رواية حب أعمى الحلقة الثانية 2 بقلم ندى شريف
رواية حب أعمى الحلقة الثانية 2 بقلم ندى شريف
 |
| رواية حب أعمى الحلقة الثانية 2 بقلم ندى شريف |
رواية حب أعمى الحلقة الثانية 2 بقلم ندى شريف
فلاش باك من حياة زين❤️
زين جالس يأكل لب و ممسك بهاتفه بجانب صاحبه..
اوس : يسطا…..يسطااااااااااااااا
زين : عايز ايه؟!!
اوس : عايز الريموت
زين : مهو متلقح قدامك ع الترابيزه اهو
اوس : انت نسيت اني اعمى؟؟؟…..هل انت نسيت اني اعمى؟؟؟؟
زين : يووووه….خلاص معلش
اوس : على فكره بقى ده مش الموضوع الاساسي اللي أنا عايزك فيه
زين : اومال؟؟
اوس : امي عايزاني اتجوز منار بنت خالتي
زين : مالها يعني دي زي القمر
اوس : بس انا دايما ببصلها على انها اختى لإنها دايما عايشه معايا انا و اهلي بعد ما خالتي ماتت
زين : يبقى خلاص بصلها على انها مراتك…. سهله يعني
اوس : مش حاسسها برضو
زين و هو يغمز له : يبقى خلاص بصلها على انها مرات صاحبك
اوس و هو منتهز الفرصه : انا موافق لعل و عسى تبعد عني
زين بسخريه : هههههههه……يسطا هو انا لاقي آكل
اوس : هديلك الفلوس اللي انت عايزها متقلقش
زين بتعجب : للدرجه دي مش طايقها
اوس : من كتر زن امي مبقيتش طايق حد و الله….و لا طايقك انت حتى
زين بسخريه : و أنا مالي يا لمبي
اوس : فكك من الافيهات و قوللي عملت ايه مع خطيبتك؟؟
زين : لا خلاص….مش حاسس اني بحبها……انا و هي مش لايقين على بعض….. بس متشيلش هم…….تعالى ننزل نشم هوا شويه
★★★★★★★★★★★★★★★
راحوا كافيه…
زين : اجيبلك حاجه ؟؟
اوس : معقوله هتصرف فلوس؟؟ و بعدين انا حاسس كده أنه مكان نضيف لا سمح الله….انت في وعيك ؟؟
زين : قصدك اني بخيل !!
اوس : خاااالص
زين : مهو واضح…. هاااا اجيبلك ايه؟؟
اوس : عصير
زين : تمام…..بص انا ممكن أتأخر شويه
اوس : ليه؟؟
زين : عشان في زحمه و طابور و كده
اوس : مالك يا بني مستعجل ليه؟؟؟
زين : لا لا مفيش حاجه…..اهم حاجه متتحركش من هنا
اوس : هو انا عيل صغير؟؟….بس ماشي
زين مشي يجيب العصير(و احنا طبعا عارفين انه راح لوعد و حصل الحوار اللي كان بينهم في بارت 1)
اوس : 20 دقيقه و 19 ثانيه عشان يجيب عصير؟؟؟…..اومال لو كانت قهوه كان هيحصل ايه !!
زين : انا جيت
اوس : ياااااه……انت لسه فاكر……فين العصير؟؟
زين : خلصان
اوس : بعد كل ده خلصان !!
زين : اعملك ايه…حظك بقى
اوس بتأفف : مشيني مشيني
زين : حاضر
لما خرجوا من الكافيه و هم في الطريق…
اوس : في كشك هنا؟؟
زين : آه ليه؟؟
اوس : امسك العشره جنيه دي هاتلي بيبسي ليا و ليك من الكشك يا بخيل
زين : هعديهالك المره دي بس
اوس : ششش….جيب الحاجه و انت ساكت
زين : حاضر
زين راح الكشك و جاب البيبسي…
زين : ادي البيبسي يا سيدي…..امسك
اوس لم يمد يده و لم يجيب عليه..
زين و صوته مرتفع : انت ياااااا…..انت معايا؟؟
اوس بغضب و هو يمد يده : معاك معاك……هات
زين : امسك….كنت سرحان في ايه؟؟
اوس : ملكش دعوه…امشي و انت ساكت
زين : اهو….اديني ماشي اهو
اوس : الساعه كام؟؟
لم يرد عليه..
اوس : مبتردش ليه؟؟
زين : انا غلبت معاك بصراحه….مش انت قولت اخرس خالص
اوس : غباء مش عايز…..اخلص قوللي الساعه كام
زين : ٢:٣٤
اوس : تمام……روحني البيت بقى عشان اتخنقت منك خلاص
زين : و الخمسه جنيه اللي انت بتشربها دلوقتي؟؟
اوس : قصدك ع البيبسي؟؟!!
زين : ايوه
اوس : ده انا اللي دافعه يا حمار يا بخيل
زين : آه صحيح…..طب على فكره انت اديتني خمسه جنيه مش عشره
اوس : قال يعني انا مش عارف طولهم……انت هتنصب عليا يلا
زين بقلق : بختبرك….ايه مختبركش؟؟؟؟ و بعدين خلاص بقى قلبك ابيض اللااااه
★★★★★★★★★★★
زين في البيت…
زين و هو يفكر : اكلمها و لا…..كان لازم اتسرع يعني…. انا مش عارف هي احلوت كده ليه لما سبتها…..انا هكلمها و امري لله
و امسك هاتفه……بعد ما أنهى المكالمه…
زين بتعجب : انا مش مصدق….دي وعد اللي كانت بتموت في دباديبي….لا لا اكيد مش هي
زين خرج يتمشى شويه و يشم حبة هوا…
زين في عقله : تعمل ايه يا واد يا زين؟؟…تعمل ايه؟؟……طب مهي كانت معاك مكنتش بتبصلها ليه ها؟!….و لا هي لازم متسألش فيك عشان تحبها….بس حصل خير…انا بكره هروح مكان شغلها و يحصل اللي يحصل بقى
★★★★★★★★★★★★★★
* لما اوس دخل البيت..*
منار : انا حضرتلك الغدا
اوس : شكرا
كريمه : تعالى يا اوس عايزاك في موضوع
اوس : طب اغير هدومي طيب
كريمه : موضوع مهم
اوس بسخريه : كلاكيت خمسمية مره
منار : طب انا استأذن بقى عشان احط الغدا ع السفره
* كريمه و اوس دخلوا الأوضه.. *
كريمه : بص يا بني ياحبيبي يا عاقل يا……
اوس و هو مقاطعا لكلامها: بصي يا ماما انا عارف انتي هتقولي ايه…..و انتي عارفه الرد كويس….فيا ريت متديش للموضوع اكتر من حجمه
كريمه : يعني عاجبك كده؟؟…..انت عارف انت عندك كام سنه؟؟!
اوس : 36
كريمه : اقولك على كلمتين بس متزعلش؟؟
اوس يخيبة امل : قولي
كريمه : بصراحه كده انا دلعتك زياده عن اللزوم و احب اصدمك و اقولك أن مفيش بنت هتعبرك….مهو اكيد محدش هيسيب الشباب اللي زي الورد و يبصولك انت…….ده انت إحمد ربنا ان منار وافقت على فكرة انها تتجوزك اصلا
اوس : كلامك مش صح…..و تحبي افكرك ان ابويا قالك انك تسيبيني اختار البنت اللي عايزها
كريمه : انا ادرى من ابوك بكتير…..و على فكره ده الواقع اللي انت مش عايز تصدقه
اوس : طب ممكن اغير هدومي بقى؟؟؟
كريمه : تمام و بالمره تفكر في الموضوع
اوس و هو يخرج من الغرفه : ماما
كريمه : امممم؟؟
اوس بخباثه : جوابي زي ما هو
كريمه بعصبيه : انا غلبت معاك…امشي من وشي
ثم خرج من الاوضه و طلع شقته في الدور التاني…
منار بتخبط على الباب…
منار : الغدا جاهز
اوس فتح الباب و نزلوا مع بعض….
كريمه بخبث : تسلم ايدك يا منار ده انتي اللي وقفتي و عملتي الغدا ده كله
منار : حبيبتي يا ماما
كريمه داست على رجل اوس عشان يتكلم و يمدح في اكل منار….
احمد بخيبة أمل : تسلم ايدك يا منار
منار و هي منشكحه : شكرا يا حبيبي
“حبيبي” الكلمه دي نزلت عليه كالصاعقة….ف فِضِل يكح…
منار بقلق : اتفضل المايه
و وضعت كوبايه المايه في ايده و شرب…
كريمه : بسم الله يا حبيبي…..انشالله اللي يكرهوك
لما اختفت الكحه قال : اللي يحبوني**
كريمه وشها قلب و قالت : كلي يا منار كلي
منار : حاضر ثم قالت : يومك النهارده كان عامل ايه؟؟
اوس : أنا !!!
منار : آه
اوس : زي اي يوم يعني
منار : عملت فيه ايه طيب ؟؟
اوس : و لا حاجه….باص الشغل جه خادني عشان يوديني المدرسه و بعد كده لما الحصص اللي انا بديها خلصت بروح بركب الباص تاني و بيوديني بيت زين و بقعد معاه شويه بعد كده زين بيجبني هنا و امي تناديني عشان تقوللي نفس الموضوع….بس
منار : ايوه بقى….ايه ردك على الموضوع؟؟
اوس بخبث : اسألي خالتك
منار : طب انت مش عايز تغير الروتين ده؟؟
اوس : مش فاهم؟؟
منار : تتجوز و تكون اسره و كده يعني
اوس : انا آه هتجوز بس مش دلوقتي
منار بفرحه : يعني انت عايز تعملها مفاجأه ليا؟؟
اوس : مفاجأه ليكي !!!…..ليه هو انا قولت هتجوزك؟؟
منار و الفرحه تختفي من على وشها : قصدك ايه؟؟
اوس بمزاح : يا بت انتي….
منار بفرحه : مراتك صح؟
اوس : ميمشيش معاكي اختي؟!
منار بغضب : انا شبعت
قامت من على السفره..
كريمه : عاجبك كده؟؟
اوس بغضب : مانتي اللي دخلتي الأفكار دي في دماغها
كريمه بغضب : منار مراتك….تتشقلب بقى….تتقلبلي اراجوز……منار هتبقى مراتك
…………..
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ظلام الرعد للكاتبة فاطمة عيد.