رواية حب غير متوقع الفصل الثالث 3 بقلم سولييه نصار

رواية حب غير متوقع الفصل الثالث 3 بقلم سولييه نصار

رواية حب غير متوقع البارت الثالث

رواية حب غير متوقع الجزء الثالث

رواية حب غير متوقع الحلقة الثالثة

– يا فضيحتنا وسط الناس يالهووي
الست قعدت تصوت وتولول لدرجة قعدت علي الأرض وفضلت تلطم
-يالهوووي يالهووي
-بقولك يا هايدي يالا نمشي….شكلنا هنتفضح
ولسه هرد خرج احمد من اوضته ولسه هيسأل شافني واتصدم
-انتي بتعملي ايه هنا …يخربيتك قولتلها ايه
ابتسمت ببراءة وقولت :
– قولتلها اني مراتك يا ابو حميد
– يا مصيبتك يا احمد….مراتي من فين انا لسه شايفك الصبح …اتقي الله …
ونزل جمب امه ولسه هيبرر ضربته بالقلم وهي بتصرخ فيه
-بتتجوز من ورانا يا عديم التربية كنت ناوي تقولنا امتي لما تخلف …
– يا ماما انا ….
قاطعته بسرعة وانا بقول :
– انا فعلا حامل بس متقلقيش يا حماتي اول بنت اجيبها هاسميها علي اسمك …
بصلي احمد بصدمة فلطمت امه وقالت:
-يل خيبتي في عيالي يا ناس …الواد اتجوز وفضحنا….
– يا امي والله
-اخرس …اخرس منك لله …
قربت نورا مني وقالت:
-يخربيتك.يا هايدي الست هت*موت بسببك وهنروح في داهية ….
قام احمد بغضب ومسك ايدي وطلعني برة انا وصاحبتي…
…..
-انتي عايزة مني ايه يا ست انتي فضحتيني واتبليتي عليا …جواز ايه وطفل من مين بقولك ايه اتعدلي بدل ما اعمل اكتر حاجة ب*كرهها وهي اني اضر*ب ست …
-فكر يا احمد في عرضي كويس لاني مش هسيبك …ابوس ايديك اقف معايا هي خطوبة مزيفة وخلاص ومستعدة اعترف بكذبتي قدام مامتك
– يا ست شوفي غيري…
-لا انت الانسان المناسب ….فكر يا احمد انت من جهة هتساعدني ومن جهة هتساعد نفسك …
– ماشي…بس قولي لامي عن الحقيقة ابوس ايديك دي تعبانة ممكن يحصلها حاجة
-عيوني
قولتها وانا مبتسمة
وبعدين دخلت البيت تاني وانا بقول للست لكل حاجة والحمد لله اتقبلت الموضوع وجات سليمة هي بس رمت عليا عصايا المقشة وطردتني !!
…..
احمد بدأ يشتغل في الشركة فورا …كان مجتهد ومثابر ومحترم ..كل الناس حبوه رجالة وللاسف ستات وده كان غايظني شوية ….
….
كنت رايحة مكتب احمد عشان اسأله عن شوية تصاميم واتصدمت لما لقيت واحدة من المهندسات بتهزر وتتمايع عليه ..اول ما شافتني اتظبطت وطلعت بسرعة خاصة لما شافت غضبي …
– الله الله يا استاذ انت فاكر نفسك فين انت في شركة محترمة …
بصلي ببرود وقال:
-زميلة وهزرت عادي
-ده مش مقبول
– بس في شركتك بشوفهم ببهزروا عادي مع بنات
-هما يهزروا انت لا
بصلي بخبث وقال:
– انتي بتغيري
وشي احمر وقولت:
-لا طبعا…بس معروف انك هتكون خطيبي يقولوا ايه عليا معرفتش اسيطر …
–طيب هقلل هزار متزعليش …
-تمام جهز نفسك الخطوبة بعد بكرة
-اوك …
……
بعد يومين
جه يوم الخطوبة …كنت واقفة جنب احمد وانا بحفظه
-اوعي تنسي يا احمد انت صاحب مصنع سيارات وغني اووي
-حاضر ..حاضر مش هنسي ربنا يستر …
ابتسمت لنورا وانا بطمنها …كانت الحفلة بسيطة اصحابي اللي عارفين انها مزيفة وبس …استنيت أسامة وخطيبته علي نار فجأة جم …ببص لاحمد لقيته وشه صفر …وقال:
-اسامة بيه
-احمد ازيك …
بصلي أسامة وهو بيضحك وقال:
-احمد كان شغال في المصنع بتاعي برافو عليكي يا هايدي اختيار مثالي!

يتبع..

• لقراءة الفصل التالي : اضغط هنا
• لقراءة الرواية كاملة اضغط على : (رواية حب غير متوقع)