رواية هربت منهم إليك الفصل الثامن 8 بقلم سلسبيل أحمد

رواية هربت منهم إليك الفصل الثامن 8 بقلم سلسبيل أحمد

رواية هربت منهم إليك البارت الثامن

رواية هربت منهم إليك الجزء الثامن

رواية هربت منهم إليك الحلقة الثامنة

كريم: انتوا تعرفوا بعض ولا ايه
“ياسين بصلي وانا فهمت كويس مخه فكر فإيه”
ليلي بصوت واطي: فريده هو ده ياسين!!!؟؟
” مكنتش عارفه ارد ولا اتحرك ولا عارفه اعمل ايه في الموقف ده! ”
اتكلمت وانا بتلجلج: انا ءءء انا هـ.. انا عايزه امشي
ياسين قرب ناحيتها: تمشي تروحي فين؟؟
كريم اتدخل وبص لفريده: فريده انتي تعرفيه؟!
ياسين مسك دراعي: مين ده ؟؟؟
كريم حاول يشيل ايده بعيد عنها: تؤتؤتؤ انت ازاي تمسكها كده!!
ياسين زقه بقوة وعمر وقف بينهم: ياسين بس اهدا!!
” كريم حاول للمره التانيه يقرب مني لكن ياسين مدلوش فرصه و صْربه بوكس جامد ”
– ايه الى بتعمله ده !!!
عمر مسكه بقوة: بس بقا يأخي اسكت !!!!
“قرب ناحيتي ومسكني”
ليلي اتكلمت بأندفاع: ابعد ايدك دي عنها !!
“بصتلها بمعني اطمني!!”
” و ياسين سحبني ورا على تحت ”
ليلي: هوا واخدها على فين !!
عمر وقف قصادها: سبيهم لوحدهم يا ليلي!!
>>>>>>>>>>>>>>>>>>>>>>>>>>>>>>>>>>
” نزلنا تحت الشركه بعيد عن الناس فا بعدت ايده عني بنرفزه و هو بصلي بحده ”
– ايه ده هاه ؟؟
زعق في وشي: ايه ده !! كل الفترة دي كنتي هنا ؟؟
= ميخصكش في حاجه انت فاهم !!! لولا ان ده مكان شغلي مكنتش سكتلك على طريقتك دي ابدا!!
– انتي كمان ليكي عين تتكلمي !!؟؟
= انت ملكش حكم عليا !!
– انتي مراتي !!!!!
= و هنطلق !!
اتكلم بغضب مكتوم: وانا بسألك لآخر مره مين ده يا فريده وايه علاقتك بيه !!!
– مديري في الشغل
= مديرك !! مديرك بس !!؟؟ ومضايق عشانك بالطريقة دي !!! وداخلين سوا !!!!!!
– افهم الى تفهمه انا اصلا مبقتش قادره ابرر !! وبعدين انت واحد كنت هتتجوز مالك بيا!!!
بصلي بنص عين ومسك دراعي: قولي تاني كده؟؟
– سيب دراعي يا ياسين
= قولي سمعيني؟؟ مالي بيكي ازاي؟؟ انتي مراتي !!!
– دراعي وجعـ. ني ابعد !!!
سابني بقلة حيلة وبص في عنيا
بصلي بسخريه وهو مش قادر يستوعب: و هتطلقي عشانه بقا ولا ايه؟؟ عشان كده انا مش فارق معاكي صح! منتي لقيتي حد غيري! وجيالي بالبودي جارد وبعدين رجعتيله! قاعده جمبه بقالك سنه وانتي متجوزة وعلى ذمتي!!!
“مكنتش مصدقه الى قاله ليا فا بصتله بذهول”
– متردي ؟؟؟؟ كل الفترة دي شغاله معاه هربانه مني مع واحد تاني!!!
زعقت بصوتي كله وصْربته فصدره: بس !! اخرس !!! اياك تتكلم عني كده انت فاهم اسكت !!
نظره ثبت على ايدي وانا برْقه فا مسكها ورفعها قدام وشي: فين دبلتك ؟؟
ساب ايدي وهو بيتحرك من مكانه وبيحاول يسيطر على اعصابه قرب مني مره واحده وانا خوفت بص لعيوني وكأنه بدأ يستوعب واتكلم بنبره عتاب: طب ازاي قدرتي تعملي كده ؟؟ انا كنت عارفك؟؟؟ انا عمري ما تخيلت انك تعملي كده!
” سكت وبصلي و انا مردتش فا كمل كلام ”
– انتي كلامك فضل يرن في ودني طول الأسبوع!! انك مش محتجاني ومش عايزه تكملي معايا و طالبة الطلاق وكنتي بتتعاملي معايا ببرود!! بس انا نفيت كل ده قولت ان بس ده كان عشان انتي متعصبه! لكن لا أكيد هي مكنش قصدها اكيد مش عايزه تطلق هي بس فاهمه غلط!!!
ده انا حاربت كل حاجه عشانك!! يوم ما كنا عند بابا طلب مني نفضل في البلد و اتجوز واحده غيرك تعرفي قولتله ايه؟
” ركزت في كلامه و استنيته يكدب لأنه ميعرفش اني سمعت كل حاجه ! ”
– قولتله تمام ماشي وافقت على كلامه عارفه ليه؟
“بصتله بعدم فهم واستغراب لما قال الحقيقة”
– كنت بخده على قد عقله عشان كنت راجع لك الاوضة اخدك ونمشي.. ومكنتش هرجع لهم مره تانيه انا سكت له زمان لما عمل مني بلطـ.جي وخلاني انزل آذي الناس الى مسلفهم فلوس عشان يرجعوها! وكان مخطط يجوزني بنت واحد في البلد عايز يشاركه و عشان كانت البلد كلها عارفه مين هو ياسين جلال والكل بيعملي الف حساب فا بابا قرر يقدمني ليهم في البداية لكن رفضت وقولتله اني عمري ما هتجوز واحده مش بحبها!! تعرفي ليه؟ عشان وقتها كنت بحبك انتي!! كان عمي عايش و كنت دايما بعرف اخبارك منه بالي كان مشغول بيكي انتي!!
“عيوني دمعت وكنت بتكـ.سر مع كل حرف بيقوله ومش مستوعبه اي حاجه!!! حاسه كأن في جردل مياه متلجه جدا ادلق عليا!! ”
– اول لما عمي ما..ت وابويا باع الشقة بتاعتكم بموافقه امك وكلهم كانوا عليكي.. كنت انا الوحيد الى بفكر ازاي اريحك وبقرب منك طلبت منهم ميحطوش حراسه على الباب وكنت متأكد انك هتهربي كنت عارف دماغك.. وفعلا عملتيها وفضلت ماشي وراكي لحد ما تعبتي وانتي بتجري و استخبيتي فا بعدها شوية روحت عندك كان اتفاقي معاهم اخليكي تثقي فيا لكني مجبتش سيرة اني هخدك ونمشي بس عملت ده لما طلبتي وكمان مكنتش متفق معاهم اني هتجوزك مكنتش معرفهم اي حاجه قولت لهم بس محدش له دعوة بيكي وانا الى هخلي بالي منك
” دموعي نزلت بقمة الحزن لما شوفت الدموع والزعل في عينه وهو بيتكلم!!!! ”
بصلي ودموعه نزلت: عمري ما فكرت آذيكي!! ولا اتجوز غيرك! انا كنت بهاود بابا عشان كان بيهددني بيكي انتي! انا مكنش ليا اي نقط ضعف يعرف يلوي دراعي بيها لحد ما حبيتك!! حبيتك اوي!! لكن انتي محبتنيش!! انتي وافقتي نتجوز عشان مصلحتك!
– وفالاخر بعد كل ده اللقيكي مع واحد غيري؟ تعرفي لو حد غيرك كنت دبحـ..ته!!! لكني معلش.. هنفذلك طلبك انتي طالق يا فريده
” سابني وبدأ يتحرك وانا صوت عياطي ظهر وبصتله بصدمه وهو بيبعد !!! ”
>>>>>>>>>>>>>>>>>>>>>>>>>>>>>>>>>>>
– بقولك سبني يا عمر عايزه انزل اشوفها!!
= دول اتنين متجوزين ممكن تخليهم يتكلموا؟؟ ويحلوا مشاكلهم!!
زقيته بنرفزه: بقولك ابعد يحلوا ايه !!! ده بيآذيها وهي مش عاوزاه انا مش هسيبها اكتر من كده وسع !
– طب اهدي ممكن !!! ياسين مستحيل يآذيها يا ليلي ياسين بيحبها!!
بصتله وضحكت: انت عبيـ.ط ؟؟!! انت بجد شكلك كداب زيه !!
عمر بصلها بزعل: انا !!
– ايوه واوعي تفكر تقرب مني مره تانيه يا عمر ولا هو هيقرب لها اوعي من وشي
>>>>>>>>>>>>>>>>>>>>>>>>>>>>>>>>>>
” لقيت ليلي نازله و بتجري ناحيتي وانا كنت منهاره من العياط ومش قادره استوعب الى حصل ”
– فريده !!! فريده حصل ايه !! مالك ؟؟ عملك ايه !!
عمر نزل وراح عندهم: حصل ايه؟؟ فين ياسين
ليلي فضلت تبصلي: فريده اتكلمي حصل ايه بطلي عياط!!
” عمر بص حواليه ومكنش فاهم اي حاجه ”
“مسك موبايله و رن على ياسين”
– يا فريده! عشان خاطري اهدي
” بطلت اسمع اي حاجه ! وحسيت اني خسرت كل حاجه !! بدأت احس بدوخه واني بفقد التوازن!! فا غمضت عيوني بقمة الاستسلام ”
” ليلي لحقتها بحْضه قبل ما تقع وصرحْت ”
– فريده !!!!!!!!!! عمر اللحقني !!!
عمر بص وراه و كان مصدوم: حصلها ايه!!
>>>>>>>>>>>>>>>>>>>>>>>>>>>>>>>>>>
” صلي على محمد ”
|| في مستشفي جمب الشركه ||
– اهدي يا ليلي هتبقي كويسة
بعياط: كله بسببه !!!! انا لو شوفته هشرب من دمـ.ـه !!!!!!! سامعني!!
– طب اهدي بس خلينا نطمن عليها الأول
= انا مش عايزه اشوف وشك ولا وشه !! امشي
– ليلي بطلي!!
“الدكتور خرج فا راحوا ناحيته بسرعه”
– دكتور طمني هي كويسة!!
= بخير الحمد لله مفيش اي حاجه ده مجرد إعْماء بسبب الضغط العصبي ياريت بس متتعرضش لأي صدمات وتخلوا بالكم عليها هي دقايق وهتفوق
– الحمدلله!!
“لقيت كريم داخل عليا بقلق”
– حصل ايه ؟؟!!
عمر بص تجاه ليلي: انتي ايه الى خلاكي تكلميه؟؟
ليلي بصتله: كنت عاوزاني اكلم مين !!
عمر: ياسين زمانه جاي على هنا ولو شافه مش هيحصل طيب !
كريم: فريده مجرد موظفه عندي!! وانا مكنتش اعرف انوه جوزها و طبيعي لو فاكره غريب ادافع عنها
عمر: طيب وطلعت مراته ممكن بقا تفضل !!
كريم: خليني اطمن عليها الأول!!
الممرضه خرجت من اوضتها: الأستاذة فاقت تقدروا تدخلوا..
” ليلي دخلت هي وكريم و عمر كان متنرفز فا نزل من المستشفي و قابل ياسين تحت وكان شكله محْضوض جدا ”
عمر مسكه: اهدي فاقت خلاص
– حصلها ايه يا عمر ؟؟؟؟!!!
= اغم عليها انت الى عملت لها؟؟!!
– يعني هي كويسة فاقت؟؟ عايز اشوفها!
= هو… هي فاقت.. وكويسة بس هما معاها فوق
ياسين فهم وتراجع: هما..
“ابتسم بسخريه فا عمر بصله”
– حصل ايه ياسين؟
= طلقتها
– ايه !!!! نعم ؟؟؟؟؟
>>>>>>>>>>>>>>>>>>>>>>>>>>>>>>>>>
|| في اوضة فريده ||
– طيب كويس اني اطمنت عليكي انا هستأذن محتاجه اي حاجه يا ليلي
= لا شكرا جدا يا كريم.. انا هخدها ونروح البيت بعربيتي
” كريم خرج وانا رجعت راسي لورا وحاولت اتمالك اعصابي لكن مقدرتش وفضلت اعيط ”
– شششش بس اهدي!! ليه كل ده! عملك ايه
اتكلمت بعياط: طلقني !!!!
بصتلها بستغراب: ماهو ده الى احنا عاوزينه!!
” فضلت اعيط بتناهيد ومكنتش باخد نفسي مش قادره استوعب الفكره ”
– براحه يا فريده ارجوكي اهدي على نفسك
= انا مكنتش عايزه اطلق يا ليلي !!
قربت بسرعه وحضنتها: طب اهدي انا مش فاهمه منك حاجه!!! اهدي انا جمبك.
>>>>>>>>>>>>>>>>>>>>>>>>>>>>>>>>>>>
سبحان الله و بحمده سبحان الله العظيم
” روحنا البيت ومنطقتش بحرف زياده يومها.. ليلي مكنتش فاهمه حالتي و فاهمه انا ازاي عامله في نفسي كل ده بعد ما الى كنت عاوزاه حصل.. فضلت يومين مش بتحرك مش بعمل اي حاجه بعيط وبس مستنيا اليوم الى هيبعتلي فيه الورقة بتاعتي ”
|| في الشرقيه | بيت جلال ||
جلال: وه !!!! كيف تطلجها ؟؟
عزت: بعد ما كنا خلاص هنسيطر عليها بعد ما تلاقيها بتهملها وتطلجها يا واد ؟؟
ياسين بنفاذ صبر: انا حر !!! مش عايزين نكمل سوا و اطلقنا ومحدش له دعوة بيها برضو فاهمين ؟؟
طه: على اساس اننا عارفين نعتر فيها اياك
صفيه: انا بقول يخويا خليها مطرح ماهي قاعده!
فاطمه بغضب: دي بنتي !!!! انا عايزه اشوفها!!! ازاي تسببها بعد ما فضلنا ندور عليها سنه؟.
ياسين ضحك: انتي لسه فاكره ان ليكي بنت؟ دي ما صدقت تمشي بسببكوا كلكوا!!! انتوا بوظتوا كل حاجه !!!! فاهمين ؟؟؟ انتوا السبب فكل ده !!!!!!! ويوم ما هعرف مين الى نقلها كلام عني وخلاها تهر** ب مش هرحمه !!!!!
” نهي كلامه وهو بيبص لـطه لانه كان شاكك فيه وبعدين قام وسابهم لكن زينب وقفته ”
– استني يا ياسين!!
“ياسين وقف ومبصلهاش ولا رد فا اتكلمت بقلق”
– هي كويسة بعد ما سبتها!!
رد بغيظ: اه يا زينب كويسة! ومش محتاجه لأي حد مننا
= لا يا ياسين! فريده مش اكده فريده مش جوية (قوية)!
– كنت فاكر زيك.. بس واضح انوه لاء
= انا عايزه اكلمها! انا ممكن اصلح بينكم و تردها ! مينفعش تهملها اكده ملهاش غيرنا يا ياسين!!
– زينب انا مش قادره اتكلم بعد اذنك
>>>>>>>>>>>>>>>>>>>>>>>>>>>>>>>>>>>
|| في إسكندرية | في بيت فريده و ليلي ||
– فريده انتي فين انا جيت..
– يا فوفا! انتي لسه برضو مخرجتيش من اوضتك.!!
“قومت وقعدت في مكاني وهي قعدت قصادي”
– طيب بصي جبتلك الهوت شوكلت الى بتحبيه! بالكراميل
“عيوني دمعت ومردتش عليها”
– هتفضلي كده طيب؟؟ بقالك يومين مش بتعملي حاجه غير العياط يا فريده مش معقول!! انا مش فهماكي! انتي كنتي خايفه وبتتمني تطلقي منه احكيلي طيب! وانا هساعدك..
– هو لسه مخوفك طيب يا فريده؟ خد منك حاجه طيب!!
دموعي نزلت وبصتلها وانا منهاره: انا بحبه يا ليلي… بحبه!!!
بتعجب: بتحبيه!!! بعد كل الى عـ
قاطعتها: كنت فاهمه غلط… مكنش هيرجعني ليهم مكنش هيآذيني زي مانا فاكره!
– طيب اهدي ممكن ارجوكي بطلي عياط بحرـ. قه كده وفهميني
” حكيت لها كل حاجه و هي كانت مصدو مه زي بالظبط ”
– طيب ليه يا فريده مفهمتيهوش انه كريم
مجرد مديرك !!
= كنت عايزه اضايقه زي ما اضايقت لما افتكرته هيتجوز ويسبني!! ومردتش ابرر له اي حاجه سيبته فاكر اني كنت مع كريم لحد ما فهمت كل حاجه وقتها مخي اتشل حسيت اني مش قادره اشرح له ولا قادره افكر ولا اعمل اي حاجه لحد ما طلقني وهو واقف !!!! سابني يا ليلي !!! ده حتي مجاليش المستشفي !!! انا وقتها اتأكدت انوه خلاص كرهني ومش طايقني ياسين مكنش قاسي معايا بقا بيكرهني يا ليلي فاهمه!! بيكرهني
” خدتني فحضنها بقوة وفضلت تطبطب عليا وانا فضلت اعيط بندم و قهـ..ر من الى بيحصلي ”
>>>>>>>>>>>>>>>>>>>>>>>>>>>>>>>>>>>
|| بعد مرور 3 ايام | في إسكندرية ||
” فريده دخلت الكافية وبصت لحد ما شافته وراحت قعدت بهدوء و برود. ”
– أهلا يا هانم جيباني من القاهرة وسيباني ملطوع بقالي ساعه ليه..؟؟
= كان عندي شغل
– وانا الى عندي محشي يعني؟
= ما علينا
– اممم خير عايزه ايه مش قولتي متورنيش وشك تاني؟؟
= انا طلبتك بخصوص ياسين و فريده يا عمر
بصلي بقلة حيلة: امممممم ياريت.. بس ياسين بقاله يومين محدش يعرف عنه حاجه
– يعني ايه؟
= يعني شكله كده هج وسابلها البلد تهيص بقا براحتها
اتنرفزت: بطل طريقتك دي فريده منهاره !!!
– منهاره لا الف سلامه صاحبي بقاله سنه بحالها
مدـ. مر !! ولما لاقاها د.. مرته اكتر!!
بأنفعال: قصدك يعني ان فريده الى وحشه !! انت متعرفش هي سمعت ايه وهو عمل ايه من وراها ؟؟
– والله بقا دي مش غلطته !! هي الى هربت فالنهايه!
= ماهو بسبب الى عمله!!!دي غلطته هو
– لا ياحببتي غلطتها هي !!! صحبتك عبيـ.طه
زعقت: متغلطش فيها !!!!!
عمر: ولا اغلط فيها ولا تغلطي فيا انا قايم ماشي
غلطان اني جيت اصلا.!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هربت منهم إليك)