رواية حرب السلايف الفصل العاشر 10 بقلم محمد منصور

رواية حرب السلايف الفصل العاشر 10 بقلم محمد منصور

رواية حرب السلايف البارت العاشر

رواية حرب السلايف الجزء العاشر

رواية حرب السلايف الحلقة العاشرة

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفضل كان بيقول ليسرا
مش كنتي تقولي يا يسرا انك تبع ايهاب. دة انا ما ساعه ما سليم ساب خلود علشانك وانا بدور علي اصلك وفصلك واللي حسبتة لقيتة
اتصدم ايهاب ويسرا من المفاجاة لكن يسرا لمت اعصابها بسرعه وقالت
انا شغاله مع مستر ايهاب. وعادي يعني لما اكون معه في ميعاد زي دة. ما مسكتش علية ذلة يعني
فضل
واللي شغاله مع مستر ايهاب تنزل من الشركة وهي في حضنة. مش برضو كدة عيب.
ايهاب
انت فاهم غلط
فضل
انت تسكت خالص. عامل زي التعبان ومسلط حية تلف حوالين سليم وتخلي يسيب خطيبتة علشانها انت عايز اية بالظبط تحرم سامي من عياله
ايهاب بمكر
ابوك سامي اللي قال لك كدة. هو علي طول كدة سامي ظالمني. ومعتبرني عدوه مع اني بحبه
فضل
النمرة الحمضانه دي تعملها علي سليم ونور لكن انا. لا.
انا صحيح اصغر ولاد سامي لكن انصح من الانثين التانين وشايفك قدامي علي حقيقتك وعارف انت عايز اية ومش هاديك الفرصة وهاعرف سليم حقيقة الامورة اللي دخلت علية باسطوانه الحب

ضحكت يسرا اوي وبصت لفضل وراحت مطلعة الموبيل بتاعها واتصلت علي سليم وفتحت الاسبيكر ورد سليم وقال
ايوة يا قمر
يسرا
سليم اخوك الصغير معايا وعايز يكلمك
اتصدم فضل من رد فعل يسرا وجراتها وسمع سليم بيقول
فضل بيعمل اية عندك
فضل
شوفت يسرا دلوقتي وهي خارجه من شركة ايهاب مع ايهاب وكانت في حضنه تقريبا
يسرا وهي بتعيط
سمعت اخوك الصغير بيقول اية. بقي انا اعمل كدة ومع مين مستر ايهاب. للدرجة ابوك وصي فضل يوقع بيني وبينك وما يخلناش نتجوز علشان هانقعد في بيت مامتك وايهاب
فضل
انتي كذابة. بابا ملهوش دعوي
سليم بعصبية لفضل
فضل احترم نفسك وانت بتتكلم مع يسرا والا هانسي انك اخويا وازعلك
فضل باستغراب
تزعلني علشان دي. بقول لك شايفة نازله من الشركة في حضن ايهاب
سليم
قديمة اوي. روح قول لابوك لما بحب يوقع بيني وبين يسرا يشوف طريقة غير دي.
فضل
بابا ملهوش دعوي انا اللي مشيت وراها وعرفت اللي بينها وبين ايهاب
سليم
وانا مش مصدقك وابعد عن يسرا احسن لك
فضل
للدرجة دي هي قدرت تاثر عليك
سليم
يسرا هاتبقي مراتي. وانا عارف هي بتحبني قد اية.
فضل
مبروك عليك يا خويا
يسرا
خلاص يا سليم سلام دلوقتي وانا هابقي اكلمك تاني
وخلصت المكالمة وبصت لفضل وضحكت وايهاب بص لفضل من تحت لفوق فقال لهم فضل
لا. تمام عرفتو فعلا تخلو خدام عندكم. بس انا مش هاسكت

ومشي فضل ويسرا لسة بتضحك وايهاب بيبص علي فضل وبيقول
الواد دة باين عليه هايقرفنه. ،،،،،،،
ومن جوة شقة محمود تتجمع كل العيلة بتاعتهم ويقف محمود قدام كوثر اللي كانت بتجيب دم من بوقها ومحمود بيضربها بالقلم وبيقول لها بعصبية وهو بيمسك شعرها
اية اتجننتي هو انا متجوز ريا وسكينة. حصلت للقتل
مودة
خلاص يا محمود بقي حرام عليك كفاية ضرب فيها
محمود
انتي اللي بتقولي كدة. دة كانت عايزا تقتلك وحطيت لك برشامة الغلة في الشوربة لولا داليا كان زمانك دلوقتي ميتة
داليا تقول وهي بتبص لكوثر
انا معمالتش حاجة مودة بنت اصول وتستاهل كل خير والحمد لله اني شوفت كوثر وهي بتحط البرشامة في الشوربة
كوثر بغل
كذابة. انتي اللي اتفقتي معايا علي اني اعمل كدة
داليا
شوفو المفترية عايزا تلبسهالي. طيب انا راضية ذمتكم انا اية مصلحتي في اني اقتل مودة
كوثر
علشان انتي عرفتي انها راجعه البيت دة علشان سمير
ليلي
بس بقي كفاية افتراء انتي اية بوقك دة ما بيقولش الا كلام يخرب بيوت. هو انتي مكفكيش اول مرة لما شنعتي علي مودة وقولتي ان سمير طلقها علشان ما طلعتش بنت بنوت
مودة بحدة
انتي يا كوثر اللي عملتي كدة. يا شيخة روحي منك لله كنت اذيتك في اية
محمود
انا لازم اسلمك للحكومة
مودة
لا. يا محمود لو مش علشان خاطرها هي يبقي علشان عيالها
محمود
مودة. الطيبة دي مش هاتنفع مع اللي كانت عايزا تقتلك
مودة
الله يسامحها. بس بعد اللي حصل انا ماليش قعاد معه في حته واحدة طلقني وهارجع بيت بابا
محمود

مش هاطلقك. ولو في حد هايطلق في الزبالة دي
ويبص محمود لكوثر. فتقول كوثر
لا والنبي يا محمود هاعيش خدامه تحت رجلك انت ومودة. بس ما رجعش بيت ابويا تاني. ارجع للبخل والحرمان
محمود
بعد اللي كنتي عايزا تعملي البيت دة بقي متحرم عليكي.
واحمدي ربنا ان مش هاحبسك. انتي طالق
فتلطم كوثر وتقول
لا والنبي. لا والنبي
وتروح كوثر عند رجل مودة وتبوسها وهي تقول
حقك علية انا استاهل كل اللي تعملي في خلي ما يطلقنيش وانا هاعيش خدامه تحت رجلك
لكن في اللحظة دي كان محمود بيسحب كوثر من شعرها ناحية باب الشقة وهي بتصرخ وعماله تقول
لا والنبي لا والنبي. ما ترجعنيش لذل ابويا تاني. طيب ما تخرمنيش من عيالي.
لكن محمود يفتح باب الشقة ويجرها علي السلم لغاية باب البيت اللي تحت ويرميها في الشارع، ،،،،،،
ومن جوة شقة سمير كانت داليا واقفة في البالكونه بتتفرج علي كوثر اللي في الشارع عماله تعيط وقاعدة علي الرصيف قدام البيت فيقف وراء منها سمير ويقول لها
اية صعبانة عليكي
داليا
طبعا مش اختي.
سمير
بس يعني مش غريبة انك تبيعي اختك البيعه دي
داليا بصت لسمير وقالت
اومال انت كنت عايزاني اسيبها تموت البت الغلبانة مودة
سمير

لا. بس ممكن تلحقي مودة من غير ما تبيعي اختك ولا أنتي اية رايك
داليا وهي بتبص لسمير
انت اللي اية رايك
سمير
عايزا الحق. انا مصدق كوثر مش عارف لية
داليا
طيب لما انا متفقة معها لية لحقت مودة
سمير
مش عارف. بس حاسس ان في حاجة غلط
فتضحك داليا وتروح ناحية سمير وتقرب منه اوي لدرجة ان نفسها بقي في نفسه وقالت له
اية رايك ننسي ونغير السيرة دي. وننبسط
سمير وهو بيضعف قدام منها
انا برضو رايي كدة
ومن جوة شركة ايهاب يقف ايهاب قدام نور ومايسة ويقول لهم
سمعت انكم بدورو علي شقة
نور
دايخ والله يا مستر ايهاب علي شقة محندقة كدة
مايسة
لا. انا عايزا شقة كبيرة مش بحب المحندقة انا
نور
بس نلاقي المحندقة اللي علي قد ايدينا
ايهاب
ولية ماتبقاش شقة واسعة زي ما طلبت مايسة
نور
اجيب منين بس
ايهاب
يبقي عمك ايهاب عايش وتسال برضو السؤال دة.
نور
مش فاهم
ايهاب
عمارة مامتك موجودة وليك فيها شقة خمس اوض وصاله
مايسة بفرح
بجد
ايهاب
طبعا بجد ومفروشة كمان.
نور
انا مش عارف اشكرك ازاي يا مستر ايهاب
ايهاب بخبث
شكر اية بس أنا عايزك تعتبرني زي باباك سامي واللي هو يقصر في انا رقبتي سدادة
ومن جوة شقة سامي يقف سليم قدام سامي ويقول له
اية لزوم انك تبعت فضل ليسرا علشان يضايقها
سامي
انا ما بعتش فضل لحد
سليم
والله. وانا بقي المفروض اصدقك
سامي بعصبية
لا. صدقها هي. وكذب اللي رباك
سليم
بابا انا بحبك ما تخلنيش في يوم اندم علي اي حاجة ممكن اعملها تزعلك مني
فيقف سامي ويروح ناحية سليم ويقف قدام منه بالظبط ويقول
هاتعمل اية يعني. تضربني مثلا. ما تضرب وروح اتصل بيها وقول لها انا راجل وخد لك حقك من ابويا
سليم
لا طبعا انا ماقدرش اعمل كدة. بس سابني افرح وبلاش تحرمني من فرحتي.
سامي

وبقيت انا اللي واقف قصاد فرحتك
سليم
لما تتفق مع فضل علشان تحرمني من يسرا دة اسمي اية
سامي
اسمع يا ابني. انا مش هاقولها تاني اللي حصل من اخوك فضل انا ما كتتش اعرف عنه حاجة وحياتك عيشها زي ما انت عايز بس بعيد عني. لانك بمجرد ما تخش بيت ايهاب انا مش هاعرفك
سليم
انت بتكره لية كدة. كل دة علشان اتجوز ماما. ما انت اللي خونتها كنت عايزها تفضل علي ذمتك ازاي.
فيضرب سامي. سليم بالقلم ويقول له
اظاهر انك نسيت اني ابوك.
لكن سليم مسك خدة وبص لسامي وقال
اول مرة تضربني
سامي
علشان انت اول مرة تغلط فيا
سليم
لاغلط فيك ولا تغلط فيا. هي حلو اوي لغاية كدة
وخرج سليم من الاوضة. وسامي بيبص عليه بحزن شديد مش مصدق ان دة حصل
ومن جوة مكتب ايهاب تقعد يسرا قدام ايهاب وايهاب يقول لها
جاهزة يا عروسة
يسرا
عروسة اة.
ايهاب
ومش اي عروسة عروسة بنت بنوت.
يسرا
تفتكر العملية اللي عملتها دي هاتدخل علي سليم
ايهاب
الا هاتدخل دة انا عملهالك عند احسن دكتور في مصر.
يسرا
واية حكاية مايسة بقي
ايهاب
تاني مايسة
يسرا
هي هاتقعد معانا في البيت
ايهاب
اة عندك مانع
يسرا
مش عارفة لية مش مرتاحلك وحاسة كدة ان في حاجة بينك وبينها
ايهاب
يسرا. خلي مخك اكبر كدة. واجهزي للفرح وانسي مايسة
يسرا في سرها
هانساها بس لو عرفت ان في حاجة بينك وبينها هاتشوف وش عمرك ما شوفته

وعدي كام يوم واتجوز سليم. يسرا واتجوز نور. مايسة والاثنين دخلو في نفس الليلة وسط فرحة من كل اللي كانو موجودين في الفرح وهما بيرقصو وايهاب وامهم وسط منهم وفي نفس وقت الفرح كان سامي قاعد في اوضة وبيبص لصور سليم ونور وهما بيكبروا قدام منه وبيلعب معهم ونزلت دموعه علي الصور بقهر شديد وقال
يا خسارة زرعتك يا سامي. كبرتها وخليتها تطرح علشان ايهاب ياكلها علي الجاهز ويحرمك منهم. طيب انا غلط في اية. ازاي ولادي يعملو كدة يبعوني ويشتروا ايهاب
وفي الوقت دة يدخل فضل ومعه مودة ويقول فضل
بابا
سامي بحرقة
مارحتش لية مع اللي راحو
ويبص سامي لمودة
وانتي لسة هنا لية. اشمعني انتم هنا وهما هناك
ويعيط بحرقة ويقول
ما تعرفوش انا غلط في اية. قولو اكلتهم هما حرام وانتم كلتو حلال. بس ازاي ما احنا كلنا كنا بناكل من نفس الطبق قولو هما هناك وانتم هنا لية. هما مش اخواتكم عرفوني انا غلط في اية.
ويعيط اكتر بحرقة وقلبة موجوع
كنت حنين عليكم انتم وقاسي عليهم. لكن لا والله انا وزعت الحنية عليكم كلكم زي بعض. حد يرد علية. هما قادرين ازاي يفرحوا من غيري ازاي فرحهم انا مش في. وازاي انا ما حضرش كتب كتابهم. ومش هاشوف عيالهم
قدروا ازاي يعملو كدة. ازاي ازاي
فضل
بابا ارحم نفسك
سامي
انا كويس كويس. بس قلبي بيتحرق بيتحرق
ويمسك سامي قلبة ويتوجع وجسمة يفقد قوته ويقع علي السرير
فتصرخ مودة وفضل يجري ناحيتة، ،،،،،،

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حرب السلايف)