رواية مسك الحلقة السابعة 7 بقلم ملك أحمد

صباح يوم جديد

براء_ماما انا نازل 

_ماشي ي حبيبي 

نزل وشاف قمر نازله بس اول م شافها اتعصب جاامد لانها كانت لابسه جيبه حمره فوق الرُكبه بشوية وتيشيرت ابيض مقفول من قدام بس من الضهر عليه حركة كدا ومبينه ضهرها ف راحلها وهو ف قمت غضبه وشدها من ايديها ودخل عمارت بيتها 

قمر بزعيق_ف اي ي براء بتشدني كدا ليه

_انا ممكن افهم اي الزفت الي انتي لبساه دا 

_والله دى حاجة متخصكش انا حره 

_قلتلك اخوكى مأمنى عليكو وقلت بردو مينفعش اللبس دا يتنزل بيه ف الشارع 

_وانا قلتلك انى متعودة ع كدا ف امريكا ف دى حاجة تخصنى ومتخصش اى حد 

بعصبية_اديكى قلتى متعودة ف امريكا مش هنا ف يلا اتفضلي غيرى الزفت داااا

بعصبية_وانا مش هغير ي براء انا مش عيله صغيرة تقولى اعمل اى ومعملش اى وانت متتدخلش ف حاجة تخصني تاني وسابته ومشيت

فضلت تكلم نفسها…هو فاكر نفسه مين علشان يقولي اعمل ايه ومعملش ايه اوووف رخم 

شابين كانو ماشين نحيتها 

الاول_اي ي جميل ماشي لوحدك كدا ليه 

التاني_طب م تيجي معانا بدل م انتي لوحدك 

قمر خافت ومردتش عليه وسرعة مشيتها 

الاول_راح وراها مسك ايدها_لا انا الاحمر ميسبنيش ويم مكملش كلامه ولقي بوكس ف وشه التاني جه وضرب براء ف وشة وجاب دم 

وقمر عماله تسرخ وبراء فضل يضرهم هما الاتنين لما لقو نفسهم مش قادرين ع براء جريو

قمر راحتله_انت كويس 

_حد فيهم عملك حاجة 

بصتله بدموع_لاء 

_عجبك الي حصل دا افرضي مكنتش جيت وراكي كان ايه حصلك دلوقتي اتفضلي يلا علشان اوصلك

مشيت معاه وهي الدموع ف عنيها وصلها لحد البت 

_اتفضلي اطلعي يلا وياريت الكلام افتكر كلامها ف مكملش كلامه اطلعي يلا 

_طب ممكن تطلع معايا نعالج وشك

_لا شكرا دي حاجة بسيطه

بدموع_علشان خاطري

طلع معاها وسماح اول م شافته اتخضت 

_اي دا اي الي عمل فيك كدا ي بني 

_مفيش ي طنط دي حاحة بسيطة 

_بصراحه ي ماما ف ناس حاولو يدايقونو وبراء جه اتخانق معاهم 

_ياالهوي تعالي ي حبيبي اتفضل وانتي ي قمر حد عمل فيكي حاجة 

_لا ي ماما متقلقيش 

_ متشكرة يبني ع الي عملته مع قمر مش عارفة لو مكنتش موجود كانو ممكن يعملو اي فيها 

_الحمد الله ي طنط عدت ع خير وقمر بردو زي اختي 

_قومي ي قمر هاتي علبت الاسعافات 

دخل عليهم مروان_ ازيك ي براء مستناش رده وقال ماما هي قمر فين 

_جوه ي حبيبي 

دخلها بخوف وراح حاضنها_قمر قمر انتي كويسه فيكي حاجة

_اهدي ي حبيبي انا كويسه ف اي

_مش عارف فجأة كدا حسيت ان حصلك حاجة 

_بصراحة هو كان هيحصل بس الحمد الله براء لحقني وعدت ع خير 

_اي الي حصل 

_تعالي بس نخرجلهم وانا هحكيلك ع كل حاجة 

  _____________ف دبي______________

اياد صحي وهو فرحان واخد شاور ولبس وراح ل مِسك وفضل يخبط ع باب غرفتها بس مفيش رد قال يمكن نزل ل اهم ف نزل بس لقا ادهم ومعتز و نورين بدون ومِسك ف راحلهم 

اياد_صباح الخير 

الجميع صباح النور 

ادهم_خير ف حاجة 

_كنت جاي اسألك ع مِسك 

_ف غرفتها احنا مستنينها علشان معاد الطيارة 

_ازاى بس انا خبط عليها ومردتش هتكون راحت فين وسابهم راح غرفت المدير وفضل مستنيه نص ساعة وبعدين ادهم جاله 

ادهم _عملت اي ي اياد كلمته 

_لاء مستنيه بقالي نص ساعة ولسه مجاش 

ادهم كان لسه هيخرج لقاه داخل 

اياد قام وراحله بسرعة لو سمحت انا خطبتي مختفيه ومش لاقيها ومختاج اشوف الكاميرات بسرعة 

المدير_مش هينفع لازم اذن من النيابه الاول 

الباب خبط ولو الشرطة دخلت 

_مساء الخير يا استاذ خالد احنا معانا اذن من النيابه ومحتاجين نشوف الكاميرات 

المدير_اتفضل 

وراخو شافو الكاميرات وشافو عامل النظافه وهو بيرش المخدر وبياخدها بس مخرجش من الباب الرئيسي للفندق خرج من الباب الخلفي من عند الجراش كان حد مستنيه ف العربيه ركبها ومشيو  بس المشكله ان الامن مكنش صاحي اياد واقف يشوف وعيونه بتدمع وخايف عليها هما ليه هيخطفوها هي مأذتش حد ولا ليها صله بأي حد وفضل يدعي ف سره يااارب انت الي عالم بحالها احميها يااارب

الشرطة_هنلاقيها متقلقوش وهنعرفكو كل حاجة اول ب اول ومشيو

اياد_ادهم احنا هنفضل مستنين البوليس انا مش هقدر افضل كدا 

استني انا هتصرف 

ادهم اخد رقم العربيه وطلع تليفونه وكلم واحد 

_الو يا ادهم باشا

_محمد هبعتلك رقم عربيه وخلال نص ساعة يكون عندي اسم صاحبها ومكانها 

_حاضر ي باشا 

_متقلقش ي اياد ان شاء الله هنلاقيها 

 اياد بحزن _ياارب 

 ‏

_____________مكان مهجول______________

الو ي باشا 

_ف اي جديد

_بصراحة ي باشا…

_اي حصل اي 

_اصل يعني

_متنطق ي زفت اي الي حصلة

بخوف شديد_الانسه مِسك اتخطفت ي باشا 

الشخص بعصبية وزعيق_ازاى اتخطفت امال انتو شغلكو اي ي بهايم كنتو فين وقتها

_والله ي باشا كانت تحت عنينا بس لما دخلت غرفانها اطمنا ومشينا مكناش نعرف انه هيرجعلها ف الوقت دا 

_هو انا مش قايلكم يا اغبيه تفضلو مراقبينها 24 ساعة بس اعمل انا الي عينت شوية بهايم وقفل السكه ف وشه وقال عملتها ي مراد الالفي بس فاكر انى هسيبك وغلاوتها عندى م انا سايبك 

واتكلم ف التليفون وحجز تذكرة للاسكندرية بعد نص ساعة

________ف مصنع قديم ف الصحراء_______

كانت مِسك نايمه ف الارض وايدها مربوطة وحاطين قماشة ع بقها بدأت تفوق وبتحاول تفتح عنيها بس كانت الرؤية ملغوشه لحد م فاقت ولقت نفسها ف مكان غريب عبراه مصنع ل قطع غيار سيارات لكن باين عليه انه قديم وسمعت صوت رجاله ف عملت نفسها نايمه تانى 

الاول_هى كل دا نايمه فوقها ياعم الباشا زمانه جاي 

التاتى جاب ميه ورماها عليها مِسك اتخضت لانها متوقعتش انه يفوقها كدا

التانى_فوقي ي حلوة الباشا ع وصول وعاوزك 

مِسك بخوف ودموع_اننو عاوزين مني ايه فكوني ونبي وفكوني

_اخرسي ي بت خاالص

 ______________ف الفندق______________

اياد قاعد هيتجنن مستنين اتصال من محمد 

وفجأة التليفون رن وادهم جه يرد

اياد_افتح الاسبيكر 

فتحه وقال_هاا جبتهم

_اه يا ادهم باشا صاحب العربيه اسمه محمود عبدالله الهواري ومكانه********

قفل معاه وقام هو واياد بسرعة وراحوا ع المكان 

___________ف مطار الاسكندرية___________

خرج من المطار وكان ف عربية ف انتظاره ركبها وقاله ع مكان معين وبعد ساعة كان وصل وبيخبط ع البيت

_زين حبيبي ممكن تفتح الباب 

_حاضر ي نوري 

فتح الباب بس كان مصدوم ومش مصدق انه واقف قدامه معقوله دا صاااالح….