رواية حب بالصدفه الفصل الأول 1 بقلم ملك ناصر

رواية حب بالصدفه الفصل الأول 1 بقلم ملك ناصر

رواية حب بالصدفه البارت الأول

رواية حب بالصدفه الجزء الأول

رواية حب بالصدفه الحلقة الأولى

: للاسف البنت حصلتلها صدمه وفقدت النطق بس لفتره مؤقته..
بحزن: يعني في امل ترجع تكلم تاني..
الدكتور: ايوة باذن الله في امل بس لازم تتابع مع دكتور
نفسي لان اهم حاجه النفسيه في الفتره دي المريضه اتعرضت لصدمه عصبيه وانهيار عصبي..
: تقدر تخرج امتى يا دكتور..
الدكتور: تقدر تخرج النهارده لو حابب..
: تمام شكرا..
الدكتور بعمليه: العفو ده واجبي..
مشي الدكتور..
كنت سامعه كل الكلام ده لكن كنت في دنيا تانيه.. مش قادرة
اتحرك ولا قادرة اتكلم عيني ثابته ومش بتتحرك .. زي ما يكون الوقت وقف كل حاجه اسودت فجأه كل حياتي اد.مرت!!
معقول مبقاش عندي اهل؟!

يعني انا دلوقتي يتيمه!
قاطع حديثها مع نفسها صور عمها.. او بالاخص(عم والدها)
لؤى: دارين حبيبتي انتي سامعاني..
دارين:……….
صفاء(مرات لؤى) بحزن: يالا بينا ناخدها على الفيلا يا لؤى..
لؤي: تمام يالا..
نزلوا الاتنين وكانت دارين ماشيه معاهم جسد بلا روح..
……..
بعد وقت..

وقفوا اودام فيلا راقيه مش كبيره الحجم اوي ولكن فخمه جدا..
نزلت دارين من العربيه بمساعده صفاء..
قربوا من الباب وخبطوا وفتحت الشغاله..
الشغاله باحترام: اتفضلي يا هانم اتفضل يا لؤى بيه..
صفاء وهي بتدخل دارين: اطلعي نادي كنان وفهد ولميس يا هدى..
هدى: حاضر يا هانم..
دخلت دارين من باب الفيلا وبصت حوليها بتوهان وخوف من اللي جاي..
صفاء وهي بتسحبها بهدوء لجوا: تعالي يا دارين يا حبيبتي..
دخلت دارين وقعدت على الانتريه وكان جمبها صفاء ولؤى..
نزل كنان وكان وراه فهد ولميس..
لؤى: تعالو يا ولاد سلموا على بنت عمكوا دارين..
كنان: بنت عمنا؟! هو احنا اصلا لينا عم..

لميس: ايوة صحيح يابابا احنا لينا عمام؟
لؤى: دارين باباها يبقى ابن اخويا شاهين الله يرحمه يا ولاد..
دارين اول ما سمعت جمله لؤى بصتلوا بدموع كأنها تذكرت ما كانت تصارع لنسيانه..
لميس قربت منها وحضنتها بود ولطف: اهلا بيكي يا دودو انا لميس بنت عمك..
دارين بصتلها بدون ماتتكلم..
لميس بصت لوالدها بمعنى هي مش بترد ليه؟!
فهد بابتسامه: ازيك يا دارين وانا فهد ابن عمك..
لؤى بص لكنان بغيظ: ايه يا كنان مش هتسلم على بنت عمك..
كنان ببرود: اهلا..
دارين بصت لصفاء وصفاء فهمت نظرتها: يالا يا لميس ساعدي دارين تطلع لوضتها..
لميس: تعالي يا دارين معايا.. وخدتها وطلعوا فوق….
كنان: ممكن تفهموني اللى حصل ومين دي وليه جايبنها هنا..
لؤي: دارين هتعيش معانا هنا على طول يا كنان..

كنان بصدمه: نعم!!
فهد: هما فين اهلها يابابا وليه هي مش بتتكلم وشكلها تعبان كده..
صفاء بحزن: للاسف يا ولاد مامتها وباباها عملوا حادثه
بالعربيه وهي كانت معاهم بس لما وصلوا المستشفى كانوا
باباها ومامتها اتوفوا وهي كانت الخبطه مش خطيره اوي
عليها بس فضلت اسبوعين في المستشفى من الصدمه
ورافضه العلاج ومن ساعتها وهي بالمنظر ده مش بتتكلم ولا بتتحرك..
فهد بحزن: يا عيني مسكينه البنت.. شكلها صغير اوي هي عندها كام سنه..
لؤى: سبعتاشر

فهد وكنان بصدمه من عمرها الصغير: ايه؟!
كنان حس بوجع في قلبوا ناحيه البنت دي ولكن تظاهر بهدوء: وهي معندهاش اي اهل غيرنا..
لؤى بحزم: احنا اهلها يا كنان ودارين هتعيش معانا هنا وهتعتبروها اختكم زي لميس بالظبط..
صفاء: احنا اقنعنا خالتها بالعافيه تيجي تعيش معانا هنا وهي تبقا تزروها كل فتره..
فهد بود: طبعا يا ماما من هنا ورايح هي زي لميس بالظبط وان شاء الله هنعوضها..
صفاء طبطبت على كتفوا بابتسامه وحنان: ربنا يديمك في حياتنا يا حبيبي..
فجأه وهما بيتكلموا سمعوا صوت صويت لميس..
لميس بصراخ: باباااااااااا…….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب بالصدفه)