رواية الساحر الفصل الثامن والعشرون 28 بقلم ياسمينا

????في مستشفي ????

نقلو شهد في اوضه عاديه معا توأمها ووسام زين الاوضه وحط فيها بلونات وياسمين كانت قاعده متعصبه 

وسام قرب من شهد وقعد جمبها علي سرير وقال : الف مبروك ياحبيبتي 

ياسمين بسخرية : حبك برص وعشره خرس ياشيخ 

وسام بصلها ببرود وبعدين بص لي شهد : كنت هموت من الخوف عليكي 

شهد بحب : ربنا يخليك ليا 

ياسمين بغيظ : ايوا يختي فرحانه بقا مانتي جايبه توأم 

اريان قرب منها وقال بحب : عقبالنا يحب

ياسمين بغضب : في احلامك 

وسام : انا قرارت اسميهم ياسين واريان 

اريان بصلو بصدمه وقال : ليه يعني 

ياسمين : لالالالالا ناوين تموتوني صح 

اريان بحب : مانا سميت بنت ميرا ياسمين 

ياسمين بصتلو بصدمه قالت : يعني انت متجوزتش 

اريان : مستحيل حد يكون مراتي غيرك 

ياسمين بصت علي الارض وابتسمت 

وسام : حلو يبقا ياسمين وياسين واريان 

شهد بحب : ربنا يبارك فيهم يارب 

ياسمين بصت لي وسام وقالت : بقولك ايه يا ويسو مش ناوي تعلمني سحرك 

وسام بغضب : انا قولتلك كام مره متقوليش الجمله دي ومش هعلمك فاهمه 

ياسمين بصدمه : ليه كل العصبيه دي 

وسام قرب منها ومسك أيدها بغضب وقال ؛ اياكي ثم اياكي تقولي الجميله دي تاني فااااهمه 

اريان بضيق : هو انتي ليه مش بتسمعي كلام 

ياسمين بدموع : هو في ايه بتزعقولي ليه 

اريان بضيق : خلاص اهدي 

وسام بغضب : اقسم بالله ياياسمين لو قولتي كدا تاني مش هرحمك 

وسام طلع برا الاوضه بغضب واريان وراه وياسمين عيطت 

شهد بحزن : تعالي 

ياسمين راحت حضنت شهد بحزن وقالت : مش عارفه مالهم 

شهد : علشان هما وراهم سر كبير 

ياسمين : بس احنا لازم نعرفو

شهد : حاضر هنحاول ..

أما وسام كان وقف قدام الاوضه بغضب 

اريان : ممكن تهده 

وسام بغضب : هي ليه بتعمل كدا 

اريان : لأنها مش فاهمه

وسام : بس انا مش هعرف افهمها يااريان 

اريان بضيق : مش عارف امتا نخلص من الي احنا فيه بس ياسمين مش هتبطل تسأل 

وسام قعد علي كرسي بحزن وفتكر الي حصل من 15 سنه 

فلاش باك ????

وسام  كان بدأ يشوف ناس كتير بتعمل سحر وكان فيه حفله كبيره اوي عند راجل اعمال مشهور وكان جايب عروض كتير من السرك وكانت حفله تنكريه ووسام كان معزوم في الحلفه دي وسام دخل الحفله بهدوء كان فيه ناس كتير ومتجمعين في مكان واحد وكان في وسطهم ساحر وبيعمل حركات سحريه وسام ركز معه وحب طريقتو جدا وفاجأه النور اتقطع وجاه بعد دقيقه وظهر ساحر تاني 

الساحر : اسمي موت اسمي غريب صح وطبعا بتسألو ازاي اهلي سموني الاسم ده هحكلم انا لما اتولد امي ماتت وابويا وراها اخواتي ورا ابويا ومحدش لحق يسميني روحت سميت نفسي الاسم ده 

كل الي في الحفله كانو خايفين منو أما وسام اضايق من طريقتو واسمو وبص علي ساحر التاني لقه باصص في الارض بحزن

موت : انا اقدر اعرف انتو بتفكرو في ايه وعايزين ايه واقدر اختفي وأظهر في أي وقت وفي أي مكان تحبو تشوفو 

فاجأه موت اختفااا والكل اترعب وبعدين ظهر تاني وقال : اقدر اتشكل علي كذا شكل تحبو تشوفو

موت اتشكل علي اشكال كتير والكل أنصدم وخافو أما وسام كانت مستغرب ازاي بيعمل كدا وبص علي ساحر تاني لقه بيطلع من القصر مشي وراه وندهو 

وسام : لوسمحت 

الشخص بصلو وقالو : نعم 

وسام : حضرتك اسمك ايه 

الشخص : اسمي عماد 

وسام ؛ انا حبيت طريقتك جدا في سحر وعايزك تعلمني 

عماد بسخريه : وموت مش عجبك 

وسام بضيق : لا محبتش طريقتو خالص 

عماد : انا بقيت قديم محدش بقا بيحب سحر الي هو خفة ايد دي أما موت الناس كلها بتطلبو وناجح اكتر مني 

وسام : بس مش حاسس انو غريب شويه ايه السحر ده الي يغير شكلو ويقرأ الأفكار ويختفي 

عماد بسرعه : علفكره مستحيل ساحر يعمل كدا انا مبعرفش اختفي ولا حتي اتشكل هات اكبر ساحر في العالم مش هيعرف يعمل ده 

وسام بستغراب : غريبه اومال ده بيعمل كدا ليه 

عماد بتوتر : ها معرفش 

وسام بشك : متأكد 

عماد بضيق : خلينا نمشي من هنا وانا احكيلك

وسام : يلا 

وسام وعماد ركبو العربيه وتحركو وبعدو عن القصر 

????في العربيه ????

عماد : بص انا وموت صحاب انا عندي 40 سنه وموت 40 اتعلمنا سحر سوا بس موت كان اشطر وكان مرعب كمان وفاجاه ومن غير اي مقدمات لقينا موت عندو قوه دي كان اي حد يسألو ايه سحر ده بيموتو وفي مره اقعدت معه وسألتو وعلشان احنا صحاب مقتلنيش وقالي مالكش دعوه لو حابب اعلمك قولي انا عايز اجمع جيشي وهنسيطر علي العالم كلو ايه رأيك تبقا معايا

وسام : وانت وافقت 

عماد : لا موفقتش حسيت انو طريق مش سالك

وسام بتفكير : مايمكن ليه طريق في جن والحاجات دي 

عماد : انا بردو فكرت كدا مستحيل انسان عادي او ساحر يكون عندو القوه دي 

وسام : بس كدا هيبقا خطر علي ناس 

عماد : والله انا بعيد عنو انا في حالي وهو في حالو

وسام بهدوء : طب ماتعلمني السحر زايك 

عماد : تمام موافق 

وسام : ايه رأيك بكرا 

عماد : تمام وانا موافق 

وسام وصل عماد بيتو ووسام وصل البيت بتاعو وهو بيفكر في موت وازاي بيعمل كل ده دخل اوضتو ونام بهدوء وفي نص ليل صحي من نوم لقه نفسو مربوط علي سرير بحديد ومش قادره يتحرك وقدامو موت 

موت بهدوء : ازايك 

وسام بغضب : انت مين 

موت : انا مركز معاك من ساعت ماكنت في الحلفه  انت شخص ذكي جدا وانا مش عايز غير الاذكياء 

وسام بغضب : عايز مني ايه 

موت : عايز اجمع جيشي جيشي هيتكون من 4 أشخاص وانت اول واحد 

وسام بغضب : مش فاهم

موت قرب منو بهدوء وقال : لما كل اهلي ماتو روحت لي دجال قولتلو انا عايز أبقا اقوه انسان في العالم وطبعا هو حققلي ده وبتعويذه قدر يخليني قوي بس مش اقوه راجل في العالم علشان هدفي يتحقق لازم يكون عندي جيش جيش قوي ويبقا في نفس قوتي بس لازم يكون عندهم صفات كدا معينه

وسام بتركيز : صفات ايه 

موت : اولا يبقا ذكي جدا جدا جدا ثانيا انو يطلب انو عايز يتعلم سحر ده 3 مرات ويبقا متنوع يعني جيشي يبقا فيه بنات وولاد وانت اول واحد هديك طاقه قويه اوي وهتساعدني نجمع الجيش ده 

وسام بغضب : لا انا مش عايز ده مش عايز 

موت بسخريه : مش بمزاجك 

وسام بغضب : مشمعنا انا وعلفكره انا مطلبتش اتعلم السحر ده 

موت بضحك : لا طلب لما خرجت من القصر طلبت مره ولما كنا في العربيه طلبت مره 

وسام بغضب : لا ده عماد 

موت بضحك : لا مهو عماد الله يرحمو انا اتشكلت علي شكلو 

وسام بصدمه : ليه كدا بس انا مش هطلب تالت مره 

موت قرب من وسام وبص في عينو ونيمو مغناطيسي 

موت : اطلب يلا انك تتعلم سحري

وسام : عايز اتعلم سحرك 

موت ضحك ضحكه موخيفه وقال : اخيرا هقدر اجمع جيشي 

موت بدأ يقول كلام غريب ونور الاوضه فضل يتقفل وبتفتح ووسام فاق من نوم مغناطيسي 

وسام بصريخ : مش عااااااايز سبني في حالي 

موت عينو بقت حمره ووسام بدأت يحاول يفك نفسو وفاجاه قدر وبكل سهوله يفك الحديد وقام من علي سرير بصدمه وقال : ازاي 

موت بضحك : خلاص بقيت من جيشي 

وسام بغضب : مستحيل مش عايز سحرك ده 

موت : بص علي نفسك في مرايا 

وسام بص لي نفسو في المرايا لقه عينو لونها احمر 

موت : عينك هتتغير لما تكدب ولما تتعصب معا الايام هتقدر تستخدم قوتك دي 

وسام يغضب : انت جن ولا ايه نظامك 

موت بهدوء : مش جن انسان زايكم بس انا طلبت التعويذه دي وانا الي اقدر اتحكم فيك بس لما تكملو 4 أشخاص سعتها انا الي هقدر اتحكم فيكم كلكم وسعتها لما تبقو 4 هبقا قوي جدااا 

وسام بضعف : مش هخليك تعمل كدا 

موت بخسريه : اي حد هيطلب منك انو يتعلم سحرك 3 مرات انا هخليه زايك 

وسام بغضب : مش هخليك تعمل كدا 

موت : انا هفضل مستني لحظه دي بفارغ  الصبر 

موت اختفا ووسام بص علي نفسو في المرايا 

وسام بغضب : مستحيل اخلي حد يشوف القوه دي مستحيل 

عده سنه ووسام حاول يتأقلم معا قوه دي ومشفش موت في سنه دي وفي مره كان عند كنده واريان لاحظ كتير حركات وسام وتغير لون عينو واريان قرار يتكلم معه 

اريان : وسام هو انت ازاي بتغير لون عينك كدا 

وسام بصدمه : ها 

اريان : بشوفك كتير كدا

وسام  بتوتر : لا ده وراثه عندنا في العيله

اريان بذكاء : لا سحر 

وسام لاحظ ذكاء اريان وقال بغضب : متقولش الكلمه دي 

اريان : متعلمني سحرك 

وسام بغضب : اريااااان متقولش الكلمه دي تاااااااااني

وسام طلع من بيت كنده واريان استغرب من ردت فعلو ووسام قرار يسافر ويبعد عن ناس كلها بس بعد ما سمع عن موت ماهر ابو اريان نزل مصر وحضر العزا وعرف حكاية الآثار وبدأت ديرة الموت واريان راح لي وسام 

اريان بشر : عايز اتعلم سحرك عايز انتقم منهم بسحرك 

وسام بغضب : اخرس متقولش كدا 

اريان بضعف : ليه انا عارف مين الي قتل اهلي 

وسام بغضب : اوع تقول كلمه دي تاني 

اريان بغضب : انت اناني مش عايز حد يبقا احسن منك صح 

وسام : والله ابدا خايف عليك بس 

اريان بدموع : عايز اجيب حق اهلي 

وسام بحزن : هنجيبو بس متقولش كلمه دي تاني 

اريان بعناد : عايز اتعلم سحرك ياوسام 

وسام بصدمه : لااااااااااا 

وفاجاه اريان سمع اصوات غريبه والنور بدأ يتقفل وبتفتح 

اريان : في ايه 

وسام بغضب : قولتك متقولش كدا 

فاجأه موت ظهر واريان بصلو 

موت بهدوء : شوفت تاني واحد من جيشي من اهلك 

اريان : انت مين 

موت : عايزه تتعلم السحر صح 

وسام : اوع تقولو اه 

اريان : طيب 

موت بسخرية : هو كدا كدا طلب تلات مرات اجهز يلا

وسام بغضب : متعمليش كدا هو مالهوش دعوه 

موت : هشش

فاجأه نور اتقطع وجاه بعد دقيقه ووسام بص حواليه ملقاش اريان وموت 

وسام بغضب : راحو فين انا مش قادر احدد هما فين 

أما عند موت اريان فتح عينو لقه نفسو علي سرير ومربوط  بحديد

اريان : انا فين 

موت : هعلمك السحر 

اريان بغضب : مش عايز 

موت : مش عايز ايه تنتقم لي ابوك واهلك 

اريان بغضب : وسام قال لا يبقا اكيد فيه حاجه 

موت بسخرية : طب جاهز 

اريان سمع موت بيقول كلام غريب وسمع اصوت غريبه وفاجاه حس بوجع غريب في جسمو لدرجه انو صرخ وبدأ يحاول يفك نفسو وفك نفسو وعينو قلبت لي لون الاحمر 

اريان : ايه ده 

موت : قول لي وسام كدا فاضل شخصين بس 

اريان بغضب : انت عملت ايه 

موت : فكر في وسام علشان تقدر تروحلو 

اريان فعلا فكر في وسام وبعدين اختفا ورجع لي وسام تاني ووسام اول ماشافو مقدرش يستحمل فكرة أنهم بقو اتنين قعد علي كرسي بحزن وقال : شوفت انت عملت ايه 

اريان بغضب : فهمني في ايه 

وسام بدأ يحكي من موت وازاي قبلو وازاي بقا كدا 

اريان بصدمه : يعني ده جن

وسام بغضب : معرفش اي حاجه .

اريان : بس انا مش عايز أبقا كدا 

وسام : ولا انا لازم منخلهوش يجمع الباقي 

اريان : يعني أنا معايا دلوقتي قوه 

وسام بحزن : اه هتقدر تقرا الأفكار وهتقدر تختفي وهتقدر تتشكل علي شكل أشخاص تانيه 

اريان : ياااه كل ده انا كدا هقدر انتقم 

وسام : تمام وانا هعلمك ازاي تستخدمهم بس افتكر أن لو احنا بقنا 4 موت ده هيقدر يتحكم فينا كلنا 

اريان : متخفش انا بس عايز انتقم 

وسام : ومحدش يعرف القوه دي 

اريان : متخفش 

وسام بدأ يعلم اريان ازاي يستخدم فوتو اريان في الاول كان مفكر انو مش هيقدر يعمل كل ده بس معا الايام قدر يعمل كدا وقدر يتعلم وبقا شاطر جدا فيها ……

انتهاء فلاش باك????

وسام : طول الوقت بحاول اخبي قوتي دي حتي يوم ما جعفر واريان ادوني حقنه علشان أفقد قوتي اصلا ميعرفوش أنهم مكنوش يقدرو عليا بس مثلت عليهم علشان مش أبين ليهم قوتي

اريان : وانا كمان بحاول مخلتش اي حد يعرف قوتي 

وسام : وموت ده مش هيظهر غير لما ينضم لينا شخص تاني 

اريان بص لي وسام وتغير شكلو علي شكل وسام 

اريان : غير شكلك علي شكلي وانا هروح اتكلم معا ياسمين 

وسام : تمام 

اريان دخل الأوضه وياسمين بصت لي اريان بضيق 

اريان : لسا زعلانه مني 

ياسمين بغضب ؛ وسام انت مش بتحبني 

اريان قرب منها ومسك أيدها وقال : تعالي بس 

ياسمين : مش عايزه اتكلم معاك 

اريان مسك أيدها جامد وطلعو برا الاوضه  ووسام غير شكلو علي شكل اريان ودخل لي شهد 

شهد : اريان مالو وسام 

وسام بصلها وقالها : مفيش

وسام قرب من اريان وياسمين وبصلهم بحب …

_________________________________________

????عند اريان ????

اريان خد ياسمبن وطلعو برا مستشفي وكان فيه جنينه قدام مستشفي ياسمين واريان قعدو فيها 

اريان : ممكن تسمعيني 

ياسمين : بابا انت زعقتلي جامد وانا مش عارفه ليه

اريان : علشان مش كل حاجه لازم تتعرف المهم تعالي نتكلم علي اريان 

ياسمين بحزن : اتكلمنا كتير يابابا 

اريان : حابب اسمع 

ياسمين بحزن : انا لسا بحب اريان بس يابابا يوم ماسبتو كنت منهاره مكنتش قادره افكر ومكنتش عايزه اعرف حاجه عنو 

اريان بابتسامه : وايه تاني

ياسمين : محتاجه يحسسني انو بيحبني اوي عايزه يعمل ليا المستحيل 

اريان بضيق : يعمل ايه تاني مهو عمل 

ياسمين بضيق : عمل ايه بس انا الي عملت اتجوزتو غصب وكمان حبتو رغم اني كنت شايفه شيطان واخدت رصاصه مكانو وتحديد العالم علشانو هو عمل ايه بقا 

اريان : عايزاه يعمل ايه يعني

ياسمين بتفكير : اممممم يعني يعلمني

اريان حط ايدو علي بوق ياسمين وقالها : وحياتي عندك ماتقوليش كدا تاني 

ياسمين بصت في عين اريان اوي وقالت : بابا انا اول مره احس انك شبه اريان اوي 

اريان بخبث : كاشكل ولا ايه 

ياسمين : معرفش 

اريان بضحك : ماشي ياستي بقتي تعشقي اريان لدرجه انك شيفاني هو 

ياسمين بضيق ؛ انا خلاص قرارت لو عايز يصلحني بفجأني كل يوم بحاجه يعمل مستحيل علشاني انا عايزه امرمطو صراحه 

اريان : أهون عليكي 

ياسمين : نعم 

اريان : احم قصدي هيهون عليكي 

ياسمين : ايوا وانت كمان همرمطك علي ما تصالحني 

ياسمين قامت وجايه تدخل المستشفى بس اريان مسك أيدها ورجع لي شكلو الحقيقي وهي بصتلو وقالتلو : وسام فين 

اريان : اختفااااا

ياسمين بضيق : سيب ايدي 

اريان : وحشتيني اوي 

ياسمين : ونبي ياعم نحنوح بلاش المحن ده عليا 

اريان بأبتسامه : بحبك 

ياسمين في سرها : يخربيت امك هو انا شكلي هضعف واسامحو ولا ايه 

اريان بحب : ايوا سامحني علشان انا حبيبك 

ياسمين بضيق : طب بص انا هطلب منك 4 طلبات ولو قدرت تعملهم هسامحك 

اريان قرب منها بثقه وقال : اطلبي 

ياسمين : اول طلب عايزاك تطلقني

اريان بصدمه : اييييه….