 

نور : يا حبييى الجمال هو الجمال الداخلى مش الخارجى اهم حاجة جوهر الانسان … ثم اكملت و هى تشير الى قلبها
ده لازم يكون نضيف لازم تحبوا الناس مش عشان شكلهم حلو ياما ناس شكلها حلو و هما من جوه وحشين مش بيحبوا غير نفسهم و ناس مش حلوين من بره بس من جوه قلبهم ابيض مش بيحملوا حقد لحد و فى الاول و الاخر دى خلقت ربنا و ربنا خلق كل انسان فى احسن صورة و بعدين حط نغسك مكانها مش هتزعل لما تلاقى محدش عايزك تلعب معاه
محمد : اه هزعل … انا اسف مش هقولها كدا تانى و هنخليها تلعب معانا و مش هنزعلها
نور : برافو عليك يا حبيبى
ثم تحدث باقى الاطفال : و احنا كمان مش هنزعلها تانى
كل هذا و عدى يتابعها ثم ذهب اليهم و هو يحمل هدية بيده : اتفضلى يا تيا الهدية بتاعتك
تيا : شكرا يا عمو …. ثم قبلته على و جنته و ذهبت الى نور ايضا و قبلتها .
تيا : شكرا … انا بحبك اوى
نور : و انا كمان بحبك يا روحى يلا بقا عشان نلعب ولا انتو تعبتوا
الأطفال : لاء عايزين نلعب … و انت كمان يا عمو العب معانا
وقضوا بقية اليوم مع الأطفال
و عندما جاءوا ليذهبوا
عدى : اتفضلى اوصلك

 

 

نور : شكرا مراد هيجى ياخدنى زمانه على وصول
عدى : طيب تعالى نقعد على المقعد ده على ما يوصل عشان مينفعش تفضلى لوحدك
نور : روح انت عشان متتأخرش
عدى بإصرار : لاء مش هتأخر
و بعد ان جلسوا على احد المقاعد .
نور : الاطفال اتبسطوا بيك جدا
عدى : انا كمان اتبسط جدا انا اول مرة اضحك الضحك دا كله
….. انتى بتيجى هنا علطول
نور : انا باجى هنا مرة كل شهر انت اول مرة تيجى هنا
عدى : انا بحب الاطفال جدا ….. و انا فى لندن كنت بروح دار الايتام اللى هناك …… دى تانى مرة اجى الدار دى مرة اول ما نزلت من لندن و دى التانية .
نور : انا كمان بحب الاطفال … مفيش عندهم حقد و لا غل تجاه حد …. و انا معاهم بس الدنيا و اللى فيها .
عدى : انتى كمان انسانة جميلة
نور بخجل : دا من زوقك …
و ظلوا يتحدثون حتى جاء مراد …….. ……..

يتبع…..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جمعنا القدر)

اترك رد