روايات

رواية خادمة الصقر 2 الفصل الرابع والأربعون 44 بقلم يوستينا سامي

رواية خادمة الصقر 2 الفصل الرابع والأربعون 44 بقلم يوستينا سامي

رواية خادمة الصقر 2 البارت الرابع والأربعون

رواية خادمة الصقر 2 الجزء الرابع والأربعون

رواية خادمة الصقر 2
رواية خادمة الصقر 2

رواية خادمة الصقر 2 الحلقة الرابعة والأربعون

في الجامعة 💐
معاذ شاف سيلين وهي خارجه من المحاضره فخرج من المكتب بسرعه وراحلها ووقف قدامها
معاذ باستغراب/ ممكن افهم بتهربي مني ليه
انتي من ساعه اخر مره كنا مع بعض في العربيه
مش عايزه تردي عليا ولا تقابليني هو انا عملت حاجه زعلتك للدرجه دي
سيلين بدات تبص حواليها باحراج / وانت شايف ان هنا مكان مناسب علشان نتكلم فيه يا معاذ اكيد
لا ..صح
معاذ بزعل /انا ما يفرقش معايا مكان مناسب ولا لا على قد ما يفرق معايا انتي بتهربي مني ليه يا سيلين
بصي انا عارف اني غبي واتسرعت قوي ان انا اقولك بحبك بس معقول انتي مش حاسة باي مشاعر من ناحيتي خالص
سيلين باحراج / معاذ لو سمحت ما ينفعش نكلم دلوقتي احنا في جامعه وبعدين انت مش واخد بالك ان فاضل اسبوع واحد على الفاينل فما فيش وقت للكلام ده خالص .بعد اذنك
ومشيت سيلين من قدامه ومعاذ حس انه فعلا اتسرع جدا ان هو يواجهها بحبه وخصوصا انهم لسه عارفين بعض
_______________________________________________

 

في الحمام 🤧
دخلت سيلين تغسل وشها بتعب وارهاق لان اليوم كان طويل جدا و ده بسبب أن اغلب المعيدين بيحاولوا يسابقوا مع الدكاتره ويخلصوا المناهج
سيلين بصت للمراية / انا ما غلطتش اني سيباه متعلق كدة. ايوة انا لازم احس ان كلمه بحبك دي طالعه من قلبه بجد مش مجرد كلمه قالها وقت زعل .. انا مش هكرر غلط بابا تاني .
_______________________________________________
في شركة الحديدي 💪
فهد وادهم وكريم كانوا هما ثلاثه مع بعض في اجتماع وطول ما الاجتماع كان شغال فهد ماسك تليفونه وعمال يحاول يرن على حد وباين عليه ملامح القلق جدا لحد ما الاجتماع خلص
كريم بارهاق / ياه اليوم ده كان صعب قوي .. مالك يا فهد وشك متغير ليه يا حبيبي من الصبح
فهد بتوتر / لا لا ابدا ما فيش حاجه
ادهم / ما فيش حاجه ايه يا ابني ده انت وشك مقلوب من ساعه ماجيت وبعدين طول ما احنا قاعدين بنشتغل وانت ماسك موبايلك في ايه يا فهد
فهد بحده/ خلاص يا جماعه بقى قلتلكم ما فيش حاجه بلاش غلاسه .. وبعدين هو انت مش المفروض بقى تعترف لصقر انك بتحب لجميله .. اصل سمعت خناقكم امبارح
ادهم اتعصب اوي و خبطه في رجله/ انت مش هتبطل تتصنت يا حيوان انت ..
كريم / اي ده هو انت و جميلة اتخانقنوا . ليه بس
ادهم / علشان عايزاني اروح اقول لصقر اليومين دول اني عايز اتجوزها و بصراحة انا متردد اوي

 

كريم ابتسم / على فكره كلام جميلة صح ما ينفعش تفضل طول الوقت دوت مخبي مشاعرك و بعدين اي متردد دي .. ده صقر ياض
ادهم بتوتر / معرفش يا كريم بس قلقان قوي يرفضني ماعرفش ليه ..حاسس ان جميله حلم كبير عليا اينعم انا وهي متربيين في بيت واحد من واحنا صغيرين بس ..
فهد قاطعه في الكلام/ بس في عينك ايه اللي بس انت ابن عمها وحفيد عيله الحديدي
انت لازم تحط الكلام ده كله في دماغك ده لو عندك دماغ اساسا
وبعدين انت عايز تقنعني ان صقر مش واخد باله انك بتحبها ..يا ابني ده مركب كاميرات في هدوم كل واحد فينا و عارف احنا بنعمل ايه و بنحس بأيه
كريم قعد يضحك/ والله عندك حق بقولكم ايه هو مافيش حد فيكم كلم يزن اليومين اللي فاتوا دول
اصلي ما اعرفش هو فين
وانا اقلب عليه ومخلي ميرا وياسمين ما يكلموش معاه كمان
فهد / احسن عشان يتربى شويه .. وبعدين
ماتقلقش قوي كده يومين ويرجع .. هيروح فين يعني
ادهم/ ايوة تلاقيه بس حب ينفصل على العالم ما انت عارف يزن لما بيضايق قوي بيحب يبعد شويه و يقعد مع نفسه
كريم / انا عارف كل الكلام ده ومش عايز اكلمه بس ياسمين بقالها يومين قلقانة عليه وحتى عز قاله انه رايح مشوار و ميعرفش عنه حاجة
فهد و هو بيضحك / بيتقل بيتقل عايز يعرف غلاوته عندكم … بقولكم ايه صحيح ايه موضوع القضيه دي هو فعلا عساف هيرفع قضيه على مختار
ادهم بحده / احسن ده ابن ستين كلب ويستاهل
انا كان نفسي يرفع قواضي مش قضية واحدة .
بقولكم ايه انا هروح
فهد/ استني خدي معاك .. يلا يا كريم
وتحركوا كلهم من الشركه و لكن ادهم قرر انه يروح مشوار مهم الاول ..
______________________________________________

 

في فيلا الحديدي 🙊
عساف بعصبيه/ يعني ايه متعرفش فين مكانها يا صقر هو انا سايبلك بنتي امانه عشان ارجع مالقيهاش
صقر / ممكن تهدى شويه انا ما قلتلكش اني ماعرفش فين مكان لارا…. انا كل اللي قلته انها معاها الامن والحراسه بتاعتها وفي مركز الصيانه بس لسه مراجعتش …. اهدى بقى شويه
همس وهي بتحاول تهدي عساف /ايوه يا حبيبي وكلمتني انا كمان وقالتلي انها ساعة بالكثير وترجع فما تقلقش قوي كده
عساف بعصبيه/ ازاي اصلا تقرره لبنتي من غير ما ترجعوا ليا ولا انا خلاص ما بقاليش اي دور في حياتها
خالد / اهدا يا عساف مش وقت الكلام ده ترجع الاول بالسلامه وبعد كده نتخانق
وفي الوقت ده لقوا لارا داخله الفيلا واتفاجئت اول ما شافت عساف اللي اول ما شافها قرب ناحيتها وضربها بالقلم بمنتهي الغل
و دي تعتبر اول مواجهة بينهم من بعد ما رجعت
صقر بصدمه جري ناحيه عساف ومسك ايده / ايه اللي انت بتعمله ده يا عساف بقولك بنتك مستاذنه مني احترمني يا اخي
عساف بغل / مش لما تحترمني هي الاول يا صقر ايه فاكره عشان فوت مره اللي هي عملته هيبقى مسموحلها تمشي علي حل شعرها وكاني مت
خالد / يا ابني حرام عليك بطل كلامك ده بقى
بعد الشر عليك وعليها ..همس خدي لارا واطلعي فوق دلوقتي لحد ما يهدى
لارا كانت بتعيط وبتبص لعساف نظرات عتاب بس من جواها فرحانة بالقلم ده قوي لان من بعده عساف هيقدر يتعامل معاها تاني لانه قدر يفرغ الغل اللي كان مكبوت من ناحيتها
_______________________________________________

 

في اوضه يزن 😛
كانت ميرا قاعده ولابسه التيشرت بتاعه وزعلانه قوي ان طول الفتره دي حتى ما حاولتش يتواصل معاها
ياسمين / هو انا كل ما اخش عليكي الاقيكي بتعيطي يا بنتي هو انيت الدموع عندك بالوفره
ميرا مسحت دموع وهي بتضحك/ اعمل ايه بقى مكتوب عليا طول عمري ابقى حزينه … ياسمين علشان خاطري قوليلي يزو ما كلمكيش خالص
ياسمين بوجع قلب/ لا يا بنتي والله ما كلمني وكريم راكب راسه انه ما يسالش حد عليه وانا بجد قلقانه قوي
ميرا بدات تدمع/ بجد هو وحشني قوي هو ليه بيعمل فيا كده ليه ….ليه دماغه ناشفه اوي كدة و مابيسمعش كلام حد ابدا
ياسمين بحزن/ كريم كده على فكره بس هو واخد اكتر من ابويا الله يرحمه فعلا يزن نسخة من جابر بس ما تقلقيش انا هتواصل مع عز واخليه يدور عليه بس من وراااا كريم اتفقنااا .. اضحكي بقي
ميرا ابتسمت / اتفقنااا .
________________________________________________
في مكان بسيط قوي في محافظه الشرقيه
يزن كان نايم على سرير و هو تقريبا كل جسمه متجبس حتي راسه متخيطة و كانت حالته سيئة جدا
يزن كان بيحلم باللي حصله من رجالة خيري في اللحظه دي ملامح وشه باين عليها الغضب وبعد لحظات قليلة بدا يتخيل بميرا وهي في حضنه ومعاه فظهر على ملامح الراحه و الهدوء ..
و في الوقت ده كانت مريم بنت في اوائل العشرينات تقريبا واقفه متابعه كل ملامح وشه وفهمت ان هو اكيد بيحلم بحاجات مختلفه و ابتسمت بفرحة لانه بدا اخيرا يفوق فنادت علي ابوها ..
مريم / يا حاج سعيد يابا تعالى الشاب اللي في الاوضه تقريبا هيفوق ..

 

سعيد اول ما سمع الكلمه دي قام من على الاكل وجري على اوضه يزن وبص عليه وحاول ان هو يفوقه بالراحه ولا ان فعلا يزن اخيرا بدا يستجيب ليه و بيفوق ..
يزن بصوت موجوع / اه انا فين .. ميرا
تؤتؤ دراعي اعاا … انا مش اتحرك
سعيد قرب من ودنه وحاول يتكلم بصوت هادي / اهدى يا ابني عشان انت كتفك مخلوع وما ينفعش تتحرك نهائي
يزن بوجع وصوت مبحوح / تعبان مش قادر اتحرك خالص ورجلي مش حاسس فيها … انت مين انا عايز كريم
مريم كانت واقفة حزينة اوي لان يزن كان صعبان عليها وقربت منه وقالت / طب ممكن تشرب بس بق ميه وحاول تهدى واحنا هنجيبلك كل اللي انت عايزه
سعيد بص لبنته اللي حس ان ملامحها انها خايفه عليه وقالها/ مريم اطلعي بره وما تدخليش هنا تاني
مريم بحراج /حاضر يابا .. و خرجت برا الاوضة و سعيد بدا يسند يزن علشان يشرب ماية
يزن بوجع/ مش قادر اعمل حاجه .. اوعي سيبني و رد عليا يا عم الحاج انا فين . و راسي مش حاسس بيها ليه
سعيد / اهدى يا ابني العصبيه غلط عليك وعلى الجروح اللي في جسمك. انت كتبلك عمر جديد انا لقيتك واقع على الطريق وتقريبا كنت بتودع يا ابني وجسمك كله متكسر ودماغك مفتوحه وحالتك تصعب على الكافر

 

يزن اتوجع قوي من كلام سعيد وحس قد ايه بالاهانه انهم قدروا انهم يكسروه بالشكل ده و صعبت علينا نفسه وبصل لسعيد وقاله / انا مش عايز اسمع حاجه انا عايز تليفوني اكلم كريم وبسرعه ارجوك
سعيد /طيب اهدى يا ابني وانا هجيبلك التليفون بتاعي ..
وبمجرد ما خرج سعيد من الاوضه يزن ما يقدرش يستحمل و ودموعه خانته وبدا يدمع دي حالته انه قاعد متجبس
يزن بدا يكلم نفسه بحسره / قدروا عليك قدروا يكسروا عينك يا يزن.. اعااا ياريتهم كانوا قتلوني ولا عيشت الذل ده
________________________________________________
في اوضه فهد
نسمه كانت قاعده على السرير وحواليها كتب وسندوتشات وعصير وشيبسي وبتذاكر بتركيز
فهد دخل الاوضه وشافها وهي بالحاله دي ابتسم / ايه ده يا عم انت مجمعه كل اكل البيت عندك على السرير
نسمه كانت بتاكل ساندوتش وبصيتله بعدم اهتمام وكملت اكلها ..فهد اتغاظ قوي من طرقتها ديت وقالها/ ايه يا حبيبتي قطعوا لسانك علشان كدة مش عارفة تردي عليا
نسمه ردي عليا انا مبحبش الاسلوب المستفز ده
نسمه وهي بتاكل ساندوتش باستمتاع رهيب/ الله على اكلك يا نغم بجد تحفه
فهد بغيظ/ على فكره نغمه تبقى امي ولو قلتلها عايز اكل هتعملي و ويا ريت تبطلي ترخمي عليا
نسمه ما ردتش عليه ومسكه كوبايه العصير وبدات تشرب
و تقوله بغلاسة / يا سلام على عصير الجوافه باللبن بتاعك يا قمر والله العظيم يهبل كده يهبل
فهد بصلها بزعل وقعد جنبها على السرير وقالها / هو حلو قوي كده يعني طب ما تجيبي بق . نسمه هاتي بق بلاش بخل انتي عارفه انا بحب الجوافه باللبن

 

نسمه كانت بتشرب في كوبايه وعامله نفسها مش سامعاه و ده ضايق فهد اكثر
و قالها/ بقي كده يعني ماشي انا هنزل لنغم وقمر وهيعملوا ليا اكل و عصير كمان بس انا كنت عايز اكل معك انتي .. علفكره انا ما اكلتش حاجه من امبارح عشان انت ما رضيتش تتعشي معايا ..
وقرب فهد ناحيتها وحط راسه على كتفها وقالها بحب/ على فكره بقى انت خالفتي العهد اللي كان بيني وبينك مش احنا برده متفقين ان مهما حد فينا يزعل مينامش بعيد عنه ولا ياكل من غيره
انت بقالك يومين مش عايزه تنامي جنبي و لا عايزه تاكلي معايا
نسمة /طب ما يمكن انت مزعلني اوي يا فهد
فهد عدلها ناحيته / بذمتك انا اقدر اعمل كدة ما انتي عارفة اني مش بقدر اشوفك زعلانة .. هااا هتاكليني معاكي
نسمة ضحكت / كل اللي يهمك هو الاكل يا فهد ..خد كل بالهنا و الشفا
فهد قرب منها و باسها من خدها / طب ايه رايك اخدك و نروح السينما النهاردة و افسحك انا عارف انك مقريفة بسبب المذاكره
نسمة / يسلام ياريت كان ينفع .. بس قولي انت
وافقت مش كدة
فهد و هو بيشرب العصير /وافقت على ايه بقى
نسمه بستغراب / ايه ده وافقت ان انا اروح ابات عند
بابا النهارده وارجع بكره بليل
فهد/ يا سلام مين العبيط اللي قالك كده بقى نسمه موضوع انك تباتي بره البيت ده مقفول بالنسبه ليا اصلا
نسمة قامت وقفت على السرير وحطت ايديها في وسطها بغيظ وقالت / امال جاي تصالحني ليه طلاما مش موافق فاكر انك بتضحك عليا
فهد ساب كوبايه العصير وقام وقف هو كمان على السرير وقالها / ما هو موضوع ان انت تعملي نفسك مخاصماني عشان اوافق انك تروحي عند اهلك مش هينجح معاكي يا نسمه

 

لاني مش هسيبك تروحي تقعدي في نفس العماره اللي قاعد فيها ابن عمك اللي هو كان عايز يتجوزك صح كلامي ولا انا غلطان
نسمه تردد / ايوه بس انا رايحه عند بابا البيت مش رايحه عند حد غريب وبعدين الكلام ده كان زمان انا دلوقتي انا دلوقتي ست متجوزه
فهد بتريقه/ لا والنبي متجوزه طيب يا حبيبتي وجوزك قالك لا والموضوع ده مقفول ولا انت مش عايزه تقلبيها نكد عليكي وعلى البيت وعلى ام الفيلا دي كلها ..
نسمة بغيظ / بقى كده يا فهد .. يعني ده اخر كلام عندك ..طيب اقعد بقى في الاوضة دي كلها لوحدها
فهد بغيظ / في ستين داهيه في ستين داهيه في ستين داهيه واشربي من البحر
نسمه بصتله بعصبية / يا مستفز يا بارد . طب اهوو
و مسكت الكتاب ورميته عليه وخرجت بسرعه من الاوضه قبل ما يتحول عليها
فهد و هو بيفتادي الكتاب / يلا جاتك الهم ولية بومة
مش بتعمل حاجة غير تتخانق او تاكل بس
و علي فهد صوته/ افضلي انتي كلي كدة لحد ما تقلبي انثي الخرتيت باذن الله
و قعد فهد علي السرير / ابو الجواز علي اللي عايزه
______________________________________________
قدام الجامعه 👀
معاذ كام واقف قدام العربيه مستني سيلين تخرج .. واول ما خرجت قرب منها وقالها / اعتقد ان احنا دلوقتي خارج ساعات العمل وبره الجامعه ممكن نتكلم
سيلين/ نتكلم في ايه بس يا معاذ هو في حوار اصلا
معاذ بحده /اه يا اختي في حوار حوار مهم جدا انا قلتلك اني بحبك وعايزه اتجوزك
سيلين/ امتى بقى لحقت تحبني
معاذ انا لسه عارفاك ما كملتش شهر ما فيش حد بيحب حد بسرعه دي انا بعترف اني غلطت واتجرئت وحضنتك علشان كده انا نفسي بعاقب نفسي على كده
معاذ بحزن/ بس انا مش كدابه وعمري ما هقول كلمه انا مش قدها الفرق بيني وبين اي شاب اني بحب اخش البيت من بابه .. ومعنى كلمه بحبك دي يا بنت الناس اني تقدملك ونتخطب علشان يبقى في حاجه بيني وبينك رسمي لاني مش معاذ الحديدي على اخر الزمن اللي هيسمح ان حد يجيب سيره واحده تخصه بكلمه وحشه

 

سيلين اتبسطت جدا من كلام معاذ وحست قد ايه فعلا ان هو راجل وقد المسؤوليه وقالتله بفرحه/ طب لو قلتلك ان انا كمان معجبه بيك وموافقه انك تيجي تتقدم .. هتيجي امتى
معاذ ابتسم وحط ايده على راسه وهو مستغرب رد فعلها وتغير الحاله المزاجيه عندها وقالها/ انتي مريضه يا بنت انتي على فكره
شوفي وشك اتغير ازاي
عموما يا اختي انا هقول لصقر وظبط ميعاد انا وهو والعيله ونيجي نقدم في اسرع .. انت هتقولي لمامتك
سيلين بحزن /والله يا معاذ ما اعرف بس هي اول ما تعرف ان البني ادم اللي انا عايزه ارتبط بيه من مصر هترفض انا عارفاها علشان كده لا ممكن ما اقولهاش
معاذ / عموما لسه بدري قوي على الحوار ده تعالي اروحك و نتكلم في الموضوع ده بعدين .. يلااااا
وروح معاذ سيلين وهو فرحان جدا ومكرر ان هو يبلغ صقر بموضوعه
________________________________________________
في اوضة لارا
لارا كانت قاعده على السرير وماسكه اللاب توب بتاعها ونسمه قاعده جنبها وعماله تعيط ونغم وهمس واقفين
همس بهزار/ يعني تبقى لارا اللي مضروبه و نسمة بتعيط
نغم بهزار/ ايوه بيعملوا مشاركه وجدانيه سيبيهم
نسمه وهي بتعيط / على فكره بقى يا طنط انا اتخدعت في ابنك ده .. في عيب صيانة انا كنت فاكراه طيب لكنه طلع متوحش و ظالم و قاسي
لارا ضحكت باستغراب / هو انت بتتكلمي عن فهد ولا انا متلخبطه ولا في ايه
نغم بتريقة / لا هي بتتكلم على الكلب اللي تحت اللي خالد جايبة من ايطاليا مش سامعة بتقول متوحش
نسمه وهي بتعيط / لا لا انا قصدي على ابنك يا طنط والله مش الكلب
نغم ضحكت علو صوتها / فهد ابني انا متوحش وظالم طب ده انا اتمنى ده اهبل يا اختي والله … طب والنبي في واحد ظالم وقاسي بالمنظر اللي انت بتحكيه ده بيسرق البطاطس لحد دلوقتي وانا بقليها وبيحب عصير الجوافه باللبن
همس كانت بتضحك جامد / طب والله عندك حق فهد ده الوحيد اللي بيحسسني انه طفل عكس كل الموجودين يعني معاذ عاقل ويزن كمان وجميله حتى كارمن اعقل من فهد
نغم / لا لعلمك هو هو يبان مش عاقل لكن هو في الحقيقه تافهه انا عارفه انا بقولك ايه اسمعي مني
وانت يا ست نسمة فهميني بقى الاستاذ المتوحش ده عملك ايه

 

نسمه / تخيلي يا طنط طلبت مني اروح ابات عند بابا يومين رفض قمت نكدت عليه يومين كاملين برده رفض تخيلي
لارا بتريقة / ازاي يعمل كدة .. لا طبعا مالوش حق يا نسمة ازاي بعد ما تنكدي عليه ميوافقش ازاي
نسمة / شوفتي بقي
نغم / بقي هو الموضوع كدة وانتي عايزاه يوافق ..يا بنتي ده لو انطربقت السما علي الارض مستحيل يوافق ده ابن خالد يعني تنح زي ابوه
_______________________________________________
في الفيلا
وصل ادهم وهو متحمس جدا واول ما دخل الفيلا لقى صقر فقعد على ركبته قدام صقر وقاله/ انا عايزك في موضوع مهم جدا
صقر بصله باستغراب/ انت قاعد كده ليه يالا انت عبيط قوم اقف كده على حيلك او اقعد على الكرسي
ادهم / ما فيش الكلام ده حيلي ايه هو انا بقى فيا حيل اصلا ..اسمع بقى انا هكلمك بصيغه عمي الاول انا بحب وعايزه اتجوز
عساف ابتسم على طريقه ادهم وكلهم بصوا لبعض لان هم عارفين ان ادهم بيحب جميله
صقر باستهبال/ معقوله طب يا حبيبي مبروك مين بقى سعيده الحظ دي بقي
ادهم/ لا لا بالراحه عليا الاول انت موافق انك تيجي تتقدم معايا لابو البنت اللي بحبها
صقر بابتسامه/ ايوه طبعا وهي تطول اصلا ادهم الحديدي بجلاله قدر ويتقدملها.. مين بقى العروسه
ادهم / خلاص احنا كده خلصنا من اول مرحله ثاني مرحله بقى
وعدل ادهم قميصه ووقف على رجليه وقاله/ احنا كده دخلنا تاني مرحله
خالد ضحك/ يعني انت لما عدلت البدله وتقف على رجليك يبقي دخلت في المرحله الثانيه طب اشجينا يا استاذ ادهم
ادهم / بس بقى ما حدش قاطعني وبص لصقر وقاله/ وانا دلوقتي هكلمك كحمايه انا طالب ايد جميله منك يا اونكل صقر
فجاه الثلاثه قعدوا بيضحكوا على طريقه ادهم في الكلام وعساف قال / والله العظيم يا صقر جميله دي لو كانت بنتي ما كنت جوزتهاله
ادهم بص عساف / ما تخليك محضر خير وبعدين محدش طلب رايك اصلا
عساف / شفت يا صقر وكمان جوزك بنت مش متربي
صقر ضحك/ خلاص عملته جوز بنتي علي اساس اني
وافقت مثلا

 

ادهم / الله وترفض ليه و هي هتلاقي عريس زي فين ده
انا ادهم الحديدي بجلاله قدره
خالد/ الواد حافظ مش فاهم يا عين امه
صقر/ لا استنى انت دلوقتي يا خالد .. مالك ياض نافش ريشك على البنت ليه لو انت ادهم جاسر الحديدي فهي جميله صقر الحديدي واظبط بدل ما اقلب عليك
ادهم اتوجع شويه لما صقر ذكر اسم ابوه وحسس انه كان محتاجه جدا النهارده وسكت خالص وصقر حس انه في اللحظه دي استغبى انه ذكر اسم ابوه وحط ايده على كتف ادهم وقاله / الله يرحمه وبعدين في ايه مش انت قلتلي انك هتعاملني النهارده بصفه عمك وحماك خلاص وانا في الحالتين موافق على جوازك من جميله يا ادهم
ادهم في اللحظه دي دموعه خانته وقرب وحضنه وجامد وقاله/ كان نفسي قوي يبقي موجود معايا النهارده معايا وانا بتقدم لجميله .. الله يرحمه
خالد قرب وحط ايده على ظهره وقاله/ خلاص بقى يا ادهم ما تنكدش على نفسك يا ابني واطلع فرح جميله ان صقر وافق وحدده ميعاد الخطوبه لان انا اللي هتكلف بمصاريفها من اولها لاخرها
ادهم مسح دموعه وقاله / لا انا عامل حسابي
وطلع من جيب البدله علبه فيها خاتم الماظ رقيق جدا نفس ستايل جميله وقال/ انا هلبسه ليها دلوقتي وبعدين نعمل حفله دي
عساف ضحك / لا طبعا مش بنت صقر الحديدي على اخر الزمن اللي تلبس شبكتها سكيتي كده يا ادهم
وفجاه سمعوا صوت جميله وهي جايه بتجري/ لا لا انا موافقه والله انا اصلا مش بحب الزحمه ولا صوت العالي لبسني الشبكه يا ادهم
خالد بص لصقر بتريقه / اه دول متفقين اصلا طب تمام … مبروك عليكم .. اي رايك يا صقر
صقر ببتسامة/ هقول ايه الف مبروك ليكم بس برده هيتعمل خطوبه اخر الاسبوع دوت في الفيلا لازم الناس كلها تعرف ان بنت صقر الحديدي اتخطبت
لابن عمها …الف مبروك لكوا يا اولاد

 

و نزلت قمر و همس و نغم و نسمة و لارا علشان يباركوا ليهم و لارا كانت واقفة جمب عساف و مستنياه يكلمها و فعلا لقته حط ايده علي كتفها بهزار / عقبالك يا قلب ابوكي ..
لارا ابتسمت اوي و حضنته بفرحة / انا اسفة .. حقيقي انا اسفة .. انا عارفة اني وجعتك بس
عساف حضن لارا بحبه وقالها/ انا مش عايز اسمع حاجة تاني يا لارا .. انا عارف كويس انتي حاسة بايه
و مسامحك .. المهم القلم كان جامد ولا لاء
لارا ضحكت و باسته من خده / يعني شوية بس ولا يهمك يا حاج انت تعمل اللي يريحك كله
عساف / طبعا يا بت 😂❤️
و بعد حوالي نص ساعة اتعشوا كلهم مع بعض ودخل صقر وخالد وعساف المكتب يتكلموا بخصوص القضيه وكانوا بيطمنوا من الحرس على عاصي
عساف بقلق/ ربنا يستر انا قلقان اوي علي عاصي مش عايزه يموت دلوقتي خالص
خالد / بطل بقى تقلق نفسك يعني هو مختار هيتخطى كل الحراس دي يا ابني ده فيه تحت في الشارع خمس جاردات واربعه قدام باب الشقه واثنين معاه في الشقه في ايه .. هو احنا هنحارب
صقر بتريقه/ ايه يا ابني كل ده صحيح ما تدخلهم معاه الحمام بالمره … في ايه
عساف بتريقه/ والله لو في ايدي ان اعمل كده كنت هعمل …عارف لولا اني محتاجه في القضيه كنت موته بايدي
وفجاه وهما بتكلموا دخل معاذ ورمى شنطته على الارض وبص لقصر بتركيز وقاله/ انا جاي اقولك على حاجه وكويس انكم متجمعين بصراحه عشان ماعدتش الكلام اكتر من مره
خالد بص لعساف بستغراب/ هو انا مش لسه شايف المشهد ده من ساعه تقريبا بره وكان ادهم اللي بيعمله
عساف / لا ما هو تقريبا اعتزل عن الدور و اده لمعاذ مالك
يا معاذ انت كويس يا حبيبي عرقان كدة و وشك مخطوف كده

 

معاذ / ما احنا لو نبطل هزار انا هعرف اتكلم لكن انت بتهزر هتكلم انا ازاي …اسكت بقى شويه عساف
عساف / بالصلاه على النبي هما ليه كلهم بقوا قلات ادب كدة النهارده في ايه بجد . و بعدين اشمعنا انا الوحيد اللي بتهزق
خالد ضحك / بتفكرني بفهد قوي يخرب بيتك المهم كمل
يا ….اه استاذ معاذ المره دي
معاذ غمض عينه وحاول ان هو يتمالك اعصابه وقاله/ بص
انا لا هلف ولا هدور عليك انا اقوللك بصراحه
صقر بصله باستغراب ورافع حجبه وقاله/ يا ريت بصراحه تقولي الصراحه . اتفضل يا معاذ
معاذ / انا بحب سيلين و عايز اتقدملها بنت ابراهيم العزازي
عساف قعد يضحك / صلاه النبي احسن .. هي مش دي البنت اللي برده هزقتك
انا مش فاهم ليه كلنا بنحب الناس اللي بتهزقنا الاول بجد .
خالد / لا على فكره انا نغم هزقتنيش… هي هزقت صقر اول ما شافته في الشارع … و جاسر الله يرحمه عزة برضو مسحت بيه الشارع و بلغت عنه
عساف بتريقه / ايوه وانا حبست همس. فاكر انا اليوم ده
معاذ / على فكره كلمه كمان وانتم الاتنين هتطلعوا تقعدوا بره لحد ما اخلص كلامي .
خالد بص لعساف / الحق احنا بنتعاقب وتقريبا بنتهان اوي
عساف وهو بيحط رجل على رجل وبيقول / انا قلت لكم ان انتم ما عرفتوش تربوا وانتم ما صدقتوش
صقر / بس انت وهو.. بجد انا عايزه افهم مين سيلين دي و ابراهيم العزازي ازاي..
قعد معاذ قدام صقر على ركبته وقاله / انا هفهمك كل حاجه من اولها لاخرها

 

عساف قاطعهم بصوت عالي / لا الحركه دي انا اتشائمت منها ….قوم يلا اقعد علي الكرسي بدل ما اديك علي قفاك
خالد ضحك وقاله / انا مش فاهم ايه غيتهم ان هما يقعدوا القعدة المهببة دي .. يلا احكي يا حبيبي
وقعد معاذ يحكي لصقر الحكايه من اولها وهو كان فرحان جدا انها بنت الراجل الطيب زي ما كان بيسميه ابراهيم العزازي و وافق علطول علي علاقتهم .
________________________________________________
في البيت اللي في الشرقيه
يزن بتعب / يعني ايه معكش رصيد اكلمهم اطلع اشحن من اي حتة و انا والله هتحمل كل المصاريف
ارجوك انا بموت هنا
سعيد بحزن / يا ابني انا نفسي اساعدك بس المسافه بين هنا ما بين اي محل علشان اشحن يجي ساعه واحنا داخلين علي نص الليل والدنيا مش امان
حاول ترتاح وانا اول ما يطلع الفجر هصلي الفجر واروح اشحن التليفون صدقني
يزن كان بياخد نفسه بصعوبة و قاله / طب خد الرقم ده معاك احتياطي …
واداله يزن الرقم واحاول بعدها ينام وبعد المحاولات كثيره غفل فعلا ….

 

تاني يوم الصبح .
كانوا كلهم بيفطروا في الجنينه اسود ضحك ومسمع فرحانين جدا ان القضيه بعد بكره
خالد كان متحمس جدا وقال / الحمدلله بعد بكره القضية .. هانت يا جماعة
عساف / صقر معلش انا قررت اجيب عاصي هنا الفيلا امان لحد بكره بس
صقر / انت عبيط يا عساف .. انت بتستاذن كمان البيت بيتك
عساف لقه تليفونه بيرن مسكه ورد على التليفون وسمع اسوء خبر ممكن يخطر على بال اي حد
همس مسكت ايده / مالك يا حبيبي انت كويس
عساف بصدمة / العربية اللي فيها عاصي و الرجالة ولعت

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية خادمة الصقر 2)

اترك رد