رواية اتفاق خاطئ الفصل الأول 1 بقلم هاجر العفيفي

رواية اتفاق خاطئ الفصل الأول 1 بقلم هاجر العفيفي

رواية اتفاق خاطئ البارت الأول

رواية اتفاق خاطئ الجزء الأول

رواية اتفاق خاطئ الحلقة الأولى

: مين دى يامصطفى
قالتها ملك باستغراب
مصطفى بتوتر : دى منار مراتى
ملك ضحكت بصدمه وقالت : مراتك ؟؟؟ بتهزر صح قول انك بتهزر
منار بسخريه : لاء مش بيهزر طبعا تحبى اوريكي القسيمه
ملك هزت راسها وهي مش مستوعبه وقالت : انت تعمل فيا كده مش مصدقه ده انا حبيتك اكتر من نفسى ويمكن اكتر
مصطفى بتوتر : ملك إفهميني بس
ملك عيطت بانهيار وقالت : اسكتتتت متتكلمش مش عايزه اسمع منك حاجه تاني كل حاجه واضحه انت كداب وطول الفتره ال فاتت كنت بتخدعني مكنتش اتوقع منك كده ابدا
قالت كلامها ودخلت الاوضه وهي على نفس انهيارها
منار صفقت بسخريه : بتعرف تمثل كويس اوى

مصطفى بعصبيه : مناااار كله إلا ملك
منار بإمتعاض : ليه يعنى خايف على زعلها
مصطفى بغضب : ايوه واسكتي بقا مش وقت كلامك
سابها ودخل الأوضه عند ملك
كانت بتحضر هدومها ودموعها متوقفتش نهائى
مصطفى بحزن : ملك اسمعيني أنا
قاطعته ملك وهي بتبصله بخذلان وقالت : الموضوع مش عايز كلام تاني خلاص ومش عايزه اعرف اسباب لأن من الواضح انك راضى عن الموضوع جدا
مصطفى مسك أيدها بنرفزه وقال : وانا مش هسيبك تمشى انا بحبك
ملك زقته وقالت : بتحب نفسك وبس اختار يامصطفى أنا ولا هي فى البيت ده
مصطفى سكت ومردش

ملك ضحكت بسخريه : للدرجه دي الاختيار صعب تمام انا كده وصلتني الاجابه
قفلت الشنطه ولفت الخمار واخدتها وخرجت
وهو واقف معرفش يتحرك
🌹🌹🌹🌹🌹🌹🌹🌹🌹🌹🌹🌹🌹استغفروا
منار بخبث : مشيت خلاص
مصطفى وهو حاطط أيده على وشه بحزن : ايوه
منار قعدت جمبه بتمثيل : متزعلش نفسك هي ال خسرانه كان لازم تعرف غلاوتك عندها فى الموقف ده هي لو بتحبك بجد مكانتش عملت معاك كده
مصطفى بصلها وقال : لو كانت بتحبني فعلا كانت سمعتني
منار : بس هي مش بتحبك اصلا من زمان
مصطفى بصدمه : قصدك ايه
منار وقفت وقالت بتوتر مصطنع : لاء مش قصدي حاجه أنا
داخله انام

دخلت وسابته فى مكانه بحيره من كلامها الغريب
🌹🌹🌹🌹🌹🌹🌹🌹🌹🌹🌹🌹🌹أذكروا الله
ملك بدموع : أنا عارفاها كويس اوى دي ال كانت دايما بتلف وراه حتي واحنا مخطوبين بس مكنتش اتوقع الغدر منه كده
رنا : ملك ياحبيبتى متزعليش نفسك اصبرى لما بابا وكارم اخوكي يجوا من بره يتصرفوا معاه
ملك بدموع : عايزه أطلق منه مستحيل اقدر استني معاه وانا عارفه أن هو مش ليا لوحدي
رنا اخدتها فى حضنها وقالت بحزن : يابنتي أهدى صدقيني هو ال هيندم
ملك مسحت دموعها وقالت بتنهيده : الحمد لله
🌹🌹🌹🌹🌹🌹🌹🌹🌹🌹🌹صلوا على شفيعكم
منار كانت فى اوضتها وبتتكلم فى التلفون بصوت واطي

منار بهمس : ايوه عملت كل ال قولتلى عليه
الشخص : تمام كملى بقا لحد ماقولك باقي ال هتعمليه
منار : ماشى بس طبعا على اتفاقنا
الشخص بزهق : اتفاق ايه
منار بعصبيه خفيفه : انك هتتجوزنى ياكارم ايه لحقت نسيت
كارم بسخريه : لما تخلصى بس الاول ونخلص من ملك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اتفاق خاطئ)