رواية أحببت منتقبة 2 الفصل السادس عشر 16 بقلم ياسر الأنصاري
رواية أحببت منتقبة 2 الفصل السادس عشر 16 بقلم ياسر الأنصاري
رواية أحببت منتقبة 2 البارت السادس عشر
رواية أحببت منتقبة 2 الجزء السادس عشر
رواية أحببت منتقبة 2 الحلقة السادسة عشر
” أحببت منتقبة الجزء الثاني الفصل السادس عشر والأخير ♥️ ”
محمود. انا هكلم اميره واقولها ع اتفاقي مع ابوها لأنها مكنتش موجوده
صهيب.. اجري قولها اكيد هتفرح اوووووووووووي
رن عليها. وبدا يقولها ع الي حصل وهو مبسوط وكان منتظر منها كلمه حلوه زي الكل
لكن رد اميره كان مفاجاه. لا يا محمود دي فرحتي وانا مش هستغني عنها مهما كان
محمود . نعم ! انتي قولتي ايه
اميره .الي سمعته يا محمود
محمود. يعني انتي عاوزه الفرح أو بلاش منها خالص صح كدا !
اميره. صح يا محمود
محمود بحزن. وانتي لسا ف بيت ابوكي يا بنت الاصول. سلام عل
اميره بلهفه. استني استني .. خد يا بابا
عاصم. ايواه يا محمود يبني .. معلش يبني اصلي قولت لاميره انك صاحب مبداء والصح صح مهما كان وكان ردها بس الحب ممكن يغير كتير. بس الحقيقه ردي عليها اني الحب مش كفايه انك تتكلمي بأسلوب زي دا أو تعترضي ع حاجه زي دي. ودخلنا ف تحدي ع الرغم من أنها موافقه اصلا ع فكره الفرح اصلا بس حبت تتأكد من كلامي اني الحب جانب من مجموعه جوانب بس مش هو الي بيحدد هو ضلع مهم لكن مش كفايه
محمود بعدم استيعاب. انا مش فاهم حاجه
عاصم بضحكه. يعني يبني كان هزار
محمود .. هزار ؟. ماشي يا اميره يا بنت عم عاصم
عاصم. خلاص بقي ميبقاش قلبك اسود خد كلم خطيبتك أهي
أميره. بقي كدا يا محمود مشكله زي دي او اختلاف وجهات النظر ممكن تبعدك عني
محمود. دا مش اختلاف وجهات نظر يا أميره بصراحه انا شوفتها قلة قيمه وعدم احترام أو تقدير ليا
أميره. لا طبعا مقصدش كل دا والله حقك عليا
محمود. خلاص محصلش حاجه بكرا أن شاء الله هنكتب الكتاب اجهزي بقي
أميره… حاضر بابا قالي..انا مش مصدقه يا محمود اني اخيره هبقي مراتك ونكون ف بيت واحد مع بعض
محمود . لا صدقي يا بابا كلها ايام وتشوفي بعينك مش مجرد كلام وخيال
أميره. ياررررب يا محمود 🥺
محمود. يلا هسيبك انا بقي عشان قاعد مع الجماعه ومعايا كام حاجه كدا
أميره. ماشي يا حبيبي خلي بالك من نفسك
محمود. حاضر وانتي كمان يلا سلام
أميره. محمود مش ناسي حاجه!
محمود. بحبك يا ستي
أميره. وانا بعشقك
محمود. يلا مع السلامه
قفل ورجع لأهله .. هاتي كوبايه مياه بلمون يا هدير بدل اعصابي الي باظت دي
جمال. ف ايه ؟
محمود. أميره كانت بتجرب اول حوار ف حياة المتزوجين وهي أنها تبوظ اعصابي بمقلب سخيف
كلهم بيضحو عليه
هدير. خد الليمون يا حبيبي. اسم الله عليك ( ضحك متواصل من الكل 😂
محمود. وبعدين بقي
صهيب. خلاص خلاص هنسكت اهو
محمود. المهم عاوزين نظبط الأمور كدا عشان كتب الكتاب
صهيب. اخوك صغير ولا ايه كل حاجه خلصت المأذون وكلمته وعربيتي وعربيتك وعربيه بابا ع ما اعتقد انهم كفايه لينا وكمان بدلتك الجديده لكتب الكتاب فوق ناقص حاجه تاني ؟
محمود. روح ربنا يستر طريقك يبني ويريح قلبك زي ما ريحتني .. والله ما عارف اقولك ايه يا صهيب غير ربنا يخليك ليا
جمال. ولا ولا البدله دي أنا جايبها هااااااا .. والكل بيضحك
محمود بضحكه. وانتا كمان ربنا يخليك ليا يا بابا ويخليكم ليا كلكم
___________________
يوم كتب الكتاب. الكل واقف مبهور بجمال محمود واميره
ومحمود ايده ف ايد عاصم بيكتبو الكتاب وبمجرد ما خلصو جرررري ع أميره واخدها ف حضنه وفضل يتمايل بيها شويه وأميرة بدأت تعيط
والكل بيباركلهم.
صهيب. مبروك يا حبيبي وبيحضنه وجمال كذالك ومجموعه من صحابه وأمه وصفاء والزهراء كمان ودنيا جات كتب الكتاب واتقربت منهم اووي لدرجه اني معظم الوقت هي مع الزهراء وهدير
بعد مرور سبع سنين ….
_____________________________
صهيب. ولا ولا وحيات أمي لجيبك خد هنا يلا …هاااا مسكتك مالك باختك بقي بتضربها ليه
مصطفي بطفوله .. انا معملتش حاجه
صهيب. يا ولا عليا انا الكلام دا بردو
مصطفي. انتا حبيبي
الزهراء. اكل بعقلك حلاوة يا اخويا
صهيب بابتسامه. مبقدرش عليه الواد دا
فطيمه . زحلانه منك يا واد يا بابا
صهيب. ليه بس يا قلب الواد ابوكي
فطيمه. عشان مضلبتث الواد مثتفي
صهيب. اخوكي يا بابا. وانتا يلا خد هنا
مصطفي بطفوله مصطنعه. نعم
صهيب. متضربش اختك تاني والا والله العظيم هتزعل مني وهنيمك معيط يلا صالح اختك
مصطفي. خلاص متزعليش مني مش هضربك تاني يا فطوم
فطيمه. خلاث يا مثتفي
صهيب. ايواه كدا .. حضرتي العشا يا زهور
الزهراء. آه خلصته يا حبيبي
صهيب قام وراحلها. ايه الجمال دا يا ناس .. ناقصك ايه ؟
الزهراء. هعمل السلطه بس
صهيب. طيب شوفي باقي معاكي ايه او حضري الاكل ع السفره وانا هقطعلك السلطه .. هتاكلي طبق سلطه حكايه
الزهراء بابتسامه. واثقه من دا يا حبيبي
صهيب. يا روح قلبي انتي
مصطفي قطع كلامهم. جوعنا اوووووووووووي يلا مش وقت كلام يا بابا
صهيب. شوف الواد أبن الكلب بيقول ايه. ماشي يا عم مصطفي حاضر
فطيمه. لا متوقلش كلب يا واد يا بابا
صهيب بضحكه . حاضر يا قلب بابا
قعدو ع السفره وبياكلو .. صهيب معاكي شغل بكرا !
الزهراء. دا يوم منيل 3 عمليات ولاده وهخلص وهكمل كشف نسا وتوليد
صهيب. ربنا معاكي يا حبيبي.. تصدقي اني لحد النهارده مش فاهم ليه رفضتي تخصص القلب وبقيتي نسا وتوليد
الزهراء بابتسامه. لاني كفايه جوزي حبيبي ف التخصص
دا
صهيب. ولو مهو على الأقل كنا هنكون مع بعض في المستشفي الخاصه بتاعتي مش كل واحد ف حتي زي دلوقتي
الزهراء. فاكر يا صهيب يوم ولادتي ف مصطفي ؟
صهيب. آه فاكر ماله ؟
الزهراء. فاكر يومها انتا عملت ايه عشان الي تولدني تكون دكتوره مش دكتور وتعبت قد ايه
صهيب. فاكر يا حبيبي ودا يوم يتنسي بردو
الزهراء. اهو انا بقي يا حبيبي اختارت المجال دا عشان كدا لاني ف كتير زينا لازم دكتوره نسا وتوليد ومش دكتور وحبيت اني انجح ف التخصص دا عشان دي الحجه الوحيده با النسبه لستات كتيره بتقول دكتور النسا أشطر من الدكتوره فا حبيت اعالج الحجه دي .. فهمت بقي
صهيب. فهمتك يا حبيبي ربنا يبارك فيكي مفكرتش با الطريقه دي خالص بصراحه
الزهراء. ودلوقتي !
صهبب. لا طبعا انتي صح كدا
فون صهيب رن
صهيب. السلام عليكم
صابر. وعليكم السلام ورحمه الله وبركاته. اخبارك يا دكتره
صهيب. بخير والله طمني عليك يا صابر
صابر. الحمدلله والله .. المهم بكرا أن شاء الله تشرفنا ف البيت عاملين حفله صغيره كدا بمناسبه عيد جوازنا
صهيب. عقبال مليون سنه مع بعض ف سعاده يا غالي..حاضر أن شاء الله هنيجي
قفلو المكالمه
الزهراء. ف ايه ؟
صهيب. صابر اخوكي عامل حفله كدا بمناسبه عيد زواجهم
الزهراء. ربنا يديم المحبه والمعروف بينهم ..وهنروح !
صهيب. انتي ايه رايك !
الزهراء بضحكه.. نروح طبعا
صهيب ماشي يا عم نخلص شغل ونظبط امورنا ونروح ….
محمود رن ع صهيب
صهيب. حبيبي عامل ايه
محمود. قلب اخوك بخير والله. بقولك ايه صابر كلمك ؟
صهيب. آه هوو كلمك !
محمود. آه عازمني انا واميره
صهيب. دا الشمل كله متجمع بقي
محمود. آمال لو عرفت اني امك وابوك هيكونو هناك كمان واختك هدير وجوزها
صهيب بضحكه. دي كملت اوووووووووووي
قفلو المكالمه
واليوم عدي
تاني يوم. صهيب بيكلم الزهراء فون
صهيب. خلصتي شغل يا بابا
الزهراء. خلاص قدامي ربع ساعة يا بابا وهرجع ع البيت ع طول
صهيب. خلاص انا هسبقك يا حبيبي
بعد ما رجعو هما الاتنين وغيرو نزلو للحفله
صهيب. امسك ايد اختك يلا
مصطفي. حاضر
الزهراء. وانتا مش هتمسك ايدي يا عم الاب القدوة
صهيب بضحكه. تعالي يا قدري ونصيبي
ركبو العربيه وكانو وصلو هناك
ونزلو ومصطفى و فطيمه نزلو يجرو
صابر. نورتو بيتنا المتواضعة يا دوك
صهيب. حبيبي يا هندسه ما شاء الله تصميم الفيلا روعه
صابر. حبيبي يا دوك بس اكيد مش احلي من الفيلا بتاعتكم… يدوب والله مستلمنها اول زياره ليك هنا صح ؟
صهيب. آه اول زياره ..امال فين العفاريت بتوعك
صابر. اهم. انس. زياد تعالو سلمو ع عمو صهيب وعمتو زهره
انس. عمو ازيك .. عمتو ازيك
صهيب. حبيبي يا انس عامل ايه
الزهراء. واحشني يا انس
انس ..ربنا يخليكم
الزهراء. ماما فين يا انس
انس. ثواني هقولها انكم وصلتو
ومفيش دقائق كانت دنيا طالعه من جواه
دنيا. الدكتوره الزهراء والدكتور صهيب. نورتونا والله
صهيب. تسلمي وكل عام وانتم بخير وسعاده
دنيا. ربنا يخليك يا دكتور
الزهراء. وحشاني اوووووووووووي يا دندون والله
دنيا. وانتي اكتر يا روحي والله….. اهم عمو جمال وطنط عائشه ومحمود بيه واميره وصلو
صابر. اهلا اهلا بحابيبنا الي شرفونا
جمال. كل سنه وانتو ف سعاده يا صابر يبني
صابر. ربنا يخليك يا عمي
عائشه. مالك يا دنيا بتحلوي كدا انتي والزهراء
دنيا. ربنا يخليكي يا طنط
الزهراء. تسلميلي يا احلي ماما
صهيب. آمال ام صابر فين وحشاني اوووووووووووي
دنيا. هبلغها انكم وصلتو
وبعد شويه. يا اهلا يا اهلا با اهلنا وناسنا
صهيب. ست الكل الي وحشاني
صفاء. والله وانتا اكتر يا حبيبي وانتي يا زهراء عامله ايه
الزهراء. الحمدلله بخير يا ماما
صفاء. نورت يا حاج جمال ويا عائشه ومحمود وأميره
كلهم. بنورك يا ست الكل
صفاء. امال هدير فين !
عائشه. زمانها ع وصول هي وجوزها
دنيا. صاصا حبيبي فين يا زهره ؟
الزهراء. بيلعب هناك اهو
دنيا. واحشني اووي والله
الزهراء بابتسامه. دا وش الخير عليكي دا
دنيا. حصل طبعا لولا مصطفي مكنتش عرفت صابر
محمود. كفايه بقي لعب يا جمال يا صغير
جمال. بلعب يا بابا
صهيب. سيبه يلعب يا عم انتا
مفيش شويه وكانت هدير وصلت هي وجوزها المقدم أسعد صاحب محمود
نادر… نورتو المكان والله يا معالي الباشا
أسعد. حبيبي يا هندسه منور بيكم. دكتور صهيب عامل ايه محمود بيه طمني عليك
صهيب. بخير والله
محمود. متسال يا أسعد باشا متبقاش واطي
أسعد. جمال باشا اخبار معاليك
جمال. بخير يبني الحمدلله
نادر. ايه رايكم ناخد صوره جماعيه بقي
هدير. تعالي يا ساره هنتصور يا حبيبي
صهيب. قلب خالها دي
المصور. جاهزين… 1. 2. 3