رواية عندما يعشق الجاسر الفصل السابع 7 بقلم ريم محمد

*************

نجوي :منصور هي البنتس هتطول عندنا بصراحه احنا مش هنستضفها العمر كله وكمان بقت بتخلي مايا جاهله زيها وعايزاها تلبس طويل ومقفل

منصور:دا بدل اما تشكريها علمت بنتك ال احنا معرفناش نعلمهلها المفروض انتي ال تعلميها الكلام ده ال بتقولي عليها جهل ده دين ربنا المفروض تلبس طويل وانتي ال تقولليها الكلام ده 

نجوي: أنا حره خليها في نفسها مش نقصنها

منصور:انا استحاله اقولها الكلام ده وانتي كمان اوعي تقولليها فاهمه ولا لاء اوعي يا نجوي

نجوي :انا مش هقول حاجه المرادي بس المره الجايه انا مش هتعرف هعمل فيها ايه 

منصور:انا زهقت من الكلام معاكي انا نازل تحت 

مليكه سمعت الكلام ده ودخلت اوضتها هي كانت نازله تحت وسمعتهم من غير قصدها 

منصور:مايا فين مليكه منزلتش ليه 

مايا :قالت تعبانه ومش قادره تنزل 

سلا :ليه مالها كانت كويسه 

مايا :بتقول بطنها وجعاها شويا 

منصور :سبوها علي راحتها تمام محدش يضيقها

هشام :طب سلا احنا كنا خارجين يلا بينا 

سلا :اه يلا يلا يا ميرا 

ميرا :باي يا اموا جاسر 

جاسر :باي يا روح عمو انتي خلي بالك من نفسك 

ميرا :انا هخلي بالي مني ومن بابا وماما 

جاسر :شطوره خلي بالك منهم

هشام:اه طبعا ميرا ال هتخلي بالها مننا 

سلا :اه طبعا يلا بينا 

مايا :بابي انت خارجه شويا 

منصور :ماشي انا اصلا خارج مع امك عشان واحده صاحبتها عايزه تجتمع معاها هي وجوزها

مايا :ماشي باي يا بابي 

جاسر طلع أوضته نام شويا وكمان هو مرضاش يتغدي معاهم 

*********************************************

في المساء 

*********

مليكه عرفت أن كله مشا فقررت تنزل تعمل حاجه تاكلها

مليكه :مفيش حد وانا اصلا خايفه من الضلمه بس جعانه اوي انا احسن حاجه اعمل بانيه ومكرونه

فجأه حست بحد وراها 

مليكه كانت ماسكه الطاسه وضربت الشخص علي دماغه 

جاسر :ااااه ايه يبنتي مش تحسبي هتموتيني

مليكه :جاسر انا اسفه معلش انت حصلك حاجه قلي انا كنت فكراك حرامي معلش 

جاسر :محصلش حاجه انا كويس بس الحرامي هيدخل ازاي وكل الامن ده بره 

مليكه :انا ملحظتش انا كنت خايفه فده رد فعلي 

جاسر :مش مهم اومال انت بتعملي ايه 

مليكه :كنت بعمل اكل لاني جعانه تاكل معايا 

جاسر :تمام انتي هتطبخي ايه 

مليكه :بانيه ومكرونه وسلطه بتحبهم

جاسر :اه تمام 

مليكه :خلاص تعال ساعدني

جاسر :انا اطبخ بقا علي اخر الزمن جاسر منصور يطبخ

مليكه :اه عادي بس انت بس قطع السلطه وانا هسلق المكرونه

جاسر :ماشي يستي 

جاسر. ومليكه وبعد انا خلصوا وكلوا 

جاسر :تتفرجي علي فيلم 

مليكه :تمام ممكن نشوف فيلم وانا هعمل فشار وكولا كده 

جاسر جاب فيلم وكان قاعد علي كنبه ومليكه قاعده علي كرسي بعاد عن بعض 

جاسر :ايه يبنتي انتي خائفه لاكلك ولا ايه 

مليكه :لاء بس كده احسن مبحبش اقعد قريب من حد معلش

جاسر :تمام 

مليكه كانت خايفه من الفيلم لانه رعب والفيلم خلص 

جاسر كان ملاحظ أن مليكه خايفه جدا 

مليكه :طب انا هطلع اوضتي بقا يا جاسر 

مليكه طلعت أوضتها وكانت مرعوبه ومش عارفه تنام وسمعت صوت بره بيخبط علي الباب 

مليكه :ااااه شبح يا ماما 

جاسر كان هيموت من الضحك انا جاسر يا مليكه انتي نسيتي تيلفونك

مليكه :اه شكرا 

جاسر :انتي كنتي خايفه ولا ايه 

مليكه :انا لاء ابدا انا كنت اتخضيت بس 

جاسر :اه تمام 

جاسر لفي تيلفونه بيرن

جاسر :الو يا كارمن

كارمن :الو يبيبي عامل ايه سوري اني مشيت بس هنعوضها في الحفله

جاسر :اه يروحي اكيد بس انتي خلي بالك من نفسك ومتلبسيش قصير في الحفله 

كارمن :جاسر لبسي أنا حره فيه انا بلبس زي ما انا عايزه تمام 

جاسر :لاء انتي مش حره في ده احنا مرتبطين يبقي المفروض تسمعي كلامي في الموضوع ده وانا كذا مره قلت مبحبش البس القصير 

كارمن :اوكي جاسر هابقي اشوف يلا باي

*********************************************

الام :مالم يا كارمن زهقانه ليه 

كارمن :زهقانه يمامي من جاسر قاعد يتحكم فيا 

سوزان :استحملي يا كارمن عشان فلوسه تهون كل حاجه 

كارمن :ده المخليني مستحملاه بس يا مامي

سوزان :ايوا لازم لو عايزه تعيشي عيشه مرفه زي دي لأن ابوكي ضيع كل فلوسنا 

الاب :انا اعمل ايه كله من طلابتك انتي وبنتك نسافر هنا نجوي جابت برفيوم بكذا جابت فستان جديد هيلز بكام لغايت انا فلست يلا ارتاحي انتي وبنتك حتي الباقي معانا عايزين تسرفوه علي البس بتاع بنتك 

سوزان :سيبك منه المهم حاولي تسحبي منه من دلوقتي يعني خليه هو يجبلك الفستان وطقم مجوهرات وكده ابدءي اسحبي منه ويلا بسرعه خليه يعلن خطوبتكم

كارمن :معاكي حق يماما لازم باسرع وقت اخليه يعلن خطوبتنا

*********************************************

محمود :حمديه انتي كنتي بتقولي مين الجيه من فتره عشان مركزتش في الكلام 

حمديه :منصور يراجل ال كان صاحب اخرك الروح بالروح 

محمود :ازاي فاتتني دي اكيد مقصوفه الرقبه دي عنده ال اسمها مليكه 

حمديه :ازاي يعني 

محمود :ابنك قال إني هي في القاهره وهي مش عند خالتها يبقي اكيد عند منصور وكمان هي هربت في اليوم ال هو سافر فيه يبقي هي الهربها

حمديه: اه معاك حق يا اخويا اكيد انها الحريايه دي هي الهربتها

كانوا بيتكلموا بس معرفوش أن حد من الخدم سمعهم

في السوق 

سوسن :أن احمد انا بصراحه يختي كنت عايزه اقولك حاجه 

ام احمد :اه يختي في حاجه 

سوسن :انا سمعت محمود بيه وهو بيقول أنه عرف مكان مليكه وانا منستش يختي أن يوم ما ابني تعب محمود بيه مرداش يديني فلوس بس عصام بيه اداني وساعدني وهو السبب ال ابني عايش بيه النهارده بعد ربنا سبحانه وتعال ولازم انقذ بنته ومسمحش يحصلها حاجه ده ال في أيدي انا قولت اقولك تقولي لعزه هانم 

ام احمد :عملتي خير يا سوسن يختي ربنا يكرمك

ام احمد :حاجه عزه حاجه عزه 

عزه :في ايه يا ام احمد خضتيني

ام احمد :مصيبه محمود بيه عرف مكان مليكه واكيد مش هيسبها 

عزه :انتي بتقولي ايه يا ست انتي 

ام احمد :والهي البت سوسن ال بتشتغل عندهم هي القلتي

عزه :يربي علي المصائب ال بتتحدف عليا من كل ناحيه دي انا لازم اكلم منصور اقوله يخليها تمشي من عنده 

الو يا منصور في مصيبه 

منصور :في ايه حد حصله حاجه قولي 

عزه :محمود عرف أن مليكه عندك لازم تتصرف 

منصور :عرف ازاي ده بس متخافيش انا كنت عامل حساب اليوم ده اه مش قريب كده بس عامل حسابي متشيليش هم حاجه انتي 

عزه :انا مأمناك عليها يا منصور اوعي تخليها يحصلها حاجه 

منصور :متخافيش اي ام حسام مليكه في عيني 

مايا مايا 

مايا :نعم يبابا 

منصور :انا عايز اقولك حاجه بس متقوليش لحد ………………………………

مايا:ايه ده يبابا كل ده حصل ولا كأننا في فيلم بس انت متاكد من الهتعمله ده 

منصور :انا متاكد من ده من زمان بس انتي المسؤله ماشي 

مايا :من عنيا ده يوم المني 

منصور :انا واثق فيكي واوعي تقولي لحد أو حد يحس عليكي فاهمه 

مايا :من عنيا متخفش انت بس 

*********************************************

محمود :سعد يا سعد 

سعد :نعم يبابا 

محمود :انا عايزك تجبلي عنوان منصور في مصر ال كان لسه جايه البلد من يومين تعرف 

سعد :سبلي الموضوع ده ساعه ويكون عندك العنوان 

شخص ١:الو يباشا 

سعد :عايزك تعرفلي عنوان واحد اسمه منصور مشهور اوي في مصر رجل اعمال يعتبر شغال في كل حاجه تعرف 

شخص :من عنيا يباشا

سعد :تمام قدامك ساعه وتعرف فاهم 

شخص :حاضر يباشا 

بعد ساعه 

شخص :الو يباشا 

سعد :عرفت ايه قولي 

شخص :دا يباشا شخص تقيل اوي في البلد فلوس متعدش عنده بنت وولادين والعنوان اهو …………….والولد واحد متجوز والثاني لاء وبنت مش متجوزه 

سعد :تمام اقفل انت دلوقتي يابا انا جبتلك كل حاجه هنروحلها امتي 

محمود :بكره نطلع الصبح علي الساعه ثمانيه بليل تكون وصلنا 

سعد :تمام يابا بكره نروح نجبهم البت قاعده عند الراجل وعنده ابن عازب مش متجوز دا انا هقصف رقبتها

محمود :اجيبها بس وتبقي تحت ايدي 

يتبع….

لقراءة الفصل الثامن : اضغط هنا

لقراءة باقي فصول الرواية : اضغط هنا