رواية عشقتها منذ نعومة أظافرها الفصل الخامس 5 بقلم مريم نصار
رواية عشقتها منذ نعومة أظافرها الفصل الخامس 5 بقلم مريم نصار
رواية عشقتها منذ نعومة أظافرها البارت الخامس
رواية عشقتها منذ نعومة أظافرها الجزء الخامس
رواية عشقتها منذ نعومة أظافرها الحلقة الخامسة
مريم . في المحاضره وسرحانه ومش مركزه في اي كلمه .. وكل دقيقه ترجع ل ذكرياتها من تاني ان يوسف اعترف بحبه لمريم اخيرا ..
وانها شدت ايديها بقوه وحرج ولسانها اتلجم ولكن يوسف شرحلها انه قد ايه بيحبها من وهو عمره سنه وهي كبرت معاه وشاف انه اول صوره طبعت على قلبه هي صورتها من ساعه ما اتولدت …
وقالها كلام كتير وانتظر رد من مريم .. ولكن الدموع والفرحه هي كانت الرد على سؤال يوسف وقالها لو بتحبيني اعملي اي اشاره او حركه …
مريم بتوتر وبعد محاولات كتيره من يوسف هزت راسها ب ايوه بحبك ….
و يوسف كان اسعد واحد في الدنيا .. وقالها انه قبل الامتحانات هيكون متقدملها و سنه بالكتير هتبقى مراته قولا وفعلا
ومريم فاقت من افكارها علي اصحابها اللي قاعدين حواليها … وكل واحده حاطه ايديها على خدها ومنتظرين مريم تفوق من حلمها اللي حركتها وتعبيرها بتقول انها طايره وما حدش قدها …
مريم فاقت وصحباتها حاولوا معاها …
لكن مريم خجوله ورفضت تقول اي حاجه لان مفيش اي اثبات رسمي
———
ندى وفريحه كانو في الحمامات بيظبطوا الحجاب ولسه خارجين … وفريحه اتخضت لان حد شدها من ايديها واخدها في مكان بعيد شويه ..
وفريحه هتصرخ لكن اتنهدت لما شافت مرادها
فريحه : انت ياخى الله يسامحك انت مش هتتصرف زي الناس العاقلين ابدا … اوووف وحطت ايديها على صدرها لانها اتخضت وخافت
مراد : اعمل ايه وحشتيني
فريحه : تاهت في عيون مرادها
مراد : قرب من ودنها باقولك وحشتيني
فريحه : غمضت عينيها لان برفان مرادها بيخليها مش مركزه وكانت عايزه تدخل جوه حضنه ولا اراديا وانت كمان
مراد : اتجرء وخطف بوسه سريعه جدا من خدها وفريحه جسمها كله اتشنج من الحركه دي
فريحه : ا..انت ا.اانت ازاي
مراد : انا ايه يا بت انت بنتي و بتاعتي انا وملكي وكلها كام اسبوع وهاجي اطلبك رسمي
فريحه : بسعاده وفرحه ولكن بعدها تطلبني طيب بس اصل
مراد : ابتسم ركزي يا حماره عايزه تقولي ايه؟
فريحه : اتغاظت … حماره …طيب يكون في علمك انا مش موافقه غير لما اخلص دراستي قدامك على الاقل ٤ سنين كمان ماشي ..؟
مراد : قرب من وشها اووي وده لخبط فريحه وحست ان قلبها هيطلع من مكانه
مش مراد العدوي اللي يتشرط عليه … انا قولت انتي بتاعتي وملكى وعند فيكي يا فريحه الاسبوع اللي جاي هلبسك الخاتم . وكمان كتب كتاب وفي وسط كل العيله … ولو سمعت كلمة ٤ سنين دي او لسه بدري علي اما اخلص تعليم اعرفي ساعتها اني هقعدك في حضن امك ولا في تعليم ولا نيله على دماغك فاهمه
ورجع خط بوسه تاني بسرعه …
وفريحه فقدت توازنها … ولكن مراد سندها بسرعه وابتسم من قلبه على فريحته
————
بعد مرور حوالي ساعه واكتر
نور فتحت عينيها وحاسه بصداع شديد ولسه هتحرك ايديها ولكن كانت متربطه
نور فتحت عينيها بخوف وشافت نفسها في اوضه عباره عن سرير و كنبه و ترابيزه فقط
ونور على السرير متربطه و اتصدمت لما افتكرت ان هشام اللي كان سايق العربيه …
وحاولت تصرخ ولكن واحد منهم بسرعه حط منديل مخدر على بقها واتخدرت ومحستش بحاجه
بعدها نور بصت حواليها وشنطتها على الترابيزه وفونها مرمي على الارض .. ومش عارفه تفك نفسها لانه مربط ايديها ورجليها كويس … و دموع نازله بخوف واول كلمه قالتها … محمد… وغمضت عيونها وافتكرت ان كده خلاص هشام هينتقم منها على رفضها ليه
وانه انسان قذر ممكن يتخطى مرحله الصور وبكت بدموع وصوت مهموس …. بابي .. مراد … زين وعيطت اكتر …. مامي … رينو
وكانت منهاره لانها حاسه انه خلاص دي النهايه …
ولو هشام قرب منها نور هتموت نفسها وعيطت بصوت عالي … واتخضت لما الباب اتفتح عليها ودخل هشام وقفل وراه الباب وكان الشابين مستنيين بره في الصاله …. والمكان عباره عن بيت قديم من دورين على طريق زراعي وسط الأراضي الزراعيه … ونور كانت في الدور التاني
هشام : اهلا اهلا اهلا
نور . نور . نور . شرفتى وكرى المتواضع وحط المطوه ع الطربيزه .. وراح قاعد جمبها على السرير حبيبتي اخيرا ياااااااه
نور : فكني . فكني يا هشام وخليني امشي
. انت مش عارف خطوره اللي انت بتعمله .. بابي مش هيسيبك وكمان اخواتي هيقتلوك فكني واشتري نفسك يا هشام ..
هشام : رجع بضهره على السرير .. وحط راسه على رجليها .. حبيبتي اهدي وايه اللي هيعرف ابوكي واخواتك بس …؟ ورفع عيونه ليها بصي يا روحي هما ساعتين زمن هناخد منك حاجه بسيطه اوي وهنقضي معاكي وقت حلو وبعدين تروحي ولا كأن حاجه حصلت ..
نور : بقرف تفت عليه .. انت حيوان وسافل . انت اقذر حد شفته في حياتي .. وشيل راسك دي من على رجلي وصوتت خرجني من هنا حااااااالا
هشام : اتدايق واتعدل وفك حجابها وانبهر من نعومه وجمال شعرها وقرب منها بغيظ وبيشد شعرها
نور . اتألمت ااااه
هشام : بصي بقى يا نور …. شايفه المكان اللي هناك ده قدام السرير … في كاميرا وانا بقى هعرفك مين هو هشام اللي اضرب بالقلم منك ومن الحيوان بتاعك …. انا بقى هقضي احلى وقت معاكي ويا سلام لو تكوني شرسه معايا …. وبعد ما اخد انا وش القفص …. معايا ٢ صحابي بره من ساعه ما شافوكي هيتجننوا عليكي ومستنيين بالدور ….
وكل حاجه هتحصل الكاميرا دي هتسجلها وشايفه فونك اللي على الارض ده .؟ حبيب القلب اتصل عليكي كتير وانا كسرته … و لوحد عرف بس صورك والفيديوهات هتكون كلها على السوشيال ميديا وهتبقى ترند هههههههه
(..نور آدم العدوي .. بنت اكبر رجال الاعمال في مصر شاهد اكبر فضيحه مع ابنته الكبرى و٣ شباب في السرير .)
ههههههه وساعتها احنا هنتحبس وكام يوم وبابا هيخرجني لانه غنى جدااااا وأغنى من ابوكى ١٠٠ مره
عارفه ليييه … لانه تاجر … ههه ولابلاش اقولك
لكن انتي بقى …!!! وابوكي اللي هيحط راسه في الارض … ولا حبيب القلب اللي اسمه محمد .. ساعتها ممكن يرميكي لانك هتبقى خلاص ملكيش لازمه وممكن انتي تموتي نفسك من الفضيحه ..
نور : بتسمع وعينيها على الكام وبتعيط وصرخت محماااااد … محماااد اااااه وعياط مستمر … ارجوك يا هشام سيبني … امى ممكن متستحملش وتموت فيها سيبني وخد فلوس زي ما انت عايز ..
هشام : هههههههههههه فلوس .!! حبيبتي انا مش عايز فلوس : انا عايز اكسرك عايشه في دور التكبر كده .. وبت تنكه في نفسك … و شايفه ان ما فيش زيك في الجامعه … اي ولد يقرب منك تصديه وعاملالي فيها محترمه ومبتكلميش شباب … لا يا حبيبتي انا هكسر احترامك ده وهخليكي عبره في الجامعه . وهسبت لصحابى كلهم الل كنت مراهن عليكى معاهم اني كسبت الرهان . ونمت معاكى هههههه
نور : اتغاظت وقالت مره واحده …. انت مفكر نفسك لما تنزل صوري ومستقبلي انا وعيلتي يتدمر …فكرك محمد او اخواتي وبابي هايسيبوك ..؟ تبقى بتحلم دول هيقطعوا من لحمك حتت ”
وهتبقى انت في نفس مستوى الترند اللي بتفكر تعمله بقاذرتك … وان كنت فخور بابوك الل بيتاجر واكيد بيتاجر ف حاجه قذره .. احب اقولك ان
ابويا كان ظابط وكمان على اعلى مستوى …
و من20 سنه عمل ضجه في تركيا .. و موجوده على النت لحد دلوقتى والكل بيحكى بيها يعني بابا قلبه ميت …. واخويا مراد في كليه حربيه ومستقبله انه هيكون في المخابرات يعني هيعذبك لحد ما تتمنى الموت …. واخويا زين مش اقل منه في الانتقام …
لكن خوفي الحقيقى عليك بقى … من محمد اللي لوحد لمس نور بس مستعد ان يقتله ومن غير تفكير
هشام : للحظه خاف من كلامها و بلع ريقه وحاسس ان عايز يرجع في اللي كان ناوي يعمله .. ومشي كمان كام خطوه وبيفكر … ولكن شيطانه زينله جسمها وشعرها اللي نور مخبياه … ونسي في لحظه كل تهديدات نور وكلامها …
وقرب منها ورجع شعرها لورا …. نور انتي بتاعتي الليله وبس … و جربيني صدقيني مش هتندمي انتي ممكن بعدها اللي تجيلي برجليكي هنا ..
نور : تفت عليه بكرهه ابعد عني ياكلب يا حيوان . ابوك مش راجل علشان كده معرفش يربيك .. ولا علمك يعنى ايه حلال وحرام .. ولا ده صح وغلط … ولا ينفع ومينفعش .. انت حيوان وتافه وزباله
هشام : اتغاظ وبقى على اخره من العنيده اللي قدامه … وضربها بالقلم ونور صرخت . واتصدمت وقلبها دق وخفق بخوف لما شافت هشام خلاص بيقلع في هدومه … وهو قلع القميص وهيقرب منها خلاص …. نور …. لااااااا محماااااد. … ااااه مامااااااااا
——-بقلمى Mariem Nasar
مريم : رجعت الفيلا مع مراد الل عاتب امه انها جابت سيرته ف الكلام مع آدم . وضحكت ع مراد الل خايف من ابوه والل هيعمله فيه . واستاذنها وقالها هيروح لفريحه الجامعه ومشى
بعد شويه .
مريم . قاعده في الجنينه بتسقي الزرع وفهد جه عليها …. واخد منها الخرطوم يسقى الزرع مكانها وكان بيهزر معاها وبعد شويه … تعرفي يا خالتو
مريم : نعم يا حبيبي
فهد : اا. انا كنت عايز. ي ..يعني اقولك يعني انه ….
مريم : ايوه ما تقول يا فهد عايز ايه؟
فهد : ساب الخرطوم وراح قعد جمبها على الكنبه.. ومسك ايديها وباسها بصي بقى يا ست الكل من الاخر كده انا متغاظ من رينو
مريم : بدهشه رينو بنتي انا ..!! طب ليه دي رينو نسمه
فهد : ما انا عارف يا مريوم انها نسمه .. ودى مشكلتى … بس بصراحه يعني انا متغاظ منها لانها مش لابسه النقاب
مريم : قلبها فرح من جواها لانها حست بفهد انه غيران على رينو .
فهد : يعني مش كل مشوار ولا تحصل ظروف واكون معاها .. حد يعاكسها اضربه … انا ضارب لحد دلوقت اكتر من ١٠ مش معقول يعني …
رينو جميله ما شاء الله وانا بصراحه كده عايزها تلبس النقاب
مريم : اممممم نقاب … !! والله يابني انا اتمنى طبعا … و بمكر من مريم طيب ما تقولها انت ..
فهد : قام من مكانه بتوتر لا طبعا اقولها ايه ؟
مريم : قولها يا رينو البسي نقاب علشان ما اضربش حد تانى هههههه
فهد : قعد تاني ابوس ايدك بقى تفهميها علشان بجد كده حاسس اني ممكن ارتكب جريمه ..
انا اه داخل ع ١٩ سنه لكن اول ماعرفت يعني ايه دنيا و ناس كانت ..
رينو هي اللي قدامي ومن ساعتها حسيت انها مسؤوله مني …. وبص ل مريم ما تزعليش مني كلامي انا عارف انها بنتك … بس انا كمان حاسس ان رينو بنتي رغم ان الفرق اللي بيننا سنه ونص واكتر بس . بس عايزه الصراحه انا مش عارف
مريم : تفهمت قصد فهد انه بيحب بنتها لكن فرق السن وانه لسه صغير ما يدلوش الحق انه يحكم عليها بلبس النقاب
فهد استأذن ومشي
ومريم : قاعده قلبها مبسوط لأن فهد ومحمد ٢ من اكتر اللي مريم بتعزهم .. واتمنت لبناتها . نور ورينو.
ان محمد وفهد يكونوا من نصيبهم لانهم هيبقوا في امان معاهم ……
وفجاءه مريم حست بقبضه ف قلبها ونور صورتها جت قدامها … وغمضت عينيها ….
اللهم اني استودعتك نور بنتي عندك وانت لا تضيع عندك الودائع فاحفظها لي يا الله
———بقلمى Mariem Nasar
هشام قلع القميص وقرب على نور ورمى حجابها اللي جمبها على الارض و قرب من وشها ومسك شعرها ..
علشان يبدا انه ينفذ امر الشيطان وقرب على شفايفها
ونور بتصرخ وتقاوم ولكنها متربطه و عياط مستمر وصريخ . مااااماااا. . باباااااا
يااااارب محماااااااد اااه يا رب يا رب
هشام ابعد …… فوق يا هشام ابعد حرام عليك الل انت هتعمله ……
ولسه هشام هيلمس شفايفها وصرخت .. وفجاءه جه حد شد هشام من قفاه ومن غير تفاهم بوكسات على مناخيره وعينيه وبقه لحد ما هشام مناخيره بقه كلهم نزفو دم .. ومن كتر الضرب اول سنتين من سنان هشام اتكسروا. …. ( احسن – احسن )
نور كانت مغمضه عنيها وبتصرخ وفتحت عينيها تشوف مين اللي شد هشام . وفرحت اوووي وحست ان امانها جه وكان محمد …. ولكن خافت من شكل محمد اللي بيضرب من غير تفكير خلاص هشام مغمى عليه و محمد لسه بيضرب فيه.
نور : محمد كفايه هيموت في ايدك … كفايه يا محمد علشان خاطري …. محمد فاق علي صوت نور
نور : بابتسامه ودموع وراحه خلاص يا محمد ارجوك سيبه وتعال فكني ونمشى من هنا
محمد : مردش عليها … و جرجر هشام من شعره على الصاله و قفل باب الاوضه على نور …. وطلع لاصحاب هشام وكانوا قاعدين في الصاله بيشربوا مخدرات ومستنيين دورهم …. محمد شال الترابيزه اللي عليها المخدرات ونزلها على راسهم ….. ومسك كل واحد فيه وعمله عاهه وقال كلام كتير وهو بيضربهم ومش في وعيه …..اول واحد كسرله ايديه الاتنين ….. والتاني كسرله رجله وايده
اما هشام محمد سايبه مغمى عليه وربطه وكتفه كويس جدا ومش عايز يعمله عاهه دلوقتى
محمد : سابهم بيصرخوا من الوجع وفتح الباب على نور اللي كانت بتعيط وبتحاول تفك نفسها وجسمها بيرتجف علشان تلحق محمد …
وراح محمد ناحيتها وفك رجليها وايديها وكان قاعد قدامها على طرف السرير وقلبه كله خوف ورعب لا ميلحقهاش …
محمد فكها . و من غير تفكير شد نور واخدها كلها في حضنه و مغمض عينيه بحزن كبير وشوق اكبر … وكان حاضنها بكل حنيه .. وبيطمنها ف الحضن ده وانه هيبقى على طول سندها …
نور ما فكرتش غير في انها اخيرا في امان … وحضنت محمد بكل قوتها … ودموع نازله وبتترعش .. نور اخيرا اكتشفت ان محمد عمره ما كان زي اخوها ابدا … محمد حاجه اكبر من كده بكتير … وخصوصا بعد ما قال الكلام وهو بيضربهم …. وبادلته الحضن وفضلو في حضن بعض فتره في سكون تام
ونور كسرت السكون ده لان محمد حاضنها كأنه خايف انها تضيع من بين ايديه .
نور : محمد .. محمد انت كويس
محمد : فتح عينيه وعيونه بتلمع وخرجها من حضنه بتنهيده واول مره يمسك وشها بايديه بحب اب واخ وصديق وحبيب .. انتي اللي بتسالي انا كويس؟؟ انتي اللي كويسه يا نور ؟؟
نور : هزت راسها ب ايوه الحمد لله كويسه … والحمد لله انك لحقتني … وعيطت واترمت في حضنه تاني … انا مش عارفه يا محمد انت لو ماكنتش موجود كنت هاعمل ايه … وعيطت بصوتها كله …. انا كنت هضيع لولاك يا محمد انا كنت هموت من الخوف يامحمد …
محمد : مسد على شعرها اللي اول مره يلمسه من لما كانت طفله … وزاد عشقه اكتر واكتر … بس . بس علشان خاطري يا نور دموعك دي بتحرق قلبي من جوه …. واعرفي طول ما انا جمبك مش هسمح لاي خطر او اذى ليكي … انا في ضهرك وجمبك ديما وهكون جمبك زى ضلك
نور : هديت تماما ولكن جسمها ب يرتجف من الخوف وضربات قلبها سريعه ….. محمد خرجها من حضنه وقالها … اهدي خالص وما تخافيش من حاجه وقام وجابلها حجابها وهو بنفسه لبس ليها حجابها .
ودي كانت اول مره نور قلبها يحصل فيه اضطراب ودقات مختلفه ..
محمد لبسها الحجاب … وقالها يلا علشان اوصلك وراح يجيبلها الشنطه والفون اللي مرمي على الارض وسمع صوت خبطه على الارض … محمد بيلف نووووور …….
محمد شاف نور اغمي عليها وجري عليها نوور . نوور حبيبتي .
وشاف ان نور من الخوف أن ممكن يكون ضغطها نزل ..
محمد شال نور ونزل بيها جري على العربيه … لكن هو لسه ما خلصش انتقامه .. نيم نور ف العربيه . وطلع فونه وهو في العربيه واتصل علي طارق انه يجي في نفس المكان ده … وكمان اتصل على فهد ياخده هشام اللي متربط وياخدوه على مخزن فيلتهم .. وفعلا محمد اخد نور وطار بيها بالعربيه
وطارق وفهد اتحركوا وراحوا خدو هشام الل وشه كله دم و بيتنفس وبس وسابوه في المخزن وهما مش فاهمين حاجه
——بقلمى Mariem Nasar
آدم . ومريم قلقانين لأن نور اول مره تتأخر كدا
ومراد جري على الجامعه هو وزين
وادم كلف ناس يعرفه بنته فين
مريم . بتدعي و قلبها وجعها ورجعتلها نوبه الخوف من تاني لكن بتكابر قدام آدم علشان هو قلقان اكتر منها
رينو قاعده بتعيط وكل دقيقه تتصل علي نور وفونها مغلق
آدم رايح جاي زي المجنون ومريم عيونها بتغيب وادم هيتجنن … طب راحت فييين !!! راحت فين بنتي فييييين.؟؟؟؟؟؟
بيقولوا في الجامعه جت وخرجت على طول يعني ما حضرتش المحاضرات يعني بنتي من الصبح مش في الجامعه بنتي فييين .!!!!؟
وآدم واقف وحاسس انه عاجز تماما ومخفش ولا اترعب كدا من زمان
مريم واقفه وسانده على العمود جمب الليفنج ودموعها نازله بصمت … وخايفه تنادي على آدم تقوله انها حاسه بتعب لان الوقت مش مناسب …. نور حبيبه ابوها وامها مش عارفين هي فين …
ومريم قلبها واجعها وخايفه لا يكون هشام ده اذاها … وافتكرت ان هشام كان مصورها وخافت انها تحكي ل آدم دلوقتى … ساعتها آدم ممكن يتكسر البيت على مريم و هينسى كل لحظه حب ..
مريم : بندم يا ريتني قولتلك يا آدم … يا ريتني قولتلك …. يا رب سلم سلم يا رب احفظلى بنتى يارب
آدم . كل دقيقه يتصل ويكلم ناس واتصل على فون محمد ولكن محمد ما بيردش …واتصلو على كل العيله علشان ممكن تكون نور راحت عند اى حد من قرايبها ولكن الاجابات كلها ب لأ ..
حتى طارق .. بس طارق ربط الاحداث ببعض ولكن قال لا ايه اللي هيجيب اعداء محمد ل نور العدوي..
وآدم واقف وفجاءه شاف وش مريم احمر جدا وعيونها بتغيب وهتفقد توازنها و في حركه سريعه من آدم جرى عليها ومريم وقعت بين ايديه آدم ….
مررررريم
رينو : بخوف وعياط ماااااامي
وآدم تفكيرو وقف عند مريم ونسى كل حاجه من خوفه عليها وشالها على الكنبه في دخول فريحه اللي جريت عليهم علشان عرفت من لارين ان نور مش لاقينها
فريحه خالتو خالتو
آدم : بيفوق ف مريم وقلبه هيقف من الخوف اول مره يحس بالعجز ده وتفكيرو وقف
فريحه : لارين هاتيلي جهاز الضغط بسرعه
ورينو طلعت الجناح بسرعه وجابت جهاز الضغط وفريحه بتقيس الضغط وآدم قلبه هيقف
فريحه : يا خبر يا عمو خالتو ضغطها عالي جدا لازم اديلها حقنه ومحلول دلوقت
آدم : شالها وعايز ياخدها على المستشفى ولكن فريحه اكدتله انها هتاخد الحقنه والمحلول وهتكون كويسه
في دخول زين ومراد وجريو على مريم بجنون
ومراد لما سمع . شد فريحه من ايديها واخدها ف العربيه على الصيدليه علشان تطلب المحلول والحقن . وفعلا جابت العلاج .. ومراد كان سايق زي المجنون ومتكلمش مع فريحه كلمه واحده . و كان بيسوق كانه بينتقم من اهماله لاخته .. وكمان امه اللي بيعشقها اكتر من اي حد …
فريحه دخلت جري .. وآدم كان عايز يشيل مريم فوق لكنها رفضت ومش هتطلع غير لما تطمن على نور ..
الكل في حاله ترقب .. وجنون …. وتوتر …وخوف لأن نور عمرها ما راحت اي مشوار غير لما ابوها يوصلها او اخواتها … وكمان لازم يكونوا عارفين خط سيرها كويس قوي …
الفون بتاعها مغلق ومش قادرين يحددوا مكانها هي ركبت تاكسي من قدام الجامعه بمزاجها يعني برغبتها ومادحدش شك في اي حاجه …. وكمان نرمين صاحبتها ماجتش الجامعه . . وما حدش عارف يعمل ايه …؟؟؟ الكل قاعد مترقب وخايف … وآدم حاسس برعب شديد لاول مره يخاف كده من سنين
(وطارق لما عرف بيحقق في الموضوع هو وفهد )
عند آدم ومريم
————–بقلمى Mariem Nasar
كلهم قاعدين في الليفنج وبيدعوا من قلبهم …
وآدم قاعد جمب مريم وماسك ايديها يطمنها علشان برده خايف عليها …
وفجاءه سمعو صوت خطوات وكلهم بصوا شافوا محمد داخل ونور بين ايديه
محمد داخل شايط لأنه كل شويه يفتكر اللي هشام عمله ولمسه لشعر حبيبته وكمان لمس وشها
محمد ماشي . ومش شايف حد داخل الفيلا .وكلهم قامو جريو على محمد اللي ماشي في وشه
وطلع على السلم والكل مذهول من الغضب اللي مرسوم على وش محمد .. وكمان مرعوبين وخايفين على نور اللي بين ايديه … محمد طالع على السلم ورينو جريت سبقته وفتحت باب اوضه نور..
ومحمد دخل ونيمها على السرير وملس بايده على خدها انها بخير واطمن .
وانتبه ان الكل بدا يطلع و كلهم طلعوا الاوضه اتملت من الاحباب .
محمد : بص ل زين وقاله لو سمحت هاتلي شنطتي من العربيه علشان نور لازم تاخذ حقنه وتفوق
زين من غير مايتكلم جري على العربيه
آدم : مذهول ومش عارف يتكلم معقول دي بنته…
اللي نايمه في السرير … وكمان كانت بين ايدين محمد واتخض لما شاف حجابها مش مترتب
مراد كان هيتكلم ومريم لكن ما حدش اتجرأ يتكلم في وجود آدم
آدم : جري على نور وقعد جمبها وبص على بنته
… وبص ل محمد … مالها نور؟ مالها وايه اللي حصل !؟؟
وزعق لمحمد انا باتصل عليك من بدري ما بتردش لييييه اتكلم بنتي فيها ايه ومغمى عليها ليييه ..؟
محمد مزعلش من آدم لانه معذور ..
محمد : اهدا مفيش حاجه حصلت هي بس اغمي عليها وانا جبتها
آدم : بغضب صدقتك انا صح
زين دخل و محمد اخد منه الشنطه وعطا ل نور حقنه علشان تفوق
محمد: قام ووقف … اللي عندي قولته نور اغمي عليها وانا جبتها وما عنديش حاجه تانيه اقولها ..
محمد كان متدايق من هشام جدا ومش شايف غيره حاليا
لسه آدم هيزعق ونور بدات تفوق و اول اسم نطقته كان …محمد … اللي اول ما سمع اسمه نسي كل الغل والحقد اللي جواه وقلبه دق … والكل سامع اسم محمد ومدهوشين نوعا ما و كل واحد فكر بطريقه معينه
الا مريم اللي فهمت كل حاجه وان محمد امان ل نور
وآدم لسه هيزعق بعلو صوته مريم مسكته من ايده وشاورت بلا …. اهدا نور الحمدلله ف حضننا واهي فاقت وهنعرف كل حاجه
والكل جري على نور يطمنو عليها
وآدم شاف حجاب نور مش مترتب ولكن طرد الفكره لانه حافظ محمد وواثق فيه جدا ومراقب كل تصرفاته
وآدم : بخبره شرطى شاف ان محمد انقذ بنته بس يا ترى محمد انقذ بنتي من ايه !!!؟ وايه اللي حصل؟؟
كلهم اتجمعو حوالين نور بيطمنو عليها
مريم قاعده على طرف السرير
وآدم على الطرف التاني .. ومراد جمبها ..وزين
وفريحه ورينو طلعو قعدو ع السرير جمب رجليها والكل بيطمن على نور ..
محمد .. شاف انهم كلهم مشغولين ب نور وحس انه لازم ينسحب
وفعلا اخد شنطته لانه وراه مشوار مهم قبل ما يروح وخرج من غير ما حد يحس بيه ونزل وركب عربيته وبيفكر ف عقاب ل هشام
———
مالك خبط وسوزان فتحتله اهلا مالك جيت في وقتك
مالك دخل اهلا يا طنط دخل وكان في ست عجوزه اللي هي جدت ساره وكانت في السبعينات
مالك اهلا يا تيته عامله ايه دلوقتي
تيتا . اهلا يا حبيب قلبي نحمد الله
وندهت يا ساره يا ساره تعالى يا بنتي سلمى على الاستاذ مالك
مالك : برده يا تيتا مصممه اني استاذ انا اسمي مالك وبس ده انا لسه داخل في ال 19 يعني
تيته : العمر كله يا حبيبي خلاص ما لك اهو اهم حاجه ما تزعلش
وساره خرجت وسلمت على مالك اهلا استاذ مالك
مالك : بتنهيده برده جماعه استاذ يا بنتي احنا في سن واحد وكمان اصغر مني بكام شهر وابتسموا
ساره انا مش عارفه اقولك ايه من ساعه الحادثه وانت ماتخلتش عني وكمان لما خفيت واتحسنت انت برده كل فتره تيجي و تطمن عليا انت ذوق قوي على غير اخت حضرتك اسفه يعني بس الحقيقه لازم تتقال
مالك : قعد والله ماليكه اختي مافيش اطيب منها بس انتي عارفه بقى البنات والموضه والحركات دي زي ما تقولي كده عاملين منافسه مين اللي تكون احلى ومهتمه بالموضه وكانت شاطره خالص لكن بقالها فتره كده مش عاجباني ربنا يستر لكن حقيقي هي قلبها ابيض ومش عايزك تكوني لسه زعلانه منها
ساره : لا ابدا ما فيش حاجه بقول ل حضرتك لما ماما عزمتك على العشا قولتلها انك عايزني في موضوع مهم
مالك : ايوه فعلا بصي يا ستي انا كلمتلك والدي وطلبت منه انك تشتغلي في الشركه بتاعته وانا حكيت ل بابا على كل اللي حصل واتعاطف معاكى وكمان زعقلي اني خبطتك وحمد ربنا انها جت على قد كده وهو متظرك فى الشركه ف ا وقت تحبي تنزلى شغل من امتى
ساره : بفرحه بجد انا مش مصدقه شكرا بجد شوف حضرتك الوقت اللي يناسبك وانا هاكون موجوده
مالك : خلاص احنا بس نعدي كام يوم لان يوم الاجازه بابا وماما عاملين عندنا في الفيلا حفله باربكيو وهيعزمو العيله والاصحاب هنتجمع تعرفي انا نفسي تكوني موجوده معايا واتحرج احم.. قصدي معانا
ساره : متشكره جدا خلاص يبقى بعد الاجازه بقى ان شاء الله اقابل والدك جاسر الصاوي
——بقلمى Mariem Nasar
نور . فاقت وجتلها هستيريه عياط .. والكل حاول يهديها وراحت في حضن باباها اللي بيقويها … وكان بيمسد على شعرها بكل حب ومن كتر عياطها فريحه ورينو عيونهم دمعو
ومريم دموع أم في صمت … ومراد كان بيغلي وزين مش اقل منه … لكن البركان الحقيقي في قلب آدم ونفسه بنته تهدي علشان تحكيله ايه الل حصللها… واخيرا بعد فتره نور هديت
وبعدها جابولها عصير علشان تهدي اكتر .. وهي بتشرب العصير كانت عيونها بتدور على محمد ومش شايفاه وسطهم
آدم : نور انا عايزك تحكيلي ايه اللي حصل .. وايه اللي خرجك من الجامعه الصبح؟؟ وايه اللي خلاكي ماترجعيش على البيت ؟؟؟ ومغمى عليكي ليه؟؟ ومحمد اللي كان موجود معاكي كل ده ليه !!!؟ انا عايزه اعرف …. هو كان شديد في سؤاله بلغه التهديد و باقولك اهو انك تحكي وما تخبيش حاجه لان العواقب هتكون ضدك ….
نور : شافت ابوها لاول مره يكلمها بالاسلوب ده وخافت تحكي ولا. لا
مريم : بصت ل آدم بلوم وعتاب وهو فهم وغمض عينيه …. مريم جمب نور وحطت راس نور على صدرها … حبيبتي اهدى .. بابا مش قصده يخوفك .. انتي عارفه ان روحوا فيكي … ده كان هيتجنن يا نور عليكي .. وخصوصا ان دي اول مره تتاخري كده و فونك مقفول . وما حدش عارف انتي فين .. ولا ايه اللي بيحصل معاكي !!! اهدى كده يا حبيبي وما تزعليش من بابي
آدم : اخد نور من حضن مريم حبيبتي انا اسف انا مااقصدش اخوفك … انا بس عايز اعرف علشان قلبي يرتاح انا في دماغي الف فكره والف سؤال ..
مراد : لسه هيتكلم بنرفزه ولكن بنظره تحذيريه من آدم .. مراد سكت وزين مسك ايد مراد انه يهدا وما يتكلمش طول ما ابوه موجود .
نور .. نفسها انتظم وكمان حاسه انها عايزه تشوف محمد .. فقررت انها تحكي كل حاجه بسرعه علشان بعدها تتصل بمحمد اللي اول مره يوحشها كده ..
نور : حاضر يا بابي .. اللي حصل ان في واحد زميلي اسمه هشام .. في نفس دفعتي..
انا في الجامعه ماليش علاقات كتير غير مع نرمين صاحبتي .. وهما شايفين ان ده غرور وتكبر .. لكن انا زي ماما عودتني الاختلاط بين الشباب والبنات غلط.. في يوم .. جه هشام ده و بكل أدب واحترام كلمني وطلب عنوان شركه حضرتك علشان عايز يتقدملي…
وانا كنت شايفه انه شخص محترم وقولت هو يجي يقابل حضرتك وانت ليك وجهه نظر … بعدها بكام يوم كنت في عمليه تحت التدريب مع محمد … وكنت سرحانه ومركزتش معاه … وكنت هاغلط في العمليه… ومحمد نبهني اني طول ما اكون في عمليه احط كل تركيزي قدامي .. علشان ماخسرش شغلي.. وسالني كنتي سرحانه في ايه وانا قولتله على هشام ده … لكن محمد ما قالش حاجه ولا رد غير انه هز راسه واعتذر انه عايز يروح ..
آدم : طبعا بيسمع وبيحلل وكمان شايف ان محمد جواه صراع هو عايشه .. وعارف رد فعل محمد ده ليه انه اكتفى بالهروب
وتعابير آدم بتتغير مع الحوار . ومريم قاعده مرعوبه إن نور لما تحكي تقول ماما عارفه كل حاجه ..
نور : قعدنا اسبوع على كده وفي يوم هشام ده قابلني في الجامعه .. وكان عايز يعزمني نشرب حاجه ونقعد مع بعض بره الجامعه بعد المحاضره ولسه كنت هرفض ..
اتفاجئت ان محمد جه من ورايا وضرب هشام كتير..
وكملت بزعل … وانا زعقت لمحمد كتير و عليت صوتي عليه … ورحت علشان اساعد هشام لكن محمد وقفني …. ونور سرحت في قربها منه لما شد دراعها
آدم : كملي يا نور
نور : احم وبعدها محمد كلمني وصوته كان غضبان وقالي ان الخطوبه دي مش هتحصل … وانا بغباء منى اكدت ل محمد ان هشام خطيبي وهعزمه قريب ع الخطوبه
رينو : وفريحه بصو لبعض وبصوت مهموس غبيه
نور : وبعدها سالته عن سبب ضربه ل هشام بالطريقه دي .. لقيت محمد بيخرج ظرف فيه صور … وعيون نور دمعت من تانى
وآدم غمض عينيه وخاف وقبض على ايديه ..
ومريم شافت تشنجات آدم وخوفها زاد اكتر .. وكان نفسها تقول ل نور ما تعرفيش ابوكي اني اعرف
نور : بتوتر وخجل احم اخدت الظرف وفتحته وكا..اان جواه صور ل..لكن .. والله يا بابي انا ما اعرف حاجه عن الصور دي وعيطت
هشام الحيوان كان متفق مع حد انه لما يجي يكلمني او يقف معايا بحجه ان عايز يعرف اني موافقه ولا لا يصورني
مراد . بغيظ كان فيها ايه الصور دي ..
نور خافت
وآدم : بهدء مسطنع قولي كملي يا حبيبتي ما تخافيش انا واثق في بنتي اكتر من نفسي
نور : اطمنت وكملت الحيوان ده كان اخد وشي من الصور ولعب فيها بطريقه .. م… مش كويسه ا..اني قاعده جمبه في الجامعه وبطريقه …….
وآدم ومراد وزين والتفكير واحد اتشاهد على روحك يا هشام الكلب
آدم : شاف إن بنته مكسوفه .. وقال مش مهم خلاص كملي ايه اللي حصل بعد ما شوفتي الصور؟؟
نور : وانا بتفرج على الصور دي ومصدومه حسيت اني هيغمى عليا من الصدمه .. وبعدها فوقت علي صوت الأمن وشوفت ان محمد بيكمل ضرب في هشام .. وكمان عوره في وشه وبعدها بصت لابوها بترجي ودموع .. اغمى عليا من الصدمه .. من ان واحد زباله زي ده يعمل معايا كده وما حستش بنفسي غير .. غير .وانا في المستشفى عند محمد
فريحه ورينو وبصو لبعض بدهشه . وكمان كل واحد غار على اخته
وآدم جواه صراع ما بين ان محمد انقذ بنته وحماها من الندل ده
وما بين ان بنته بين ايدين محمد
نور : وبعدها فوقت وعيطت كتير واعتذرت من محمد لاني زعقتله في الجامعه .. وسالته عرف ازاى بعدها حكالي انه لما عرف منى ان فى عريس هيتقدملي .. حب يسأل عليه وراقبه كويس وعرف ان هشام ده اخلاقه مش كويسه بالمره ..
وعرف ان هشام اتقابل مع واحد واتفق معاه انه يصورني … ومحمد خطف المصور ده وضربه كتير لحد مااعترف .. وان هشام عمل كده علشان يكسر كبريائي .. لو ما وافقتش عليه هينشر صوري دي على السوشيال ميديا ..
وعيطت اكتر والكل متغاظ وبيلوم نفسه معقول كل ده يحصل واحنا كنا فين
مريم … بتتشاهد وحست بخوف حقيقي لو نور اتكلمت
نور : وبعد كده بكام يوم انا بروح الجامعه ومابتكلمش مع حد وجه هشام ده اعتذرلي وقدملي اعذار … أن محمد بيوقع بينا .. وان هو اللي عمل كده … وجيت امشي .. هشام حاول يمسك ايدي … وانا ضربته بالقلم … ومشيت مخنوقه وجيت على البيت هنا …
وبصت على مريم اللي هتموت جواها ما تتكمليش يا نور ما تقوليش ارجوكي….
نور : مسكت ايد مريم ولما حكيت لماما كل الل حصل وعرفتها بكل حاجه نصحتنى انى ما اتكلمش مع هشام ده خالص وابعد عنه
آدم رفع عينيه بصدمه وبص ل مريم نظره عمرها ماهتنساها فيها لوم وزعل وعتاب كبير قوي
ومريم بصت ل آدم بترجي لكن نزل عينيه بعيد
وكمان مراد ادايق جدا لانها لو قالت كان هيتصرف
لكن زين تفهم ان اي أم بتحاول تقرب من بنتها وتصاحبها واكيد مقالتش خوف ع بنتها مش اكتر
نور : بعدها حسيت ان محمد اتغير عليا .. وانه مبقاش يسأل ولا يجي هنا ولا يطلبني في اي عمليه احضر فيها .. ساعتها فكرت ان ممكن محمد يكون مصدق عليا اللي حصل ده … وهشام جه ودايقني تانى ورحت اشتكيته لرئيس الجامعه
والنهارده ………..
كلهم بصولها … آدم قولي يا نور كملي ما تخافيش
نور : بدموع كنت مخنوقه قوي يا بابي ودخلت الجامعه وعرفت ان نرمين ماجتش وقاعده مخنوقه قولت اروح ل محمد المستشفى . اشوف ايه سبب تغيره ده … وسالت عليه قالوا انه في العمليات
استنيته في المكتب بتاعه .. وبعدها جه وسالني واطمن عليا …. وقولتله انت مصدق عليا ان انا ممكن اكون البنت اللي في الصور دي !!!؟
وكملت بعياط محمد مستناش انى اكمل وزعقلي وصوته عالي عليا … وقالي انى غبيه وكمان عمره ما يصدق عليا حاجه زي دي ابدا .. وفضل يقولي اني اتربيت على ايديه وواثق فيا اكتر من نفسه .. وانى تفكيري غبي وان سبب تغيره ان في افكار كتيره في دماغه .. وان فيه اسئله كتير مش لاقيلها جواب.. واتكلم كتير بلوم على انى فكرت انى ازاى ممكن افكر في كده … وبعدها قالي اتفضلي روحي علشان مصدع
نزلت من عنده وانا متدايقه .. ومكنتش عارفه اروح فين وقفت تاكسي ولسه هاقوله وصلني على البيت ..
لقيت ولدين ركبو جمبي من الاتجاهين ..
ولسه هصرخ وكان هشام هو اللي سايق التاكسي
..
وبعدها واحد كتفني علشان محاولش اعمل حاجه والتاني حط منديل علي بقى وماحستش باي حاجه..
مريم بشهقه ودموع وحست بدوخه .. ورينو وفريحه مصدومين
مريم . دموعها نزلت بغزاره لكنها مأثرتش في آدم لانه زعلان من مريم جدا
وآدم . الدم غلي في عروقه .. ومراد .. وزين كلهم جواهم حقد وغل وكرهه .. من هشام وكمان آدم خايف من اللي ممكن يكون حصل بعد كده
آدم : بخوف من اجابتها . ومحمد شافهم ونزلك من العربيه صح ؟
نور : هزت راسها ودموع بلا .. واترمت في حضن امها .. انا بعدها فوقت لقيت نفسي متربطه في اوضه على السرير .. وكانو رابطين ايديا ورجليا ..ولما فوق حاولت افك نفسي علشان اتصل بحد وكانت الشنطه بعيد عني وفوني مرمي على الارض .. وافتكرت ان هشام هو اللي كان في التاكسي
آدم : قبض على يديه وبيحاول يتماسك
و هشام دخل عليا الاوضه وكان مركب كاميرا في الاوضه قصاد السرير … وبكل حقاره فكلي حجابي وشدني من شعري … وانا كنت بصرخ باسمك يا بابا انت واخواتي … ساعتها حسيت انى خلاص هنتنهى وهدتته بيك يابابى وكمان اخواتي ومحمد.. وكسر فوني . وقالي ان محمد اتصل عليا كتير وقالي كمان انه هيصور كل حاجه .. وكمان في ٢ صحاب وبره وعيطت وكان عايز…… وما كملتش
آدم : وقف خلاص ما تكمليش
عيون آدم . ومراد . وزين كلها بلون الدم وزين وسط غليانه كملي يا نور محمد جه ازاي
نور : الحيوان ده جه جمبي وكان لسه …… وانا بصرخ و بترجاه .. وفجاءه لقيت حد بياخد هشام من جمبي وكان محمد كلهم اتنهدو براحه لكن
آدم : رغم انه استريح ان بنته وبخير لما محمد جه بس جواه نار هاتولع فيهم كلهم .
نور: محمد فضل يضرب فيه من غير ولا كلمه وكمان كسر سنانه ووشه كله دم و كان هيموت في ايد محمد
نور وهي بتحكي كانت بتحكي بفخر ونسيت كل الخوف والقلق
ولولا اصرخت واترجيت محمد انه يسيبه كان ز مانه مات دلوقتي في ايديه .. وبعدها طلبت منه انه يفكني ونمشي
محمد بصلي وما ردش عليا .. وجرجر هشام من شعره بره الاوضه وقفل عليا الباب .. سمعت بعدها صوت ازاز بيتكسر بره .. وكمان صوت صريخ الولاد اللي كانت بره .. وبعدها محمد دخل الاوضه و انا سامعه صوتهم بيصرخوا من الضرب .. ومحمد جه وفكني وجابلى الحجاب واطمن عليا وبعدها من الخوف حسيت اني مش بخير
محمد قالي يلا علشان اوصلك وراح يجيب شنطتي وفونى اللي على الارض وما حسيتش بنفسي بعدها غير وانا هنا
نور ..محكيتش كل حاجه … اكتفت بحضن محمد وانه لبسها الحجاب بايديه .. وانه قال للولاد وهو بيضربهم . نور ملك محمد عزيز وبس . وانه الل يقرب نور هيقتلوا . وان نور بنته ومسؤله منه . وازاى حد يلمس عشقه وهو موجود .. قالها في وقت غضبه .. وفهمت كل تصرفات محمد واتنهدت وحمدت ربنا انه بعتلها محمد في الوقت المناسب..
وكملت .. لكن انا بجد يا بابي والله ما عملتش حاجه وكمان ماعرفش محمد عرف ازاى
آدم : جواه غيظ كبير لكن حس ان هدي شويه من بعد ما سمع اللي محمد عمله .. ولولا محمد كان زمان بنته وغمض عينيه وقال والله يا هشام الكلب ما هاسيبك
ومريم . بدموع مستمره حضنت بنتها اكتر وحمدت ربنا انه حفظ لها الوديعه عنده
وضغط مريم بدا يعلى تاني لأن آدامها زعلان والكل حمد ربنا ان نور بخير
فريحه ورينو اعجبوا جدا من محمد لانه انقذ نور
اما آدم ومراد وزين ممنونين لمحمد بشكر كبير لانه انقذ شرفهم والحمد لله عدت على خير
مريم قامت علشان تصلي ركعتين شكر لله ان ربنا انقذلها بنتها وهي بخير .. وهي ماشيه راحت وقفت قدام آدم وبصتله في عينيه بأسف .. وعرفت انه زعلان ولسه هتتكلم. … اتحرك وقال يلا يا مراد انت وزين علشان ننزل تحت .. ويا ريت الكل يسيب نور ترتاح شويه
وساب مريم ونزل وكلهم نزلو تحت .. وفريحه ورينو قاعدين جوه مع بعض في اوضه رينو
ومريم راحت على اوضتها وزعلانه وحاسه ان راسها هتنفجر ودخلت علشان تاخد شاور علشان تهدا و تتوضا وتصلي
آدم ومراد وزين قاعدين تحت .. بيفكروا هيعملوا ايه في هشام و هينتقمو منه ازاي..
لكن قطع تفكيرهم طارق اللي دخل جرى عليهم هو وفهد .. والحمد لله اطمنوا ان نور كويسه
والكل اتصل على زين علشان يطمنه على نور من العيله ..
وزين طمنهم وقالهم انه نور كانت في مشوار و اتاخرت شويه …
وبعدها زين قعد .. وزين شرح لطارق وفهد لكن مش كل حاجه وفي شرح مبسط جدا
طارق .. بعدها فهم وقال ؛ ايوووه .. ايوووه علشان كده بقى محمد كلمني من ساعه واكتر
آدم : باستغراب كلمك .. كلمك ليه
طارق : ربت على رجل آدم وقال محمد اتصل عليا انا وفهد وقال ان في ٣ عيال في بيت على طريق زراعي …
٢ منهم متكسرين وواحد مغمى عليه ومتربط وقالي اخد الواد اللي متربط على المخزن .. لأن محمد ليه حساب عنده … كلهم اتعدله من مكانهم واتفاجأو بشخصيه محمد
آدم : قام وقف … فين المخزن ده .؟؟
وطارق قاله وكلهم اتحركوا على عنوان المخزن علشان ينتقموا
آدم ماصبرش يركب عربيته وركب عربيه طارق. وهو الل ساق وطارق كان جمبه
ومراد وزين فهد ركبه عربيه مراد .. ومراد الل سايق
——-بقلمى Mariem Nasar
مصطفى وشرين واشرف وهنا ويوسف وريتال
قاعدين على العشا بعد ما اطمنه ع نور الحمد لله وصلت البيت بالسلامه وانها كانت في مشوار مهم واتاخرت
يوسف : احم بابا
أشرف : نعم يا حبيبي
يوسف : انا كنت عايز حضرتك في موضوع مهم
اشرف : خير يابني قول سامعك
يوسف : بصراحه انا كنت هاطلب من جدو ولكن انا عارف رائيه لكن انا قولت اخد رايك الاول
مصطفى : قول يا حبيبي قلقتنا خير
يوسف : بتوتر وحس ان الكلام كله اتبخر. احم خير ياجدو بصراحه ….. انا .. انا ……
هنا : ربتت على ايده بحب أم قول يا روحي وما تقلقش ابوك طول عمره جمبك وبيدعمك
يوسف : اطمن بصراحه انا عايزه اتجوز
كلهم فرحو مع دهشه
أشرف : تتجوز مره واحده طيب قول اخطب وبعدها اظبط حياتي واتجوز
شيرين : يعني هي في النهايه هيتجوز ايه يا اشرف
اشرف : يا ماما انا مش معترض على حاجه لكن يوسف لسه في رابعه هندسه وكمان 21 سنه يعني قدامه لسه بدري
مصطفى : وانت اتجوزت وانت عندك 25 سنه يا حبيبي و كنت هتموت وتتجوز قبل ما تخطب ولا ناسى . بس يوسف حمار علشان كلمك انت وانا لا
يوسف : اخد ايد جدو وباسها حقك عليا يا جدو انا بس كنت متاكد ان حضرتك هتوافق لكن طبعا رأي بابا يهمني
هنا : بلهفه أم ومين العروسه يا حبيبي
يوسف : بفخر مريم الجزار
طبعا كلهم فروحوا.. لأن مريم بنت محترمه ومجتهده جدا وكمان في صيدله وجميله جدا … وهنا فرحت بعد ما عرفت ان يوسف بيحب مريم و اشرف كمان استكان لما عرف ان ابنه هيتجوز عن حب … وروتى كمان فرحت جدا لانها بتحب مريم اووي …
وشيرين فرحتها ما تقلش عنهم .. لان مريم بنت اخوها
واتفقوا انهم في اقرب وقت .. يروحوا يتقدموا ل مريم .. ويتفقوا على الخطوبه
ويوسف كان طاير من الفرحه .. وسابهم وطلع جري على اوضته واتصل على مريم و هحكالها ع كل حاجه .. ومريم كانت هتموت مكانها من الفرحه اخيرا حلمها هيتحقق وهتاخد حب الطفوله اللي حبيته من ساعه ما فتحت عينيها على الدنيا … وكمان اكتفت ان يوسف عشقها من اول يوم اتولدت فيه و كان بيتخانق مع اي حد يقرب لمريم
——————–بقلمى Mariem Nasar
آدم : ركب عربيه طارق ومستناش انه لسه هيخرج عربيته واخد طارق جمبه وطار بالعربيه
والعربيه التانيه سايقها مراد ومعاه زين وفهد.. ورايحين علشان ينتقموا من اللي عمل مع نور كده …
وخلاص وصلو ..
وآدم نازل زي المجنون … وطارق اتشاهد على الواد لانه اصلا محمد عمل معاه الواجب وزياده
وآدم رايح ع المخزن وكلهم وراه .. شافو عربيه محمد واقفه قدام المخزن … وكمان باب العربيه مفتوح .. يعنى محمد نزل ومقفلش باب العربيه وراه وهو نازل .. ودخله بسرعه على المخزن ولكن كلهم اتصدمو ووقفو مكانهم من اللي شافوا.
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها منذ نعومة أظافرها)