رواية شيزوفرنيا الفصل الرابع 4 بقلم الشيماء عبيد

*يؤمن المرء أن بعد كل خيبة أمل فجر جديد ولكن منذ زمن بعيد والشمس في حالة كسوف*

يونس:تمام 

*خرج يونس من الشركة يعلم أن تقلبات الحياة لن تسمح له بتلك التنهيدة بعد التعب بل ستظل تشقيه حتي ينسي كيفية التهند أو معني الراحة حنق..سخط…غضب….سخرية كل تلك الالفاظ لم تمنعه عن يجول بالمدينة بحثا عن عمل جديد هل يرؤه زملاؤه ودكاترة الجامعة ذلك الطالب المجتهد التلميذ المتفوق والاهم من ذلك الانسان الذكي أحيانا يجب أن ندفع عن كل تلك النعم تعويض غير مباشر من ذلات الحياة*

*رجع الي البيت بقلب مثقلا بالكثير وعقلا يكاد ينفجر من كثرة التفكير كل تلك الاشياء دفعته إلى الذهاب لغرفته دون التفوه بأي كلمة ودي نفسه في السرير يراه أصبح موضع الراحة الوحيد في حياته غط في النوم تاركا لنفسه العنان لاخد متنفس بعيدا عن ذلك التشوش الذي حل به ولكن أحيانا نظن أننا نذهب للراحة ثم نعود بشقاء لم يرحمه العقل الباطن رواده حلمه المجهول بنفس الصورة المشوشة ياالهي متي يتوقف هذا العقل قليلا متي يرتاح ويُريحنا*

فوزيةليونس:مش هتقولي بقي جيت بدري من الشغل ليه 

يونس:اترفدت وروحت أدور علي شغل لحسن الحظ لقيت شغل في كافيه قريب من بيتنا هنا 

فوزية بتخفيف:الارزاق علي الله متزعلش نفسك 

يونس:أنا بس مزعلنيش غير الطريقة اللي كان بيتكلم بيها معايا ورفده ليا مع أن مفيش حاجة غلط 

فوزية:خلاص أنت لقيت شغله غيره خليه هو يتشرط علي حد تاني 

يونس:يلا الحمد لله 

___________

*في المستشفي*

الدكتور:حمد لله علي السلامة يامنير ايه ياراجل بقي كده خضتني عليك 

منير بتنهيدة:مش عارف كنت في دوامة من الذكريات خلتني أفقد سيطرتي علي العربية صحيح هو مين جابني هنا 

الدكتور: شاب كده بيقول انه شاف عربيتك علي الطريق ورجح انك فقدت السيطرة علي العربية 

منير:طب ناديه عشان أشكره 

الدكتور:لا ماهو لما عرف اني عارفك مشي 

أسر:حمد لله علي السلامة يابابا 

منير:الله يسلمك 

منير للدكتور:اكتبلي علي خروج بقي 

الدكتور:ماتقعد ترتاح شوية 

منير:أقعد أرتاح ليه انا كويس يبقي ملوش لازمة وجودي هنا 

آسر:يا بابا أنت برضو لازم ترتاح ولو روحت البيت هتروح علي الشغل وكده ممكن تتعب 

منير بضيق:ملكش دعوة بتعبي 

الدكتور:خلاص يامنير أنا كتبتلك علي خروج تقدر تمشي 

منير:تمام 

_______

*تاني يوم في الكافيه اللي هيشتغل فيه يونس* 

زميل يونس في الكافيه:يونس فيه طلبية علي تربيذة 6 روح قدامها اتنين عصير مانجا 

يونس:تمام 

*راح يونس يقدم الطلبات لقي أن اللي علي التربيذة هدي وخطيبها فقدم الحاجة بهدوء ومشي*

*تسأل هل تتكلم هدي مع ذلك الرجل مثلما كانت تتكلم معه بل تشاركه في نوع مشروبها المفضل المشاركة دائما في أي شئ مفضل تكون عنوان الحب يالا السخرية القدر لا يكف عن السخرية منا كيف أن الاشياء تُبني بمرور السنوات وتنتهي في بضع دقائق فقط كيف أن الذكريات أحيانا تاكل في ثنايا روحنا ومرة أخري تجعلنا نبتسم تلك الذكريات التي انتهت حقا تستحق الابتسامة ولكن لنسخر من هشاشتها*

زميل يونس:يونس يونس انت روحت فين يابني 

يونس:انا تمام 

زميل يونس:طب يلا نكمل شغل 

*انتهي يوم اعتيادي برجوع يونس الي بيته أمسك هاتفه محي كل صوره مع هدي الهدايا أيضا عزم على التخلص منها لا داعي لوجود تلك الذكريات الا في عقلنا لا داعي أن نتمني رجوعها أيضا كل ماذهب حتي وأن رجع لا يكون أبدا مثلما كان أن كانت هي تحاول لنسينه والتعايش لما يحاول هو من رجوع الماضي سيعطيها فرصة النسيان ويعطي نفسه لا يجوز أن نُحرم أنفسنا من نعم الجميع يتمتع بها ما المختلف أن كانت هي تقدر فهو كذلك أيضا*

_______

*تاني يوم في الكافيه*

زميل يونس: خد اللاتيه ده علي تربيذة 8

يونس:اوكي 

يونس: ايه ده غرام 

غرام برفعة حاجب :انت بتراقبني بقي

يونس بسخرية:انتي اللي جايلي برجليكي لحد عندي وتقولي براقبك 

غرام:مش فاهمة 

يونس:يابنتي يعني انا بشتغل هنا وانتي اللي جايه تشربي اللاتيه بتاعك هنا فهمتي 

غرام:ايه ده مش انت كنت بتشتغل في الشركة 

يونس:شوفتي حتي انتي قولتي كنت 

غرام:ليه سبت الشركة 

يونس:اترفدت 

غرام:ليه ومين رفدك 

يونس:مين رفدني شريف ام ليه دي حكاية طويلة وانا عندي شغل خدي الاتيه بتاعك وعن أذنك 

_____

*في بيت يونس*

يونس:السلام عليكم 

فوزية:وعليكم السلام ورحمة الله وبركاته ياحبيبي 

يونس:بتعملي ايه بقي ياست الكل 

فوزية بحب:كنت بشوف صورتك وانت صغير الايام بتعدي بسرعة 

يونس بضحك:من جمالي يعني ولا ايه 

فوزية:ايه هو انت فيه زيك ولا ايه عنيك زرقاء وشعرك ناعم وبشرتك قمحي وطول بعرض ربنا يحفظك ياحبيبي 

يونس بضحك:خلاص كده اقتنعت اني حلو

فوزية:انت مش فاكر البنات اللي كانت بتعاكسك 

يونس بضحك:لا مش فاكر وهفتكر ايه يعني انا مكنتش بهتم وانتي عارفه 

فوزية:ربنا يحميك لشبابك يابني 

يونس:أمين قومي بقي يازوزو عشان انا ميت من الجوع 

فوزية:حاضر حالا 

__________

*في الشركة في مكتب شريف*

غرام:انت ازاي ترفد يونس 

شريف بسخرية:يونس مين 

غرام بضيق:متستعطبش انت عارف يونس مين 

شريف:اه فعلا انا عارف يونس مين لكن انتي بقي تعرفي يونس مين ازاي 

غرام بضيق :ده شئ ميخصكش 

شريف باستفزاز:خلاص رفدي ليونس شئ ميخصكيش 

غرام:تمام وانا هرجعه الشغل ومحدش هيبقي ليه سلطة عليه في الشغل غيري وعلي فكرة عادل حكالي كل حاجة وانا مش هسمح انك تتعامل مع الناس أكنهم عبيد عندك 

شريف:شايفك مهتمة اوي باللي اسمه يونس ده 

غرام بأستفزاز:اه مهتمة واحد شهم ومحترم والاهم من ده ذكي وقدر يخلص ملف لا انت ولا عادل عرفتوا تعملوه والاهم من ذلك متواضع مش زي ناس 

شريف:ماشي يا غرام علي راحتك 

غرام برفعة حاجب:طول عمري علي راحتي يا شريف مع السلامة