روايات

رواية الحفلة الفصل الأول 1 بقلم مجهول

رواية الحفلة الفصل الأول 1 بقلم مجهول

رواية الحفلة البارت الأول

رواية الحفلة الجزء الأول

الحفلة
الحفلة

رواية الحفلة الحلقة الأولى

صديقة مراتي عزمتنا على حفلة عيد ميلاد بنتها مرام اللي عندها 7 سنين
الساعه 8 كنا وصلنا العمارة طلعنا الدور الرابع
رنيت جرس الباب وبعد كام دقيقة فتحت لينا مدام أسما
رحبت بينا ودخلنا
أهلا بيكم نورتوا
كان لسه مفيش ضيوف وصلوا غيرنا
بس كان في اجواء عيد ميلاد زينة متعلقة وبلالين
واغاني أطفال شغالة
كان في شغالة واقفه طلبت منها تجيب مشروب
حاضر يا مدام
وجهت كلامها لزوحتي
زينب وحشاني أوي ..فينك من زمان
انا موجوده اهو ..بس معلش شغل البيت
والولاد ..انتي فاهمه بقى

 

 

ربنا يعينك ..بس انتي ليكي فترة متصلتيش
صدقيني الفون وقع مني وضاعت كل الارقام معاه
اها عشان كدا كل ما بتصل بلقاه مقفول
المهم طمنيني عليكي يا اسما
الحمدلله احنا بخير ..سافرت فترة مع جوزي
بره مصر ..بس متحملتش الغربة وقررت انزل
مع مرام ونسيب باباها هناك ..بينزل مرتين اجازه في السنه
رجعنا من 8 شهور ..حاولت اوصلك كتير معرفتش
بس جبت رقمك من زميلتنا أميرة ..فاكراها
اه طبعا فاكراها ..هي اخبارها ايه
فضلوا يحكوا مع بعض عن ذكرياتهم في الثانوي
والجامعه واد ايه انهم مفتقدين للمة الصحاب
زي زمان والجو دا ..
أسما كانت نفس سن مراتي ..المفروض
عمرها 43 سنه ..بس ملامحها تقول انها
أصغر من كدا بعشر سنين ع الاقل
وكأنها متجاوزتش ال 30 سنه!!

 

 

كنت مستغرب جدا ..معقول علامات السن مش باينه عليها
كدا ..وازاي مراتي مخدتش بالها ولا يمكن خدت بالها
ومش عايزه تلفت انتباهي ..غيرة ستات مثلا
الحقيقه مش فاهم
الساعه عدت 9 ومفيش ضيوف وصلوا
هو حضرتك مش عازمه حد غيرنا ولا ايه !
لا عازمه طبعا ..بس في ناس عندها ظروف واعتذروا
وفي ناس زمانهم على وصول
بعدها خرجت مرام ..لابسه فستان ابيض
رابطه شعرها فيونكات وشكلها حزين
تعالي يا روما سلمي على طنط زينب وعمو شريف
البنت جات وسلمت عليا ..قعدت قصادي
وانا حاسس انها مضايقه ، متوترة ..فيها حاجه
بعدها بشوية مامتها قالت
يلا نطفي الشمع بقى
اسما بصت للست الشغالة ..هزت دماغها انه كله تمام
اتفضلوا يا جماعه
روحنا ع السفرة موجود 4 كراسي عليها
هي ومرام قعدوا جنب بعض
وأنا ومراتي جنب بعض

 

 

التورته كانت في النص وحوليها قطع جاتوه وحلويات
وعصير وفاكهه ومياه غازية
صورة مرام في نص التورته ..مكتوب عليها
عيد ميلاد الأميرة مرام
بس لقيت عدد كبير من الشموع
في عدد كبير من الشموع ..عديتهم بسرعه
واكتشفت انهم 43 شمعه
هو عيد ميلاد بنتها ولا عيد ميلادها هي ؟
ولعت الشموع وطفت النور
وقفنا احنا الأربعه نقول
happy birthday to you
happy birthday to you maram
happy birthday to you
بصيت ل مرام لقيتها مركزه معايا وفي عيونها
نظرة غريبة انا مش فاههمها
طفوا الشموع ..وبعدها

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية الحفلة)

اترك رد