روايات

رواية وصية الفصل الثالث 3 بقلم إيمان السيد

رواية وصية الفصل الثالث 3 بقلم إيمان السيد

رواية وصية البارت الثالث

رواية وصية الجزء الثالث

رواية وصية الحلقة الثالثة

-عند حبيبه نزلت عشان يكتبوا الكتاب وهي عينيها فيها دموع بس بتحاول تتماسك بتنزل وبتقعد جمب كلمتها وعمها مصطفى بيقول للمأذون ابدء يا شيخنا وبيبدء لحد م بتفوق حبيبه علي بارك الله لكما وبارك عليكما وجمع بينكما في خير وهي مصدومة ومش مصدقة وأول ما بتفوق بتسيبهم وتطلع تجري على اوضتها وبعد شوية وقت بيطلع محمد الاوضة وطبعا نوارة محضرتش كتب الكتاب واتحججت أنها تعبانة..
– ‏عند محمد وحبيبه في الاوضة:
– ‏محمد خبط ودخل..
– ‏حبيبه: نعم جاي ليه؟
– ‏محمد: بيقولوا انك بجيتي مرتي وإن احنا لينا نفس الاوضة
– ‏حبيبه: لا أنا مش موافقة على الكلام ده
– ‏محمد: متوافجيش انتي حرة سواء رضيتي أو لا فخلاص انتي بجيتي مرتي
– ‏حبيبه: مراتك بتاع ايه هاا تعرفني منين انت عشان نتجوز أنا اصلا ولا عمري شوفتك ولا سمعت عنك ولا اتعاملت معاك اجي فجأة كدة اتجوزك!!

 

– ‏محمد: مش مشكلتي محدش جالك لما تيجي تحبسي نفسك في اوضتك وولا تنزلى ولا تتعاملى معانا أو معايا أنا بالتحديد..
– ‏حبيبه: هه بتهزر صح وهو أصلا لو أنا كنت اتعاملت معاك كنت هوافق تبقي بتحلم انت واحد خاين وغشاش وبياع للعشرة وملكش أمان..
– ‏محمد: وووووووه في ايه عاااااد لكل الكلام العفش ديه شوفي يا بت الناس أنا لحد دلوجتي ماسك نفسي عنك بالعافية فـ اتجي شري احسلك أنا راجل مش واد طري اياك وبعدين لزومه ايه الحديت ديه..
– ‏حبيبه: مش بعت حب عمرك نوارة ولا أنا غلطانة!؟
– ‏محمد بصدمة: وانت عرفتي منين الكلام ديه؟!
– ‏حبيبه: أنت ناسي إن البلكونة بتاعت اوضتي بتطل على الجنينة الخلفية وسمعتكوا وهي بتتخانق معاك وعرفت انك ملكش امان بص قصر الكلام أنا مش معترفة بالجوازة دي ومش عايزة اعترف شوية كدة ونتطلق
– ‏محمد: متعترفيش انتي حرة بس أنا مش ناوي اطلج
– ‏حبيبه: هتعمل بياا إيه وأنت بتحب واحدة غيري ولا انت كنت فعلاً بتلعب بيها؟؟!!!
– ‏محمد: مكنتش بلعب بس اهنه وصية جدي ومن بعديها كلام ابوي وعمي لازم يتنفذ حتي لو كان الكلام ديه هيدوس على جلبي..
– ‏حبيبه: هتضحي بحبك عشان وصية جدي قالها قبل ما يموت ومراعاش أنه كده بيظلمنا ومخطرناش على باله للحظة واحدة كل همه أننا نتجوز وبس طيب بص هقولك أنا مستعدة اديك فلوسي ونتطلق
– ‏محمد: مجدرش اعمل حاجه من غير موافجة ابويا
– ‏حبيبه: معني كده انك تابع وملكش لا كلمة ولا رأي؟!
– ‏محمد: اسمعي يا بت انتي الله في سماه لو فتحتي خشمك تاني وجولتي الكلام ديه لزعلك على اليوم اللي فكرتي تيجي هنا فيه..
– ‏حبيبه: طيب أنا مش عايزة انام جمبك انا..

 

– ‏محمد: مش شغلي مش عجبك السرير نامي على الأرض إن شالله حتي تنامي في الاسطبل تحت أنا معنديش مشاكل ومش عايز وجع دماغ بلا نكد حريم وبيسيبها ويمشي..
– ‏بتبرطم حبيبه وبتقعد تشتم فيه في سرها وهو بيقولها هرجعلك تاني اشوف بنفسي اللي بتقوليه وبتجري حبيبه وبتدخل تغير وبتلبس الاسدال وتنام..
– ‏محمد بيخرج من الحمام والله عال عتنامي جمبي بالاسدال عااد
– ‏حبيبه: وإذا كان عجبك..
– ‏محمد: طيب شوفي يا بت الناس عشان منزهجش بعض وأنا على اخري لوحدى اصلا.. اللي اوله شرط آخره نور انتي دلوجتي بجيتي مرتي يعني هتتعاملي على الاساس ديه من ناحية كل حاجه كل حاجه امي كانت بتعملهالي انتي اللي هتعمليها ومتجوليش أنا متجوزاك غصب مليش في الحديت ديه كل حاجه تخصني هتمسكيها من بكرة من فطاري لجهوتي لكل حاجه سواء أنا أو امي هنجولك عليها انتي كده كده منورانا حبه حلوين دَ إذا مكانش بقية عمرك وواحدة واحدة هقولك طبعي وأول حاجه هتعرفيها إني مبحبش الدلع الماسخ يعني هتتعاملي معايا طبيعي سواء جدام الناس أو اهنه في الاوضة دي وأنا مش متجوز عشان تردي عليا كلمة بكلمة أنا في لاول ولاخر جوزك يعني راجلك يعني تحترميني ولازم تعرفي إن اهلي هيتشالوا على الراس يعني متبجحيش فيهم ولا تردي علي حد ولو حد جالك حاجه أنا هتصرف لكن انتي متفتحيش خشمك واصل.. فااااهمة
– ‏حبيبه اتخضت من نبرة صوته والجدية اللي كان بيتكلم بيها: فااهمة
– ‏محمد: يلا نااامي.. وبيناموا وبتمر الليله دي عليهم بسلام لكن في قلب تاني مجروح ومن كتر وجعه حاسس أن الليلة دي مش هتعدي عليه ومش هيطلعلوا صبح عند نوارة:
– ‏بتدخل اختها الكبيره حسنه : ايه يا خيتي هنرجع نعيد تاني ونجول ملكيش نصيب فيه وانا ياما نصحتك بعدي عن محمد وهو لو رايدك ربنا هيبعتوا ليكي ويكون من نصيبك بس انتي فضلتي ماشية ورا حبال الهوا الدايبة ي حبيبتي
– ‏نوارة: لحد ما اتقطعت الحبال الدايبة اتقطعت ووجعتني على جدور رجبتي وادتني كف فوجني على وجع قلب وصدمة عمري أنا مكنتش اتصور إن محمد يعمل فياا اجده..
– ‏حسنه: لا ي خيتي ده عقاب ربك عشان يفوجك ويوجلك أن الطريق اللي انتي ماشية فيه نهايته وحشة وإن دي حاجه بتغضب ربنا لازم تبعدي عنها عشان طالما بتغضبه فهيعاقبك ببعدها عنك ولازم تتوجعي عشان تعرفي.. جومي ي حبيبتي اتوضي وصليلك ركعتين استغفري ربك فيهم وهو هيخفف عنك..
– ‏نوارة: أنا حاسه إن بكرة مش هييجي عليا من كتر وجع قلبي..

 

– ‏حسنه: لا ي حبيبتي متخافيش كل حاجه بتمر سواء زينة أو عفشة بس لازم جبل ما تمر كلاتها تعلمك درس عشان تتعلمي من اخطائك آمال احنا عايشين ليه مش عشان نتعلم صح ولا ايه متخافيش كل حاجه هتمر وقلبك هيهدي متجلجيش جربي تروحي لربك وهو هيهدي نار قلبك.. وبتقوم نوارة وتروح تتوضي وتصلي وهي بتدعي ربنا يخفف عنها..
تاني يوم: بتصحي حبيبه أو بمعني أدق هي منامتش اصلا بتصلي فرضها وبتنزل حبيبه بتقابل مرات عمها:
حبيبه: صباح الخير يا مرات عمي
الحاجة هدي: يسعد صباحك يا حبيبتي ايه اللي منزلك بدري اجده وبعدين انهارده صباحيتك..
حبيه: جراا إيه يا مرات عمي حضرتك بتتكلمي وكأنك متعرفيش الظروف اللي اتجوزنا فيها..
هدي: عارفة ي بتي ومجدرة بس الرجالة اللي اهنه ميعرفوش حاجه زي ديه يلا يا بتي اجصري الشر واطلعي وبتطلع حبيبه فوق..
وبعد كام يوم بتكون خالت حبيبه تعبانة وياسمين مامت حبيبه هتروح تزوها وحبيبه كمان لانها بتحبها جدا ومتعلقة بيها..
بيوصلوا حبيبه ومامتها عند خالتها وبيروحوا بس خالد مبيكونش موجود وبيروحوا يقعدوا شوية وبعد شوية وقت بييجي خالد وبيتفاجأ .. وحبيبه عشان تهرب بتقولهم: ااناا هروح اعملكوا حاجه تشربوها وبتدخل المطبخ..وخالد بيسيب أمه وخالته بيتكلموا وبيروح وراها

 

-خالد: هونت عليكي؟؟!
-‏حبيبه: خاالد لو سمحت أنا دلوقتي واحدة متجوزة يعني مينفعش اي حاجه من الكلام ده حتي لو مبحبش جوزي بس انا بحترمه في غيابه قبل وجوده..
-‏خالد: صح انتي صح معاكي حق انتي دلوقتي بقيتي متجوزة وأنا هحصلك قريب إن شاء الله باركيلي بقاا
-‏حبيبه بتحاول تبان طبيعية: مبارك يا خالد ربنا يسعدك بعد اذنك.. وبتخرج حبيبه وخالد بيكون مصدوم على مدايق علي مخنوق فبيخرج يقولهم أن واحد صاحبه رن عليه عايزه وانه هينزله..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية وصية)

اترك رد