رواية فراشه فوق النار الفصل الرابع عشر 14 بقلم ميفو السلطان

رواية فراشه فوق النار الفصل الرابع عشر 14 بقلم ميفو السلطان

رواية فراشه فوق النار البارت الرابع عشر

رواية فراشه فوق النار الجزء الرابع عشر

رواية فراشه فوق النار الحلقة الرابعة عشر

ظل جراح يفكر كيف يقطع عليهم الطريق فهو غير مصدق ما حدث وان زيدان الامير يريد ان يرتبط باخته وان اخته وصلت من الجنون مداه ان تقف امامه تتبجح لترتبط بزيدان عنوه ليقرر ان يجعلها لشخص اخر ويزوجها غصبا عنها من احد رجال الاعمال الكثيرين الذين طلبوها ولم توافق قرر ان يعطيها لاحد اصدقائه من رجال الاعمال فقرر ان يكتب كتابه عليها في خلال الاسبوع ليقوم بالاستعداد للاجراءات ودخل عليها ليعلمها انها في خلال اسبوع ستكون زوجه لاحد اصدقائه المعروفين بالسمعه الجيده والذي طلبها منه اكثر من مره ولم توافق.
دخل عليها متكلما بحده… اسمعي يا بت انتي كلها اسبوع و تبقى متجوزه من ايمن اللي طلبك اكثر من مره وانت موفقتيش هو راجل كويس وانا شايف ان مصلحتك معاه.
🌿اكثروا من الاستغفار🌿
لتصرخ فيه… انت بتعمل فيا كده ليه دي حياتي مش حياتك انت فاكر ان انت كده تقدر تبعدني عن زيدان انا استحاله اكون لاي حد ثاني
ليقترب منها ويمسكها من شعرها ويقول… ومين اللي قال لك اني مستني موافقتك او استنى انك تنطقي ان ادفنك بايدي ولا انك تفضحيني لازم تفهمي ده كويس ده تعبان هيلدعني فيكي.
لتصرخ وتقول…. انت ايه يا اخي هو انا مش بني ادمه مش من حقك تعمل فيا كده انا مش هتجوز حد ما عرفوش وما بحبوش ولا هوافق انت فاكر ان انا اوافق على حاجه زي كده انا اموت نفسي ولا انك تعمل فيا كده ليشدد على شعرها.
لتصرخ بشده ويقول.. اخبطي راسك في الحيط ده اللي حصل وده اللي هيكون وانا خلاص قررت واتفقت وماشي في الاجراءات وعن قريب هتبقى مرات واحد ثاني يبقى يوريني هو هيخدك ازاي ليرميها علي الارض وتركها تبكي بشده.
لتاتي فكريه لتجدها تبكي وتنتحب وتصرخ في اخيها لتحاول ان تقنعوا هي الاخرى
ولكنه صرخ فيهم.. ماحدش يفتح بقه وما حدش ليه كلمه هنا وخلصنا.. ثم تركهم وخرج
لتبكي هي بشده وتنتحب.. هو فاكر ايه ان انا عبده عنده هو بيعمل فيا كده ليه كل ده عشان خلافه و كرهه لزيدان. انا استحاله اتجوز حد ما بعرفوش ما بحبوش استحاله اتجوز غير زيدان اصلا.. اعمل ايه يا دادا اروح فين ولا اعمل ايه و يومين ثلاثه وهبقى مرات حد ثاني لا انا اموت نفسي احسن وظلت تبكي وتبكي اخذت التليفون من فكريه وتحدثت مع زيدان ليجدها تبكي لينخلع قلبه و يقول… فيكي ايه يا قلب زيدان عمل فيكي ايه.
. لتبكي وتخرج الكلمات بصعوبه وتقول.. الحقني الحقني يا زيدان جراح هيجوزني.. هيديني لواحد ثاني انا ما اقدرش ابعد عنك انا هاموت نفسي.
ليهتف…. هو اكيد اتجنن ازاي يعمل حاجه زي كده هو الجواز بالغصب اهدى يا حبيبتي اهدي وكل شيء هيتحل انا مش هاسكت له.
فتهتف مقهوره. هتعمل ايه هو حبسني مش هيخرجني الا وانا متجوزه واحد ثاني مش عايزه ادعي عليه اخويا حرام بس مش قادره استحمل منه اللي بيعملوا فيه كده هو فاكر ان انا ما ليش قلب لا انا اموت يا زيدان لو بقيت لحد ثاني. باسم حد ثاني.
ليهتف زيدان…. وانت استحاله تتسمى على اسم حد ثاني..
ليقول زيدان بحده…. لا ينسي.. انت هتبقي مراتي و بتاعتي وبس اهدى يا حبيبتي وانا هاجي له مش هاسكت.
لتقول في قهر.. اوعي تيجي اوعى هو في حاله مش طبيعيه فالامور هتسوء اكثر واكثر انا لازم اقفله وانا هعرف ازاي اقفله..
ليحس زيدان بعدم الحيله بانه لا يستطيع ان يصل اليها ليهتف.. يمين بالله لو كنت بين ايدي دلوقت لكنت احطك بعيوني بس اوصل لك ازاي مش عارف انا حاسس اني مشلول ميت مش عارف اتحرك..
لتتجلد هي وتهتف.. اطمئن انا هتصرف انا اقوى مما تتخيل طول ما انت جنبي وفي ظهري اعمل عشانك اي حاجه ..
🌿 اللهم صل وسلم وبارك على سيدنا محمد 🌿
ليهتف زيدان.. ضهرك ايه بس دانا هحطك جوا نن عيني مش قادر اتخيل انك تبقي لحد تاني انا مهوس بيكي يا قلبي انا ماعرفش اكمل الا وانت في حضني… ليظل معها فتره يواسيها ويطمئنها انه لن يتركها وانه سيقف لجراح مهما فعل و يقفل الخط لتقوم هي وتطلب من فكريه بعض الطعام لتذهب فكريه لتحضر لها الطعام لتقوم الى احد ادراج الادويه بعض شرائط الادويه والحبوب و تنزع عنهم غلافهم وتضعهم جميعا في في الحمام لتنزل عليهم الماء وتعود هي بالشرائط مره اخرى التي ليس بها اي حبوب وتصعد على السرير و تنتظر قدوم فكريه لتضع الشرائط بجوارها وتنام على السرير متصنعه انها في حاله اغماء شديده تدخل عليها فكريه بعد فتره لتجد حبيبتها كانها اغمي عليها ولا تتحرك لتنظر لتجد الشرائط بجوارها لتصرخ بشده و تذهب لتحرك فيها وهي لا تستجيب لها لتنزل على الفور وهي تصرخ
ليقابلها جراح… انت بتصرخي ليه في ايه انت عامله كده ليه يا ست انت. كانت في حاله هستيريا.
لتصرخ وتقول… إلحق جيدا موتت نفسها إلحق جيده انتحرت وظلت تصرخ و تصرخ.
ليشعر هو بالوجوم وبعض الخوف ليصعد على الفور يحاول ان يحرك اخته ولكنها لا تستجيب فحملها على الفور ونزل بها الى العربه واتجهه الى المشفى ليحاول ان ينقذ اخته واخذ معه الشرائط التي اخذتها لياتي الاطباء مسرعين و ياخذونها منه يقول انها اخذت تلك الشرائط ولا تتحرك ولا نعلم مابها ليدخل بها الاطباء الى حجره الطوارئ ليبداو في تجهيز الاسعافات اللازمه لتنتهز هي انشغالهم لتفتح عينيها ببطئ لتجد ان المكان عباره عن حجرات متصله ببعضها مقسمه لتقوم على الفور في وسط دهشه من الممرضات والاطباء لتخرج من احد الحجرات المجاوره وتهرب بسرعه الي طرقات المستشفى ثم الى الريسبشن كانت تجري علي اخر جهدها تشعر بالرعب و الخوف الشديد من ان يمسكها اخيها ويحبسها مره اخرى.. لتجد في طريقها معاطف احد الاطباء وتلبسه حتي لا يعرفها احد وتخرج خارج المستشفى وتنطلق عدوا في الشوارع المحيطه كأنها تطاردها الاشباح.
وعندما اكتشف جراح ذلك خرج مسرعا ومعه الحرس بحث عنها في كل مكان وهو يصرخ في الحرس ان يجدوها ويبحثون في كل مكان كان كأن قلبه اقتلع من مكانه وكان يعلم انه سيحدث من ورائها مصيبه له وان اخته لا تتحكم في نفسها و انها ستفتعل مصيبه شديده تقع على راسه واستدعي سعد رجله الوحيد ويده اليمين وداهيه اخري مثله ليحاول ان يجد معه حلا وكان سعد مشتعلا عن اخره فهو يحب جيدا واحس بالجنون وظل يصرخ في الحرس وهو يتوعدها حين يجدها ويتوعد زيدان لانه اخذها منه… ليتولد حقدا جديدا في داخله فوق حقده الاساسي لزيدان. ليتوعد له ما بقي حيا ان لا يهنأ بها.
اما هي فكانت من كثره جريها سينفلق قلبها نصفين لتجد احدى سيارات الاجره فذهبت اليها وهي تصرخ فيه وتقول.. اطلع بسرعه بسرعه ليستجيب الرجل اليها ما ان وجدها في حاله انهيار واعياء تحاول ان تلم نفسها وتبدا في استعاده ثباتها مره اخرى لتستاذن الرجل لتاخذ التليفون لتطلب زيدان وتقول له.. الحقني يا زيدان انا هربت من اخويا مش عارفه اعمل ايه انا حاسه ان قلبي هيقف ولو لقاني هيموتني الحقني بسرعه ليقف قلبه من كلامها خشيه ان يجدها جراح..
🌿سبحان الله وبحمده سبحان الله العظيم 🌿
ليقول.. انت فين يا عمري وانا اجي لك انت فين يا قلبي قولي لي بسرعه انت فين
لتخبره انها لا تعلم اين هيا ليطلب منها ان تعطيه السائق ليتحدث معه ويخبره باحد الاماكن ليقوم هو على الفور يركب عربته وينطلق بها بسرعه جنونيه ليصل اليها ليجدها تقف تنتحب وبجوارها السائق لينزل على الفور وهو يجري اليها وياخذها في احضانه وهي تبكي بشده لتحس بالامان وانها معه ليحاول ان يبثها الطمأنينه والامان ثم ينظر الي السائق و يشكره ويعطيه بعض المال ثم ياخذها على الفور ويضعها في السياره وهي تبكي بشده ليتكلم معها بهدوء اهدي حبيبتي اهدي كل حاجه هتبقى كويسه طلاما بعدت عنه خلاص… انت معايا وبين ايديا..
لتنظر اليه برعب وتقول.. انا خايفه قوي لو وصل ليا هيموتني انا خايفه.
. ليقول زيدان في تصميم… استحاله اسيبه يقربلك اطمني طول ما انت معايا انت في قلبي وفي عيني اطمئني يا قلبي اطمئني يا قلب زيدان. لتحس بالهدوء الداخلي ليدير العربه ويذهب بها.
لتتساءل.. احنا هنروح فين..
ليرد عليها.. هنروح على بيتي ما فيش مكان ثاني آمن اقدر اسيبك فيه.
لتقول له… لا ما ينفعش ما ينفعش اروح بيتك وديني اي حته ثانيه مش هاقدر اقعد في بيتك.
ليقف السياره مره اخرى ويمسك يدها.. ايه يا جيدا انت مش واثقه فيا يا حبيبتي.. انا هشيلك في عيني وفي قلبي انت خايفه من ايه..
لتنظر للاسفل بخجل… ما ينفعش يا زيدان ما يصحش ان ابقى معاك في بيت واحد… مينفعش ليه ليبتسم على برائتها.. ويقول طب هو ما فيش الا حل واحد اننا نكتب الكتاب دلوقتي لازم نتجوز عشان تقدري تحسيي بالراحه بدل ما انت حاسه انك بتعملي حاجه غلط لازم تبقى مراتي و في بيتي وتحت عيني.. لازم نبقي في الامان بعيد عنه هو ممكن يجوزك وانت بعيد..
ظلت تنظر اليه ولا تعلم ماذا تفعل هي موضوعه في مقتل ان تعود الى اخوها فيزوجها غصبا عنها واما ان تتزوج زيدان غصبا عن اخيها وتقهر اخيها ولكنه هو من فعل بها هذا ودفعها لهذا لتحس بالرعب و انها لا يمكن الا ان تكون زوجه زيدان نظرت الى زيدان ومسكت يده.. زيدان انا سبت الدنيا كلها عشان اجي لك انت… سيبت بيتي واهلي عشانك اوعدني ان في يوم مش هيجي تخليني اندم على اني عملت كده اوعى يا زيدان يوم تحسسني ان بعت اهلي بالرخيص.. اللي انا عملته عشانك ده شيء غالي قوي اوعدني انك تفضل سندي في الدنيا ما يجيش يوم ابدا واندم علي اللي عملته ده..(اممم هيحصل قدمي المشيئه 😏😏😏)
ليشدها اليه زيدان ويحضنها بشده ويقول… اليوم اللي انت هتبقى في مراتي هيبقى اسعد يوم في حياتي احطك جوه عيوني سواء باخوكي او من غير اخوكي انت في حد ذاتك كبيره وكبيره قوي انت حبيبتي ودنيتي بحالها مستحيل اندم على ان حبيبتي بتحبني حب فوق الوصف واقعد طول عمري ادافع عن الحب ده استحاله اجي عليك في يوم او اؤذيك ابدا(كلهم مصطفي ابو حجر 😂😂)
لتحس في كلامه بالصدق ليهتف انت مش متخيله انت بقيتي ايه ليا…. لتبتسم ليهتف سعيدا كانه ملك الدنيا.. يبقي على الفيلا علي طول عشان على بال ما نوصل يكون كل شيء بيتعد وبيعملوه واخرج تليفونه وكلم صديقه علي ليحضر كل شئ.
كانت كارما تشعر بالقهر وظلت تفكر في تصرفات جراح لتشعر بالوجع.. لتهمس انا موجوعه ليه دلوقتي واحد زباله موجوعه منه ليه لتنتحب.. انا عملت ايه بس عشان يعمل فيا كده يا رب قلبي ماله مقهور كده كلامه َمعايرته بيوجعوني ليه وقلبي بيدق مالك بس .. لتتنهد بس لا كده خلاص لحد كده وكفايه وفلوسه ترجعله وما يتجباش عليا لتقرر ان تذهب الي اهلها في الصعيد لتذهب الي بيتها وتعد شنطتها وتذهب الي اهلها كانت احدي قري محافظه قنا كانت اهلها ذو سطوه وجاه لتدخل علي جدها ليستقبلها جدها بترحاب فهو لم يكن يعلم ان احفاده فعلو ذلك لتقترب منه وتهتف ازيك يا جدي وتبوس يده..
ليقول… ازيك يا بت الغالي منوره دارك بيتك غاليه وعاليه يا بتي جايما اهنه باهلك وناسك. ..
لتتشجع وتقول طب يا جدي اهلي وناسي فضحوني يا جدي.
ليبهت… الجد بتقولي ايه يا بتي..
لتقول…. ايوه يا جدي.. اهلي وناسي فضحوني قدام عيله خطيبي.. جم يا جدي وجبروه يكتب كتابي لا وخدو منه مليون جنيه يا جدي تمن جوازته. بنت ابنك اتباعت بمليون جنيه يا جدي ودلوقتي طبعا جوزي هيعايرني بالفلوس دي يا جدي يرضيك بنت السليمانيه تتعاير بالبيع والرخص.
ليقف الجد غاضبا مين اللي عمل اكده نهاره اسود من وشه.
لتهتف… فكري ابن عمي واخواته..
ليصرخ…. الجد واد يا بكري نادي اعمامك ونادي ولادهم وجمعلي العيله يا ولدي يومكو طين اني بت ابني بت سليمان تنباع لجوزها يا دي الفضيحه والجرسه بدل ما نعليها ونشورها نفضحها .. هم يا محروج..
لينادي الرجال وتتجمع العائله ويقف الجد غاضبا ويتجه لفكري.. ليصفعه علي َوجهه بقي يا محروج انت رايح تفضح السليمانيه يا وش الشوم بتاخد تمن بيعك لبت عمك يا نجس بدل ما نشورها بالغالي تاخد تمنها وتجبره يتجوزها ليه بتنا معيوبه اياك لينهال عليه ضربا ليهتف طلع الفلوس يا وش الشوم طلعها لاكون جاتلك الله في سماه..
ليخرج فكري المال لياخذه الجد ويهتف تعالي يا بتي خدي مهرك حطيه في جيبك وروحي اديه لجوزك وهاتيه يا بتي نتشرف بيه ونشرفك.
لتهتف وتقترب وترتمي باحضانه.. يخليك ليا يا جدي انت اللي فاضيلنا يا جدي بعد الشر من بعدك هينهشوني
ليهتف… لاه يا بتي جوزك يجفلك ويعليكي طالما ترميله الفلوس ماعايزينش حاجه منه احنا هنجهزك.
لتهتف… مالوش لزوم يا جدي انا وجوزي هنطلق خلاص انا في نظره اتباعت يا جدي..
ليقف فكري… خلاص تاجي اهنه واتجوزك ده حج ربنا والا ايه يا جدي..
ليهتف الجد… ماينفعش يا بتي تبقي لحالك بعد طلاجك فضيحه يا بتي..
لتنزل دموعها…. خلاص يا جدي اوعدك اني ما هوطي راسك هاجي اقعد وسطيكو بس جواز لا يا جدي هجيب امي ونقعد معاكو يا جدي.
ليهتف الجد… تنوري يا بت سليمان تنوري مستنيكي يا بت الغالي.
لترجع كارما وهيا مقهوره وتحس انها ستموت من قهرتها وقررت ان تذهب الي جراح لتعطيه امواله لتذهب الي فيلته لتنتظر كان جالسا في حجرته وحيدا مقهورا يشعر بالعار لما فعلته اخته ليسمع فكريه تاتي اليه تخبره بوجودها ليتصاعد غضبه فهيا مر يومين لم يعرف اين هيا وهو مشغول ليهتف طلعيها.
لتصعد اليه وتدخل ليظل واقفا ينظر اليها كانت شاحبه وعيونها ذابله ليتنهد من محياها ليهتف كتي فين بقالك يومين سيادتك مش متجوزة راجل..
لتقترب منه وتهتف حقك عليا يا جراح بيه يا ريت نفضها بقه ونخلص.
ليقطب جبينه..نفض نفض ايه يا زفته انت.
لتخرج هيا الشيك من شنطتها وتهتف ادي فلوسك رجعتلك لحدك اظن كده مش هتخسر حاجه وماعتش دافع وعايز تاخد حق فلوسك دلوقتي تطلقني.
ما ان سمع كلمتها حتي احس بنار داخله ليهتف نعم ياختي سمعيني تاني كده.
لتهتف بهدوء… بقلك طلقني مش خدت فلوسك
ليقترب منها ويشدها…. بت انت اتعدلي جبتي الفلوس منين.
لتهتف…. جبتها من اهلي اللي باعوني ليك رحت استنجد بجدي ونصفني علي ولاد عمي وخلاص ادي فلوسك وصلتلك. ليك عندي ايه تاني وجميلتك خلاص راحت يابن الناس الجربوعه بتقلك طلقني ماينفعش تتجوز جربوعه مارضاش ليك كده جراح الدالي اللي ماحد يطوله.
ليبهت من كلامها ويرجف قلبه…. بسهوله كده ادوكي الفلوس.
لتهتف بعنفوان ارادت ان تقهره.. لا مش بسهوله انت هتطلقني وفكري هيتجوزني..
ليظل ينظر اليها ببلاهه فكري يتجوزك ليحس بفوران داخله… نهارك اسود انت راحه تتجوزي عليا تتجوزي وانت علي ذمتي بتتفقي وانت علي ذمتي. هو انتو عايزين تجلطوني واحده تطفش والتانيه تتفق علي جواز وهي على ذمتي
لتهتف…. انا مش فاهمه انت زعلان ليه مش قلتلي فلوسك اللي دفعت وزعلان اهيه معاك. لينظر اليها بقهر.. اه يعني اخد الفلوس واطلقك والهانم تروح تتجوز دا حاجه جميله بس اللي ماتعرفيهوش ان اللي تتكتب علي اسم جراح تتختم بيه ومتكونش لغيره.
لتقطب جبينها ليهتف اطلقك بس بشرط.
لتبهت وتهتف شرط ايه..
ليقترب منها وقال ما خلع قلبها حين شدها اليه وقال بعنفوان….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية فراشه فوق النار)