رواية أحببتك صدفة الحلقة الأولى 1 بقلم فاطمة أحمد
رواية أحببتك صدفة الحلقة الأولى 1 بقلم فاطمة أحمد
 |
| رواية أحببتك صدفة الحلقة الأولى 1 بقلم فاطمة أحمد |
رواية أحببتك صدفة الحلقة الأولى 1 بقلم فاطمة أحمد
– مش تفتح
– انا اسف والله مكنتش اقصد
.. لميت حاجتي بسرعه من ع الارض وجريت بسرعه مهتمتش اني ارد عليه
بقلق – ايه اللي حصل ي ملك الدكتور قال ايه طمنيني
– ي حبيبتي الحمد لله الدكتور طمني عليها وقال شويه مضاعفات ولازم تعمل العمليه ف اسرع وقت
– طب هدخل اشوفها
– ماشي بس متعمليش صوت عشان متصحاش
دخلت وفضلت اعيط بصوت مكتوم احساس انها ممكن تبعد عني ومشوفهاش تاني بيقتلني
بتعب – هتفضلي تعيطي كتير ي بنتي قلبي مش هيستحمل
– سلامه قلبك ي امي متتكلميش كتير بس وارتاحي
– متقلقيش دول شويه تعب صغيرين، اهو بقيت كويسه قلبي لسه بيعافر عشانك انتي واختك
– خلاص ي ماما الدكتور وافق و هتعملي العمليه وهتبقي احسن من الاول “كملت بفرحه” بصي انا جبت ايه بصي
جريت ع الشنطه عشان اجيب الموافقه من المحفظه، قعدت ادور بس ملقتهاش
بعياط – مش لقيه المحفظه ي ماما، هتعملي العمليه ازاي بس، يارب
– اهدي ي بنتي لعله خير قومي صلي ركعتين وكله هيتحل
باست ايديها – طيب مش عايزه حاجه اعملهالك
– عايزه سلامتك ي روحي
تاني يوم روحت نفس الكافيه وسألت لربما حد يكون لقاها وسابها هناك بس ملقتش حاجه طلبت من المدير نعيد كاميرا المراقبه عشان نعرف اللي حصل
– اهو اهو ده الشخص اللي خبط فيا بياخدها من ع الارض انا عارفه اتحدف عليا منين ده
– استني اما نكمل ي فندم
– خرج ليه هو كان داخل جوه، في كاميرا تجيب المكان من بره
– اه ثواني، شكله خرج ينادي ع حضرتك
افتكرت اللي حصل هو فعلا نده عليا بس انا مهتمتش وجريت ع البيت بسرعه، روحت ع الشغل واناا مصدومه معرفش هعمل ايه ولا هتصرف ازاي
– ايه اللي عملتيه ده ي نور الشركه مقلوبه عليكي من امبارح محضرتيش الاجتماع واختفيتي ايه اللي حصل طنط تعبت تاني
حكتلهاا اللي حصل…
– وهتعملي ايه دلوقتي هتعرفي تجيبي موافقه تانيه
– نور المدير عايزك
– حاضر ي احمد
– المدير شايط ع الاخر وبيقولوا انك اتسببتي ف خساير كتير للشركه وصافقه كبيره ضاعت بسببك
– منك لله ي شيخه جايه تقوليلي ده واناا دخلاله ربناا يستر بقاا ادعيلي ولو مخرجتش ابقي قولي لماما وملك اني بحبهم اوووي اهيء اهيء
خبط ع الباب سمعت صوته وبحركه دراميه زي اللي بنشوفهاا ف الافلام لف الكرسي وعينك متشوف اللي الحاجات القمر يخربيت حلوتك يولا مدير جديد ايه بقاا دا كراشي الجديد خلاص
بستهبال – اتفضلي اقعدي ي اسمك ايه
– هاا
بهزار – اسم جديد وسهل اقعدي ي هاا
– لا انت فهمت غلط انا اسمي نور
– طب مناا عارف
بستهبال بردو – عاشت الاسامي ي استاذ عارف
بزعيق سيكاا – هنهزر ي استاذه، ممكن افهم محضرتيش الاجتماع امبارح ليه
– خضتني ي اخي متوطي صوتك مش عشان انت المدير تشخط وتنطر براحتك مش كده يخربيت حلاوتك اقصد غمازتك اقصد بااااس يخربيتك
بأبتسامه – طيب اتفضلي ع مكتبك دلوقتي، ومتتكررش تاني
بكسوف – تمام ي مستر زين
– يخربيت جنانك ي نور والمدير سكت
– اعمله ايه يعني ي منه مهو اللي عصبي وقمر واستفزني بحلاوته كان ماله مستر محمود يعني لازم يجيبولناا الحليوه ده ميعرفوش انه مضر بصحه الانسان السنجل اللي زي حلاتي
– طيب ي اختي اتهدي بقا وشوفي شغلك عشان منطردش بسبب هبلك ده
– حاضر ي اوختشي اهو اتهدينا
فضلت اسبوع اروح الكافيه بعد الشغل يمكن يجي
– مجاش بردو
– لا ي ملك ومش عارفه هعمل ايه
– طب متروحي لدكتور محمد يمكن يساعدنا
بفرحه – صح كانت تايهه عني فين الفكره دي هروحله بكره
دكتور محمد صديق بابا الله يرحمه وهو اللي وقف معانا ف تعب ماما
– السلام عليكم
– وعليكم السلام اقعدي ي بنتي طمنيني عليكم عاملين ايه ومامتك صحتها عامله ايه
– الحمد لله ي عمو بس هو في حاجه انا كنت عايزه مسعدتك فيها
– اتفضلي ي بنتي انا تحت امرك
حكتله كل اللي حصل..
– انا دلوقتي مش عارفه اعمل ايه
– ولا تشيلي هم انا هتصرف واعتبري في موافقه جديده ف ايدك يستي اهم حاجه مش عايز اشوف دموعك دي تاني
– ربناا يخليك ليناا ي عمو
عمل مكالمه وخرج وشويه ولقيت واحد داخل الاوضه، جريت بسرعه ومسكت فيه وفضلت اصوووووت….
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية حبيبتي منذ الصغر للكاتبة نيرة وائل.