صعبت جدا على فرح ومحبتش انها تنزل علشان خاطرهم وقامت مره واحده راحت عليها ومسحت دموعها وقالت انتى كنتى قويه كفايه انك تحاولى تساعدينا رغم أن احنا محاولناش نساعد نفسنا من البدايه ونذاكر متقلقيش أن شاء الله محدش هيشيل حاجه روحى ومتعيطيش
فرح / مسكت منها المايك وقالت ممكن اشرحهم انا
رعد / اشمعنا ماكان من الاول
فرح / كان نفسى الاقى فى تغير من زمايلى وأنهم قد المسؤوليه وذاكرو بس للاسف
رعد / ولو معرفتيش
فرح / يبقى اعمل اللى يريحك
رعد / اتفضلى
فرح / وقفت وسمت الله وتوكلت عليه وبدأت من آخر خمسه شرحهم رعد وحرفيا ابهرتهم كلهم
فرح / وبكده اكون خلصت حد عنده اساله
رعد / انا عندى ليه معملتيش كده من الاول
فرح / كنت عاوزة اسيب ليهم فرصه يغيرو فكرتك عننا بس كان نفسى الاقى فى تغير بس ملاقتش
رعد / عندك حق وخد المايك وقال فرح من انهارده هتكون ادمن الماده بتعاتى وهتكون مسؤله عنها واى شئ يخصها وقال دى كانت مكافئتى الاولى المكافئه التانيه المحاضره الجايه سلام
وطلع وفرح واقفه متنحه وبتقول حد يترجم هويقصد اى
ها
نور جت فطسانه ضحك عليها ياصغيره عالهم يالوزة
فرح / انا معارضه ومسكت المايك مين حابه تاخد مكان الهى تنسترو محدش رضى وقالو انها خير واحده
فرح / وهيا بتعيط دا مبيطقنيش يانور دا هيطلع عينى هيحاسبنى عالغياب حسبى الله يارتنى ما طلعت وكنا شلناها ارحم البنات عمالين يواسوها معلش يافرح انتى الوحيده اللى بتقدرى على عصبيته
( فرح تعمدت انها تكرر السلام علشان ياخد باله منه )
رعد فى نفسه / هى مبتنساش حاجه حتى دى واخده بالها حقيقى ربنا يحميها اى نعم لسانها طويل بس محترم
ونام رعد وفرح سهرانه مذاكره وبعتت التلخيصات على جروب خاص للدكتور وعرفتهم ميعاد الامتحان ونامت بعد مصلت القيام
تانى يوم صحيت الفجر صلت وفضلت تحفظ قران وتلعب رياضه لحد النهار ماطلع قعدت تذاكر وكان فيه مجموعه ولقت ابوها بيتصل وبيقول أن فيه عريس جاى ليها من بلد جنبهم