رواية تمارا الفصل الثامن عشر 18 بقلم مريم أحمد
رواية تمارا الفصل الثامن عشر 18 بقلم مريم أحمد
رواية تمارا البارت الثامن عشر
رواية تمارا الجزء الثامن عشر
رواية تمارا الحلقة الثامنة عشر
ملك.. اي يا بابا ڪل دا بدور عليك
ضحك خليل.. ما انا موجود اهو و قاعد في الجنينه
ملك بتزمر.. بعد ايه بقي
ابتسم خليل و قال.. المهم ڪنتي عايزه ايه
ردت ملك بتأڪيد علي ڪلامه… المهم.. بالظبط ڪدا…. هنعمل اي في الي جاي… الي اسمها مروه دي شڪلها مش سالڪه و هتتعب ماما معاها
خليل.. خير إن شاء الله متشليش هم
ملك بتوتر.. و في حاجه ڪمان
خليل بحنان.. خايفه تتڪلمي ليه.. قوليلي ايه هي طيب
ملك بدموع.. تمارا
خليل بحنان.. مالها
ردت ملك و هي دموعها علي وشها.. انا عايزه اشوفها وحشتني اوي يا بابا
حضنها خليل و هو بيقولها.. خلاص يا حبيبتي هانت و هي ڪويسه صدقيني
_مسحت ملك دموعها و اتعدلت و هي بتقول بحماس
ملك.. طيب يلا عشان نفطر مع تيتا… انا حبيتها اوي يا بابا
قال خليل بفرحه ڪبيره… يلا يا حبيبتي
______(حوقلوا♡)______
دخلت ملك البيت مع خليل بس استغربت لما ملقتش مليڪه
ملك… ايه دا امال فين مليڪه!!
ردت عليها و هي نازله علي السلم… بتسألي عليا ليه
ابتسمت ملك و شاورتلها… تعالب اقعدي هنا
راحت مليڪه و قعدت جنب ملك
-. ڪل دا ڪان تحت نظرات غرام الي ڪانت نازله علي السلم بهدوء
_سحبت ڪرسي جمب امها.. صباح الخير
رد الڪل.. صباح النور
-. ڪانت لسه هتقعد بس وقفها صوت سعاد
سعاد… استني يا غرام قبل ما تقعدي هاتي مايه عشان نسينا
الهام.. لا خليها تقعد تاڪل و هقوم انا اجيب المايه
سعاد.. لا طبعا ازاي!!
-. و بصت لغرام و قالت بعصبيه
سعاد بزعيق… ما تخلصي ولا عايزه مرت خالك تقوم تخدمنا
غرام بخوف… حاضر والله حاضر
-. و بصت لإلهام
غرام… اسفه يا مرات خالي
الهام… لا يا حبيبتي مفيش حاجه
_مشيت غرام بدموع و اول ما اهتفت عن انظارهم قالت الهام لسعاد
الهام بضيق… في اي يا سعاد انتي ڪل حاجه تزعقيلها ڪدا… بنتك ڪبرت و مبقتش لسه عيله صغيره علي فڪره
سعاد بحنق… هي واخده علي ڪدا مني و بعدين هو انا بزعقلها عشان مين ما عشانك… يعني اسيبك تقومي من علي الاڪل عشان تخدمينا و هي تقعد تاڪل؟؟
-. اضايقوا ڪلهم من ڪلامها علي بنتها
الهام بضيق.. فيها ايه يعني.. و بعدين خادم القوم سيدهم
_في الوقت دا ڪانت غرام جت و طبعا سمعت ڪل ڪلمه امها قالتها عليها و حست قد ايه امها بتضايق منها
-. حطت غرام المايه علي السفره و قالت بنبرة ڪلها وجع بانت فيها غصة دموعها
غرام بقهر… انا اسفه يا طنط مڪنتش اقصد
الهام بحنان…متتأسفيش يا حبيبتي انتي مغلطيش عشان تعتذري
صباح بحب… هاتي ڪرسي يا غرام و تعالي اقعدي جمبي هنا
هزت غرام راسها.. حاضر
____(استغفروا♡)____
زين بعصبيه… اقسم بالله يا ادهم لو اجلت تاني معاد التسليم ما هسڪتلك
ادهم.. في ايه يا زين انا قولت اي يعني غير اننا نخلي المعاد تاني يوم من نزولنا مصر… عايز اطمن علي اهلي يا عم غلطت في ايه انا؟!!!
زين بغضب جحيمي… غلطت في ايه؟؟ لأ.. ابدا ڪل الحڪايه بس ان تأجيلك ڪل مره دا قالقني مش اڪتر
ادهم بعصبيه.. و فيهااا اييييه.. اسمعني ڪويس يا زين لو انت اهلك مش فارقين معاك ف انا لأ انا اهلي وحشوني و من حقهم عليا اني لما ارجع مصر اول حاجه اروحلهم مش اسيبهم خالص.. و بالذات اني سايبهم بقالي شهور
زين بهدوء.. تمام بس اعمل حسابك ان مفيش تأجيل تاني و يلا روح لم حاجتك و اجهز علي معاد الطياره و ياريت متتأخرش
-. هزله ادهم راسه و مشي بهدوء
_خرج من الشرڪه و رڪب عربيته في اتجاه البيت
-. اول ما دخل البيت مسك تليفونه و فضل يڪتب الارقام الي ڪانت معاه في ورقه و استني يسمع صوت الشخص
-ايوا يا ادهم
ادهم… بلغهم ان ڪل حاجه تمام و المعاد اتأجل لبعد بڪره
-تمام متشڪر اوي يا ادهم مش عارف اقولك ايه
ادهم.. متشڪرنيش يا سامر دا واجبي ووووو
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية تمارا)