رواية زين الصعيد الفصل الثامن والخمسون 58 بقلم دودي
رواية زين الصعيد الفصل الثامن والخمسون 58 بقلم دودي
رواية زين الصعيد البارت الثامن والخمسون
رواية زين الصعيد الجزء الثامن والخمسون
رواية زين الصعيد الحلقة الثامنة والخمسون
جنة انصدمت اول م سمعت الشخص ده وهو بيقول أنه ابوها …حتي الكل كمان كان مصدوم … ازي ده يحصل أو في ايه …
بتبص جنة ل جميلة اللي بتلاقيهااا مصدومة ومتثبته في مكانها
جنة بصدمة :نعم…انت بتقول ايه انت مجنون
_لا مش مجنون …انا ابوكي فعلا …حتي أسألي جميلة هانم وهي هتقولك ع الحقيقة …
جنة وعيونها بتروح ل جميلة …الراجل ده بيقول ايه قولي إنه هو كداب …م تردي ساكته ليه ردي …
_هترد تقول ايه …معندهش كلام تقوله … ايوه انا ابوكي وانتي بنتي ومن لحمي ودمي …
جنة دموعها بتخونها وتنزل …
زين :انت عارف بتقول ايه …ازي ابوها وأبوها مات …
_علشان ببساطة اللي مات ده مكناش ابوها من الاول
جنة بدموع :مش ابويااا ازي …انت بتخرف بتقول ايه اخرس بقا اخرس …
جميلة بغضب :امشي اطلع برا …منك لله انت اللي جابك هنااا
_امشي ازي واسيب بنتي لوحدها في يوم زي ده …وبخبث انا كنت بحلم اني اشوفها عروسة مع عريسهااا واهو جاه اليوم …
جميلة بغضب :ياريتك م جيت …بوظت عليها فرحتها يخي منك لله …بقولك اطلع برا
جنة بعيط وصرخ :بس بقا كفاية كفاية حرام عليكم بس … وبتطلع تجري جنة ع فوق …
طبعا كلهم واقفين وسامعين وشايفين بيتفرجوا وبس …
جميلة بتنده ع جنة جنة مبتردش …
زين :مودة اطلعي وراها …وخليكي معاها علشان خاطري …لحد م اشوف الموضوع ده
مودة :حاضر ي زين انا هاخد معايا قمر وازهار وبيطلعوا هم التلاته …
زين بيبص للشخص ده :بقولك ايه ي راجل انت كمان …انت حتي هنا وعايز ايه …وبعدنا معاك ايه م يثبت أن جنة تبقا بنتك فعلا زي م بتقول …
_ادي شهادة الميلاد بتاعتها اهي…
زين :وانا ايه اللي يضمني انها متكنش مزورة
_والله اللي اعرفه انك ضابط واكيد حاجة زي دي مش هتغلب وتعرف إذا كانت مزورة فعلا ولا لا …
زين بياخد منه الورقة وبيبص فيها وفعلا بيلاقي اسم جنة بس اسم الاب والام مختلفين تمام عن أسماء جميلة وعز …
_هااا اتأكدت ي حضرة الضابط …
زين :مش هتأكد غير لما اعرف انت مين وشهادة الميلاد دي صح ولا غلط
_والله براحتك اهي معاك …شوف اللي عايز تشوفه …
زين :انت عايز ايه بقا دلوقتي …مش جيت وبوظت الدنيا عايز ايه تاني
_بخبث:هعوز ايه يعني غير اني جاية احضر شبكة بنتي …اللي محروم منها بقالي سنين وسنين …ايه مش من حقي ده …واظن انت ملكش الحق انك تمنعي ولا ايه …انا خلاص دلوقتي حماك يعني الكلمة كلمتي
زين :انت شكلك اتجننت ولا هبت منك ولا ايه …وبيمسكه زين من لايقة القميص …وبغضب امشي اطلع برا بدل م اطلعك بمعرفتي …
كل ده وجميلة واقفة وشها في الأرض ومش عارفة تعمل ايه ولا تتصرف ازي …وحاسة نفسها انها اتفضحت ده غير نظرات الكل من حواليها بالذات تفيدة…
عاصم بيحوش زين عنه :زين اوعي سيبه …
زين بغضب :سبني ي عاصم سبني …اخلص ع الحيوان ده
عاصم :كفاية ي عاصم هتودني نفسك في داهية علشان واحد زي ده …
بيحوش عاصم زين عن الشخص ده …
عاصم :امشي اطلع برا انت كمان… واظن كفاية كدا مبقاش فيه شبكة ولا نيلة كل حاجة باظت اطلع …غور
_بخبث:ماشي همشي… بس اكيد هنتقابل تاني ي زين باشا وبيبصله بغل وبيخرج برا …
راضية :ايه ده ي زين … اظن كلنا محتاجين نفاهم ايه اللي حصل ده ولا ايه … ايه ي ست جميلة مش ناوية تفاهمينااا ولا ايه …لتكوني ماشية مع الجدع ده في الحرام وعايزين تضحكوا علينا
جميلة بترفع رأسهاا وبتبص ل راضية اللي كلامهااا كان زي السكينة في قلبها …وبتدمع …
تفيدة بخبث:هترد تقول ايه …م كل حاجة بانت زي الشمس اهي …شوفتي ي راضية علشان اقولك من ساعة م دخلنا وانا مش مطمنة…
راضية :والنبي عندك حق ي تفيدة … ع رايي المثل من برا هاللله هالله …ومن حوله يعلملهههها …
زين :كفاية بقا كفاية كلام …وبيبص ل جميلة …ممكن حضرتك تفهميني ايه اللي بيحصل هنا ده
جميلة بدموع :انا طالعة ل جنة وبتطلع …
سليم :هتعمل ايه ي زين …
زين بتنهيدة :والله م انا عارف ي سليم …
رحيم :انت مصدق حوار الرجل ده
زين :معرفش …ومحتار …
عاصم :يعني ايه ي زين …
زين بتنهيدة :يعني تايه ي عاصم … سكوت ام جنة ده مش مطمني …وقلبي بيقولي أن شهادة الميلاد دي …ممكن فعلا تطلع صح …بقولك ي عاصم خد شهادة الميلاد دي واكشف عليها…
عاصم :حاضر ي زين …طيب انا همشي دلوقتي … ولما الدنيا تهدأ ابقي طمني عليك وعلي جنة …يلا عن اذنكم …
عند جنة …
جنة قاعدة علي سريرهااا بتعيط …
ومودة وازهار وقمر حواليهاا…
مودة :كفاية عياط بقا يحبيبتي
ازهار :م انتي لسه مش عارفة إذا كان ابوكي فعلا ولا لا ي جنة
جنة بدموع :لا مش ابويااا …ابويااا ازي انا مليش غير اب واحد بس وراح عند ربنا…
مودة بتطبطب عليها :ايوه خلاص م دام انتي متأكدة كدا ليه بقا بتعيطي …أن شاء الله هيطلع كداب والله شكل حد زقه عليكي علشان يعمل كدا …والله متقلقيش يستي …
قمر :مودة عندها حق ي جنة …بلاش تعيطي بقا …طاب والله شكلك جميل وانتي بتعيطي كمان …ايوه ايوه هتضحكي اهو يلا يلا …
جنة بتبتسم…
ازهار :ايوه كدا ابتسمي …والله ي جنة صدقيني كدا هتتعبي احسلك انك مس تفكري كتير علشان مش تتعبي …ومامتك هتعرفك الحقيقة …وبتخبط جميلة ع الاب وبتدخل …
جميلة :لو سمحتوا ي بنات ممكن اتكلم مع جنة شوية لوحدنااا
مودة بحب :طبعا اتفضلي …يلا ي جنة هننزل احنا بقا واكيد هنشوفك تاني … سلام يحبيبتي …
وبينزلوا هم تحت …
جميلة بتقرب من جنة وبتقعد جمبهااا… جنة علشان خاطري بقا كفاية عياط …طيب بصيلي طيب …ردي عليااا
جنة :عايزة ايه …مش كفاية اللي حصل تحت ده …ارد عليكي اقولك ايه … هو مين اللي المفروض يرد علي التاني ويفهمه …انا ولا انتي …ياااه طول الوقت كنت بحاس بحاجة غريبة بتحصل من ورايا بس مكنتش فاهمة هي ايه …تخرجي برا وتتأخري واجاي أسالك كنتي فين تطلعيلي بأي حجة والاقيكي بتتكلمي في التليفون كتير واول م تشوفيني تتخضي وزي م يكون مش حتي عايزاني اعرف بتكلمي مين وايه اللي بينك وبينه … طول الوقت كنت براقب تصرفاتك لأنها كانت مريبة اووي …ده لدرجة أن دماغي راحت لبعيد …لدرجة فكرت انك ممكن تكوني بتخوني بابا …شوفتي وصلتي لايه …بقيت بفكر فيكي بطريقة وحشة اووي بطريقة تخليني اكرهك …وابعد عنك …
والنهاردة بانت كل حاجة …بس مكنتش مدركة أن واحد زي ده يخترع حجة كدا ويجي يقولي أنه ابويااا …ابويااا ازي وانا ابويااا مات ازي ازي …دي خطة أنتي عملها صح
جميلة بتنهيدة :والله العظيم انتي فاهمة غلط …اسكتي ي جنة انتي مش فاهمة اي حاجة خالص …متعرفيش انا موجوعة اد ايه دلوقتي …ولا حاسة بإيه …
جنة :طاب م تعرفيني انتي …انا سامعة اهو …
**مودة وازهار وقمر نزلوا …
زين :هااا جنة عاملة ايه دلوقتي
مودة :والله ي زين يعتبر هديت شوية …ومامتها طلعت لها وبتتكلم معاها فوق …والله صعبانة علياا اووي …اومال فين الراجل اللي كان هنا
زين :غار في داهية …المهم انتوا يلا علشان تمشوا …
رحيم خد مودة مراتك يلا وقمر وازهار وامشوا …
رحيم :نمشي ازي …وانت ي زين …
زين :انا هفضل هنا …مينفعش تمشي واسيب جنة كدا هي ومامتها لوحدهم لحد م افهم فيه ايه
سليم :خلاص ي زين …يبقا افضل معاك …
زين :محدش هيفضل معايا … مينفعش حد يفضل معايا هنا .. . يلا ي عمي صالح خد مرات عمي واميي معاك …
راضية :ازي ي زين …مش لازم نفهم ايه اللي بيحصل هنا … خلاص دي مبقتش تنفعك ي زين سيبك منها ويلا تعال معانا …
زين :بس يماااا …اسبني منها ايه كفاية … انا قولت الكل يمشي يلا …
صالح :طيب ي زين يولدي …مش محتاج اي حاجة …
زين :لا يعم صالح …تمشوا انتوا … انا كدا كدا هرجع الشغل لما اطمن ع جنة فقعدتكوا هنا ملهاش لازمة …
بعد كدا كلهم مشيوا …ومبقاش فاضل غير زين اللي قرر أنه يقعد لحد م يطمن ع جنة ومستني أنه جميلة تنزل من عندها …
نرجع ل جنة
جميلة بتنهيدة :انا هحكيلي كل حاجة …علشان تعرفي أنه انا مش خاينة ي جنة زي م بتقولي …
جنة :هسالك سوال وتردي عليا سؤال واحد بس …انتي امي ولا لا …والراجل اللي مات ده ابويا ولا مش ابويااا
جميلة:هخليكي تحكمي لما تسمعي من الحقيقة الاول …وعايزاكي تعرفي اللي ربي غير اللي خلف ورمي في الشارع …ايوه انتي مش بنتي ولا عز ابوكي …ابوكي الحقيقي الراجل اللي كان تحت ده …في يوم كنت أنا وعز راجعين من عند ناس كنا عندهم في حفلة كنا راجعين متأخر اووي …واحنا ماشين بالعربية … عز لاقا حاجة ملفوفة كدا ومحطوطة ع الطريق عز نزل يشوف في ايه …طلع صندوق صغير وانتي كنتي فيه …حتة لحمة حمرا ملفوفة في بطانية من البرد كنا في عز الشتااا …لما لقيت عز بيشيلك من الصندوق وواقف بيكي …نزلت من العربية وروحت عليه …
#Flash_Back…
جميلة :يروحي عليها هي بتعمل ايه في البرد ده
عز :معرفش …بس أظهر أهلها هم اللي حاطينه كدا ي جميلة
جميلة :ي حبة عنيااا دي لسه لحمة حمرااا ازي وصغيرة …طاب هنعمل ايه دلوقتي ي عز …منهم لله أهلها ايه معندهمش رحمة يرموها كدا في البرد ده …
عز :مفيش في قلوبهم رحمة يرموا ضنهم كدا في الشارع …بقولك ايه ي جميلة ايه رايك م تيجي ناخدهااا نربيهااا …واهو نكسب فيهااا ثواب
جميلة :بس ي عز اي واحنا مبعرفش هي بنت مين كدا حرام علينا …والناس هتقول ايه …
عز :حرام عليا ايه ي جميلة …يعني احنا اللي حرام علينا …ومش حرام ع أهلها …والله شوفتي قمر ازي …انتي عارفة أن ربنا ما اردش أننا نخلف …مين عارف مش يمكن ربنا يكون بعتناا ليهااا نجدة علشان ناخدها وافكر فكدا ايه رايك …مش كان نفسك يكون عندك بنوتة تربيهااا … وسيبك من كلام الناس …هم مين اصلا ولا احنا مالنا بيهم …
جميلة :ماشي ي عز …بس افرض أهلها ظهروا وخدوها مننا
عز :أهلها مين بس ده م صدقوا يخلصوا منهاا …الله واعلم لو مكناش شوفنااا كان ايه اللي ممكن يحصل لها …ولا كلب يشوفها يأكلها ولا حاجة …
جميلة :عندك حق …ماشي ي عز وانا موافقة …
عز :يلا بينااا …
وركبوا العربية ومشيوا ع الفيلا …
جميلة :من ساعاتها وانتي كنتي كل حياتنا بقيتي بنتنااا وحبناكي انا وعز من اول يوم دخلتي فيه البيت ده والخبي والرزق والحب والسعادة دخلته …انا وعز اللي اختارنا اسمك … انا وعز كنا عايشين وحدانين …مكناش فيه فرحة ولا ضحك البيت ده كان ظلمة …لحد م جيتي انتي ملتيه …سنة ورا سنة وانتي بتكبري قدامناا واحنا كمان بنكبر معاكي …أنتي رجعتي ل حياتنا البهجة من تاني …وفي يوم لاقينا واحد جاي وبيقوله أنه عايز بنته …
#Flash_Back…
عز :ايوه حضرتك مين
_انت متعرفنيش …بس انا جاي اخد أمانة عندكم
عز ب إستغراب: أمانة !!! أمانة ايه اللي بتتكلم عنها دي …
_الله بنتي ي بيه …
عز :بيتك مين ي جدع انت انا مش فاهم حاجة
_بنتي اللي اخدتوها من ع الطريق بليل
جميلة :تقصد جنة
_الله انتوا سمتوها جنة …ايوه هي دي
عز :انت اتجننت ولا ايه …مين قالك أنها بنتك …
_الله يسامحك ي بيه انا مش مجنون …ايوه بنتي وشهادة الميلاد اهي حتي بالإمارة في وحمة في ضهرها …عايز اثبت اكتر من كدا
عز بيبص ل جميلة …وبعد كدا بيرجع يبص للشخص ده …
ايه خلاك متأكد اوي كدا أنها موجودة هنا
_علشان في نفس الليلة اللي شوفتوهاا واخدتوهاا من ع الطريق كنت أنا واقف بالماكنة بتاعي بعيد عنها …علشان اعرف مين اللي هياخدها وكمان علشان كنت خايف عليها من الكلاب الضالة …ولما اطمنت انك اخدتهااا وركبت العربية انت والست هانم مشيت وراك لحد م وصلت بيتك وسالت عنك وعرفت انك انت والهانم مش بتخلفوا وخلاص بنتي بقت معاكم …وانا ابوهااا
جميلة :يااااه …جاي تقول ابوهااا …ابوهااا ورميت بنتك كدا رميتهااا وهي لسه لحمة حمرااا في عز البرد ايه يخي انت قلبك حجر للدرجدي …وبعدنا م هي كانت بنتك ومعاك وانت رميتها جاي دلوقتي تقول عايز بنتك!!!
_انا مرمتش بنتي زي م بتقولي ي ست هانم …بنتي اول م اتولدتي وانا كنت فرحان بيها وبعد ولدتها وسجلتها بشهادة ميلاد بعد شهر من ولدتها امها كانت ماتت وسابتهلي اربيهااا لوحدي … مكناش وقتها معايا ولا ملين اقدر اصرف بيه عليها … كنت هجيب منين وهعيش ازي انا وهي …فكرت أن احطهااا ع الطريق وحد يشوفها فياخدهاا يربيهااا … ولو كنت وحش اووي كدا مكنتش استنيت بعيد عنها لحد م اعرف مين هياخدها ويربيهااا …لحد م انتوا اخدتوها وربتوها وعلمتوهااا كمان …
عز :وجاي عايز ايه دلوقتي …جاي تهد كل ده …جاي تقول بكل بساطة انك ابوها … هو مين اللي الاب …انت ولا انا …انت اللي جابك قلب ترمي بنتك كدا …يخي مهما كان ايه السبب مستحيل اي حاجة في الدنيااا تخليك تعمل كدا …قلبك حجر اوع تكون فاكر أن كل كلامك ده مبرر للي عملته انت عملت جريمة في حق جنة … انت فاهم … ودلوقتي حتي تقولي عايز بنتك …انا معنديش بنات ليك …
جميلة :قول انك مش جاي علشان بنتك وانك ليك غرض تاني …
_بخبث: مين قال كدا انا عايز بنتي …وهعارف ازي اخدها منكم ومعايا كل الأدلة والاثبتات انها بنتي فعلا …وهطلع علي القسم اقول بكدا وهم بقا ليهم كلام تاني …ولسه بيمشي …
جميلة :استنااا …
_نعم ي ست هانم
جميلة :تاخد كام وتبعد عن جنة خلاص …
_بخبث:انا مش عايزة فلوس انا عايزة بنتي واخدها من هنا وامشي …
جميلة :تاخد مين ده مستحيل … تاخدها من العز اللي عائشة فيها ده وتعذبهااا معاك …
عز :اسمع ي جدع انت
_بخبث:خدامك عباس
عز :طاب اسمع ي عباس …انا هديك مليون جنيه …بس تبعد عن جنة نهائي ومش اشوفك وشك هنا تاني انت فاهم …
_بخبث :تحت امرك يبه …
عز بيطلع دفتر الشيك …انا هكتبلك ع شيك
_لا يبه شيك ايه بس …انا عايز كاش
عز:طيب خلاص عدي عليااا في الشركة بكرا خدهم
_بخبث:طاب مفيش اي حاجة تحت الحساب كدا…انا مش لاقي أكل وممعيش فلوس …
عز :بيطلع فلوس من جيبه وبيدهله …خد يلا امشي …بس اسمع ع الله اقرب من جنة ولا تحاول تكلمهاا
_بخبث:متخافش يبه …طول م انت بتدفع خلاص …وبيضحك وبيروح ماشي …
جميلة بتنهيدة:تفتكر ي عز ممكن يفكر يعمل حاجة ل جنة …
عز :عمره م هيعمل حاجة …اللي زي ده كلب فلوس …وانا عارف ومتأكد أنه هيرجع تاني تستغلها وياخد مننا فلوس
جميلة :مش مهم الفلوس ي عز …المهم جنة أنها متعرفش الحقيقة… انها مش بنتنا…
عز :لا ي جميلة …جنة بنتنااا وهتفضل بنتنااا للابد …احنا اللي كبرنا وعلمناا …مش يجي دلوقتي عباس الزفت ده ياخدهاا ع الجاهز كدا ويهد كل حاجة بالسهولة دي …اوعي تجيبي سيرة لاي حد باللي حصل ده فاهمة …
جميلة :اسيب سيرة ايه بس ي عز هو انا هبلة …
**وبيروح عباس الشركة وبياخد المليون جنيه من عز بعدها ب اسبوع عباس بينط ل عز كل شوية سواء ف البيت أو الشركة … وياخد منه فلوس من الاخر كدا بيستغلوا وعز بيدفعله علشان مش عايز يخسر جنة بعد ده كله …
وعباس كان كل م ياخد فلوس من عز بيروح يلعب بيهااا اومر …وكل مرة بيخسر …وكل م يخسر يروح لعز وهكذا …م هو استغلال بقا اللي هو عايز تفضل جنة معاك ومتعرفش الحقيقة ولا تعرف انك مش ابوها ولا جميلة امها …يبقا تدفع …
وبتمر الايام والشهور والسنين علي كدا …
لحد م عز مات وبعد م عباس كان اختفي رجع ظهر تاني لما راح ل جميلة وقابلها وبقا بيهددها أنه يعرف جنة الحقيقة … وادته فلوس علشان يمشي …وهو برضوا اللي كان بيتصل ب جميلة علشان يقولها هيقابلها فين وتديله الفلوس …
#Back_again….
جميلة :ده كل اللي حصل …بس صدقيني والله العظيم عمري م فكرت في يوم من الايام انك مش بنتي بالعكس من يوم م خدتك وانتي كل حياتي بنتي اللي انا مش خلفتهاا …صدقيني ي جنة دي كلها الحقيقة …
جنة بدموع :ياااه …يعني بعد ده كله وكل المدة دي وانتوا بتضحكوا عليااا وانا مش بنتك …طول المدة دي وانا مش جنة عز الدين … وبنت الراجل اللي كان تحت ده …طاب كنتوا عارفوني قولولي الحقيقة …ليه كل ده وسبتوني كدا وانا مش بنتكم …
جميلة : مكناش عايزين نخسرك … لا ي جنة حتي بعد كل ده لا انتي بنتي وحبيبتي وكل م ليااا …انا مستحيل اسيبك حتي بعد م عرفت الحقيقة مش هخليكي تسبيني…
جنة بدموع. وغضب :لا انا همشي مش عايزة أقعد هنا تاني …ده مش مكاني …وبتقوم جنة تقف
جميلة :تمشي!!!للدرجدي شايفة سهلة اووي كدا وبتعيط جميلة ودموعهااا بتنزل… جنة انا مليش غيرك متمشيش … انتي بنتي انا …لا مش هخليكي تمشي … بعد كل ده جاي تقولي كدا انا اللي ربيت وتعبت فيكي …شوفي دلوقتي انتي فين وعايشة فين وبقيتي ايه …كل ده علشان انتي كنتي معانا…الله اعلم لو كنتي لسه مكانك …ولا مع ابوكي التاني ده اللي انتزع من قلبه الرحمة و قاسي اووي علشان يعمل فيكي كدا ويرميكي بالشكل ده … مش كل اللي خلف يبقا حنين …اللي ربا هو اللي يستاهل …اللي ربا وشال مش اللي خلف ورمااا … وبتعيط بحراقة اووي …جاية دلوقتي عايزة تسبيني بعد م بقاش ليا غيرك في الدنيا بعد م عز مات وانا لوحدي … وبتعيط …
جنة شايفة قدامها جميلة عاملة تعيط …قلبها وجعها عليها اوووي ووطت لحد م بقت في مستوي وجميلة قاعدة …
جنة :لا انتي مش لوحدك …انا معاكي …خلاص بقا علشان خاطري كفاية عياط …
جميلة :لا لوحدي علشان عايزة تسبيني…ي جنة
جنة :لا مش هسيبك …
جميلة :بجد
جنة :بجد والله م هسيبك …وبعدنا في حد يسيب أمه ويمشي
جميلة بفرحة وبتمسح دموعها :ايوه امك وهفضل امك لحد م اموت وانتي بنتي
جنة :ايوه بنتك …وانا اسفة علي اني اتعصبت عليكي وكلمتك وحش … بس غصب عني …فجأة لقيت نفسي وانا فرحانة ووسط خطوبتي واحد جاي يقولي انا ابوكي …مكنتش عارفة اعمل ايه ولا اتصرف ازي …حاسة نفسي تايهة …ده غير زين
جميلة :وانا عمري م هزعل منك ابدا …مهما حصل …والراجل ده مش هيجاي هنا تاني …زين بيحبك ي جنة …خليكي معاه
جنة :تفتكري بعد اللي حصل ده ممكن يفضل معايا …
جميلة : وميفضلش ليه … لو بيحبك هيفضل
جنة بتنهيدة : مش عارفة
جميلة :يلا بينااا ننزل …نشوفهم تحت … احنا اتأخرنا اووي عليهم ي جنة …
بينزلوا …
بيلاقوا زين قاعد تحت …
جميلة : فين أهلك ي زين …
زين :مشيوا …
جميلة :اكيد علشان اللي حصل ده …انا اسفة يبني
زين بحب:اسفة علي ايه …محصلش حاجة ل ده كله …وبعدنا انا اللي قولتلهم يمشوا خلاص لبسنااا الشبكة …وعملنا الخطوبة …مفيش داعي أنهم يقعدوا … وبيبص ل جنة …جنة انتي كويسة …انا مردتش امشي غير لما اطمن عليكي …طمنيني عليكي …علشان خاطري …
جنة بتنهيدة :انا كويسة ي زين …متقلقش …بس
زين :بس ايه
جنة بتنهيدة :مينفعش نكمل مع بعض بعد اللي حصل ده …
زين :انتي بتقولي ايه!!!
جنة :ايوه ي زين … انا مطلعتش جنة بنت عز الدين رجل الأعمال المعروف …وطلع ابويااا اللي انت شوفته ده …وامي ماتت وابويا بيلعب اومر …وبيشرب مخدرات …تقدر تقولي هتكمل معايا ازي …
زين :وانا يوم م حبيت … حبيتك انتي …ولا سالت أنتي بنت مين …ولا ابوكي شغل ايه …حبيت جنة
– *سأكون لك الامان الذي لا يتخلى عنك يومآ*
المجنونة …العصبية … اللي اول مرة أتقابلنا فيها اتخانقنا وخطفت قلبي ويشاء الله نقابل بعض تاني في نفس القطاع … حبيتك زي م انتي كدا بجنونك بدماغك الطقة …بعصبيتك…بنرفزتك …كل حاجة … وانتي جاية دلوقتي تقوليلي مينفعش نكمل …انا مالي انتي بنت مين ولا ابوكي مين مهما كان هو مين …اللي اعرفه انك بنت عز الدين الرجل الطيب انا عمري م قابلته بس سمعته عنه كتيراووي …واد ايه كان طيب مع كل الناس …وبيعمل خير كتير اوي… ده ابوكي يجنة عارفة يعني ايه ابوكي …وانا معاكي وهفضل جمبك لحد اخر يوم في حياتي …عارفة ليه علشان انتي كل حياتي ودنيتي الجاية …انتي جنتي وبنتي …وبقولك اهو انا قاعد ع قلبك وبيضحك
جنة بحب وعيونها فيها لمعة :زين انا مبسوط اوي بيك …وبجد مش عارفة اقولك ايه …حتي يوم خطوبتنا باظ
زين :مش تقولي حاجة …وبعدنا باظ ايه لا ولا اي حاجة …ويلا بقا علشان هنخرج انا وانتي وماما جميلة القمر
جميلة :لا …لو عايزين تخرجوا انتوا اخرجوا وانا هفضل هنا مستنيكوا …
جنة :لا ي زين … مليش نفس أخرج …معلش خليهاا مرة تانية
عز :بلا مرة تانية بلا تالته …لا انا قولت يلا يعني يلا …وده أمر … انتي وماما جميلة تطلعوا تلبسوا ودقيقة ب الضبط وألاقيكم انتوا الاتنين قدامي …وبضحك وإلا …بقا انتوا عارفين انا ممكن اعمل ايه … كلبشات ع طول …
جنة بخبث :يعني اهون عليك تحط الكلبشات ف اديااا …وبتغمض عنيها بصعبنيه …
زين:بصراحة متهونيش …اه بضعف انا اووي قدام النظرة البريئة دي وانتي بتغمضي عينك كت وبيضحك …احم يلا اطلعوا البسوا بقا علشان مش نتأخر …يلا ي ماما جميلة
جميلة :ماشي ي زين ي بني …يلا ي جنة …
وبيطلعوا يلبسوا …
بعد كدا بيخرجوا كلهم وبيتعشوا وزين كمان بيودي جنة دريم بارك وجنة بتبقي فرحانة اووي …لا وكمان بيشتري ل جنه عروسة … لانه عارف اد ايه هي بتحب العرايس… لما كان بيقرأ المذكرات بتاعتها…
بعد كدا زين بيوصلهم البيت …
زين :حمدالله ع السلامة
جميلة :الله يسلمك ي بني …م تيجي تعال …
زين :ربنا يخليكي ي ست الكل … انا عندي شغل …
جميلة :طيب … ربنا معاك …انا هدخل بقا انا …متتأخريش ي جنة
جنة :حاضر …ي ماما هقول ل زين ع حاجة بس واجاي وراكي ع طول …
جميلة :ماشي … وبتدخل جميلة …
زين بخبث:هااا ايه …
جنة بضحك :هو اللي ايه …
زين :قولتي انك عايزة تقوليلي حاجة …
جنة ب إبتسامة :عايزة اقولك شكرا بجد علي الخروجة دي … حقيقي انبسطت اووي …والعروسة كمان حلوة اووي
زين بحب:انا مبسوط انها عجبتك …انا موجود علشان اخليكي مبسوطة بس …مش عايزاك تزعلي ابدا مهما حصل في حياتك خلاص احنا اتخطبنا … كل حاجة بعد كدا تحصل هنعديهااا سوا علشان مع بعض …من النهاردة انا ضهرك وسندك لحد م يجي اليوم اللي تكوني فيه مراتي …وملكي وجنتي وعمري كله …
جنة بحب :انا مهما اوصفلك حبي ليك عامل ازي عمري م هقدر اعبرلك …ده كفاية وجودك جمبي في كل وقت …انا فعلا ي زين بقوي بيك …وبيك انا لسه مكملة …
زين بضحك :تعرفي انا عايز نتجوز النهاردة قبل بكرا
جنة بضحك :استهد بالله احنا النهاردة كانت خطوبتنا …يعني لسع بدري علي خطوة الجواز دي يسطااا
زين :يسطااا …حد قالك ي بنتي اني سواق ميكروباص … والله انا ضابط …وبيضحك
جنة :لا ضابط ع نفسك …وبعدنا انا بحب اقول يسطااا دي دايما …والنبي حلوة عليك …
زين بخبث :اه ضابط ع نفسي قولتيلي …اومال مين اللي بتحب الضباط وكانت دايما تقول نفسي اووي اتجوز ضابط …وعاملة تتغزلي فينااا لحد الصبح …هااا مين
جنة :يووووه …انت عرفت الكلام ده منين … اه افتكرت اكيد من المذكرات انا كاتبة الكلام ده فيهااا …والله ي زين انا غلس اوووي …
زين بضحك :طاب ما أنا عارف
جنة : يلا …بقا امشي
زين بخبث :بقا كدا بتطرديني ع الناشف …عنيفة اووي وقاسية عليااا …م طريهااا ي جميل …
جنة بضحك :زين انت عايز ايه
زين بخبث:كل خير ي قمر انت يولاه …وبيغمز لها …وبيقرب منها …
جنة بتمثيل :الحق ماما
زين بيتخض:فين فين وبيبص يمين وشمال
جنة بتطلع تجري وبتضحك … هههههه… تعيش وتاخد غيرها ي زينو سلام ي حضرة الضابط …
زين بضحك :انا قولت مجنونة محدش صدقني …اه مجنونة بس بتجنني …وبيبص في الساعة …ياااه ده انا اتأخرت
وبيتحرك زين …
………………………………………………………
عصام ويوسف قدموا استقالتهم من الجيش …وانضموا لجماعة الإخوان …وبقوا أفراد من الجماعة …وده لانحايزهم في طريق الضلال …وان ازي كمان الدكتور أبو القاسم عرف ازي يغسل دماغهم كويس اووي لحد م هم الاتنين استقلوا
وده اللي اثار شكوك العقيد نادر …أنهم بقا ملحدين …
ابو سعد :السلام عليكم ورحمه الله وبركاته…السلام عليكم ورحمه الله وبركاته
عصام : السلام عليكم ورحمه الله وبركاته…تقبل الله
ابو سعد :منا ومنكم ي اخ عصام …وشك بيقول بدك تقول شئ
عصام :انا عاوز اطلع غزوة جديدة
ابو سعد :بس انت لسه ما بقالك شئ معانا
عصام :م علشان كدا عايز اطلع علشان …اثبتلكم ولائي واني اقدر اطلع غزوات
ابو سعد :امتاا
عصام :دلوقتي …وخير البر عاجله …احنا كدا كدا بنطلع بندور واحنا ونصيبناا …انا بقول نتوكل ع الله دلوقتي ونجرب…
ابو سعد :موافق …توكل ع الله …اجهز انت والأخوة …واترك الاخ ابو محمد …وخد الاخ يوسف …مطرحه …
عصام :الله المستعان …يلا ي اخوانا…
ابو سعد :شوفت ي سيلمي قولتلك سيبه ياخد وقته وهو اتحرك اسرع م ظننا
“انك لا تهدي من احببت …ولكنا الله يهدي من يشاء ”
سيلمي :ونعم بالله …ع فكرة الاخ زياد بيتحرك ع هنا هو والاخ الجديد اللي انضمله مؤخرا …
ابو سعد :علي بركة الله اول م يوصلوا تسلمهم للاخ عيسي يتولي تدريبهم وخليه يهتم جدا ب اسلام
سيلمي :اسلام …اشمعنا …اسلام
ابو سعد :الغربلي …مثل يوسف وعصام وعيسي …وغيرهم من اللي انضموا لنا كلهم كانوا في ضلاله قبل أن يهديهم الله الي طريق الحق …لكن في ضلالهم كسبوا خبرات ومهارات أعظم الله بها لما هدهم الي صراطه المستقيم …
الشئ المختلف أن عصام ويوسف وعيسي خبراتهم من جيش الطواغيت لكن اسلام مهاراته اكتسابها لما كان مجرم في منطقة ساكنه في المرج …
……………………………………….
زين :تفتكر ي فندم أنهم يقصدوا عيسي …
نادر :مش عارف والله ي زين …بس المعلومات اللي عندي بتقول أن فيه تكفيرين جم من خارج سينااا ومستخبين في البيت اللي جوه المزرعة …
زين : ما هي صدفة غريبة …برضوا أن المعلومات تطلع بعد م اقابل قائد الوحدات
نادر:كل حاجة هتبان لما نهجم المزرعة …العملية دي عايزة خطة محكمه
زين :جاهزة ي فندم
نادر :جاهزة ازي انت هتهرج انا لسه قايلك الموضوع حالا
زين :ي فندم انا دربت العساكر علي مداهمات في أماكن زي دي بالضبط وسيادتك عارف ان المزارع هنا كلها شبه بعض …احنا جاهزين نطلع في خلال نص ساعة …بس مستنين الاوامر من سيادتك
نادر :خلاص ي زين …اتوكل ع الله
زين :تمام ي فندم …ع اذنك… هنتحرك انا وعاصم أن شاء الله
نادر :ربنا معاك …
………………………………………………..
في مكان تاني …عيسي بيشرح للتكفيريين…
عيسي :لازم يبقا فيه نقطة التقاء احتياطية بعد العملية غير النقطة الأساسية
بنستخدمها في حال كشف النقطة الأساسية وصعوبة الوصول إليها لاي سبب …
فجأة عيسي بيسرح وبيحصل فلاش باك بينه وبين زين …
#Flash_Back
زين :صح كدا …كدا انت فهمت شرح الكمين والغار …عايز تفهم ايه تاني
عيسي :عايز افهم انت هتخلص تنضيف البندقية امتاا …انا رجعت معاك الكمين والغار بكل تفاصيله وانت لسه مخلصتش
زين :انا لو علياا تفضل المع فيها لحد م تبقا مرايا لازم اللي جاي من بعيد يعرف انها بندقية زين الجبالي …سلاحك لازم تحترمه وتحبه علشان يحترمك …
عيسي :عايز تفهمني أن البندقية حاسة باللي انت بتعمله علشانها … م في الاخر بندقية زي اي بندقيه ساعة الجد كله بيضرب نار
زين :مخلوقات ربنا كلها بتحس ي عيسي اشمعنا يعني البندقية
عيسي :ي فندم …أن كل يوم بضرب نار في ممر الرماية عمري م حسيت انها في بندقية غير التانية ولو جابتلي بندقية مش هعارف ان ضربت بيها قبل كدا ولا لا …
زين :علشان كدا عمرك م هتبقا جامد في الرماية …ولا سلاحك كمان هيديك فرصة طول م انت بتعمله كدا
سلاح الفدائي لازم يكون حتة منه
عيسي :انت بتصدق الكلام ده احنا بنقوله وخلاص …لكن ساعة الجد مفيش وبعدنا ايه اللي يخليني اموت علشان حته حديدة انا لو مت وانا بدافع عليها ايه اللي هيحصل م بعد ما اموت هتتاخد مني وهتبقا في ايد خدمة اللي شايلها حتي لو كان عدوي …يبقا لسه اموت علشانها …
زين :علشان يبقا موت بشرف …وتقف قدام ربنا وهو راضي عنك
سلاح المقاتل عني شرفه …دراعه …
وصاحبه …لازم تتعامل ع أنه كدا مش حته حديدة ماسكها والسلام …وسلاحك يوم م يتاخد منك يتاخد منك بشرف …فهمت …
…………………………………………………
بعد العملية …
نادر :مش هنا ازي يعني ي زين
زين :والله ي فندم انا بفكر في الموضوع ده وبصراحة مش عارف بس احنا اتفقنا أن اكتر حاجة عيسي بيفكر فيها هو عارف احنا بنفكر ازي وهيتحرك علي أساسه
نادر :صح مش لوحده ده كمان هيعلم الكلاب اللي انضملهم …دول طرقنا واساليبنا هيعرفهم ازي يتعاملوا معانا اللي زي ده خلاص بقا جاسوس لما باع بلده واسرار جيشه
زين :علشان كدا بقول سيادتك عيسي مش موجود هنا …
عيسي عارف ان دي اول حاجة هنفكر فيها فأكيد هيعمل عاكسهاا…
نادر :ازي يعني …تقصد أنه ممكن يكون في سينااا …مش صعب ده
زين :ع الأقل دلوقتي …عيسي مش هيدخل سيناا غير لما يتأكد أننا بطلنا ندور عليه وكمان يتأكد أن احنا فقدنا الأمل أنه ممكن يكون موجود
نادر :منطقي برضوا بس هيكون راح فين ي زين هنا مثلا علي اساس ده المكان الوحيد اللي عمرنا م هنفكر أنه يكون موجود هنا بالذات بعد اختفاءه ده …
زين :سيادتك مش ملاحظ استهدف العساكر والضباط اللي بيحصل ع طريق الاسماعيليه اليومين دول اكيد كل ده مش صدفة بعد هروب عيسي واختفائه
نادر:قصدك أنه يكون في الإسماعيلية
زين :واكيد ورا كل اللي بيحصل ده بس فين في الاسماعيليه …الله اعلم …
………………………………………………………..
بعد مرور شهر
في قطاع المستشفي…
جنة داخلة ع هدي ومريم اوضه الدكاتره …
جنة :اذيك ي مريم …
مريم :اهلا ي جنة …
هدي :ايه ومفيش اذيك ي هدي ولا ايه
جنة :اهلا ي هدي …معلش مخدتش بالي …
هدي :تخدي ولا متخديش انتي حرة يحبيبتي …اه صح الف مبروك ع الخطوبة مع انك مش عزمتي حد ولا حتي مريم صاحبتك
جنة :الخطوبة جات فجأة كدة …مكناش فيه فرصة اني اعرف حد …معلش بقا ي مريم
مريم :والله براحتك ي جنة …ولا علشان بقا العريس زين ضابط القطاع … م فعلا ليكي حق تخبي عننا … خايفة من الحسد
جنة :ايه اللي بتقوليه ده مريم حسد ايه وكلام فارغ ايه …
هدي :ايه بتقول الحقيقة …بس نقول ايه وقعتي واقفة…وعرفتي ازي تنشلي صح …واعية ع الآخر …
مريم :عندك حق والله ي هدي …
جنة:ايه ي مريم في ايه مال طريقتك في الكلام بقت عاملة كدا …انا بجد مش فاهمة ده بدل م تفرحيلي …هي دي كلمة مبروك بتاعتك …
مريم :مالي م انا فل اهو …ع الأقل مش كنت في أوضة الضابط زين لما كان متصاب وكان بيقرب مني علشان يبوسني …
هدي بخبث:يلهوي …الشريفة الطاهرة بانت ع حقيقتها
جنة وعيونها متركمة في الدموع …وبتبص ل مريم …وبتنهيدة…انا مكنتش اعرف انك اتغيرتي كدا يمريم معرفش سبب التغيير ده ايه بس اللي اعرفه م دام بقيت م هدي تبقي هي اللي لعبت في دماغك …كل حاجة فيكي اتغيرت …كلامك …اسلوبك …حتي كمان شكلك …انا بجد مصدومة فيكي…ليه ي مريم …وبتبص ل هدي …إنما انتي مش تفرقي معايا اصلا عارفة ليه علشان انا مش شايفكي من الأساس …وبالنسبالي هوااا …وبتسبهم جنة وتخرج …
…………………………………………….
بتعدي الايام وعلاقة زين ب جنة كل يوم بتقوي اكتر واكتر زين حنين اووي ع جنة وبيحاول يعوضهاا الحب والحنين اللي فقدتهم من ابوها عز …ومن ساعة الخطوبة مفتحش معاها موضوع اللي حصل في الخطوبة …لانه ببساطة مش مهم عنده غير جنة وبس …كان بيحاول ازي يرضيهااا …حتي رغم عصبيتها وبتعاند في كل حاجة بس برضوا بيحبهااا…
اصل اللي بيحب حد بسحبه بعيوبه …وقتها بقا مش بنفكر في العيوب دي عارفين ليه علشان بتكون باصين الميزات اللي فيه …وبعدنا كلنا فينااا عيوب يعني محدش خالي من العيوب …مقسومين نصين كدا …بس بقا الشخص الصح هو اللي يعرف يحول العيوب دي لمميزات… بس الاهم أنه يكون مقتنع بده قبل م يتغير …ويعرف كمان أنه للاحسن …
زين حاب في جنة جنونها وبراءتها في اي موقف …حتي جنة الطفلة من جواها… واكتشف برغم البلبله اللي فيها دي وأنها مهما بتطلع تطلع بس بتنزل علي فشوش …وهي طيبة وحنية الدنيا كلها فيها …وبتحاول تبين أنها قوية من برا علشان محدش يستغلها ولا يفكر أنها ضعيفة …بقا عارف بتحب ايه وبتكره ايه …ايه الحاجات اللي بتخليهاا مبسوطة …
بقا فعلا جنته ودنيته …وجميلة كمان بقت زي راضية في مقام أمه ب الضبط …بتعمله بحب وزي ابنها تماما…
زين لاقا راحته وسعادته مع جنة…
بس هل السعادة دي هتدوم…
كان زين وجنة بيتقبلوا اغلب الوقت قطاع المستشفي وبيعمل اي حجة أنه يروح هناك المستشفي علشان يشوف جنة …
جنة بإستغراب :زي انت بتعمل ايه هنا …
زين :جاي اشوف واحد صحبي …
جنة بضحك :ي سلام …عليااا برضوا الكلام ده… اخلص جاي هنا ليه
زين بضحك :بصراحة كدا جاي اشوفك… أصلك وحشتيني اوي ودايما ع بالي ي جميل
جنة بضحك: المفروض اتثبت بقا وكدا صح
زين بضحك:والله هو المفروض …
جنة بضحك :اعتبرني اتثبت يلا بقا من هنا …
زين :الله الله ي جدع بقولك وحشتني …ايه معندكيش مشاعر ولا احاسيس كدا ليه
جنة بضحك :لا معنديش …
زين سبحان من قال الاحساس نعمة والله
جنة بضحك :شوف ازي…زين مش تجنني بقا
زين :طيب غمضي عينك …
جنة :ليه
زين :يستي غمضي بس
جنة :زين …لا مش هغمض …بصراحة خايفة تعمل حاجة
زين بضحك :لا مش اللي في دماغك…علشان تعرفي انك ظلماني ودماغك بتروح شمال كتير …
جنة بضحك :م خلاص يعم …بس والله ي زين لو عملت حاجة كدا ولا كدا انت حر …وبتنهيدة وبتغمض …
زين :هااا فتحي …ايه رايك بقا
جنة :ايه ده
زين :خاتم
جنة :لمين
زين :هيكون لمين يعني …اكيد ليكي
جنة :بتتكلم بجد ي زي… بس
زين :هو اللي بس … خلاص يبقا مش عاجبك بقا …ايوه قولي أن ذوقي مش حلو
جنة :لا والله مش قصدي ده يجنن …انا بقول أنه شكله غالي اووي
زين بحب :مفيش حاجة تغلي عليكي ابدا …وبعدنا الغالي للغالي… يلا بقا علشان البسه ليكي …هاتي ايدك …
بتمد جنة اديهاا ل زين وبيلبسهااا الخاتم …
جنة بفرحة :الله مبسوطة اووي ب ي زين تحفة تحفة
زين بحب :ده تحفة علشان في ايدك ي جنتي … بقولك انا عايز نحدد ميعاد كتب الكتاب بقا
جنة :بالسرعة دي ي زين …لسه بدري
زين :بدري ايه بس ….وبعدنا انا شايف فترة الخطوبة بصراحة مالهاش اي لأزمة ..وخلاص انا وانتي بقينا عارفين بعض …ليه بقا نفضل مطولين في الخطوبة كدا …بصراحة انا زهقت
جنة :زهقت مني
زين :ي روحي انتي زهقت منك ايه بس … انا قصدي زهقت من الانتظار…وبقول نحدد ميعاد كتب الكتاب وبعده الفرح علي طول …نفسي يجي بقا اليوم اللي تكوني فيه مراتي …
انا عندي كلام كتير اووي عايز اقوله ليكي ومينفعش يتقال دلوقتي …
جنة :انا مش عارفة ي زين بصراحة … خايفة اخد الخطوة دي دلوقتي …
زين :خايفة وانا معاكي …وبعدنا يستي خلاص فكري وردي عليااا براحتك …اتفقنااا …
جنة بحب :اتفقنااا …وبتبص جنة علي الخاتم …وهي فرحانة اووي بيه وبتبص ل زين … انا بحبك
زين :هااا قولتي ايه دلوقتي …
جنة بكسوف :يووه بقا ي زين بس …
زين :م هي يووووه دي اللي مدوبني وبيضحك …
بتيجي ممرضة تنده ع جنة وبتقولها المدير عايزاك …
جنة :انا هروح اشوفه عايز ايه وارجعلك تاني …
زين بحب :ماشي …
بعد شوية كانت جنة راحت وجات
جنة :هااا اتأخرت عليك …
زين مش بيرد …
جنة استغربت زين اووي …زين انت مش بترد عليااا ليه
زين بيبصلها ووشه متغير خالص …انتي ازي كدا
جنة بإستغراب :في ايه ي زين مش فاهمة …في ايه
زين :فيه انك رخيصة …مكنتش أتصور أن ممكن توصل بيكي الدرجة وتعملي كدا …
جنة ب استغراب :كفاية ي زين انت كدا بتجرحني …انا مش فاهمة ايه الكلام اللي بتقوله ده وازي اتغيرت كدا ده انا سايبك كويس …حصل ايه لما غبت
زين بسخرية :خدي شوفي كدا
جنة بصدمة : لا مستحيل ي زين انت فاهم غلط
زين بيقلع الدبلة وبيرميهاا في وش جنة وبيمشي …جنة بتمسك دراعه فجأة زين بيذقهااا بتقع جنة ع الأرض وللاسف الوقعة بتخلي دماغها ناحية الأرض وبتنز*ف د*م
زين ذقها ودور وشه عنهااا
جنة بتاخد نفسهااا بصعوبة :اه …ز…ين …الحقني
ي تري ايه اللي حصل خلا زين يعمل كدا ؟!…
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (زين الصعيد)