رواية مروضة الرجال الفصل الحادي والثلاثون 31 بقلم سلطان زماني
رواية مروضة الرجال الفصل الحادي والثلاثون 31 بقلم سلطان زماني
رواية مروضة الرجال البارت الحادي والثلاثون
رواية مروضة الرجال الجزء الحادي والثلاثون
رواية مروضة الرجال الحلقة الحادية والثلاثون
الفار لعب في عبي وجيه في بالي اني عبده بيشتغلني
وبيقولي كده علشان يريحني وخلاص
بس كنت هلكانه وهموت وانام اول ما صحيت فتحت
الموبيل وشلت الحظر عن طارق وفضلت قاعده مستنيه
يتصل ابن الجزمة مفيش قولت أكلمه أنا بس خوفت عقله
المريض بيفسرلو وبيترجملو الحاجات دي غلط خالص
لقيته بيكلمني من موبيل صاحبه رديت قالي أنا مش عارف
اشكرك ولا ادعي عليكي
قولتله انت تحمد ربنا أنها عدت ع خير وعرفت اساعدك واخرجك
قالي بس انتي بتحبيني يادينا وعايزاني زاي ما أنا عايزاك
ويمكن اكتر قولتله اهو ده الي كنت خايفه منه قالي خايفه
من انك بتحبيني يادينا طب اشمعنا أنا مش خايف قولتله
لازم تخاف بقا وعندك الي تخاف عليه ومنه قالي بتعايريني
علشان كلمتك ووقفتي جنبي قولتله اولا انت فسرت لما
وقفت جنبك اني ده حب ليه ميكونش رد جميل ..أو اني
صونت وعملت حساب للعيش والملح الي أكلته في بيتك
ليه ميكونش مثلا علشان صعبت عليا أو اني بنت اصول
ومنساش فضل حد عليا ..أنا مش لازم اقف جنبك ولا
اساعدك علشان عايزه منك مصلحة ذيك
قالي عارفه بعد ما اتصلت بيكي وقولتلك علي الفلوس كنت
فاكر انك هتروحي تخديهم ومش هتسالي فيا خرجت من
باب القسم علي الشقة لقيت الفلوس زاي ما هي كنت عايز
اقلع ال في رجلي واضرب نفسي بيه
قولتله وانا بضحك ياواطي ياناقص ضحك لما لاقني بضحك
قالي اعمل اي في عقلي بقا ودماغي قولتله ما أنا لو كانو
يشغلوني كنت اخدتهم وانا ماشية بس انا عمري ما اعمل كده ..
قالي هو أنا انسي اليوم الي نزلتيني زاي الاهبل اجبلك
الحلاوه وطالع والحماس قاتلني وادور ع البسبوسة مفيش
…فضلت اضحك مش قادرة امسك نفسي …
قولتله طب اقولك ع حاجه مش انت كان المرور موقفك
وسحب منك الرخص وكان هيخدو منك العربية قالي ايوا
حصل قولتله برغم اني كنت خايفه تشوفني بس لما شفتك
في مشكلة فضلت وقفه لحد ما اطمنت عليك اني الراجل
رجعلك الرخص ودخلت الموقف
قالي وكتاب الله مسبتش وحده في البلد هنا ولا عندكم الا
لما فتشت فيها عليكي مكنتش متخيل اني قلبي خفيف كده
واني لما احب حد يحصلي كل ده
بس انتي اي حكايتك مع امناء الشرطه دول بيعملو ليكي كده ليه
قولتله معرفش
قالي تلاقيكي بس بتروح تعيطلهم علشان كده واقفين معاكي بقلب
قولتله ايوا هو كده ممكن بقا تبص لنفسك ولحياتك وصلح
مشاكلك مع طلقتك قالي اهي دي المشكلة الوحيدة الي مش
لاقي ليها حل بنت الجزمة ما صدقت اخدت احكام وعايزة
تطلع عليا القديم والجديد
قولتله هقولك ع الحل بس تعمله
قالي طب ما تقولي علي الحل الي يرجعك ليا احسن
قولتله متخلنيش اندم اني رديت عليك
قالي خلاص قولي
قولتله صلح علاقتك بعيالك الاول اسال عليهم ابعتلهم
حاجات حلوه هما نفسهم الي هيخلوها تحل كفايه أنها
تشوفك بتفكر فيهم وبيهموك وانك بتحبيهم مش راميهم
ومش سال فيهم
قالي عيال اي بقا وبتاع اي ما هي قستهم عليا والعيال
كرهاني مع انهم مشفوش مني حاجه وحشه قولتله ماهما
بسبب انهم مش بيشفوك في أي وقف ابدا بس اسال كده
وخليهم يشفوك واستموت عليهم كده زاي ما كنت مستموت
عليا كده وشوف رد الفعل …مش يمكن اني دي من الحاجات
الي خوفتني منك …قصدك اني مش بود عيالي ولا بسال
عنهم .
.قولتله اه ..الاب الي يهمل عياله وميسالش فيهم ويخدهم
بذنب امهم ويهجرهم يتخاف منه واستحالة حد يطمنله ولا يعيش في امان معاه .
.قالي والله العيال دول نجوني من حاجات كتير لما بقع في
مشكلة واقولهم ده انا عندي عيال عايز اربيها بيسبوني
علشانهم رغم اني معرفش عنهم حاجه
قولتله لازم بقا تعرف وتشغل وقتك وحياتك بيهم وتبعد عن
القرف ويارب اسمع عنك كل خير
أنا هقفل ياواد انت ومتغيرش رقمك وهكسر الشريحة دي
خلاص وانا هبقا اكلمك قالي والله مش هتعرضلك تاني
خلاص بس خلي رقمك زاي ماهو قولتله ماشي بس انا كده
كده مسافره اسكندرية أنا وابني هناك هحس ب امان اكتر
قالي هو طليقك عملك حاجه ولا ايه
قولتله أنا مكنش حد منغص عليا عيشتي غيرك انت والحمد لله ربنا هداك عايزاك بقا تعمل الي اتفقنا عليه ومتنفضش يلا بقا سلام
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (رواية مروضة الرجال)