روايات

رواية خادمة الصقر 2 الفصل السابع والعشرون 27 بقلم يوستينا سامي

رواية خادمة الصقر 2 الفصل السابع والعشرون 27 بقلم يوستينا سامي

رواية خادمة الصقر 2 البارت السابع والعشرون

رواية خادمة الصقر 2 الجزء السابع والعشرون

رواية خادمة الصقر 2
رواية خادمة الصقر 2

رواية خادمة الصقر 2 الحلقة السابعة والعشرون

المختار بتريقه/ حمد لله على السلامه يا بطل ايه رصاصة تعمل فيك كل ده
عاصي بحده /انت كمان بتهزر يا عمي كده برده ما تفهمنيش ان عساف مجنون وعايز يتنقل لمستشفى للمجانين .. ده كان هيموتني
المختار شد كرسي وقعد وهو عمال يضحك/ طب ما طبيعي يا اهبل مش بتحاول تلعب على بنته لازم يقرصلك ودنك
عاصي / ودني ايه بس المره دي الرصاصة كانت في كتفي المره الجايه هتبقى في دماغي ده عنيف اوي بص انا مش هكمل في اللعبه دي
مختار/ تبقى حمار ده احنا خلاص وصلنا لاخر الجوله انت عارف بعد اللي حصل ده لو قلت لارا مش تعالي نتجوز لا تعالي نهرب مع بعض هتسمع كلامك
تامر /صح كده عمك بيتكلم صح يا عاصي .. البنت بقت مسلمة خالص معاك استغل بقي .
عاصي / ماشي يا عمي هفضل معاك كده مسلملك دماغي لحد ما اشوف اخرتها ايه . ربنا يستر بس وما اكونش من المراحيم
مختار ضحك / مراحيم مره واحده عيب ده انت عاصي السيوفي عموما انا هسيبلك مبلغ تحت الحساب يعني ساعدوك و اول ما تخرج من المستشفى تيجيلي على الفيلا عايزك في موضوع مهم …يلا باي يا تامر
وخرج مختار من المستشفى وتامر قفل الباب وراه وبص لعاصي و قاله / انا مش هقولك ان عمك ده زباله لان هو الصفيحه نفسها ده الماده الخام يا اخي

 

 

عاصي بضحك / حرام عليك مش قادر حتى اضحك اوعى تكون قلت لوعد اني في المستشفى وعلى كل اللي حصل ده
تامر /اكيد يعني ما عملتش كده هي ناقصه بقولك ايه هتعمل ايه مع عمك ..عاصي انا بدات اخاف بجد اللعب معاهم مش سهل .
عاصي بخبث/ وانا برده مش سهل على فكره ..
تامر بتريقة ضربه في كتفه بقصد و عاصي صرخ و تامر ضحك بصوت عالي / ما انا واخد بالي انك مش سهل فعلا
عاصي / يا اخي ابو شكلك ده انت عيل واطي و بعدين انا بتكلم جد سواء عيلة الحديدي او السيوفي الاتنين ازبل من بعض
و اللي بيني وبينه ثار بايت وحق وهاخده يعني هاخده
احم احم …انا كيوستينا هجري بعد ما عرفتوا ان عاصي خاين 👿👿😂
________________________________________________
في المستشفى عند ادهم
ادهم كان فايق و كريم قاعد جمبه علي السرير و بياكله بهزار و يزن دخل
يزن حاول يتكلم بهزار / ايوا ايوا علي الدلع .. علفكره انا كدة هبدا اغير ..
ادهم اتوتر اول ما شاف يزن لانه كان فاكر انه هيعنفه
يزن بص في الاكل / هو انت بتاكله ايه .. ما تجيب اي لقمة ده انا هموت من الجوع اوي يا عم كريم
ادهم ابتسم / خد الطبق كله انا اساسا ماليش نفس
يزن / ده عند امك .. هتاكل غصب عنك .. كل ياض
كريم ابتسم / طيب انا كدة اطمنت انك موجود يبقي ادهم هياكل و هيشرب و كل حاجة .. انا لازم اروح الشركة علشان عندي اجتماع مهم اوي

 

 

ادهم بحرج / حقك عليا يا كيمو اني عطلتك .. انا اسف
كريم بصله بقرف و بص ليزن / اي الواد ده .. و بعدين هو بقي محترم كدا من امتي يعني
يزن و هو حاطط ايده في جيبه / لا هو محترمني انا علشان خايف مني هو عارف ان ايدي طارشة
كريم حط ايده علي كتف يزن و قاله بهزار / طب يا حبيبي اتوصي بيه بقي .. انا عايز شغل نضيف
و خرج كريم من المستشفى و يزن هيفضل واقف علي نفس الوضع و ده هيوتر كريم اوي و كلن مش عايز يبصله
يزن بضحك / حلو جو الهبل اللي انا و انت بنعمله ده
احم ادهم انا كنت عايز اعمل حاجة بس مش عايزك تزعل مني بجد
ادهم استغرب اوي و قاله / حاجة اي دي يا يزن
يزن قرب منه و بدون سابق انذار ضربه بالبوكس في وشه و شده من شعره/ بقي انا تسيب اعصابي يلا
ده انا عمري في حياتي ما خفت كدة . ده لما ابويا عمل عملية كنت قاعد علي القهوة بلعب ضمنة يلا
انا اساسا معنديش دم .. تقوم انت تعمل فيا كدة
ادهم فضل يضحك جامد / ما انا اللي كنت بلعب معاك يومها .. اوعي يزن بقي ايديك تقيلة بجد
يزن بعد عنه و قعد علي الكرسي / ماشي هبعد بس انا عايز اقولك حاجة انت بكره هتتنقل مستشفي تانية .. او بمعني اصح مصحة للادمان يا ادهم

 

 

ادهم ملامح وشه اتغيرت و بدا يتوتر اوي و بص لادهم. بخوف و قاله/ انا مش عايز اتبهدل .. انا عارف اني غلطت و اني هاذي سمعة العيلة بس انا هبطل لوحدي يزن متعملش فيا كدة وحياة امك
يزن قاطعه في الكلام و هو حاطط ايده علي كتفه
قاله/ اهدي يا ادهم وحياه امي ما حد هيعرف باي حاجة
و بعدين سمعة عيلة اي اللي انا هخاف عليها .. انا خايف عليك انت ، محدش في العيلة دي عنده استعداد انه يخسرك .. و بعدين انت فاكر ان ابوك و امك هيبقوا مرتاحين في تربتهم و هما شايفين ابنهم الوحيد الراجل اللي تعبه في تربيته .. مدمن
ادهم اترمي في حضن يزن و كان بيعيط وبيكلمه بصوت موجوع / خليك واقف جمبي يا يزن انا مش عايز اتبهدل تاني انا بجد تعبت
يزن و هو بيطبط عليه / اجمد يا ادهم انا هفضل جمبك لاخر يوم في عمري و صدقني مش هسيبك غير لما ترجع احسن من اول ..و علم علي الكلام
ادهم ضحك اول ما سمع كلمته الاخيره لانها كانت كلمة السر بينهم و هما صغيرين . ..
ادهم بضحك / انت لسه فاكر يا يزن .
يزن / اومال … عيب ياض ده انا يزن .. اينعم اضحك عليا من البت اللي اسمها ميرا و اللواء تقريبا هزقني
و حوارات كتيره حصلت هبقي احكيلك عليها بعدين
الا اني هظل … خد بالك من الكلمة الجاية دي

 

 

ادهم بتركيز / ايوة ما انا مستني اهوو
يزن حط رجل علي رجل و اتكلم بطريقة مضحكة / انا هظل يزن . اي رايك في الاداء
ادهم بصله بقرف /زبالة اوي الحقيقة بجد والله مش بجاملك
يزن ضربه بالمخدة / وحياه امك ياض .. طيب بما اني مش هرةح الشغل فأنا هبات معاك النهاردة
ادهم ضحك/ بيت اخوك يا حبيبي و تنور .. بس هو انا عايز اقولك حاجة واحدة . البت اللي اسمها ميرا دي . المزة دي فاكرها
يزن بغيظ/ اخلص يا ادهم بلاش استظرافك ده
ادهم بتريقة/ بتحبك اوي علفكرة. بلاش تخسرها يلا انا هنام علشان تعبان اوي
يزن اتوتر اوي و قاله / طيب وانا هخرج اشرب سجاره و هاجي تاني
و خرج يزن يقف برا المستشفى شوية .
______________________________________________
في اوضة فهد و نسمة
نسمة بعند / انا قولت لا يعني لاء ..مش هروح حفلات
فهد رمي عليها المخدة بغيظ / يا بت هو ايه اللي لاء
يعمي طول عمرك بتيجي معايا حفلات الموسيقي بتاعي و العزف واحنا صحاب .. مش هتيجي واحنا متجوزين يا نسمة
نسمة / وانا وجودي هيفرق معاك ما انت متفق مع ليالي علشان تبقي معاك و ترقصوا مع بعض في الحفلة ..وانا بقي هاجي اسقف مش كدة
فهد بضحك / طب ما انتي مش بتعرفي ترقصي ولما قولتلك اعلمك رفضتي و قولتيلي اتكسف و كاني مش جوزك
نسمة / بص انا مش هروح .. و روح انت و اتبسط و ارقص

 

 

و غني و اعزف و اعمل كل اللي يريحك
فهد / يعني ده اخر كلام عندك يا نسمة
نسمة / اه اخر كلام و مش هغيره
فهد قرب منها و باسها من خدها بحب / طب لو قولتلك وحياتي عندك متسبنيش ..انتي عارفة اني بتوتر وانا لوحدي و بحب اشوفك موجودة قدام عيني و انا بعزف
نسمة اتوترت اوي و مسك ايديها بتوتر و قالته / يووه يا فهد .. طيب هي الحفلة الساعة كام
فهد بضحك / النهاردة الساعة ٧
نسمة / خلاص يا فهد .. هجهز حاضر
و بصتله لقته بيضحك بانتصار و ده خلاها تتغاظ اوي و ضربته في بطنه بالكوع و دخلو الحمام تاخد شاور و هو كان واقف عمال يضحك عليها
____________________________________________

 

 

في شركه الحديدي
كريم كان في الاجتماع ومعاذ كان قاعد معاه وخصوصا ان الفتره دي صقر صحته في النازل و خالد نفسته وحشة
معاذ بصقة متختلفش عن صقر الحديدي / انا اسف لمقاطعة الحديث بس انا عايز اقول حاجة
احنا كان اتفقنا ان الصفقه تتم اخر الشهر دوت ومعنى ان في تاخير في العقود منكم انكم شركه مش ملتزمه واحنا مش هنقدر نتعامل في الجو ده
مدير الشركة اللي هيتعاقدوا معاها / معاذ باشا انا. معترف ان الخطا من عندنا لكن مع ذلك انا مسمحش ان الكلام ده يتقال
معاذ بحده/ حضرتك المفروض متعقبش علي كلامي لكن لو عايز تعقب يبقي علي شغلك يا استاذ طارق و علفكره انا حضرت الاجتماع ده غلاسة مش اكتر
طارق بستغراب/ غلاسة ..يعني اي مش فاهم
معاذ قام من علي كرسيه و عدل بدلته بثقة / يعني علشان تبقي شركتك عبره لاي شركة تفكر تتعاقد مع عيلة الحديدي و هي مش قد كدة .. كريم بعد اذنك انا هروح مكتبي و قولهم ان الاجتماع ده منتهي من قبل ما ادخله اصلا .
و خرج معاذ من اوضة الإجتماعات و كريم كان مبتسم من طريقة معاذ و ثقته اللي خلت كل اللي موجودين متوترين و مش قادرين حتي يردوا .. و خرج كريم و حصل معاذ .
_______________________________________________
في مكتب صقر الحديدي
معاذ كان قاعد علي الكنبة و ماسك تليفونه و بيضحك
و كريم دخل و هو متحمس جدا

 

 

كريم / صحيح ..اللي خلف ما متش .. اي ياض الثقة و الجبروت اللي كنت بتتكلم بيهم جوا ده . انا حسيت ان صقر هوا اللي واقف جوا
معاذ ضحك بهزار / عجبتك يبقي تعزمني علي الغداء معروفة .. انا واحد بتاع مصلحته اوي
كريم ابتسم/ بس قولي اي خلاك تقلب القلبة المحترمة دي
معاذ بثقة / احم .. طيب هفهمك و اكسب فيك ثواب اكمني بعتبرك عمي .. بص احنا كدة كدة كنا هرفض التعامل معاهم بس حبيت اللي حصل النهاردة يتنقل للاعلام و يعرفوا ان عيلة الحديدي لسه بقوتها و خصوصا ان الاسهم بتاعتنا بدات تقع بعد حوار فهد ده
كريم / يسلام علي المخ الاستراتيجي و العقل المدبر
معاذ رفع حاجبه/ اي كلام اكبر من سني اوي ده يا كريم بس هو شكله مدح .. يلا بقي نروح ناكل علشان انا متفق مع جميلة اروح اخدها من الجامعة النهاردة
و اوصلها تدريب في مستشفى بعيدة كدة .
و خرج معاذ مع كريم و راحوا يتغدوا مع بعض في مطعم قريب من الشركة و كريم قرر يحكي لمعاذ كل حاجة حصلت لادهم .. تفتكروا اي رد فعل معاذ ؟
________________________________________________

 

 

بليل في حفلة موسيقية تبع الجامعة
فهد كان لابس بدلة تحفة لونها ازرق و مسمة لابسة فستان بيبي بلو سمبل اوي و محترم و تقريبا كانت هي الوحيده اللي لابسة محترم في الحفلة
فهد و هو ماسك ايديها/ مالك متوترة ليه كدى ..انتي اول مره تيجي معايا يعني
نسمة / اه اول مره اجي بصفتي مراتك و كمان ملبسني فستان .. ماله الطقم بتاعي يعني
فهد / يا معفنة انضفي بقي شوية..
و لسه فهد هيكمل كلامه قربت منه بنوتة و اخدته بالحضن
فيروز / اي يا فهد القمر ده.. البدلة تجنن عليك شوف ذوقي حلو ازاي
نسمة بصت بصدمة لفهد و هو حاول يبرر / اصل هي اللي مصممة البدلة لاغلب اللي هيعزفوا يا نسمة
فيروز حطت ايديها علب كتف فهد/ اه بس لازم اعرف فهد هيليق عليه ايه و بعدها اصمم لباقي الناس .. اصله مش اي حد ده فهدي
فهد ببتسامة مجاملة بص لنسمة / طبعا دي مجاملة رقيقة منها جدا
و مسك فهد ايد نسمة و استاذن من فيروز و بعد عنها ..
فهد بزعل / اي هتفضلي مبوزة كدة كتير .. بقولك اي
ابتسمي علشان اعرف اعزف و الناس تسقلي كدة

 

نسمة / تصدق و تامن بالله ده انا اللي هسقف علي وشك لو ممشتش من قدامي يا فهد
فهد ضحك جامد و قرب منها و قالها بصوت واطي / بعشقك و انتي متغاظة كدة و لولا اني وسط ناس كنت عملت عمايل
نسمة اتوترت اوي و ضربته في كتفه / اي ده الحفلة هتبدا اهي ..روح بقي
فهد ضحك و باسها من راسها و قالها بحب / هروح بس خلي عينيكي في عيني ..و اوعي تبصي لحد غيري ..اتفقنا
نسمة و هي بتحاول تاخد نفسها / اه اتفقنا
و دخل فهد و بدات الحفلة و بدا يعزف فهد بطريقة شدت انتباه كل اللي موجودين لانه حقيقي موهوب و كان كل تركيزه علي نسمة و هي كمان و كانت حاسة ان الدنيا مش سايعاها
نسمة بتكلم نفسها بحب / ايوة هو باصصلي انا و عينيه في عيني .. انا سامعة صوت قلبه و هو بيقولهالي .. بحبك اوي يا فهد
و فاجأه فاقت نسمة علي صوت تسقيف اللي موجودين و اتفاجات بعمر واقف جنبها و بيقولها بهدوء/ شكلك حلو اوي النهاردة يا نسمة
نسمة بتوتر / عمر . احم شكرا بعد اذنك انا لازم ابعد علشان فهد هيضايق
عمر مسك ايديها / فهد كدة كدة هيرقص مع ليالي ..اي رايك نرقص انا وانتي مع بعض
فهد قرب منهم و مسك نسمة من وسطها بتملك / ليه بقي حد قالك ان جوزها مات يا عم عمر .. و بعدين انا مش هرقص مع واحدة و مراتي موجودة
و بص فهد لنسمة / تسمحيلي بالرقصة دي يا مدام

 

 

و ابتسم و نسمة سرحت في ابتسامته و هزا راسها بمعني اه ..و بداوا يرقصوا مع بعض بفرحة و الناس كلها كانت مبهورة بطريقة فهد معاها
نسمة بتوتر/ فهد انا مش بعرف ارقص.. لو سمحت خليني اقعد و ارقص انت مع ليالي
فهد / اششش اوعي تخافي وانا معاكي و بعدين بقي انا اسيب القمر ده و ارقص مع ليالي ده حتي الناس تفتكرني عبيط
و في الوقت ده حد من صحاب فهد بدا يغني اغنية رومانسية لحماقي..
من يوم ماجات عيونه في عينيا و شوفت ضحكته الجميلة ديا … بحلم بيوم ما ليا و ابقي ليه و اصحي الاقي حبيبي حواليا و ادي اللي في خيالي بيحصل قصادي حبيبي جمبي في حضني الليلة دي 🌼🌼
و في الحظة دي قرب فهد بحب و باس نسمة قدام كل اللي موجودين و كانه بيبعت رسالة لكله انها ملكه هو و بس و نسمة غمضت عينيها و نسيت انهم في مكان عام ❤️
________________________________________________
في الشارع .. قدرت لارا تهرب من البيت و نزلت الشارع و و لسه هتجري لكن لقت عربية وقفت قدامها و يزن خارج منها بسرعة علشان يتاكد انها لارا ..
يزن بصدمة / يا بنت اللذينة . انتي اي يا بت 😳

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر 2)

اترك رد