رواية خادمة الصقر 2 الفصل السادس والثلاثون 36 بقلم يوستينا سامي

رواية خادمة الصقر 2 الفصل السادس والثلاثون 36 بقلم يوستينا سامي

رواية خادمة الصقر 2 البارت السادس والثلاثون

رواية خادمة الصقر 2 الجزء السادس والثلاثون

رواية خادمة الصقر 2 الحلقة السادسة والثلاثون

صقر قلع الحزام بمنتهى الهدوء و لفه على ايده وفهد كان مصدوم ايه اللي بيحصل وقاله / على فكره اللي بتعمله ده مش كويس خالص يا صقر .. هي قمر مقصرة معاك ولا ايه
صقر حاول يمنع نفسه بالعافيه انه يضحك وفجاه قرب من فهد و ضربه بالحزام فهد جري بعيد عن صقر وهو حاطط ايده على دراعه مكان ضرب الحزام وبيقوله / ايه يا عم انت التهور ده هو انا قدك في ايه يا صقر .. ايه اللي قلبك كدة عليا ده انا حبيبك
صقر بغيظ / حبيبي ايه يا حقير يا سافل .. بقى انا وابوك بعد ما نتعب العمر ده كله عشان نربي عيل زيك ما يسواش تعمل كدة في الاخر . بس اقول ايه ما انت مش متربي
فهد و هو بيجري / شوفت اهو العيب منكوا انتوا مش مني
صقر و هو بيحاول يلحقه/ لا ما انا هصلح غلطتي ،رايح تعمل فيها راجل على بنت وتضربها دي الرجولة يا فهد كدة برضو
فهد نط فوق السرير وقاله /اه بقى انت عامل كل ده علشان انا حاولت اجيب حق لارا البت الغلبانة اللي اضحك عليها
وبعدين مين قالك اني مديت ايدي عليها ده انا حتي عاملتها بمنتهى الادب والاحترام والاخلاق
صقر وهو مش عارف يوصله مسك ازازه البرفان اللي على التسريحة بتاعته و حدفها عليه/ وانت هتقولي انا واثق فيك يلا ياض يا كداب
فهد و هو بيجري/ ربنا يعوض عليا في البرفانات انت عمال تكسرها دي …..بص انا هكلمك بالعقل هو انا كنت لوحدي طب ما انا كان معايا معاذ .. انت مشفتش عمل فيها ايه
صقر بدا يتكلم معاه علشات يلاهيه و يعرف يقرب منه وقالهبصدمة /ايه ده بجد هو كمان معاذ مد ايده عليها
فهد بكدب و هو فوق السرير/ يوه ده انت ما شفتش حاجه ده انا كنت بحوشه كده من عليها
وفجاه صقر ضربه بالحزام جامد على رجله وقاله / تصدق يا ابن الكلب ده مقاليش ..قالي انت اللي ضربتها .. ده معاذ ده طلع وحش اوي

 

 

فهد وهو بيجري بعيد عن صقر وحاطط ايده على رجله
و ه موجوع/ طب ليه الضرب ليه .. ما احنا بنتناقش مع بعض يا صقر .. حرام عليك ايدك بجد تقيلة اوي
صقر /هو كده افتره وانا راجل ظالم مالكش دعوه
فهد وهو بيحاول يقرب منه عشان يهديه/ لا والله ده انت راجل سكره طب اقولك ما فيش حد بيعرف ان انا حفيده الحديدي الا لما يقولي يا بختك بعمك صقر الحديدي
صقر مسكه من دراعه و شده ناحيته /وكمان بكاش يا ابن خالد و بدا يضربه بالحزام جامد و فهد كان بيحاول يبعد عنه بس صقر كان متمكن منه .
فهد بصريخ/ يا جماعة .. حد يلحقني .. يا خالد تعالي شوف اخوك ده
برا الاوضة خالد و كريم كانوا واقفين يضحكوا جامد
خالد بشماته / والله العظيم فرحان فيه قوي انا حاسه ان الواد اللي جوا ده مش ابني تقريبا متبنيه
كريم بضحك / ولسه لما يزن يجي الساعه قربت من عشره تعالي نبعد عن الباب احسن صقر يفتح
خالد و هو بيضحك/ تعالي .. احنا مالناش دعوة .
_____________________________________________

 

 

في اوضة نغم .
نسمه بتوتر / طنط هو عمو صقر بيعمل ايه في فهد والله فهد ده غلبان و ميعرفش ياذي نملة
نغم و هي بتتفرج علي فيديو في التليفون/ بصي انا معرفش بس خالد قالي متخرجيش بره الاوضه لا انتي ولا نسمه ربنا يسترها بقي
نسمه بحرج /تفتكري يا طنط اونكل صقر ممكن يكون بيضرب فهد .. اصله بيزعق تحت
نغم / افتكر لا انا متاكده .. صقر قلب على العيال كلهم
و تقريبا مش هيهدي الا لو يتربوا و معتقدش انهم هيتربوا اصلا .. يلا عقبال كارمن
نسمة استغربت جدا طريقه نغم وقالتها/ طنط هو حضرتك بتعملي ايه و ملهية اوي كدة
نغم بصتلها باستغراب وقالتلها / بتفرج على عميل كيكه بالشوكولاته في دقيقتين ..تيجي تتفرجي معايا
نسمة بغيظ/ لا شكرا .
________________________________________________
خرج صقر من الاوضة وهو ماسك فهد من قفاه
فهد باحراج و هو بيبص شمال و يمين / يا عمي عيب كدة برستيجي هيضيع قدام مراتي .. طب بلاش نسمة هي عارفة اني تافه . الخدامين هيقولوا ايه عليا
صقر / اشششس مش عايز اسمع صوتك نهائي يلا تعالي معايا يلاا روح شوف اوضة تانية تنام فيها
فهد بدهشة / اي ده ..هو ايه اللي شوف اوضة تانية تنام فيها.. انت ليه بتعاملني معملة الحشره كدة
صقر ابتسم / طب كويس .. حلو التشبيه عاجبني و بعدين انسي انك من النهاردة تنام جنب نسمة .. لما تبقي راجل ابقي ارجع اوضتك
فهد / لا علفكره انت واخد عني فكره وحشة اوي و كدة مش هينفع دي سمعة يا صقر عيب ميصحش
صقر رفع حاجبه بستغراب/ سافل زي ابوك ياض يا فهد و كانك نسخة كربون من ابوك ياض .. امشي من قدامي امشي
فهد بغل / مش ماشي علفكره انا عايز انام في اوضتي .. انت بتعمل معانا كدة ليه يا عم انت هو انا جوز امك
صقر مسك الحزام تاني/ عم .. انا عم مش كدة و جوز امي

 

 

فهد جري علي السلم و هو بيقول / ربنا علي الظالم و المفتري يارب انت العالم يلرب منغير ما ادعي .. ربنا ينتقم من القادر
و خرج فهد و راح نام في الاوضة اللي في الجنينة و طلب صقر من نسمة و ميرا انهم يناموا مع بعض علشان يضمن ان محدش فيهم يروح لمراته .
_______________________________________________
في بيت عز 😤
في البلكونه يزن ان كان قاعد متغاظ قوي وعمال يخبط برجله في الترابيزه
عز بصله بقرف/ هو انا يلا مش لسه سايبك من ساعتين ايه اللي جابك ثاني .. مش لارا الحمد لله رجعت وميرا لقيتها واتجوزتها وعيله الحديدي مشاكلهم خلصت .. عايز ايه مني يا يزن
يزن بستغراب / اما انت رخم بجد بقى هو انت مش المفروض صاحبي برده ولا الصحوبيه خلصت و انتهت
عز بتعب / طبعا انتهت انت عبيط ..يا يزن يا حبيبي مبقاش في حاجة اسمها صاحب جدع كان في و خلص …يلا بقى قوم روح لمراتك
وقام عز من على الكرسي بتاعه علشان يشد يزن ويطلعه بره البيت لكن يزن قعد ثاني على الكرسي وقاله /والله ما انا قايم انا اصلا بفكر اني اغيظها واتجوز عليها
عز ضحك بتريقه / يا شيخ اتلهي مش لما تتجوزها هي الاول
يزن باستفزاز / ما هو ده اللي مضايقني اني حتى مش عارف اتلم عليها وصقر كانه بيعاقبني وعايز يربيني من اول وجديد
عز و هو بيتاوب / ما انت بصراحة محتاج تربية طب متقول لابوك و هو هيتصرف معاه
يزن بغل / كريم كل ما اروح اشتكيله بيضحك و فرحان فيا

 

 

و ياسمين بتقولي ماليش دعوة صقر قالي متدخلش.. شايف الاستفزاز اللي انا فيه مع العيلة دي
عارف بقي المشكلة في ايه يا عز.. ان ميرا وحشاني اوي
انا اصلا و مصدقت اتجوزها و تبقي علي اسمي
لكن من ساعتها مش عارف اقرب منها .
نفسي ياض يا عز نسافر في اي حتة انا و هي لوحدنا
و نعيش بقي و اعوضها عن كل اللي هي شافته
انا بحبها اوي و …
و لسه يزن بيكلم كلامه و هو سرحان سمع صوت شخير عز
و هو نايم علي الكرسي . يزن بصله بغل و ضربه في رجله علشان يصحي لكن عز كان في سابع نومة
يزن بغل / بقي كدة يا عز ..طيب انا همشي و نام انت بقي في البلكونة يارب يطلعك حرامي
وخرج يزن من البلكونه وهو متغاظ لقه والده عز حنان وهي جايبه سندوتشات وكوبايتين شاي
حنان / رايح فين بس يا يزن يا حبيبي ده انا جايبالكم العشا اهوو
يزن بحب / ربنا يخليكي ليا يا ست الكل بس انا متاخر قوي وصقر محرج عليا متاخرش عن الساعه 10:00
حنان بصت للساعه وقالتله / دي خلاص الساعه عشره الا خمسة .. اقعد بقي اتعشي معانا
يزن بخضة / يا نهار اسود ومنيل انا كده هنام على السلم سلام يا طنط .. ابقي الحقي ابنك عشان نام تقريبا في البلكونه
ونزل يزن من بيت عز وهو مستعجل جدا وركب العربيه في طريقه للفيلا وهو بيدعي ان صقر يكون نايم
_______________________________________________

 

 

في فيلا عاصي السيوفي ❤️
في اوضه وعد
عاصي كان نايم جنبها واخدها في حضني و بيحكيلها كل الحكاية من الاول خالص
عاصي/ بس يا ستي ده كل اللي حصل من اول ما عمك طلب مني اني العب على لارا واروح الورشه اللي هي شغاله فيها
وعد بحزن / وانت خبيت عليا ليه يا عاصي
عاصي / علشان مدخلكيش في حوارات انت مالكيش ذنب فيها وعلى فكره لارا متستاهلش اي حاجه من اللي حصلتلها دي.. علشان كده انا سبت الفلوس وكل حاجه وهربتها معايا
وعد / بس عمك مختار عمره ما هيسكت يا عاصي مش بعيد يفكر ياذيك
عاصي بحزن / انا واثق انه هيعمل كده علشان كده يا وعد انا مش هقعد في مصر انا هسافر وطبعا انتي هتيجي معايا و كفاية اوي لحد كدة
وعد حضنته اكتر / عندك حق و تغور كل الفلوس و الورث
ونامت في حضن عاصي اللي فضل طول يطبطب عليها عشان يطمنها وبعد متاكد انها نامت سابها ودخل اوضته وهو حزين جدا على اللي حصل ليهاو للارا و دخلوهم في حرب هما ملهومش ذنب فيها
________________________________________________

 

 

في اوضة عاصي 🤔
دخل و قعد في السرير و قرر يشتغل التليفزيون
علي اي اغنية تفصله عن تفكيره و للاسف اشتغلت اغنية وجع الهوي😔
حبيتيني وماحبتكيش وحاولت الاقي مفيش مكان في قلبي ليه يا قلبي ليه مادخلتيش وأكيد مفيش انسان بيجي مكان انسان والمستخبي أهو بان .. معنديش
كنتي الدوا لمرض مش عندي وكنتي حلم لغيري كبير وجع الهوى جربته زمان أنا وبتدوقيه معايا كتير
وريتيني الجنة وحلاوتها وشوفت في عينيكي روحي وغلاوتها وأنا اسف والله ما استهلك ده أنا قلبي ملك لواحدة أنا حبيتها
عاصي رمي الريموت علي التليفزيون بغيظ و حط ايده علي راسه بوجع / كفاية بقي يا لارا اطلعي من دماغي انا تعبت .. انا مظلمتكيش انا مظلوم زي زيك
بس خلاص انا هبعد .. هبعد عنكوا كلكوا .
_____________________________________________
في اوضة يزن 😂
ميرا و نسمة قاعدين متغاظين
ميرا / معقول يا يزن تتاخر كل ده .. ده انا طلعت مش فارقة معاه خالص بس مش مشكلة عمو صقر هيعلمه الادب
نسمة / انا بجد مضايقة اوي حصل ايه لكل ده . انا مش بعرف انام بعيد عن فهد هو ليه اونكل صقر عمل كدة
ميرا بزعل / علشان الاتنين محتاجين تربية .. بس علي الاقل فهد اعترض مش يزن اللي نزل و مرجعش لحد دلوقتي
و الساعة داخلة علي 10 و كانه بايعني
نسمة / الصراحة يا ميرا ..جوزك لا يطاق اساسا
ميرا بغيظ قامت وقفت و حطت ايديها في وسطها./ نعم يا حبيبتي هو مين ده اللي لا يطاق .. انا جوزي قمر هو اه عصبي شوية و رخم بس انا اللي اقول كدة مش حد تاني
نسمة طلعت لسانها بغلاسة لميرا / اولعوا انتوا الاتنين .. يارب فهد يعرف يصالح عمه
______________________________________________

 

 

في الفيلا
دخل يزن الساعة عشره و نص و هو بيتسحب و بيدعي ربنا ان صقر يطلع نايم و طلع علي السلم و قرب من اوضته و لسه هيفتح الباب اتفاجاه بايد حطت ايديها علي الباب
يزن بخضة / بسم الله الرحمن الرحيم.. في ايه تاني
صقر ببرود / ايه هي الساعة كام معاك كدة يا حضره الضابط
يزن بتوتر / معييش ساعة و الموبيل فصل مني غصب عني
صقر / امم دي مشكلة فعلا .. طيب روح دور علي اوضة تانية تنام فيها يلاا
يزن بحده / ليه يعني كل ده .دي الساعة لسه مجتش 10,30 انا متاخرتش اوي كدة يا صقر
صقر ابتسم بخبث و رفع حاجبه / يعني انت عارف الساعة كام مش كدة .. امشي يلا متنحش كدة اقولك روح بات مع فهد في أوضه اللي في الجنينة أصله برضو بيغني ظلموه لوحده منغير مراته
و صقر كان بيزق يزن من قدام الاوضة و يزن متغاظ اوي و بصله و قاله بغل/ هو انت متخصص في النكد ليه كدة ..يعني معقول تحرمني من مراتي و انا عريس ده انا حتي مدخلتش دنيا
صقر ضحك بتريقة/ وحياه امك يا يزن لو ما اتعدلت و احترمت نفسك والله ما هتدخل ابدا في جوازتك السودة دي ..و يلا متقفش تتنحلي كدة روح نام جمب فهد
يزن. / طب اوعي ايدك متزقش انا هروح انام مع معاذ ماشي بس خليك فاكرها بكره يجي اللي ياخد قمر منك علفكره
صقر / ماشي يا اخويا .. غور بقي
يزن / اديني غاير اهوو .. ربنا يهد القوي و الظالم و مش مسامحك يا صقر لا انت و ابويا
و راح يزن اوضة معاذ و زقه و نام جمبه علي السرير و هو مضايق جدا من صقر و مضايق اكتر من ميرا انها مطوعاه
____________________________________________

 

 

ثاني يوم
معاذ اخذ جميله علشان يروحوا المستشفى عند ادهم بعد ما طلب من الدكتور
في اوضه ادهم 🤍
كان عارف ان في حد هيجي يزوره و افتكر يزن او معاذ بس اتصدم لما شاف جميله داخله فستان ابيض رقيق جدا كعادتها ومعاها بوكيه ورد ونظرتها ليه كلها اشتياق وحب وكانه معملش حاجه خالص تزعلها او تحزنها منه
جميله برقة/ حمدلله علي السلامة يا ادهم . كنت قلقانة اوي عليك انت كويس مش كده
ادهم كان شكله مرهق جدا و تعبان و اتكسف من الحالة اللي هو فيها ووطي راسه بيحاول يداري دموعه / انتي ايه اللي جابك يا جميلة مكنتش عايزك تشوفيني و انا كدة .. و انا حياتي بايظة و متدمر .
جميلة قربت و حطت البوكيه علي التربيزة بحزن و قربت و قعدت جمبه و حطت ايديها علي ايده / انا جيت لما عرفت انك لسه عايزني لكن لو انت مش حاببني في حياتك انا ممكن امشي علفكره
ادهم مسك ايديها بخوف / لا النبي ما تمشي ده ماصدقت اني اشوفك .. ده انتي الحاجة الوحيدة اللي بصبر نفسي بيها علشان اخرج منها
و بدا ادهم يدمع بحزن و جميلة اتفاجات منه و حطت ايديها علي وشه بصدمة .
ادهم / جميلة انا شربت الزفت ده غصب عني انا كنت وحيد و ..
جميلة قربت و حضنته بهدوء / بس من النهاردة مش هتبقي وحيد صدقني.. ادهم انا محتجالك اوي ممكن تحارب علشاني انا …لو سمحت

 

 

ادهم ابتسم بستغراب / يعني لسه باقية عليا حتي بعد كل اللي حصل .. ايه بتحبيني بقي ولا ايه
جميلة اتكسفت اوي و بعدت عنه / احم لا مش كدة بس علشان انت ابن عمي جاسر و متربين مع بعض و …
ادهم شدها من دراعها ليه اكتر و هو مبتسم بحب / طب انتي اتوترتي ليه اوي كدة … انا عن نفسي مش بحبك انا بموت فيكي و بعد الايام علشان اخرج من هنا و نتجوز .. ها موافقة يا جميلة تتجوزيني
جميلة من فرحتها حضنته جامد و هو بادلها الحضن ده و باسها من راسها بحب و كان حاسس ان ربنا بيهون عليه تعبه و بص بالصدفة علي الباب لقه معاذ واقف و مربع ايده و بيبصله بحب
ادهم بعد عن جميلة باحراج / احم معاذ انت اللي جبتها لحد هنا مش كدة .. تصدق انك جدع اوي
معاذ ببتسامة / ايه هو انا عندي اعز منك اتعب علشانه و لا ايه .. الدكتور طمني عليك علفكره و قال انك مش هتقد كتير هنا
جميلة فرحة / بجد يعني ممكن يخرج معانا النهاردة مش كدة يا معاذ
معاذ بضحك / لا مش كدة يا سعاد يا حسني و ابعدي عنه و احترمي امي انا اخوكي برضو
جميلة بعدت عن السرير خالص و هو موطية راسها / احم انا اسفة والله بس كنت قلقانة عليه يا معاذ
معاذ بغلاسة/ والنبي و اطمنتي يا اختي خلاص ..يلا بقي اخرجي استني برا علشان نروح
و سمعت جميله كلام اخوها وخرجت بره الاوضه وهي بتودع ادهم بنظراتها واول ما خرجت ادهم بص لمعزه بغيظ
وقاله / ده انت رخم اوي ليه خرجتها ده انا صدقت انها جاتلي اساسا
معاذ / انا جبتها علشان حماسك يزيد وتخف بسرعه الدكتور قال الفتره الاخيره انت نفسيتك كانت وحشه .. شوفت علشان تعرف اني جدع و قد وعدي
ادهم بفرحة قام من علي السرير و حضن معاذ جامد و معاذ كان بيحاول يبعده بهزار / ايه يا عم انت شغال احضان من الصبح في ايه لا عاتق البت ولا اخوها

 

 

ادهم ضحك جامد و معاذ حط ايده علي كتفه
معاذ/. بص انا لازم امشي دلوقتي بس هيجيلك تاني
خلي بالك من نفسك يا ادهم
و ودع معاذ ادهم وخرج بره الاوضه زي ما الدكتور أمره انه ما يقعدش كثير معاه وادهم قعد على السرير وهو مبسوط قوي وفرحان انه اخيرا قال اللي جواه لجميله و انها مسامحاه ..
ووصل معاذ جميلة كليتها و راح علي جامعته علشان كان عنده محاضرات
_______________________________________________
قدام الجامعة
معاذ كان بيركن عربيته و اتفاجاه بعربية اخدت مكان ركنته .
معاذ بعصبية/ ايه العبط ده ما انا برجع بضهري اكيد يعني دي ركنتي انا .. ده احول ده ولا ايه
و نزل معاذ من العربية و هو بيزعق / انت يا كابتن هو انت احول مثلا ولا شكلك كدة ..انت مش شايفني بركن
في اللحظة دي نزلت بنت لابسة بدلة فورمال و شعرها اصفر طويل اوي لدرجة لفتت نظر معاذ و لابسة نظاره شمس مدارية عيونها العسلي
البنت رفعت النضاره من علي وشها لشعرها و اتكلمت بثقة و قالتله / لما تتكلم مع حد ياريت توطي صوتك عيب اوي لما تبقي معيد في جامعة زي دي و تهزق نفسك
و سابته البنت و هو مصدوم و دخلت الجامعة بكامل اناقتها و ثقاتها في نفسها و معاذ كلن واقف فاتح بوقه
معاذ حط ايده في شعره بكسوف / انا باين كدة اتهزقت …
اه اتهزقت . بس هي مين دي .
________________________________________________

 

 

 

في القسم 🤬
في مكتب يزن مراد دخله علشان يتكلم معاه في قضية خيري
يزن بعصبية / وانا مالي .. عايزني مثلا اساعدك تقبض عليه ولا عايز تعرف مني كل المعلومات اللي وصلتلها علشان تلحق تحذره .. ايه يا مراد انت للدرجة دي فاكرني عبيط
مراد بعصبية / بقولك ايه احترم نفسك واعرف كويس انت بتكلم مع مين واوعى تفتكر اني هسمحلك انك ..
يزن قاطعه في الكلام و ضحك بتريقة /تسمحلي تصدق ضحكتني اوي اسمع يا مراد انا لاخر لحظه محترم ان انا وانت كنا دفعه واحده بس قسما بالله انا لو حطيتك في ماغي هزعلك ز انا زعلي وحش قوي وقول للي بعتك ان اللي بينك وبين يزن ده طار وانا صعيدي ومش بسيب طاري
مراد قرب من يزن وقاله بصوت واطي / طب خلي بالك بقى عشان خيري هو اللي مش هيسيبك وقالي اقولك ما تلعبش بالنار انت مش قدها و احسنلك ترجعله ميرا ….سلام يا يزن
و خرج مراد من المكتب و يزن كان متعصب جدا ووقع كل اللي على المكتب / اه يا ولاد الكلب .. يا ولاد الكلب كلكم ماشي يا خيري ماشي انا هوريكم .
______________________________________________
في الشركة 🙊
كان خالد قاعد في مكتب صقر وبيشوف ورق الصفقه الجديده وكريم دخل واتصدم ان خالد موجود
وقاله / ايه ده ايه ده غريبه يعني ان صقر مش موجود
في مكتبه وانت اللي قاعد
خالد ضحك بتريقه / لا صقر قاعد في الفيلا عشان فهد

 

 

ويزن حالف ليربيهم .. تعالي اقعد علشان عايزك في حوار
وقعد كريم قدام خالد وخالد طلع ورقة قديمة قوي ووريها لكريم و هو اول ما شافها اتصدم ..
كريم / اي ده يا خالد .. انت بتستهبل انت لسه بتحتفظ بالورق القديم
خالد ضحك يتريقة و سند ضهره علي الكرسي / علشان مقتنع انها ليها عوزة …و ادي دلوقتي جيه وقتها يا كريم .
في المطار 🌹
تامر كان بيحضن عاصي/ خلاص كدة يا عاصي ..هتوحشوني اوي بجد مش مصدق اني مش هشوفكوا
عاصي و هو حاضن وعد / ياريتك كنت جيت معانا يا تامر البلد دي مش حبانا و كفايا اوي لحد كدة … بس ياريت تنفذ اخر طلب ليا
تامر ضحك / اخر طلب حاضر يا عاصي برغم اني شايف انه مالوش لازمة بس هسلمها الجواب حاضر ..
وبص تامر لوعد بحب /وعد خلي بالك من نفسك و ابقي طمنيني عليكي
وعد ابتسمت / حاضر ..بس والنبي ما تتاخر كتير هنا و تيجي امريكا احنا مش هنقدر نستغني عنك
تامر / حاضر والله ..يلا سلام اول ما توصلوا ابعتلي
و سابهم تامر و طلع عاصي ووعد للطياره و سافروا لامريكا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر 2)