رواية كما تدين تدان الفصل الخامس 5 بقلم زينب رمضان

رواية كما تدين تدان الفصل الخامس 5 بقلم زينب رمضان

رواية كما تدين تدان البارت الخامس

رواية كما تدين تدان الجزء الخامس

رواية كما تدين تدان الحلقة الخامسة

ريم بتفكير: بصي يابنتي انا الصراحه مليش في الجو دا ومش هعرف افيدك والله بس اعرف الي هتخلي رقبته في ايدك مش العكس
هاجر بأمل: مين دي
ريم: فاطمه صحبتي يابنتي انتي عرفاها شوفتيها معايا قبل كدا في الكليه
هاجر: ايوا افتكرتها هتعملنا ايه انا خايفه افضح نفسي كدا مش هقدر ارفع عيني في حد هي أمان يعني واثقه فيها
ريم بثقه: يابنتي متقلقيش وبعدين هي اصلا بتكره صنف الرجاله كله مش بتطيق فيه حد لو تعرفي عملت ايه في الاكس بتاعها
هاجر بفضول: عملت ايه
ريم بضحكه مكتومه: نزلت رقمه على جروب مطلقات للتعارف وعملت بروفايل جديد باسم بنت وهمي ونزلت صور بنت قمر اخر حاجه وخلت البنات في جروب هي مشتركه فيه يعملولها كومنتات كتير وبعدين كلمته واقنعته يبعتلها رصيد عشان تعرف تكلمه وخدت منه رصيد كتير وفرقعته
هاجر بضحك وهي تتناسى مشكلتها: يلهوي البت فاطمه دي مصيبه
ريم بضحك: ومش كدا بس لا لما عرف قيمتها وانها مش زي البنت الي غرمته رصيد حاول يرجعلها سابته وهو دلوقت بيجري وراها عشان تصالحه

هاجر بدموع:ياريت كنت زيها يمكن مكنش حصل فيا كدا
ريم بحزن على صديقتها: انا بقولك كدا عشان انسيكي شويه بس متقلقيش انا هكلمها وهخليها تعلمه الأدب متخافيش
هاجر بحب: انا مش عارفه هرد جمايلك ووقفتك معايا دي ازاي
ريم: يا خيبه انتي اختي مش صحبتي ولو موقفتش جنبك هقف جنب مين وانا فرحانه انك وثقتي فيا وحكتيلي وان شاء الله تتحل وترجع حياتك هاديه زي زمان
____________
منال بحب: حبيبي انا مش مصدقه انك معايا وحشتني جدا
-حبيبتي كان غصب عني وعنك ما جوزك الغبي مكنش بيطلع من البيت من كلام الناس عليه
منال بكره: قطعت سيرته ربنا ياخده
-هو السبب ان احنا مبقناش مع بعض
منال لسه هترد تلفونها رن: استنى يا حبيبي هرد اشوف مين ليكون الغبي دا جاي
-ماشي يا حبيبتي بسرعه عشان ملحقتش اقعد معاكي
منال: السلام عليكم
~وعليكم السلام مدام منال معايا
منال: ايوا انا هي في حاجه
~للاسف يا فندم جوز حضرتك عمل حادثه وهو بيعدي الشارع الي قدام دار المسنين
منال ببرود: تمام هو في مستشفى ايه

~مستشفى……….
منال: تمام
-ها يا حبيبتي مستشفى ايه ايه الي حصل
منال بسخريه: صبحي عمل حادثه
___________
هدير: يا ريهام انا خايفه من رده فعله لما بابا يقوله ردي انا مش مطمنه
ريهام: يعني يابنتي هو هيفضح نفسه كدا برضوا
هدير بتوتر: لا يا ريهام مش هيتفضح لانه شاب وله نزواته وعادي يعمل علاقات ويتباهى بيها قدام صحابه انه بيكلم دي وضحك على دي وللاسف معرفتش كدا غير بعد ما الشيطان ضحك عليا وغلط الغلطه دي
ريهام: ربنا غفور رحيم يا هدير وهيسامحك متشيليش اكتر من طاقتك وربنا يسترها
هدير برجاء: يارب يا ريهام يارب انا مش هتحمل نظره اهلي ليا لو عرفوا حاجه زي دي
ريهام بموده:قومي يا حبيبتي صلي ركعتين بنية الستر وان شاء الله خير فوضي امرك لربنا وكل حاجه هتبقا تمام
هدير بحب: ماشي يا قلبي قايمه اهو وهدعيلك ربنا يصلحلك الحال ويبعد عنك كل شر
ريهام: يارب يا روحي
_______________
عادل: انت لسه الي في دماغك في دماغك يا حسام
حسام: ايوا يا عادل لو موافقتش هفضحها في كل حته ومش هخليها تقدر ترفع عينها في كلب الشارع نفسه
عادل: يابني حرام عليك هو ذنبها انها وثقت فيك
حسام: يابني هي صعبانه عليك كدا ليه دي واحده ضيعت ثقه اهلها الي ربوها ووثقوا فيها عشان واحد لسه عرفاه من كام يوم دي متستهلش يتوثق فيها حتى لو وافقت مين قالك اني هثق فيها انا هتجوزها كام يوم وارميها رميه الكلاب بس مش انا الي اترفض

عادل بقلة حيله: ربنا يهديك يا حسام لولا انك صحبي انت مش عارف انا كان رد فعلي هيكون ايه دلوقت
__________
بارك الله لكما وبارك عليكما وجمع بينكما في خير
كريم من فرحته حضن مريم بسرعه ولف بيها
انا مش مصدق نفسي بجد اخيرا بقيتي على اسمي
مريم بحب: ولا انا مصدقه بجد ربنا يكمل فرحتنا على خير يا حبيبي
كريم: يارب يا روحي يارب
مالك بغضب: في اي يا كريم ما تحترم وجودي يا اخي وابعد عن اختي يا جدع
كريم وهو بيطلع لسانه لمالك: مراتي يا جدع انت مشوفتش كتابنا ولا ايه واخد الكتاب من المأذون وحطه قدام مالك
اهي مراتي على سنه الله ورسوله وكل الناس دول شاهده وبعدين ياخي حرام عليك مش كفايه الي عملتوه معايا في الخطوبه دا انا مكنتش عارف اتنفس بسببك يا جدع
مالك بضحك: لا يا اخويا واخد بالي انك كتبت الكتاب بس احترمني شويه مش قدامي برضوا متنساش انها اختي
كريم: خلاص يابت يا مريم هبقا احضنك من وراه
مريم بكسوف: بس بقا
اما عند سمر
خاله مالك: اي يا حبيبتي مفيش حاجه جايه في السكه ولا ايه
منال بحزن: لا لسه يا طنط ادعيلنا
سعاد بسخريه: ليه يا اختي دا انتي قربتي على السنه متجوزه اهو اوعي تكوني يابت انتي بتاخد موانع للحمل
سمر بسرعه: لا والله يا طنط

سعاد: امال يا اختي في ايه دا انا بنتي لسه متجوزه من شهرين وحامل اهي
سمر بحزن: ربنا يتمملها على خير يا طنط
سعاد بتهكم: يارب ياختي عقبالك
سمر بحزن: يارب
عن اذنك هروح اشوف مريم لو محتاجه حاجه
سعاد بتهكم: روحي ياختي روحي
_____________

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية كما تدين تدان)