روايات

رواية أحببت مجهولة الفصل الرابع عشر 14 بقلم زينب رضا

رواية أحببت مجهولة الفصل الرابع عشر 14 بقلم زينب رضا

رواية أحببت مجهولة البارت الرابع عشر

رواية أحببت مجهولة الجزء الرابع عشر

أحببت مجهولة
أحببت مجهولة

رواية أحببت مجهولة الحلقة الرابعة عشر

_صباح تاني يوم_
قاعدين ع الفطار، محمد : هي سارة لسه نايمة
مريم : اه ي بابا دخلت اشوفها الصبح قولت اسيبها مش لازم تروح الكلية انهاردة
محمد : ماشي يابنتي
نادية : الحمدلله اننا اطمنا عليها
محمد : الحمدلله، انا قولتلها ع العريس وهي قالت هتقعد معاه
نادية : طب كويس، بس انت قولتلها امته
محمد : بعد الفجر لاقيتها صاحية اتكلمت معاها
مريم بفضول : عريس مين ها قولولي
محمد : هنعرف يوم الخميس هو كلم عمك واتفق معاه امبارح
مريم : هما اللي بيروحوا المستشفى بيجيلهم عرسان ما انا كنت ف المستشفى برضو
نادية : بس ي أم لسان انتي
مريم : حاضر حاضر، انا هنزل بقا
محمد : خديني معاكي يلا
نادية : ربنا معاكوا، ونزلوا وهما نازلين قابلوا سعيد خارج من شقته
محمد : صباح الخير
سعيد : صباح النور، ومريم سلمت ع عمها ونزلوا التلاته سوا، وكالعادة ريم صحيت متأخر ونزلت راحت الكلية واول محاضرة فاتتها

~~~~~~~~~~~~~~~~~~~~~~~~~~~~~~~~

 

 

 

 

 

 

: اي ده يا بوص اي اللي مصحيك بدري
سامح : انا منمتش اصلا ي صايع انت
احمد : تسلم مش عارف من غيرك مين هيهزقني
سامح : ما هي امك تعبت معاك وانت مفيش دم
احمد : هي فين صحيح
سعاد”امه” : انا اهو يابني مروحتش جامعتك ليه
احمد : انا جاي البس وهنزل اهو
سعاد : صليت بقا ولا لا، احمد هرش ف دماغه ومردش
سعاد : ليه كده يابني مش احنا متفقين
احمد : حاضر ي ماما هصلي وانزل
سامح : افضلي دلعي فيه ياك يتخرج بقا ونخلص، وسابهم وطلع
احمد ف نفسه ‘ هي الشحنه كانت غالية اوي كده، ربنا يعوض عليك ي بوص،، احمد عارف شغل ابوه وكان مفكر ان ابوه ميعرفش هو سامح فعلا مكنش يعرف بس لما احمد اتقبض عليه عرف وعرف انه بيشتغل من وراه بس متكلمش معاه ولا عرفه انه عارف وسايبه ع اساس انه اما يسيبه كده هيعتمد ع نفسه ويبقا راجل ‘
‘ سعاد ست محترمة ولابسه حجاب وعارفه ربنا بتحاول تصلح من ابنها وبتاخده براحه،، بس طبعا اللي بيدخل ف حاجه شمال صعب يتغير فيه ناس بتتغير فعلا بس قليلين، اقولكوا حاجه هي خسارة ف اللي اسمه سامح ده بس النصيب بقا ‘
~~~~~~~~~~~~~~~~~~~~~~~~~~~~~~~~
جهاد قعدت ترن ع سارة بس مفيش رد، رنت ع بابها استاذنته انها هتروح لسارة بعد الكلية وبعدين رنت ع شريف
شريف : الو
جهاد : معلش لو صحيتك بس كنت هقولك اني هروح لسارة بعد الكليه
شريف : فيه حاجه ولا اي
جهاد : اه كانت ف المستشفى امبارح ومجاتش الكلية فا هروح اطمن عليها كلمتك عشان متجيش تروحني
شريف : تمام ماشي، طب ما اجي اوصلك
جهاد : لا انا هروح مش لازم اتعبك
شريف : يستي تعبك راحه هكلم عمي واقوله اني هوصلك
جهاد بابتسامه : انا كلمته استاذنته
شريف : وانا هكلمه استاذنه اني اوديكي
جهاد : تمام مع السلامة
شريف : سلام
~~~
عمر صحي من النوم صلي وخرج لاقي والدته قاعده، عمر : صباح الخير ي ماما
سميرة : صباح النور ي حبيبي صاحي بدري كده
عمر : والله ي ماما نمت ساعتين بس كلهم قلق
سميرة : معلش كله هيعدي بس انت خليك واثق ف ربنا
عمر : حاضر ي حبيبتي، احم كنت عاوز اقولك ع حاجه
سميرة : قول ي عمر

 

 

 

 

 

 

 

عمر : بالنسبة لموضوع ريم و..قاطعته سميره
سميرة : من قبل ما تكمل انا كمان مش موافقه انا اتسرعت عارف لو انا كنت صبرت شوية كنت شوفت بنت عمها وخطبتهالك
عمر فرح إلى حد ما عشان اللي هيقوله امه كده هتوافق عليه
عمر : ما اهو انا بصراحه هخطب بنت عمها
سميرة : ازاي ده يابني الناس يقولوا اي سابها وخد بنت عمها
عمر : لا ي ماما حصل سوء تفاهم مع ام ريم و… *حكالها كل حاجه*
سميرة : يعني كدبت عليا
عمر : انا حكيتلك عشان مش بخبي عنك حاجه حتي محمود قولتله سوء تفاهم وخلاص الحج سعيد محترم ومش زي مراته
سميرة : طب واخوه محمد وافق
عمر : مش عارف بس هو قالي انه هيتكلم معاه وهيتصل عليا ياكد اني اجي
سميرة : ربنا يكتبلك اللي فيه الخير يابني
عمر : احلى دعوه دي ولا اي، بصي بقا لو حصل نصيب أن شاء الله هنشتري فيلا وانتي هتعيشي معايا ومش هقبل اي اعتراضات
سميرة : اي ده مين بيتكلم عن الجواز مش عمر ده لا
عمر بحزن مصطنع : خلاص ي ماما مش هتجوز
سميرة : لا لا وع اي انا ماصدقت افرح بيك
عمر : اي خدمه هفرحك اهوو.. سمع فونه بيرن هقوم اشوف مين اللي بيرن
سميرة : ماشي ي حبيبي وانا هحضر الفطار
عمر : ماشي يقمر ودخل اوضته لاقي رقم غريب بيرن
: الوو

 

 

 

 

 

سعيد : السلام عليكم
عمر : وعليكم السلام مين
سعيد : انا سعيد الصياد يابني
عمر : اهلا ازيك ي عمي
سعيد : الله يسلمك معلش لو صحيتك
عمر : لا ابدا انا كنت صاحي اصلا وبعدين حضرتك ترن ف اي وقت
سعيد : كتر خير يابني انا كلمتك عشان اقولك ان احنا مستنينك زي ما اتفقنا يوم الخميس ان شاء الله
عمر : الحج محمد وافق
سعيد : اه وافق بس هو كان عاوز يسألك ع حاجه
عمر : تمام انا تحت أمره
محمد : الامر لله يابني
عمر : ازيك ياعمي
محمد : الحمدلله، هو انت دفعت فلوس المستشفى
عمر : بصراحه اه حضرتك وعمي سعيد كنتوا مشغولين
محمد : كفايه وقفتك معانا يابني تقوم تدفع مصاريف كمان
عمر : اديك قولت ابنك يبقا عادي وعشان خاطري متقولش تديني حاجه
محمد :ماشي يابني شكرا وزي ما عمك سعيد قالك ميعاادنا يوم الخميس ان شاء الله
عمر : تمام يعمي، وقفل معاهم وراح قال لسميرة اللي فرحت عشان ابنها اخيرا هيتجوز
~~~
سارة صحيت لاقت مامتها ف المطبخ
سارة : كده ي ماما تسيبيني نايمه
نادية : مجتش من يوم الكلية مش هتطير
سارة بتاكل خيار : ع رأيك
نادية : شاطرة يلا عشان تفطري وتاخدي العلاج
سارة : حاضر، فطرت وقعدت مع امها شوية وبعد كده دخلت تذاكر بعد طبعا ما بصت ع الفون ولاقت عمر قافل من ساعتها
~~~~~~~~~~~~~~~~~~~~~~~~~~~~~~~~صلوا ع النبي
❤️
؛؛ ~~~~~~~~~~~~~~~~~~~~~~~~~~~~~~~~

 

 

 

 

ف المحاضره ريم قاعدة جنب احمد ونازلين رغي وجهاد قاعده بعيد بس شيفاهم المحاضرة خلصت
ريم : اوعي تكون لسه زعلان
احمد : لا مش زعلان يقمر الا صحيح هي سارة تعبانه اوي
ريم بغيظ : اهي زي القردة ف البيت، وبعدين انت كل اما نقعد مع بعض هتجيب سيرتها
احمد بتراجع : لا مش قصدي اصلها عمرها ما غابت حتي لو بتموت
ريم : هي اللي زيها بيموت فكك المهم هتاكلني اي
احمد : ده انا هاكلك انت ي قمر، ريم ضحك بمياصه ومشيوا
جهاد خرجت لاقت شريف مستنيها ركبت معاه
جهاد : يابني ما كنت روحت لوحدي وخلاص
شريف : اي مش عاوزه تشوفيني
جهاد : مش قصدي والله بس مش عاوزه اتعبك
شريف : بطلي الكلام ده بقا كلها شهر ونص وتبقي مراتي، جهاد اتكسفت ووشها احمر ومردتش
شريف ضحك عليها : انا بقول نتحرك احسن،
ووصلها عند سارة، جهاد نزلت
شريف : اقعدي براحتك واما تيجي تمشي رني عليا اجيلك
جهاد : حاضر، وطلعت عند سارة خبطت وسلمت ع نادية ودخلت لسارة
سارة : اي المفاجأة الحلوة دي
جهاد حضنتها : الف سلامه عليكي يحبيبتي
سارة بهزار : لو اعرف اني اما اتعب هتيجي كنت تعبت من زمان
جهاد خبطتها : بعد الشر ي بومه انتي
سارة بضحك : حبيبي حبيبي
شوية ومريم جت من الكلية وقعدت معاهم وفضلوا يهزروا
محمود رن ع عمر
عمر : اي يابني حتي ف الاجازه بترن عليا
محمود : تصدق انا غلطان اني بعبرك
عمر : خلاص يقموصه انت
محمود : ماتيجي نتغدي برا انهارده
عمر : ولاا انا مش مطمنلك حد قالك اني خطيبتك

 

 

 

 

 

 

محمود : انجز بقا انا قاعد زهقان
عمر : طب ماتيجي تقعد معانا هنا دي الحجة هتفرح
محمود : تصدق فكرة قولها بقا عشان بتعملي اكل لوحدي
عمر : ماشي ي ابو بطن
محمود : حبيبي انا جاي وقتي سلام، وقفل عمر قال لسميرة انه جاي، عمر : اكيد هتعمليله وليمه
سميرة : طبعا ده ابني ده
عمر : انتي لاقياني ع باب جامع صح
سميرة ضحكت : لا بس هو ابني التاني
عمر : طب يلا شوفيله عروسه عشان تفرحي بيه هو كمان
سميرة وهي راحه المطبخ : تصدق فكره كويس انك قولتلي ودخلت وسابته
عمر بيكلم نفسه ‘ احسن ما هو انا مش هتجوز لوحدي لا ‘
~~~~~~~~~~~~~~~~~~~~~~~~~~~~~~~~
جهاد كلمت شريف عشان يجي ياخدها ، ومحمد وسعيد جهم من الشغل، شريف رن ع جهاد، سلمت عليهم ونزلت وهي نازلة قابلت ريم
ريم : ازيك ي جوجو
جهاد باستغراب ماهي طول اليوم معايا ف الكلية الحب نزل دلوقتي : الحمدلله يا ريم
ريم : دايما يارب
جهاد : تسلمي، عن اذنك ونزلت وسابتها
ريم بصت عليها لاقتها بتركب عربيه اتغاظت ودخلت شقتهم
محمود راح اتغدي مع عمر وقعدوا يهزروا سوا وسميرة جت قعدت معاهم
عمر : يلا ي ماما افتحي معاه الموضوع
محمود باستغراب : موضوع اي
سميرة : اصل عاوزه افرح بيك
محمود ضحك : مش اما نفرح بعمر الأول
عمر : خلاص يخويا انا يوم الخميس هدبس رسمي

 

 

 

 

 

محمود : البنت اللي كانت ف المستشفي صح
سميرة : اه هي يابني
محمود : مبروك ي باشا، متنساش اخوك بقا
عمر : منساش اخويا ازاي وغمزله
محمود : مش عاوز منك حاجه
سميرة : انتوا مالكوا كده ف اي
محمود : لا ي حبيبتي مفيش حاجه ابنك مستفز بس
عمر : بقا كده طب ماشي، شوية ومحمود مشي
~~~~~~~~~~~~~~~~~~~~~~~~~~~~~~~~
الاسبوع عدي كالعادة سارة ومريم بيروحوا الكليه وريم هي كمان وطبعا مقابلتها هي واحمد، وسعيد ومحمد بيروحوا شغلهم، ومحمود وعمر بيروحوا شغلهم وعرفوا ان احمد يبقا ابن سامح الهواري
مفيش اي جديد غير حاجتين
-الحاجة الاولي : الأسيوطي واللي معاه اتعرضوا ع النيابة واخدوا 7 ايام ع ذمة التحقيق
-الحاجة التانيه : مقابلة الاسيوطي والهواري
***

 

 

 

 

سامح : عامل اي ي اسيوطي
طلعت : مبسوط جدا وبعصبية، انت هتستعبط ي سامح انا لازم اطلع من هنا انت السبب ف اللي انا فيه انت اللي اصريت اني اسافر واجي مع الشحنة
سامح : ممكن تهدي يعني انا هعرف منين ان ده كله هيحصل
طلعت : ماليش فيه انا لازم اطلع من هنا
سامح : هتتطلع متقلقش
طلعت بشر : بقولهالك تاني لازم اطلع يا اما عليا وع اعدائي ي هواري
سامح بعصبية : قولتلك هتتطلع بطل شغل التهديدات دي
طلعت : انت عارف اني لو مطلعتش من هنا التهديدات دي هتبقا حقيقه
سامح بخبث : متقلقش هتتطلع زي الشعره م العجين و…
الظابط دخل : معلش الزيارة انتهت
سامح قام وبيعدل بدلته : هجيلك تاني يخويا عن اذنك ومشى، طلعت فضل يبص عليه بشر
_صباح يوم الخميس_

يتبع…

اترك رد