رواية رسومات الموت الفصل الثالث 3 بقلم ولاء خالد

رن الجرس وبدأ الطابور الصباحي وفي وسط فقرات الاذاعه المدرسيه حصل شئ قدام عيون البنات خلاهم يصرخوا وجروا بعيد…المدرسين فضلوا يصرخوا علي همجيتهم وعدم الانضباط بتاعهم وراحوا علي مكان ماكانوا بيبصوا فيه وببصرخوا لقوا رنيم مرميه علي الارض! البنات راحوا ووقفوا وهما خيفين وشايفين شكلها المخيفه والدم نازل علي الارض وعلي جبينها كمان وعيونها ولون جلدها ازرق وكأنها شربت سم تعبان نور انصدمت مش هي كان المفروض تموت ومنعتها امها ازاي حصل كده!! المعلمه بصت علي نور بنظره خيبه الاملراحت المعلمه عندها وشدتها لاوضه المدرسات واتصلت علي امها تيجي 

الام وصلت شافت عربيات الشرطه والاسعاف والحوش كلوا ضباط والممرضين وشالوا رنيم علي الترولي وخرجوها برا المدرسه طلعت الام فوق لاوضه المدرسات وفي ايدها ورقه المرسومه فيها قتل رنيم 

الام وهي بتدخل الغرفه:رسمتي تاني يانور غير امبارح

نور وهي بتعيط وبتهز راسها بالنفي:والله ياماما مرسمتش تاني ومش عارفه ازاي ماتت انامقتلتهاش 

المعلمه:اهدي يانور دلوقتي لو حد عرف انها قتلتها هنعمل اي

نور :والله ماقتلتهاش هي يلي ماتت من نفسها ياماما صدقيني مقتلتهاش

الام وهي بتبعد عيونها عن نور:يارتني ماخلفتك 

الكلمه صدمت نور لان متعوده منها تحضنها وتكذب الكل عشان خاطرها كانت متعوده منها الكلام الحلو يلي يخليها تستحمل وتعيش دلوقتي مين هيقولها كلام يطمنها بعد كده!!

الام:هوديكي عند جديتك عشان اعرفك ازاي تقتليها يانور وتعرفي تتحكمي في غضبك يلي هيودي الكل في داهيه 

شدتها ونزلوا لتحت وكان الضباط واقفين 

الام:تعرفي كان ممكن ابلغهم واقول دي يلي قتلتها بس للاسف مفيش دليل ضدك يأثبت الجريمة

نور سامعه كلامها ومش مصدقه هي دي امها بجد او حد متعرفوش وكانت عيشه معاه طول السنين دي

نور راحت لجدتها ام ابوها وطبعاً هي عرفه حكايه الرسومات وهي يلي قتلت ابوها بيها فكانت عشان طيبه بس بتعطلها الاكل وتمشي بسرعه نور كل يوم في اوضتها مبتخرجش  بتبص للسقف وتتخيل حياتها لو محدش اكتشف رسوماتها او بترسم وهي مطمنه ان محدش هيموت كان شهر بحالوا عذاب لنور نفسياً

في يوم وهي قعده في اوضتها سمعت حد بيقع وكبايه بتتكسر جرت بسرعه شافت جدتها علي الارض وكبايه الشاي السخنه وقعت عليها كلها نور صرخت وقعدت جمبيها وشافت نبضها لقتوا مفيش نبض…نور خافت تقول لامها هتقولها بردوا انتي السبب في موتها فقررت تاخد تلفون جدتها عشان هي مش معاها تلفون واخدت هدومها ومشت هي مش عارفه تروح فين دلوقتي بس  قعدت قدام البحر وجمبيها الشنطه وحست ان الابواب كلها انقفلت في وشها بس من لطف ربنا واحده شافتها وفضلت تنده عليها 

هي:يابنتي يابت ماتردي يابنتي

نور وهي بتلتفتت ليها:هاا انتي بتكلميني 

راحتلها وقعدت جمبيها

هي:هربانه؟

نور:ايوه يعني  قولي هربانه

هي:ليه!!

نور:جدتي ماتت وانا خفت امي تقولي اني قتلتها

هي:وليه بتقولي كده؟..

نور وهي بتمسح دموعها:ممكن منتكلمش في الموضوع دا 

هي:خلاص يابنتي طب هتروحي فين دلوقتي

نور:ا…انا معرفش مفيش حد هيساعدني 

الست وهي بتقوم وبتشدها:يبقا تعالي معايا البيت 

نور:مش هينفع دا انا معرفكيش 

هي:ما يمكن ربنا بعتني ليكي المكان هنا مش امان وفي شباب ممكن يستغلوا ضعفك ف يلا معايا

اخدتها وراحوا بيتها 

نور:البيت جميل اوي

هي: انا عيشه فيه انا وابني نادر اعتبري البيت بيتك ياحبيبتي

نور اعتبرت المكان بيتها وكانت طييه معاها ويتعاملها اكنها بنتها لانها معندهاش بنات نور كانت بتشوف نادر مرتين في اليوم وممكن ياخد اجازات وبتلاقيه في  الاوضه مبيخرجش وساعات يوم الجمعه بيقعد معاهم لاكن مبيتكلمش غامض كده وغريب حتي نور فكرت انوا مضايق من وجودها 

نور:انت مضايق مني!

نادر وهو بيقفل الكتاب:مضايق؟! لاء طبعاً مش مضايق واعتبرتك اختي الصغيره 

نور:طب ليه مبتكلمنيش

نادر بتنهيده:وعايزه اقولك اي 

نور احرجت وجرت علي اوضتها

نور بقت بتحاول تكلم نادر لانها مبتخرجش وحسه بالوحده اموا بتروح تشتغل ونادر بيبقي قاعد في الاوضه في ايام محدده من الاسبوع بيبقا مبيشتغلش فيها 

نور:اعملك قهوه معايا انا شاطره فيه اوي

نادر بأبتسامه:اعملي قهوه يانور 

نور فرحت وجرت علي المطبخ وعملت كوبايتين قهوه وخلصتهم وراحتلوا

نور:اتفضل ودوقها وقول اي رايك

نادر:امم طعمها جميلي تسلمي 

نور:ممكن اتكلم معاك انا مبشوفش حد وببقي عيزه اتكلم مع اي حد

نادر:تمام هنتكلم ….انتي مين يانور

نور:مهو انا اسمي نور اومال اسمي سعاد!

نادر من الكلمه كان بيشرب قهوه اتشنق منها

نور:ا..انت كويس ه..هتموت

نادر:انا كويس اهو انا بقول يعني حكايتك انتي مين وهربتي ليه؟…

نور وهي بتبص للشباك:انا بنت اتحرمت من كل حاجه حلوه بسبب حاجه بتبان سخيفه لاكن مرعبه 

نادر:واي هي

نور:الرسم 

نادر:ازاي!

نور:عشان وانا صغيره كنت بتخيل مواقف لناس بتموت بطريقه وحشه اوي ومن ضمنهم بابا….بابا قتلتوا بسبب الرسم تخيلتوا وازاي مات وفي الساعه كام وبعدهيا بقيت بحلم وبتخيل موت ناس بيحصل وبيموتوا امي كانت بتحسسني اني كويسه اني زي البنات التانيه ومش فيا حاجه الكل يخاف منها لغايت في يوم رسم بنت في المدرسه بكرها اوي وامي شافت الرسمه واليوم ده البنت غابت وكان اجمل يوم لاكن تاني يوم لقيت الموقف يلي رسمتها بيه بيحصل وماتت وامي اكنها اتبرت مني خلاص 

نادر:وهربتي منها!

نور:لاء هي ودتني عند جدتي وجتي ماتت خفت تقولي قتلتيها فهربت

نادر:يبقي قتلتيها

نور:مش مصدقني انا مليش ذنب!

نادر بضحك:كنت بهزر معاكي مصدقك طبعاً 

نادر حس ان كلامها صح فعلا وانها اتعذبت اوي بقا بيكلمها وبيطمن عليها وحبها وعاملها زي اختوا الصغيره  كام مبيعديش يوم غير لما تصحيه بكبايه المايه علي وشوا و لو في يوم اجازه ليه بيتفرجوا علي فلم مرعب ويتحدوا بعض ان محدش يصوت ويخاف وعدت الايام والسنين لغايت مانور كبرت وبقا عندها 20 سنه ونادر23 وأتي اليوم يلي هيغير حيات نور يا اما للاسوء او للاسوء اكتر لان في حاله نور مفيش سعاده وحياه جميله وليه هتعرفوا مع الاحداث الجايه …..