رواية العاشقة المجروحة الفصل الرابع 4 بقلم سلمى تامر

:إلحقوه بنتكو هربت يجماعه

انصاري بصدمه:هربت؟؟هربت ازاي واحنا واقفين

الدكتورة بأسف:للأسف فيه باب تاني فالأوضه وبيخرج على الباب الخارجي ..اكيد هربت منو..عن اذنكم وسابتهم ومشيت

صالح بعصبيه :يابنت ال$٪&$..يبقى الكلام ده صح..يبقى الحقيرة عملت كده فعلا..يخسارة تربيتي فيكي يامنه

انصاري بغضب:قسما بالله بو لقيناها لهقتلها 

مروان كان واقف ومصدوم ومقدرش ينطق بكلمه..منه أكدتتله شكوكه ..كان مستني آخر امل فعلاقتهم بس انقطع

****

منه طلعت تجري من الباب الخارجي بمساعة الممرضة اللي اشفقت عليها

راحت لكشك وطلبت منو موبايل

واتصلت بحد

“”

(قالي الوداع..وانا اقوله اي..هو الوداع يتقال فيه اي)????

عند مروان

تليفونه رن ورد عليه

مروان:الو

:تعرف اني لما بصتلك النهاردة كنت ماسكه فآخر امل فعلاقتنا..كنت مستنيه نظرة رفض لكل اللي بيحصل فيا ده..كنت مستنياك تقول لا منه متعملش كده ..مستنياك تتدافع عني زي مكنت بتعمل واحنا صغيرين..كان عندي امل انك تنصفني..لكن طلعت زيهم..لمحت فعنيك نظرة عشق ليا…بس معرفتش افرح..لأني شوفت بعدها استحقار وخيبة امل..انا بكرهكم كلكم..سبحان الله العشق اللي فقلبي ليك اتحول لكره..عمري مهسامحكم على اللي عملتوه فيا..عارف انا هربت ليه؟علشان محبتش اثبتلكه برائتي..هسيبكم تعرفوها لوحدكم ..علشان لما تندموا متلاقونيش جنبكم لأني ساعتها هبقى بعدت اوي..انساني يامروان..انساني وفكك مني لان احنا كده انتهينا..النهاردة كان اخر يوم تشوفني فيه..كان اخر مرة ابصلك وتبصلي..نظرة وداعنا كانت عدم ثقه من نحيتك وكره واشمئزاز من نحيتي..انا ندمانه..ندمانه على كل وقت ضيعته فحبك..بس خلاص..كل حاجه انتهت..هبتدي حياتي من اول وجديد ومن غيرك…من غيركو كلكوا  ومتحاولوش تدوروا عليا

مروان دموعه نزلت من عنيه :كلامك صح يامنه..انا للأسف مصدقتكيش وشكيت فيكي..انا مستهلكيش..بس ارجعي..ارجعي لعيلتك واثبتلهم برائتك

منه بصراخ:عيلتي؟؟!عيلة اي دي اللي تصدق ان بنتهم تعمل كده؟؟انا عاهرة؟؟؟انا واحده و***؟؟؟!دول حتى مفكروش يكشفه عالصور ويشفوها حقيقه ولا فوتوشب..دول كأنهم مصدقوا؟؟ولما حبوا يتأكدوا عارف عملتم اي؟؟هنتوني وجرتوني عند دكتورة نسا تكشف عليا؟كأني واحده شمال عمري مهنسى بصات الناس ليا فاليوم ده..عمري مهنسى بصت الدكتورة ليا

انتو كلكم جرحتوني..اعتبروني مت

ودي كانت اخر جمله منه تقولها لمروان

**

مروان قفل بقهر وندم ونزل اخد الصور وراح لخبير صور علشان يثبت برائة منه

مروة شافته :انت بتعمل اي

مروان بضيق:هثبت برائة بنت عمي يامروة..منه مستحيل تعمل كده

مروة بشماته:دلوقت بقت مستحيل تعمل كده؟؟أومال انت مصدقتش كده ليه وبصتلها بإستحقار

مروان بندم:لأني كنت غبي..غبي والصدمه عمتني

جاب شنطة ولم فيها كل الصور والفلاشه وقرر يكشف الحقيقه ونزل

مروة جرت عالفون وكلمت سيف وهو قال هيتصرف

**

سيف فضل يراقب مروان وعرف هو رايح لأنهي مكان

استناه ينزل من عربيته ومعاه الشنطه 

حضر الدراجه النارية بتاعته ومشي بسرعه وشد الشنطه منه وطاااار

مروان فضل ثواني يستوعب الموقف

جرى على عربيته بسرعه وحاول يلحقوه لكن سيف قدر يهرب منه 

مروان بغضب:يابن ال.. كده الحكاية فيها لغز بقى ..مهو لايمكن تكون صدفه

***

منه مشت بحزن والدموع مغرقه وشها ..عمرها مفكرت ابدا ان ممكن اهلها يشكوا فيها كده..كانت طول عمرها محترمه والكل بيشهد بأخلاقهل..معقول علشان شوية صور يصدقوا عليها كده…

مشافتش العربية اللي كانت جاية فإتجاها  و…

:حاسباااااااااي

منه غرقت فدمها البنت نزلت من العربية وبمساعدة الناس شالونا وحطوها فعربيتها وجروا بيها عالمستشفى

*”*

في المستشفى

منه دخل العمليات وبعد ساعات الدكتور طلع من اوضة العمليات

البنت جرت عليه:ها يادكتور البت عامله اي

الدكتور بإشمئزاز من منظرها وهدومها اللي شبه عارية فيها

:هي الحمدلله بقت احسن والاصابات مش خطيرة بس للأسف اتصابت فدماغها والجرح كان خطير هنعرف اي أثره لما تفوق

البنت لوت بقها بضيق:يادشي المصيبه هي ناقصه ياخيبتك يا توتو

**

بعد يومين منه فاقت وبصت حواليها بإستغراب لقت بنت قدامها 

توتو بفرحه:ياحلاوة دشي فاقت حمدالله عالسلامه ياحبيبتشي 

منه بصت حواليها بإستغراب:انتي مين ..انا فين…وانا مين…انا مش فاكره حاجه

توتو بصتلها بصدمه وجرت للدكتور

الدكتور جيه وفهم حالة منه وعملها اشاعة على مخها

الدكتور باسف:للاسف حضرتك فقدتي الذاكرة يا أنسه 

توتو بصدمه وخوف:يالهوي ؟طب ودشي ترجعلها ازاي ياخويا

الدكتور :ممكن بعد شهر..سنه…يوم ..الله اعلم ..اهم حاجه تنتظم عالعلاج وانشاء الله ربنا يحلها من عنده

منه كانت قاعده ومش فاهمه حاجه 

توتو بصتلها وفكرت فحاجة وابتسمت بمكر:ياعيني يا روحي على اللي حصلك مكنش يومك ياغاليه

طب يادكطور هو ينفع ياخويا نطلع من هنا وأخدها شقتي

الدكتور بعمليه:اها هي حالتها اتحسن وممكن تكمل علاجها فالبيت بعد اذنكو

**

توتو اخدت منه شقتها وفهمتها انهم اصحاب من زمان وعايشين مع بعض الشقه كانت فمطروح

منه دخلت الشقه وبصت بإستغراب للمكان 

لقت فيه بنات كتير وكلهم زي منظر توتو

توتو:تعالي ياحبيبتشي اوضتك استريحي شوية..عايزينك ترجعي الشغل بقا زباينك بيسألو عليكي نفر نفر..اه والله

منه بإستغراب:زباين؟

الباب خبط وبنت راحت تفتح واول مفتحت تنحت:يالهوي عالجمال هو فيه كده 

الشاب بإبتسامه:شغالين النهاردة

البنت بهيام:ده احنا هندلعوك

الشاب بإبتسامه:تؤتؤ انا هدلعك اكتر

وبعدين بص وراه

:لملي يابني الناس دي كلها عالبوكس 

انا الظابط فارس إمام ياحيلتها