رواية عشقتها منذ نعومة أظافرها الفصل الثالث عشر 13 بقلم مريم نصار

رواية عشقتها منذ نعومة أظافرها الفصل الثالث عشر 13 بقلم مريم نصار

رواية عشقتها منذ نعومة أظافرها البارت الثالث عشر

رواية عشقتها منذ نعومة أظافرها الجزء الثالث عشر

رواية عشقتها منذ نعومة أظافرها الحلقة الثالثة عشر

طبعا محمد حكى ل نور .. انه بعد ماوصلها امبارح سابها وراح الشركه ل آدم .. وآدم استقبله بترحاب كبير .. وقعدو مع بعض شويه واخيرا محمد اتكلم . واتقدم ل نور رسمى .. وآدم مكنش مصدق أن محمد اخيرا فاق ..وطبعا آدم وافق من غير تفكير . ومحمد قال ل آدم .. أنه عايز يعمل مفاجاه ل نور .. ويتقدملها بكره وسط العيله .. وآدم رفض ف الأول لأنه كان عايز يعرف رأى نور الأول .. ومحمد اكدله انها هتوافق .. ومحمد قاله لو سمحت سبنى افرح . وآدم وافق . ومحمد اتفق أن الخطوبه تكون بكره . وإن الفرح تانى يوم العيد .. وكل حاجه ف الاتفاق تمت ع خير . ومحمد حلف آدم .. أن محدش يعرف خالص وخصوصا مريم . وحلفه ب مريم مايقول لحد خالص .. وآدم وعده إن محدش هيعرف خالص . وآدم حضن محمد بحب وفرحه كبيره .. ومحمد بعدها نزل من الشركه وراح فيلا عزيز عند ابوه مصطفى وشيرين . وعرفهم لكن مش كل حاجه.ومعرفهمش إن الخطوبه بكره . علشان ميعرفوش مريم ونور .. لانه عايز يعمل مفاجاه ل نور .. وبعدها خرج وروح ع شقته .. واخد شاور . وخرج . وصلى وشكر ربنا كتير ف السجود . وخلص صلاه . واتصل ع نورو . واتكلم معاها . وبعد كدا نام بعمق لانه مبسوط وفرحان . واخيرا قلبه ارتاح . وحكالها ..
الصبح. محمد صحي . واخد شاور . واخد طقم ليه وكل حاجته علشان هيلبس ف المستشفى . قبل ما يروح ل جاسر ..
ونزل . واشترى الفستان ل نور . وظبطه ولفه ف علبه جميله . واتصل ع سواق مصطفى عزيز . يستلم الفستان ويوصله . ل أيد الانسه لارين العدوي . واتصل ع لارين . واتفق معاها . تاخد الفستان ومحدش يشوفها . وتوصله ل نور . واول ماتوصله ل نور تتصل عليه تعرفه . وفعلا تمت المهمه . وبعدها .وانا ف الطريق اتصلت ع مالك . انه يجهز كل حاجه . ويزين الشجر بالانوار والزينه وكمان الشربات.والميوزك… ومن غير ما اى حد يعرف . وفعلا تمت المهمه… ومالك جهز كل حاجه … وبعدها كلمتك ع الفون .وبعد ماقفلت معاكى . طلعت ع محل المجوهرات .. واشتريت الخاتم والدبله. وضحك . العلبه دى الل كانت ف جيب البنطلون. وانتى قولتى هاتها علشان متقعش منك . انا شيلتها ف مكان امين ورجعتلك بالمحفظه . وطلعت ع المستشفى.وعملت كام كشف كدا . ولبست الطقم ده وجيت ع الحفله . بس يستى . هو ده كل الل حصل .. ومحمد حكي كل ده وهو ماسك ايديها

 

 

نور : بجد .. انا مبسوطه اوى اوى يامحمد ..بجد فرحانه
محمد : باس ايديها . حبيبتي مش اكتر منى ..ربنا ما يحرمني منك ابدا يانورى
نور : اتكسفت . احم . بس يعني انت مش شايف. ان شهر بس ع جوزانا .. دى فتره صغيره.!؟
محمد : ليه يانور . لسه هنتعرف ع بعض .. ولا صغيره ولا حاجه .
نور : بكسوف . احم . لا ماقصدش.لكن كل حاجه جت بسرعه .
محمد : انتى مش قولتى سيب كل حاجه ع ترتيب ربنا . اهو . ربنا عايزنا نتجوز في العيد . وهو فى احلى من كدا ..
نور : ابتسمت . لا مفيش طبعا . مبروك عليا محمد
محمد : انا الل مبروك عليا نور حياتي ..
وبعدها اتحرك علشان يوصل نور قبل الوقت مايتاخر..
————-بقلمى Mariem Nasar
يوسف: وصل مريم لحد باب الشقه.. واطمن عليها . لحد مافتحت شباك اوضتها وشاورلته .. وهو شاورلها وركب العربيه وروح . وهو طاير من الفرحه..
————-
فهد : وصل الفيلا . ودخل من غير ما يتكلم مع فارس . ودخل مخنوق وبيقلع ف هدومه قبل مايدخل الحمام . ودخل ياخد شاور . وهو تحت الدش . فكر كتير . في انه باس رينو . وخايف من رد فعلها . هو شايف أنه استعجل . لكن هي نرفزته . وكان متدايق جدا . لكن كل ما يغمض عينيه . يفتكر وهو بيبوسها ويحس لمستها . يحس بشعور غريب . وبعدها يرجع للقلق من تانى . واخيرا . خلص الشاور ولبس وخرج ووقف في البلكونه .. و سرحان في لارين .. وقد ايه كانت قمر النهارده .. وافتكر عيونها في الشمس .. وكمان شفايفها وهي بتتكلم .. و خدودها الحمرا واتنهد اااه بحبك قوي يا رينو. بس والله انتى نرفزتيتى . اوووف .
——-
آدم ومريم وصلو . اخيرا .. وزين دخل بعدهم هو ورينو..
والكل مستغرب .. هدوء وزعل رينو ..
آدم : قرب منها .. حبيبتي نوتيلتي مالها ..

 

 

رينو : حست .. انها ارتكبت غلطه … في حق ربنا وكمان ابوها وامها … ابدا يا بابي انا كويسه .. لكن اليوم كان طويل ومرهق .. انا هطلع اخد شاور وانام.
آدم : هتنامي.!! مش هتستنى اختك نور .. انا اتصلت على محمد … وهو جايبها في الطريق ..زمانها ع وصول…
رينو : اوكي يا بابي .. اللي تشوفه ..
آدم : حبيبتي .. انا مش بجبرك .. انا بس كنت شايفك مبسوطه وفرحانه ومتحمسه ..
مريم : قربت عليها .. لا . وايه بنتي طلعت بتزغرط. آدم : ابتسم .. صح يا رينو . اتعلمتها فين دي ..
رينو : بشبح ابتسامه .. كانت حلوه .!؟
آدم : ايوه طبعا . هي رينو بنتي تعمل حاجه وحشه.
..هنا غصه في قلب رينو .. احم طيب عن اذنكم انا هطلع اخد شاور … وهستنى نور ..
رينو : طلعت قبل ما حد يرد ودموعها نزلت غصب عنها لان ثقت اهلها فيها كبيره ..
آدم : الله .!!! البت دي ما لها …
مريم : والله ما انا عارفه يا حبيبي . شكلها متدايقه من حاجه .. انا هاطلعلها ..!؟
زين : ما لهاش حاجه يا جماعه… هي كانت بتنام فعلا في العربيه ..
مريم : ممكن .. لان اليوم كان طويل ومتعب ليها .. طيب يا زين يا حبيبي .. انا هطلع اصلي وانت استنى هنا لحد ما تطمن على نور ..
زين : من عينيا يا امي ..
مريم : تسلملي عيونك يا حبيبي . تصبح على خير.
زين : وانتي من اهل الخير يا امي ..
مريم : يلا يا آدم
آدم : …..

 

 

مريم : آدم يلا نطلع …
آدم : سرحان .. ها اه يلا يا حبيبتي .. تصبح على خير يا زين .
زين : وانت بخير يا بابا …
..وادم ومريم طلعو اوضتهم . وقالت ل آدم اطمن ع مراد.وشوفه فين ..! ومريم دخلت تاخد شاور .. وادم قاعد على السرير وبيفكر … يا ترى رينو تعبانه فعلا ومرهقه .!!! ولا …..!!! لااا . واتنهد ..ايوه هي تعبت النهارده … اليوم من اوله لاخره كانت بتتحرك فيه .. اكيد هي مرهقه …
واتصل ع مراد يطمن عليه ويشوفه وصل ولا لسه . ومراد قاله انه ف جنينة الفيلا تحت ..
..وقام .. وكانت مريم خرجت و هتصلي .. وهو دخل اخد شاور وخرج .. وصلي … ومريم كانت طلعت العلبه الحمرا … وكان فيها طقم رقيق جدا … ولكن برده لا تعليق عليه … واتحرجت ولكن لبسته ل آدامها وخرجت … ل آدم اللي مشتاق ل مريم اللي كانت بعيده عنه كام يوم .. واول ما شافها قام واستقبلها ..وقال سبحان المبدع .. قمه في الجمال يامريومتى ..
مريم : ابتسمت بخجل . وآدم . دخلها كلها في حضنه. وانه متغيرش في أسلوبه معاها . وانه لازم يطمنها الاول .. وأخيرا مريم ف حضنه . ومغمضه عينيها .واشتاقتله . وخرجت من حضنه . وآدم قرب عليها . وباسها .بوسه طويله . فيها اشتياق وحب كبير . وشالها . وآدم دخل جنة مريم ….
————-بقلمى Mariem Nasar
مراد وصل وقاعد في الجنينه وسرحان .. في انه باس فريحه .. وأنه ازاي عمل كده .. هو فعلا مكانش حاسس .. هو كان مشتاقلها هي برده حب 18 سنه .. وعلى طول معاها .. لكن اول مره يحس بالاشتياق واللمسه دي .. وفكر كتير اووووف يا ترى فريحه دلوقتى هتفكر فيا ازاي ….. وآدم اتصل عليه ومراد طمنه انه موجود في جنينه الفيلا
————-
محمد وصل نور لحد باب الفيلا.. وسلم عليها وودعها…. لان زين واقف كان مستنيها … وسلم على زين .. ورجع على العربيه مبسوط .. وركب العربيه وساق وهو كله طاقه وايجابيه وانبساط …
————-بقلمى Mariem Nasar
نور دخلت الفيلا مبسوطه .وشايله البوكس….
زين : يا زيدي يا زيدي ايه البوكس الجميل ده .!؟
نور : ابتسمت . ده محمد جابهولي هديه ..
زين : بتفكير ..اممم فكره برده .وجميل جدا جدا. طيب يا قلبي الف مبروك وحمد لله على السلامه … انا طالع انام تصبحي على خير ..

 

 

نور : الله يبارك فيك يقلبى .وانت من اهله.
زين طلع ينام …ونور لسه هتتحرك .. لمحت مراد داخل الفيلا…
نور : مراد انت لسه جاي .!!؟
مراد : لا يا حبيبتي .. انا كنت في الجنينه ..
مراد : شاف البوكس . ايه ده .. وعباره عن ايه..
نور : ده بوكس .. عباره عن صندوق كبير.. وجواه هدا يا ..
مراد : هدايا .. هدايا عباره عن ايه يعني .
نور : اي هدايا .. يعني الواحد يجيب هديه لخطيبته.. ويغلفها كويس ..ويحطها في قلب البوكس ده مع شويه روشنه كده …
مراد : هز راسه بتفهم ..ماشي يا حبيبتي المهم انك مبسوطه ..
نور : مبسوطه قوي يا مراد..
مراد : وده اللي احنا عايزينه .
نور : ربنا يخليك ليا .. اوكي انا هطلع علشان اروح ل رينو هي تلاقيها مستنياني
مراد : ماشي يا قلبي .اطلعي .
نور : وانت مش هتطلع .
مراد : لا انا هاعمل قهوه .. عندي صداع ..
نور : سلامتك .. طيب اعملهالك انا ..
مراد : تسلمي . لا شكرا يا حبيبتي انا هعملها مع نفسي . روحى اطلعي انتي..ل رينو
نور : اوكي تصبح على خير ..
مراد : وانتي بخير
————
طارق في شقته القديمه مع رنا . وانه ديما معاه نسخه من المفتاح ف المحفظه..والنسخه التانيه في الفيلا …
طارق : يووووه اخلصي بقى يا رنا .. مش كل ده ام شاور يعنى ..
رنا . خرجت .. ايه حبيبي انت على طول مستعجل كده …وكانت خارجه بالفوطه ..

 

 

طارق : تنح . ولكن انتبه .. انا عايز اعرف .. هي ام الشقه دي .. الشاور فيها بيبقى عليه عسل .
رنا : خفه .. لا يا قلبي عليه سكر .. وبعدين انا ما كملتش ١٠ دقايق … انت اللي على طول متصربع كده.
طارق : ماشي يا ست الكتكوته . انا على اما ادخل اخد شاور .. تكوني انتي لبست القميص ده …
رنا : اتكسفت . واتحرجت ..
طارق : يا سكر ٢١ سنه جواز وبتتكسفي يا بيضه.
رنا : بموت في رومانسيتك ياطارق ..
طارق : اي خدمه ياختي ثواني وجايلك يا قمر ..
طارق دخل اخد شاور …
ورنا : قالت مجنون رسمى . يختى ويقمر . ولبست القميص .. وقعدت على السرير .. ومثلت انها نامت واستغطت …
طارق : اخد الشاور .. وخارج وبيغني و منشكح … شاف رنا نايمه على السرير ومستغطيه ..ومغمضه عينيها.
طارق : هي ليله باينه من اولها .. انا عارف .. هو مين اللي كان بيلعب كوره … انا ولا هي …!!؟
..وقرب منها رنا .. ررااانا ..
رنا : ……ما بتردش
طارق : عليا النعمه … الشقه دي منظوره ومنحوسه … انا ايه اللي خلاني اجي على هنا..
رنا : كاتمه الضحكه ….
طارق : رنا قومي يابت .. وشد الغطا وكانت لابسه القميص …
طارق : صلاة النبي احسن .. لاااء ..فوقلي كده ماينفعش … وقرب منها وباسها .. وهي فتحت عينيها ببطء … وماقدرتش تكمل تمثيل .. واستجابت مع طارق ودخلت جنة طارق
———-

 

 

أشرف : حبيبتي .حبيبتي .حبيبتي هنايا .. تعرفي انك وحشاني قوي ..
هنا : وانت كمان يا قلبي .
أشرف : طيب ايه مش هتشجعيني
هنا : انا اشجعك على ايه يا حبيبي ..
أشرف : على ده .. وقرب منها وباسها ..
هنا : اشرف …
أشرف : قلبه ..
هنا : انا بحبك
أشرف : باااااس .. كفايه تشجيع . وقرب منها وبادلها الحب …
————–
ملك : ياااه .. اما كان حته يوم جميل قوي ..
جاسر : فعلا ياملك كان يوم مميز وجميل جدا ..وكل ده حصل بفضلك انتي .. وبفضل فكرتك..
ملك : حبيبي . وكل ده حصل بفضل تعبك.. ومجهودك ..
جاسر : حبيبتي.. انا تحت امرك .. المهم اشوفك مبسوطه يا قلبي ..
ملك : تسلم لقلبي.
جاسر : اطمنتي ..على مليكه . ومالك ..
ملك : ايوه يا حبيبي .. دخلت على ماليكه . واتكلمت معاها شويه .. وقالت انها هتنام ..
..ومالك .. قالي انه هيتصل بحد وينام على طول
جاسر : طيب . تعالي في حضني انتي وحشاني قوي ..
ملك : قامت .. ونامت في حضنه .. تعرف ان الفرح حلو قوي يا جاسر..
جاسر : طبعا وربنا يديم علينا الفرح يا ملاكي .. وقرب منها وباسها .. انتي وحشاني قوي يا ملك ..
ملك : وانت كمان وحشتنى ..وقرب منها وبادلها الحب
————-بقلمى Mariem Nasar

 

 

نور طلعت اوضتها .. واخدت شاور .. واتطمنت علي محمد انه وصل .. وقالها هياخد شاور ويكلمها ..
نور : خرجت من الاوضه . وراحت ل رينو علشان يفتحو البوكس مع بعض .. وخبطت عليها مردتش ودخلت .. رينو .. رينو .. انتي فين …
..رينو ..مش موجوده على السرير.. ولا في الاوضه.
نور : خبطت على الحمام سمعت صوت ميا في الحمام ..
نور : رينو انتي كويسه ..
رينو : كحت . علشان تعرف نور انها كويسه .
نور : طيب . انا هستناكي في اوضتي . علشان في هديه هنفتحها مع بعض .. ونور خرجت وقفلت الباب..
ورينو : قفلت المياه . وفتحت باب الحمام . لانها ماكنتش بتاخد شاور .. هي كانت قاعده على السرير بتعيط .. ولما سمعت نور بتخبط .. دخلت تجري على الحمام .. وشغلت الميا ..علشان نور مش تلاحظ .. ان رينو معيطه …
. رينو خرجت من الحمام .. وقفلت باب الاوضه عليها بالمفتاح .. ورجعت قعدت على السرير وعيطت كتير..
.. لانها مش مصدقه .. انها في السن ده وحد يقرب منها ويبوسها .. وكمان قريبها .. لاء . كمان حبيبها..
. رينو كمان شافت انها كدا عملت حاجه كبيره وحرام . وغلط . وعيب ..وكمان عليتها بيثقو فيها .وانها استحاله تعمل حاجه غلط.في اللحظه دي كرهت فهد . واقسمت انها تتغير معاه وتتجنبوا تماما ..
.. بعد فتره.. نور رنت علي رينو . علشان اتاخرت عليها ..
ورينو : قامت وغسلت وشها .. وصلحت وشها شويه بميك اب .. لانه كان احمر جدا .ومش عيزا حد يلاحظ . وخرجت وراحت ل نور..
رينو : خبطت . ودخلت .. نور ..
نور : تعالي . تعالي شوفي محمد جابلي ايه .
رينو : ابتسمت وحاولت تبقى طبيعيه .. رينو اخدا طبع مريم .. انها تتداري اللي جواها ببراعه ..
.رينو : اه . الله جميله قوي يانور .
نور : تعالى بقى نفتح البوكس ..
رينو : يلا بينا ابدئي ..

 

 

 

نور : هتصورينى ..
رينو : طبعا هاتي فونك ..استنى .. وفتحت فون نور..
.وبدات تصور .. يلا ابدئي …
نور : بدات تفتح الشريط اللي على البوكس .. واول ماشالت غطا البوكس .. بالون هيليوم طلع منه وطار. ومكتوب عليه بحبك يا نوري …
ورينو صورت البالون وهو بيطير .. وبعدها نور مدت ايديها في البوكس .. طلعت منه شوكليت كتير انواع مختلفه كتير اوى … وطلعت علبه وفتحتها وشافت فيها سلسله مكتوب فيها اسم نور بالانجليزي Noor …وبعدها طلعت علبه تانيه وكان فيها اسوره جميله قوي .. علامة انفينتي . وبعدها مدت ايديها وكان فيه البوم صور ل نور من سن يوم .. لحد 21 سنه .. ومكتوب على غلاف الألبوم
. (عشقتها منذ نعومة أظافرها) ..وكان ف الالبوم انه بيحكى تفاصيل حيات نور مع محمد . ومحمد حب نور تشاركه . السر ده ..
وبعدها طلعت مج كبير .. وكان عليه صوره نور وهي سن ٦ سنين .. وكمان صوره ليها وهي في الكليه وكان جميل جدا .. وكارت مكتوب عليه
( قدري انتى) (انتى دولة عشقى)
ورينو ؛ كانت مبسوطه ل فرحة اختها اللي هتطير من الفرحه قدامها .
نور : مع كل هديه تدي ريأكشن معين ..وكل هديه اجمل من التانيه .. وعجبها الكارت قوي وعجبتها الجمله اللي مكتوب عليها .. واكتر حاجه عجبتها البوم الصور . وكمان عنوان الغلاف .عجبها جدا جدا .. وحست انها مميزه …
وخلصو تصوير . وكانت بجد هديه جميله .. بعد شويه من الانبهار …
. نور قعدت جمب اختها .. ونامت على رجليها..
نور : تعرفي يا رينو انا فرحانه قوي .. بجد مشاعر جميله قوي .. الحب حلو قوي يا رينو .. حلو قوي قوي .
رينو : مسدت على شعر اختها .. طبعا الحب جميل جدآ ..مش شايفه بابي ومامي الحب محلي حياتهم ازاي .. وكمان ابيه محمد بيحبك من زمان قوي.

 

 

نور : انتي كنتي عارفه ان محمد بيحبني يا رينو.
رينو : كلنا كنا عارفين يا نور .. ما فيش حد بيعمل كده غير مع الانسان اللي بيحبه ..
نور : اتنهدت .. انا فوقت متأخر .. اممم تعرفي ان محمد راح اتقدملي امبارح من بابي .. واتفقوا ان فرحي تاني يوم العيد …
رينو : بدهشه. بجد .. رينو جواها زعلت على فراق اختها تعرفي هتوحشيني قوي يا نور ..وعيونها دمعت .. لكن دموعها من خنقتها ..
نور : رفعت راسها .. انتي هتعيطي من دلوقتى يا رينو ..!!
رينو : ما انتي هتسبيني وتمشي يا نور ..
نور : حبيبتي .. انا كل يوم هنطلكو هنا .. انا مقدرش ابعد عن بابي ومامي . ولا عنكو . بس تعرفي بجد انا محظوظه ب محمد .. فى حد بيحب حد من 21 سنه .. انا مستغربه .. بجد حاسه اني بحلم
رينو : ما تستغربيش .. ابيه محمد حبك .. وصان الحب .. وكبر جواه …
نور : فعلا .. حب محمد كبير .. وكل تصرفاته معايا كلها تدل على الحب .. زي فهد كده .. بحسه بيدافع عنك ديما .. ممكن يكون ……
رينو : قطعت كلامها باندفاع .. فهد مين ده … فهد ده ابن بنت خالتى مش اكتر ..
نور : استغربت رد فعلها …ولسه هتتكلم .. وفون نور . رن وكان محمد …
رينو : شافت المتصل .. اتفضلي ابيه محمد بيتصل خدي كلميه .. وانا هاقوم انام …
نور : مستغربه اختها .. طيب خدي شوكليت …
رينو : لا ماليش نفس .. تصبحي على خير .. وسابتها وخرجت ..
نور : ردت بسرعه قبل ما الرنه تفصل ..
نور : الو …
محمد : كل ده. !! كنتي هتردى امتى …!؟
نور : قاعده جمب الهدايا .. سوري كانت رينو معايا .. ولسه خارجه ..
محمد : اممم .. طيب قلبي عامل ايه .!؟
نور : قلبك مبسوط قوي ..

 

 

محمد : فعلا انتي مبسوطه قوي ..
نور : ابتسمت .. البوكس يجنن يا محمد …
محمد : والله اللي هيتجنن محمد نفسه .. مش البوكس ..
نور : ههههه . بعد الشر عليك من الجنان ..
محمد : وحشتيني يا نوري …..
.. واتكلموا كتير .. ونور بعتتله الفيديو اللي رينو صورته … وشايف السعاده على وش نور ..وكمان شاف شعر نور . الل متصوره بيه فى الفيديو .من غير حجاب . وقلبه دق. وكان هيتجنن .. لانه شايف ايه من الجمال …
.. واتفرج عليه بحب … ونور شكرت محمد على الهدايا الجميله دي .. . وسألها . اى هديه عجبتها اكتر..!؟ قالت كلهم يجننو . لكن الألبوم. عجبها جدآ . وخصوصاً . عنوان الغلاف .. وان دي رابع هديه جميله النهارده .. ومحمد سالها ٤ .!؟ !!! ٤ ازاي مش فاهم فهميني …
نور : اول هديه . انه جابلها فستان توحفه..
تانى هديه .. انها شافته اول ما دخل فيلا الصاوي ..
تالت هديه انه اتقدملها وخطبها ….
رابع هديه .. البوكس ….
محمد : كان مبسوط وبيبحب يسمعها .. واتكلموا كتير .. لحد ما نور نامت وهي بيتكلم معاه على الفون .. وبعدها محمد .. قفل وباس الفون … ونام وهو مبسوط….
————-بقلمى Mariem Nasar
فريحه : قاعده في اوضتها متنحه … و سرحانه في لمسه مراد … ومش عارفه تاخد قرار … تزعل ولا تفرح … جواها محتاره ..خايفه تزعل .مراد يدايق . وكمان مراد ما اتصلش ليه لحد دلوقت . زى كل يوم … واتنهدت وحاولت تنام . لكن مش عارفه تنام
———بقلمى Mariem Nasar

 

 

مريم في حضن آدم .. وحكالها كل حاجه حصلت من محمد .. وان فرح بنتها تاني يوم العيد .. ومريم بكت في حضنه … ان كل حاجه هاتم بسرعه كده…
.. ونور هتمشي من البيت …. وآدم مسد على شعرها وباسها من جبينها … ومسح دموعها … وخلاها تهدي خالص … وطمنها ان نور مش هتبعد عنهم … وكل ما تحب تشوف بنتها … هيبعت يجيبها .. او مريم تروح في اي وقت .وان محمد عمرو . ماهيمنع نور . عن أهلها ..واخدها في حضنه وناموا
————-
مراد شرب القهوه وطلع اوضته .. وسرحان في لمسه شفايف فريحه … واتحرج انه يتصل عليها … لانه مكسوف من نفسه .. لانه عمل كده غصب عنه …
.. وماسك فونه .. وكل ما يجيب رقمها . علشان يتصل عليها…. ميتصلش.. وساب الفون وحطه على الكمود .. وفضل سرحان وبيفكر .. لحد ما النهار طلع عليه … واخيرا استسلم ونام…
—————-
كده الكل نام . ….
..في اللي نام في حضن حبيبه مبسوط …
..وفي اللي نام بيحلم بحبيبه امتى هيكون في حضنه ..
وفي اللي نام مبسوط وبيعد الساعات علشان النهار يطلع ويشوف حبيبته
..وفي اللي نام مخنوق وزعلان ….
..وفي اللي نام واخد قرار بالفراق والتغيير للافضل
——–
وها قد جاء الصباح ……
تانى يوم جاسر في الشركه ..
ومالك جاب ساره علشان تقابل جاسر …
مالك : تعالى يا ساره مكتب بابا هنا ..

 

 

 

ساره : متوتره .. بصراحه يا مالك انا خايفه ..لا باباك يرفض يشغلني.
مالك : ساره انتي ف كلية تجاره .. وكمان قولتي انك واخده قرصات فى الاالماني. . والفرنسي وانجليزي .. يعني مؤهلات حلوه قوي . ولسه هتكملى .. وما تقلقيش انا شرحت ل بابا كل حاجه .. وكمان عايز افرحك .. وعندى ليكى خبر حلو …
ساره : خير يا مالك …
مالك : السكرتير اللي كان موجود هنا .. قرر انه ياخد مراته ويسافرو يعيشو بره. بس بعد فتره .. وكنا لسه هننزل اعلان .. ان شركة الصاوي . هتحتاج ل سكرتير … فانا طلبت من بابا .. انك تشتغلي سكرتيره في مكتب بابا …. وتاخدي دوره تدريبيه مع السكرتير اللي موجود لحد ما يسافر تكوني انتى اخدتى خلفيه عن نظام الشغل والشركه . وكسبتى خبره…
ساره : فرحت بجد .. ده خبر يجنن دي ماما هتفرح قوي … … احم …. قصدي انها هتفرحلي اني اشتغلت في مكان مرموق زي ده … بجد شكرا يا مالك …
مالك : ما تشكرنيش يا ساره .. واتفضلى . لأن معادك جه….
مالك : خبط ودخل .. وساره دخلت وراه . ووقفت ورا مالك .. وماكنتش لسه شافت جاسر …
.وجاسر رافع راسه وشاف مالك بس … اهلا يا مالك تعال يا حبيبي …..
مالك : بابا اقدملك الانسه ساره صلاح …
جاسر : بيبص . علشان يشوف ساره .. هي فين يا مالك …..
.. وساره اتحركت .. وجاسر شافها .. واول ما شافها مش عارف حاسس انها مألوفه بالنسباله … اهلا تعالى يا انسه ساره .
ساره : اتحركت .. مع مالك .. وشافت قدامها راجل وقور .. ومش باين عليه انه والد مالك . يا دوبك كام شعره بيضا بس … وشكله مش شراني ابدا …
ساره : احم صباح الخير حضرتك …
جاسر : صباح الخير انسه ساره. . تعالي اتفضلي اقعدي..
ما لك : تعالي اقعدي استريحي يا ساره…

 

 

وطبعاً جاسر . شاف اهتمام مالك . واتأكد انه بيحب ساره . لانه مالوش سيره مع جاسر غير عن ساره ..
ساره : قعدت قدامه على كرسي المكتب .. هي ومالك…..متشكره جدا ..
جاسر: هاا تحبي تشربي ايه ..
ساره : لا ميرسي جدا لحضرتك .. وبجد بشكر حضرتك لانك وافقت اني اخد من وقت حضرتك.
جاسر : ما تقوليش كده .. وبعدين انا عايز اعتذرلك.
ساره : بعدم فهم .. تعتذرلي .!! ليه حضرتك …
جاسر : لان مالك ابنى . خبطتك بالعربيه صدقيني ما لك مايقصدش ابدا .. وبعدين سواقته هاديه جدا .. وده قدر ومكتوب . فانا باعتذر نيابه عن ابني ..
ساره : لا ما فيش حاجه . حصل خير .وبدأت تحتار.
جاسر : المهم انتي كويسه دلوقتى ..
ساره : احم . ايوه . الحمد لله . شكرا لحضرتك.
جاسر : الحمد لله . شوفي يا انسه ساره . مالك قالي على كل حاجه .ممكن لو سمحتى اشوف . السي في.
ساره : ايوه طبعا ..اتفضل حضرتك .. السي في بتاعي .. ومعايه .. ٣ لغات فرنسي . والماني . وانجليزي ..
جاسر : ما شاء الله .. جميل جدا..وشاف السي في بتاعها .. وشايف الاسم والتاريخ وكل حاجه .. تمام يا ساره .. درجاتك تشرف … واظن مالك .قالك هتشتغلى ايه ف الشركه ..
ساره : احم .. ايوه الاستاذ مالك قالى .. متشكره جدا يا جاسر بيه ..
جاسر : انا اللي متشكر ومن حسن حظي انك هتشتغلي معانا . وشوفي انتي حابه تستلمي شغلك من امتى …
ساره : بلهفه .. من دلوقتى لو تحب ..
جاسر : ابتسم . جميل ممتاز .. انا بحب الإنسان الطموح . وقال ثواني ..
واتصل علي حامد السكرتير ودخل … اوامرك يا جاسر باشا …
جاسر : حامد . الاستاذه ساره هتتفضل معاك . وهتكون معاك في السكرتاريه .. وهتعلمها كل حاجه .. لانها هتستلم المكتب والشغل بعد منك …
حامد : تحت امرك يا فندم …

 

 

جاسر : وخلي بالك منها ومش عايز حد يدايقها الانسه ساره دي زي بنتي فاهم …
حامد : ما تقلقش حضرتك .. اتفضلي حضرتك ..
مالك : فرحان ومبسوط. علشان ساره هتبقى مبسوطه..
ساره : قامت . ومتلخبطه من جاسر الشرير اللي قدامها .. وانه مافيش في عيونه .. ولا كلامه شر ابدا.. وكمان ف اول مقابله . احترمها جدا . واعتبرها زى بنته .. والمكتب هادي وجميل .. وماشيه متلخبطه … والسكرتير اتحرك .. وهي وراحت تبتدء شغل …..
جاسر : طيوبه ساره دي يا مالك …
مالك : قوي يا بابا .. طيبه قوي ..
جاسر : ابتسم .. علشان النظره دي اللي في عيون ابنه .. كانت موجوده في عيونه لما قابل ملاكه …
.. طيب يا سيدي .. ان شاء الله تثبت كفاءتها …
مالك : ما تقلقش يا بابا .. ان شاء الله هتثبت كفاأتها وبجداره
———-
سوزي : هههههههه
ابتسام : متضحكيني معاكي..
سوزي : هههههه . بجد فرصه وجت على طبق من دهب …
ابتسام : اخلصي يا سوزي وقولي ..
سوزي : ساره … ساره يا ابتسام .
ابتسام : هااا .. شغلوها …

 

 

سوزي : شغلوها طبعا .. ومش بس كده … ده جاسر شغلها السكرتيره الخاصه …
ابتسام : ااه خبر يفرح بصحيح .. انتي كلمتيها..
سوزي : بنفور .. امال عرفت ازاي يعني .. انا اتصلت على ساره .. وقالتلى انها استلمت شغلها …وهتكون سكرتيره جاسر الخاصه ..وهي حالياً. تحت التدريب
.فون سوزى …احم انا هدخل اغير هدومي علشان خارجه … ودخلت .. . وابتسام ابتسمت بسخريه..
. سوزى ..الو ….حبيبي وحشتني. اوووى.
توفيق : وانتي وحشتيني اكتر
سوزي : وحشتك … وايه كنت انت مختفي ليه الايام اللي فاتت دي …
توفيق : كان ورايا شغل مهم .. وكان في شويه حوارات كده ماحبتش اشغلك بيها …
المهم : هتيجيلي على الشقه .. انا ربع ساعه و هاكون هناك …
سوزي : طبعا .. انت وحشتني قوي .. ومثلت بزعل ..انا كنت قولت خلاص توفيق نسينى وسابنى.
توفيق : بخبث .. انتي بتقولي ايه .. ده انتي اللي نسيتيني هروب مراتي .. بعد ما سابتني … ده انتي اللي في الشمال …
سوزي : حبيبي انت ..متحرمش منك يقلبى.
توفيق : يلا بقى انا في طريقى ل عشنا ..
سوزي : وانا هحصلك يا قلبي
——–
آدم صحي ولبس ..وقال ل مريم .. تسبقو على تحت. وهو هيحصلها .. وهي استغربت …
.. قالها .. هاعمل مكالمه وانزل …ونزلت …
آدم : خرج من اوضته. وراح ع اوضت مراد..وفتح الباب ..بشويش .. وشافه نايم بعمق … وهمس… وحياه امك لاربيك … وماسك فون مراد من على الكومود .. وقفله خالص …
وسابه خرج .. ودخل اوضته تاني..واتصل على فريحه …وردت
فريحه : الو .. صباح الخير يا عمو

 

 

آدم : صباح الخير يا روح عمو .. عامله ايه
فريحه : الحمد لله يا عمو.. بخير
آدم : الحمد لله .. طيب يا حبيبتي .. اديني مراد اكلمه .. لاني اتصلت عليه دلوقتى .. وكان جمبه صوت بنات كتير .. ولسه بسأله .. وبقوله . ايه صوت البنات دى يامراد ….ويادوبك قالي انا في الجامعه مع فريحه ….وفونه شكله فصل . او هو قفله الله اعلم … هاتيه علشان عايزه في حاجه مهمه …
فريحه : باستغراب وصدمه .. لانها لسه في طريقها للجامعه …
آدم : ايه يافريحه . يا حبيبتي .. اديني مراد ..
فريحه : انت متأكد يا عمو انه مراد. …….
آدم : قطع كلامها . بس . بس يبقى تلاقيه لسه زعلان مني .. علشان ضربته كتير وانا بلعب كوره امبارح . بس أنا كنت بهزر معاه ..خلاص . خلاص مش مهم …. المهم انه معاكي . وبعدين ما تحاوليش تخلي صحابك البنات قريبين منه قوي كده …غيري عليه يا حبيبتي. علشان ماحدش يخطفوا منك ..مع انى واثق انه ولا مليون بنت تاخد مراد منك .. مراد بيحبك اكتر من نفسه… بس الغيره مطلوبه ..ده كأن البنات كانت هتنط في الفون عندي وانا بكلمه …وكنت هزعقله .. لكن اطمنت لما قالي انه معاكي … بصي يا قلبي انا هاقفل علشان ورايا اجتماع مهم .. والوفود على وصول ..باااي..
آدم : قفل .. وابتسم بخبث . ياعيني عليكي يا فريحه .. وعيني عليك يا مراد .. سامحني يا رب وابتسم وخرج … ونزل وفطر …. وقال لمريم ان مراد كاتب ورقه وقال ماحدش يصحيني …وراح على الشركه …
.وكل الوقت ده فريحه هتتجنن .. وتتصل على مراد مره واتنين وعشره … فونه مغلق … وتفتح واتس وتبعتله رسايل .. وتفتح ماسنجر … وهتتجنن ..وكل الشياطين قاعدين معاها بيصورولها .. ان مراد بعد ماباسها امبارح . سابها واتجه للبنات … وفريحه قالت .. لاااااا ده انا اقتلك يا مراد ….. يا نهار اسود ..مراد فين …مراد مع مين .. ومين البنات دي ااااه هاموت من الغيظ .. وفريحه شاطت واستحلفت لمراد … اللي نايم ياعينى.. وابوه ب ينتقم منه..
————

 

 

رينو في المدرسه … ومخنوقه لان رودي مش موجوده . علشان العملية ولسه تعبانه .. وعيزه تروحلها بعد المدرسه .. لكن مش هينفع تروح لوحدها ….. اليوم عدي عليها بملل … وخرجت اخيرا من المدرسه … واتصلت على آدم وما ردش .. وزين رد عليها .. قالها انه مع بابا في اجتماع مهم .. واتصلت على مراد مغلق … واتصلت على مريم …
مريم : الو …..
رينو : الو يا مامي…
مريم : ايوه يا رينو يا حبيبتي خلصتي ..
رينو : ايوه يا مامي …. مامي كنت عايزه اروح لرودي ازورها في البيت . واتصلت على بابي مشغول في اجتماع . وابيه زين قالي انه في اجتماع مع بابي ….وابيه مراد فونه مغلق ..
مريم : ايوه يا حبيبتي ابوكى وزين في الشغل من بدري . وقال إنه عنده . اجتماع علشان هيحدده استلام . الشحنه … ومراد اخوكي نايم شكله كان سهران طول الليل .. وكاتب على ورقه ما حدش يصحيه ….
رينو : طيب والعمل يا مامي .. رودي عامله عمليه وما شفتهاش بقالي يومين …
مريم : طيب بصي .. فهد معايا اهو لسه جاي من شويه … هاقوله يجيلك يوصلك …فهد اول ماصحى راح ع الكليه حضر التدريب . وجه على بيت رينو علشان يعتذرلها … وملقهاش …
ودلوقتي . فرح لما سمع مريم وقال ان دي فرصه اعتذر ل رينو .. وافهمها موقفي ..
رينو : بصوت مهموس… فهد .. مامي لا انا مش هاروح ل رودي خلاص .. انا هاستنى الباص زمانه على وصول .. هاركب وهارجع على البيت …
مريم : بس يا بنتي انتي عايزه تشوفي صاحبتك وخصوصا انها يا قلبي يتيمه … واخواتها مسافرين بره مصر .. وباباها اكيد في شغله … يعني يا قلبي تلاقيها لوحدها … فهد . اخد الفون من مريم ..
..الو . رينو خليكي عندك .. انا ثواني وجايلك. وساب الفون لمريم ومشي بسرعه ..فهد اتحرك
رينو : بس يا مامي ..اا.انا. انا ما كنتش عايزه فهد يوصلني ..
مريم : ههههه ما تخافيش اكيد مش هيضرب حد تاني .. مريم فاهمه ان رينو خايفه ان فهد يضرب حد ..
مريم : بصي يا رينو . خدي حاجه لصاحبتك وانتي داخله عليها .. وطمنيني اول ماتوصلى . على تليفونات ماشي يا حبيبتي ….

 

 

رينو : حاضر يا مامي
مريم : انتى عارفه عنوانها..
رينو . لا مش فاكراه . لكن هاخدو من رودى .
مريم : ماشى ياقلب ماما . وابعتيلى عنوانها في رساله . زيادة اطمئنان..
رينو : حاضر يا مامي.. وقفلت .. ورينو . وقفت تستنى فهد . وكانت متعصبه جدا .
———بقلمى Mariem Nasar
فريحه : كل الوقت ده اللي عدى ده .. بتتصل على مراد .. وخلاص وصلت لقمه غضبها …. ومن غضبها راحت عند الكليه بتاعته … لكن صعب جدا انها تدخل الكليه الحربيه …. ورجعت تاني وكانت شايطه .. واتصلت على فهد الصبح . وقالها انه ف التدريب . وصعب دلوقتي يعرف مراد فين . قدامه ساعه ويخلص..وبعدها . بفتره .. اتصلت ع فهد تانى . وأكدلها ان مراد مجاش انهردا …وقفلت .وهي هتنفجر خلاص ….واقسمت انها تقتل مراد على الخيانه دي … وخلاص كل الطرق في وشها اتقفلت…
… ومش عارفه توصل لمراد اللي بياكل رز مع الملايكه في اوضته…
———
آدم : في الشركه … وقاعد في اجتماع . مهم جدا … وجواه مبسوط و بيتخيل ابنه وهو بيحاول يثبت براءته ل فريحه . وهو عارف انها ممكن تقلب جد مع مراد وفريحه….لكن مراد خلا آدم يشيط ويجيب اخره . وإحساس الغيره بشع .. ياااااه على المتعه .. ولسه يابن العدوي ولسه…
————
فهد كان سايق وطاير بالعربيه .. واخيرا وصل .. عند رينو … ونزل وكان محرج جدا …. وكمان رينو كان جواها مكسوفه .. وكره وغل .. لانها شايفه ان فهد استغلها ….
فهد : راح وقف قدام رينو وسكت شويه … وبعدها . حس أنه لازم يتكلم …. رينو انا …..
رينو سابته . وهو لسه هيتكلم .وراحت فتحت باب العربيه وركبت وبصت قدامها بجمود …
فهد : اتنهد .. ولازم يستحمل… لان العمله اللي عملها دى مش سهله انها تغتفر بسهوله ….واتحرك وراح ركب جمبها ومشي بالعربيه .. وبعد عن المدرسه بمسافه كبيره … وبعدها ركن العربيه … واتكلم ..
رينو : لو سمحتى ممكن نتكلم ….

 

 

رينو ::بصه قدامها بجمود وساكته ….
فهد : رينو لو سمحتي .. انا عايز اتكلم معاكي واشرحلك .
رينو : بغضب . لو سمحت انت هتوصلني عند صحبتي .. ولا انزل واخد تاكسي …
فهد ؛ لسه هيتكلم …رينو . فتحت فونها واتصلت على رودي … وجسمها فيه رجفه..لكن مثلت انها قويه… ايوه يا رودي .. انا معايا واحد قريبنا من بعيد … وجاي يوصلني . عندك .. لو سمحتي انا هافتح الاسبيكر .. وقولي العنوان بالظبط علشان يعرف العنوان … وفعلا رينو فتحت الاسبيكر ومدت ايديها بالفون. قدام فهد .. ورودي قالت العنوان بالتفصيل …وبعدها قفلت….
فهد : اتخنق .رينو لو سمحتي .. بلاش تعامليني كده انا عايز اعتذرك على اللي حصل .. انا … ..وماكملش من رينو…
رينو : افتكرت لما فهد قرب عليها وباسها بكل قوته . اتغاظت اكتر وكرهته وكرهت نفسها ….. لو سمحت يا فهد انت مصمم انك تتكلم … وانا مش حابه اسمعك … لكن انا اللي هاتكلم ..وكلها بتترعش . لكن تماسكت… انا عايزه اقولك . انك استغلتنى . وصدمتى فيك كبيره ..وانك من النهارده تنسى واحده اسمها لارين العدوي … والمعامله بينا هتبقى في حدود القرابه وبس …. وبحذرك تقرب مني … او تتدخل في حياتي يا فهد … وعايزه اقولك .. اعترافك بحبك ليا ده تبله وتشرب ميته … اللي بيحب حد ..وعينيها دمعت ..
.. بيحافظ عليه .. مش يهينو بالطريقه دي ..وبصت في عنيه .ويستغل ا نشغال ابوها . واخواتها الرجاله . وامها . ويعمل كدا .. وصممت تجرحه … بجد ونعم الرجوله يا فهد .ونعم الرجوله…انت خونت عيلتى يافهد ..وياريت تبعد عنى . ودمعت اكتر وقالت من ورا قلبها … انا بكرهك يافهد …
فهد : اتصدم . وحس بوجع ف قلبه .وكمان ماستحملش. الاهانه ..واتحرك من غير ما يتكلم كلمه واحده .. وطار بالعربيه ..وفي اقل من خمس دقايق وصلها .. ونزلت .. وقالتله .. اتفضل انت .. انا ها خلي اي حد يوصلني .. او اخواتي الرجاله … هااا الرجاله هتوصلنى … واسمي بعد كده .( الانسه . لارين) وقفلت الباب ..ودخلت العماره ومبصتش وراها ..
وبعد ما مشى . رينو قعدت ع السلم وعيطت كتير ..لانها اهانت فهد ف رجولته . هي عارفه انه راجل . ويقدر يدافع عنها . ويضرب اى حد يقربلها …لكن ماكنتش تتوقع أنه يعمل كدا معاها
.فهد : اول ما رينو قفلت الباب .. مستناش وطار بالعربيه … وكان بينهج ومتدايق … ومتعصب اكتر من كل مره .وفرمل العربيه..وكل كلامها .. بيرن في ودنه بيحافظ عليها .. اهانه ..رجاله ..ونعم الرجوله .استغلتنى .اخواتى رجاله ..استغليت انشغال ابويا … اتصدمت فيك .. اعترافك بحبك تبله وتشرب ميته.. انسى لارين العدوي.. معامله بحدود..واكتر كلمه بترن وبتتكرر .

 

 

……انا بكرهك يافهد ……
. وضرب على الدركسيون …وقعد فتره ف العربيه وهي واقفه . يفكر ويعيد كل كلام البنت الل بيعشقها . وانها بتكرهه . وبعد تفكير .. اخد قرار انه يبعد عن لارين … لانه ماستحملش ..هو عمل كده في لحظه ضعف وغضب .. وكان عايز يعتذرلها .. ويشرحلها مشاعره .. وانها لما تخلص الثانويه هيتقدملها … وضرب تاني على الدركسيون …ومسح وشه بايديه .. وطلع فونه واتصل ….
رينو . بعد شويه من العياط .. حاولت تهدى ..وطلعت عند رودي اللي فرحانه قوي .. ورحبت بيها جدا…
و لسه بتسالها مالك يا رينو ….
..فون رودي .. رن . ثواني. ايه ده رقم غريب..
رودي : الو ..
فهد : الو….. انسه رودي …
رودي : ايوه مين حضرتك …
فهد : انا فهد السيوفي .. الانسه لارين . وصلت عندك ….
رودي : استغربت .. ايوه رينو وصلت وقاعده معايا فهد : تمام : وقفل …
فهد : حفظ رقم رودي .. لما كانت رينو فاتحه الاسبيكر .ورودي بتقول العنوان ….
رودي : غريبه . يارينو . فهد اتصل عليا ليه . وبيسال انتى وصلتى عندى ..
رينو : غمضت عينيها . وعرفت كدا أن خلاص . فهد بعد الاهانه دى . هيبعد . وإن المعامله . هتبقى بحدود فعلا . دمعه نزلت غصب عنها . لكن هتعمل ايه فهد صدمها وأنه يقرب منها كدا . هي رافضه المبدء . واتنهدت . المهم انى مكسرش نفسى ..
..
فهد ::قفل قبل ما رودي ترد .. وطار بالعربيه …
وهيبتدي رحله الفراق … وهنشوفه فهد بعد كده ايه اللي هيحصل معاه.. ومع رينو .. وهيستحمل الفراق هو ولارين ولا لا …….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشقتها منذ نعومة أظافرها)