رواية عشقتها منذ نعومة أظافرها الفصل السادس عشر 16 بقلم مريم نصار
رواية عشقتها منذ نعومة أظافرها الفصل السادس عشر 16 بقلم مريم نصار
رواية عشقتها منذ نعومة أظافرها البارت السادس عشر
رواية عشقتها منذ نعومة أظافرها الجزء السادس عشر
رواية عشقتها منذ نعومة أظافرها الحلقة السادسة عشر
محمد : دخل المكتب وقعد على الكنبه ورجع راسه لورا ومغمض عينيه وساكت
نور : دخلت وجت تقعد على كرسي المكتب
محمد : تعالي اقعدي جمبي
نور : راحت قعدت جمبه .. ومش عارفه هتعمل ايه… وكمان استغربت ..!! انه ازاي شافها هتقعد على كرسي المكتب وقالها تعالي اقعدي جمبي … لكن قعدت وسكتت
محمد : فضل مرجع راسه لورا .. و مغمض عينيه لان العمليه كانت متعبه جدا .. لانها عملية استئصال ورم … وتعبت محمد جدا .. واخد فيها وقت كبير
نور : قاعده متوتره .. وشايفه وعارفه ان محمد تعب في العمليه .احم اجيبلك قهوه
محمد : مالك
نور : مالي انا .. انا
محمد : عدل راسه وبصلها .. ايوه انتي مالك بقى.
نور : احم .. انا .. بعتذر لاني مركزتش في العمليه.
محمد : وهو انا جايبك هنا علشان تركزي في العمليه
نور : بعدم فهم … ها.!!!
محمد : انا جايبك هنا النهارده علشان تركزي معايا انا
نور : مش مصدقه .. ان محمد مانبهش عليها انها تركز وكمان مزعقلهاش ..
محمد : مالك .. مصدومه ليه .. ما تقلقيش انا مش هاتكلم ولا هعلق …لان العمليه دي صعبه جدا عليكي .. وعلشان تتعلمي لسه بدري وقدامك اختبارات كتيره
نور : يعني انت مش زعلان
محمد : ازعل من ايه ..،!؟
نور : اني مركزتش معاك في العمليه.. بجد مش زعلان
محمد : انا قولتلك .. انا جايبك النهارده علشان تركزي معايا انا .. وبعدين انا بتفاءل بيكي وانتي موجوده جمبي
نور : فرحت .. الحمد لله انا كنت مفكره انك هتزعق
محمد : انا ازعقلك يا نور .. لا انا كده ازعل منك . انتي لسه مش عارفه .. انتي بالنسبالي ايه بقى..
نور : اتكسفت ..ربنا يخليك .. ميرسي جدا
محمد : ميرسي .!؟ طيب يا ستي ممكن اعرف بقي كنتي سرحانه في ايه .. ومتوتره.. ومش مركزه.
نور : بصدمه و بدهشه .. انت عرفت كل ده ازاي
محمد : يا بنتي انتي بنتي … بنتي فاهمه .. بصي يا نور .. علشان تعرفي … دقات قلبك دي انا حافظها انا بحس بيكى من قبل ما تدخلي علي المكتب ده.
نور : بدهشه محمد بجد بتعرف كل ده ازاي انا نفسي اسالك السؤال ده من زمان
محمد : تاني … انتي في دمي انتي ساكنه روحي .. عايزه ايه اكتر من كده .. بصي لو في اكتر من كده انا مستعد اوصل معاكي لنهاية العشق ..
نور : ابتسمت و فرحت من محمد جدا .احم ..
محمد : ها قولي بقى كنتي سرحانه. ومتوتره . ومش مركزه …..في ايه
نور : ابدا شويه افكار كده…
محمد : ممكن اعرف .
نور : لو قلتلك بلاش .. ممكن..
محمد : ممكن قوي قوي .. بس انا عارف انتى سرحانه . ومتوترة . وبتفكرى في ايه…
نور : بجد . ! طيب ايه .!!!!؟
محمد : بلاش ممكن ..؟
نور : اممم انت بتقلدني بقى ..
محمد : مش بقلدك … بس لو قلتلك .. انتي كنت بتفكري في ايه .. ومش مركزه ليه ومتوتره انتي هتتكسفي مني
نور : وشها ضرب طماطم واتكسفت .. قبل ما يتكلم
محمد : ابتسم .. ومسك ايد نور بحب .. صدقيني ما تقلقيش من اي حاجه .. انا هاكون معاكي في بيتنا .اخوكى .وصديقك . وحبيبك قبل ما اكون جوزك .. مش عايزك تفكري كتير اوكي..
نور : بحرج هزت راسها اوكي وقعدت مكسوفه جدا . لأن محمد قدر يخترق تفكيرها . وعرف هي كانت بتفكر في ايه ..
محمد : شافها مكسوفه .. محبش يتكلم اكتر وبص في الساعه وكانت ٩ بالليل ..وقال ..تحبى اوصلك.
نور : يا ريت .. انا قولت لبابي اني هتاخر معاك في العمليه .. لكن ما كنتش اعرف اني هتاخر ل ٩ كده
محمد : العمليه دي كبيره يا نور . وفي كمان عمليات بتاخد يوم كامل ..وواحده . واحده انتي هتتعلمى كل حاجه .. و يلا يا حبيبتي علشان اوصلك .. .واخدها .. ونور مشيت جمبه في المستشفى .. وخرجوا بره المستشفى …وفتحلها باب العربيه.. ووصلها . واتفق معاها انها بعد ما تاخد شاور وتصلي …وقبل ما تنام تتصل عليه … علشان تنام على صوته ..ونور كمان اتعودت انها تنام على صوت محمد
—————-
رينو بتتكلم مع رودي على الفون
رودي : ايوه يعني يا رينو اجي بكره الساعه كام
رينو : تعالى بدري يا رودي . اي وقت وبعدين مامي عايزه تشوفك .. تعالى بدري بقى علشان تعرفي تقعدي معايا شويه ..
رودي : طيب .. اديني ميعاد كده يعني
رينو : اوف يا رودي عليكي . بصي تعالي على 12 كده
رودي : مش بدري قوي كده.!؟
رينو : لا مش بدري . انتي هتيجي . وتسلمي على مامي وبابي .. وانا وانتي هنطلع نقعد في اوضتي مع بعض
رودي : نعم ياختي وانا جايه علشان اقعد في اوضتك ..!!!
رينو : لا يا غبيه مش قصدي .. يعني هتقعدي معايا لحد ما العيله كلها تتجمع ..
رودي : اوكي .. لكن عندي سؤال يا رينو ليكي .
رينو : سؤال ..!! سؤال ايه ده !؟
رودي : بصي احنا اتفقنا منخبيش حاجه على بعض..
. لكن انا حاسه انك مخبيه عليا حاجه ..وكمان حاجه كبيره مزعلاكي
رينو : فعلا هي اتفقت انها ورودي يكونوا كتاب مفتوح قدام بعض .. لكن هي عمرها ما هتتجرأ وتقولها ان فهد باسها .. او هي بتحب فهد .. وكمان فهد بيحبها … وانها جرحته وبعده عن بعض…
رودي : رحتي فين ..!! انا دلوقت اتأكدت ان في حاجه يا رينو .. قولي بقى مالك .!!
رينو : ما فيش حاجه يا رودي .. يا ريت تسيبيني براحتي .. وانا اكيد في يوم هتلاقيني باقولك لوحدي اوكي ..
رودي : اوكي يا رينو انا هاسيبك براحتك .. بس ياريت الوقت ده يجي بسرعه..
وبعد كده . اتكلمو مع بعض وقفلوا .. ورينو ..قامت من على مكتب المذاكره .. وراحت قعدت على السرير.. وفتحت فونها على صور العيله الجماعيه .. وقربت الصوره على صوره فهد على الشاشه .. واتنهدت وسرحت فيه …وقالت يا ترى يا فهد بكره هقابلك ازاي واشوفك .. وبتمنى اني مضعفش وقفلت فونها ونامت
————-بقلمى Mariem Nasar
نور : طلعت اوضتها بعد ماطمنت آدم ومريم . وحكتلهم علي العمليه . ومريم كانت مجهزه شوب لبن ل نور . الل شربته بالعافيه …واخدت شاور بسرعه ..وصلت فرضها … واتصلت على محمد
ورد عليها
محمد : كنت لسه هاتصل
نور : وماتصلتش ليه
محمد : وانا عبيط علشان اخلص رصيدي هههههه
نور : هههه . امممم فداك رصيدي يا محمد
محمد : ما بلاش الطريقه دي هيغمى عليا
نور : هههههه لا بجد فداك اي حاجه..
محمد : وده العشم برده . المهم اكلتي
نور : اكل ايه دلوقت … هو بعد الاكل اللي انا اكلته معاك كده .. اقدر اكل تاني
محمد : لا انا عايزك تتغذى كويس فاهمه
نور : ما تقلقش مريم هنا .. وماسبتنيش غير لما شربتني كوبايه اللبن كالعاده . طقوس عندها ..صبح وليل
محمد : مريم دي طيبه قوي .. عارفه كنا اصحاب قوي انا وهي
نور : اممممم بتقولي ديما .انك ابنها التاني .
محمد : عارفه لما نتجوز إن شاء الله
ونخلف وتجبيلي بنوته شبهك هسميها مريم
نور : يانهار .. علشان آدم يقتلك .. انا سمعت انه اتخانق مع خالو حسام لانه سمي مريم على اسم مامى
محمد : ايوه فعلا . لكن مش خناقه . كان غيران ان فى حد اتسمى على اسم مريم والكل هيدلعها ويشليها… ده كان حتة يوم ..وحسام كان هيتشل ويقوله خلاص انا سميتها على اسم اختي ..
. ولو كنت اعرف انك هتعمل كده كنت غيرت الاسم.
وآدم كان اليوم ده غيران جدا .. وبيقول ل حسام اوعا تشتم مريم فاهم .. و اوعا تزعلها انت سميتها مريم يبقى تحافظ على الاسم ده . و كله كان هيموت ضحك على آدم في اليوم ده …بس تعرفي انا حبيت موقفه جدا
نور : ازاي بقى
محمد : آدم بيحب مريم حب مش موجود .. حبها بكل تفاصيلها .. بصي انا مش هاشوف في حياتي زي عشق ادم ل مريم .. مهتم بادق التفاصيل بجد .. بيغير عليها ..ومهتم بيها . وكمان في اصعب وقت بيكون جمبها . زى وقت الحمل والولاده . انا مشوفتش كدا . ويغنيلها ويغازلها قدام العالم .. حب آدم حر طليق من غير اي قيود .. بس تعرفي مريم تستاهل حب زي حب آدم بجد
نور : اممم مين اللي بيتكلم ده .!!!!
محمد : الو انا محمد عزيز مين معايه هههههه
نور : ههههههههه بس يا محمد أنت آدم التاني واكتر
محمد : انا .!!؟ ازاي بقى معقول.
نور : معقول جدا .. لان آدم حب مريم واتجوزها في اسبوع واحد زي ما قالوا .. انت حبيت نور واستحملت 21 سنه .. وكمان انت كنت عايش على امل . ماكنتش متأكد من حبي ليك .. يعني كان صعب عليك .. وكفايه الانتظار اللي انت مريت بيه ..انت يا محمد تخطيت حب آدم بكتير .. وكمان انت بتغير عليا .. وحبك حر طليق لانك طلبتني قدام العيله كلها . انت حبك استثنائي يا محمد .. حبك ليا انت اتوجعت فيه كتير واستحملت .. لاني كنت قدامك طول ال 21 سنه وانت ما تكلمتش وحابس حبي جواك لنفسك وبس ..ودافعت عني طول السنين اللي فاتت دي .. وكنت واقف جمبي على طول . وكنت الدعم ليا .. تعرف .!!؟ انا ندمانه لاني ضيعت اجمل لحظات من عمري .. انا ماعرفش ازاي كنت عاميه كده عن حبك .. لكن لما بعدت عني الاسبوعين دول كنت بجد هاتجنن .. وما كنتش عارفه اتعايش مع اللي حواليا .. ربنا يقدرني واسعدك يامحمد ..وعيونها دمعت
محمد : انتي بس قوليلي يا محمد دي وما لكيش دعوه بالباقي
نور : ………
محمد : حاسس بنفس نور… نور انتي بتعيطي !؟
نور : مسحت دموعها واستغربت وابتسمت في نفس الوقت لانه عرف بقلبه انها بتعيط .. وقالت … وبتقولي .. ان حب آدم ما شفتش حب زيه انت حبك عدي حب ادم بمراحل .. انا بعيط لاني ما حستش بيك من زمان ووجعت قلبك كتير
محمد : نوري وحياتي .. مش عايز اشوف دموعك دي ابدا فاهمه .!!؟ ..وبعدين بعد الصبر ده كان ايه ..!!!؟ كان احلى مفاجاه ليا في حياتي .. كفايه السعاده اللي انا كنت فيها وانتي بتقوليلي بحبك يا محمد .. اديني واحده بحبك كده
نور : هههههههه بحبك يا محمد
محمد ؛ قلب محمد والله … ربنا يعدي الشهر ده على خير وبسرعه
نور : حد يقول كده على شهر رمضان .!؟ انه يعدي بسرعه
محمد : حبيبتي .. كده كده رمضان بيعدي بسرعه . غير اى شهر تانى … وبعدين انا بعد الايام والساعات يانوري .. انا بجد مش مصدق اني ممكن اكون انا وانتي مع بعض .. انتي حلمي يا نور ..
.ونور اتنهدت بسعاده .. واتكلموا كتير واخيرا نامت نور على صوت محمد المعتاد … ومحمد ماقفلش المكالمه المره دي ..ونام هو كمان على انتظام نفس نوره
————
فهد : في اوضته نايم على السرير وسرحان ف رينو..
ومش عارف .!!؟ يروح الحفله ولا لا . !؟ هو مش عايز يشوفها .. طيب لما انا مش عايز اشوفها بعد الساعات ليه !!؟ قلبي بيدق ليه ..!!!! . وقام وقف ولام نفسه …
فهد : انساها دي بتكرهك يا فهد .. وكمان طلبت منك ان المعامله بينك وبينها تبقى بحدود .. وقبض على ايديه .. وخرج وقف في البلكون .. وسرح في جمالها اللي مشتاقله .ظ وافتكر لمسه لشفايفها وانه شعور كان جميل .. ولكن دفعه تمنه انه اتهان .. وكمان البنت اللي بيحبها من 17 سنه اعترفت بكرهها ليه.. وسرح فيها من تانى وعاش جواه صراع ما بين المواقف الحلوه الجميله .. وبين رينو اللى بتكرهه .. وعاش في الصراع ده .. الي ان سمع آذان الفجر .. واتنهد ودخل جوه اوضته واتوضا وصلي… وحاول ينام ومش عارف ..ولا عرف ياخد قرار انه هيروح .. ولا لا .!! واخيرا بعد تفكير طويل استسلم للنوم
————-بقلمى Mariem Nasar
الصبح في فيلا آدم العدوي .. كلهم قاعدين على الفطار ..
مريم : اكلت بسرعه علشان تقوم مع دادا سعاد تعمل أكل العزومه للعيله
آدم : متابعها وبديق .. اقعدي كملي اكلك يا مريم انا قلتلك .. نجيب اكل من بره بس انتي مصممه تتعبي نفسك .. كلامي مبيتسمعش
مريم : حبيبي ولا تعب ولا حاجه .. وبعدين اكل من بره ليه يعني .. دادا سعاد والبنات اللي معاها ما شاء الله عليهم .. انا قومت الصبح لقيت دادا سعاد مصحياهم من الفجر ..وخلصلو جميع انواع المحاشى .. وظبطه كل حاجه .. انا بس هشرف واشوف اللي ناقص .. واعمل البشاميل اللي انت بتحبه
مراد : مريوم .. عملتي الرومي علشان فريحه
آدم : بغيظ .. رومي علشان فريحه . وامك الل هتعمله .!!؟ ..ما تقولنا على اوردر عيله السيوفي .بالمره
مراد : لا يا بابا هو الرومي بس .. علشان فريحه بتحبه
آدم : وانت يا زين .!! مافيش حد في العيله بيحب حاجه .. مريم تعملهاله . اصلها بتحقق الاحلام ..
زين : شرق . وكح …
مريم : اسم الله عليك يا زيني اشرب يا حبيبي
مريم : الله يا آدم .. ما تسيب العيال تعيش حياتهم .. وبعدين انا مش هتعب في حاجه والله صدقني .. انا بس هاعمل البشاميل اللي انت بتحبه .. والديك الرومي دادا سعاد هتعمله مع الحمام
آدم : بصلها بغيظ .. ها يا زين ما قولتليش
زين : احم .. لا يا بابا.. ماعرفش ..هو… لا مش عارف حد .. احم
آدم : قام ..ورمي الشوكه .. عيل مش طالعلي في حاجه ياض انت .. وبص ل مراد وزين تاكلو وتخلصوا وتحصلوني على المكتب .. عيال هم وسابهم وماشي
مريم : ابتسمت .. بتنهيده
مراد : هو آدم ماله يا مريم ..؟
زين : احم صح هو ماله يا مريوم .!؟
نور : بابي متدايق لانه منبه على مامي ما تعملش حاجه ولا تشتغل . وهي مش سامعه كلامه .وانت تطلب من مامى انها تعمل رومى ل فريحه ههه. المفروض كلام بابى حبيبي يتسمع ياميرو..
مريم : ما ينفعش يا نور يا بنتي دي عزومه كبيره ومينفعش اقعد كده.. وماعرفش ايه اللي بيتم في اكل الناس اللي جايه دي
مراد : اهم حاجه يا مريم الديك الرومي ..
نور : حيث كده بقى .. طبعا انا مش محتاجه اوصيكي على محمد .. ولا ايه !؟
زين : من جواه عايز يقولها وكمان روتي
رينو : قاعده ساكته
مريم : محمد …!! هو محمد محتاج توصيه .. عيني ل محمد ….محمد ده نور عيني .. واتخضت من صوات آدم العالى اللي كان واقف وراها .مش هنقفل ام صفحه الغزل دي . ونور وضلمه ولا اييييه …
مريم قامت . ونور ورينو ومراد … وزين راح يغسل ايديه بسرعه .. وكل واحد راح في اتجاه …
..وبعد شويه مراد دخل المكتب هو وزين واتكلموا شويه في امور الشغل والعزومه .. وبعد ما زين خرج مراد قعد واتكلم شويه مع آدم وبعدها مراد خرج .
مريم : عملت قهوه ل آدم . ودخلت عليه المكتب. وكان شكله متعصب . دخلت وحطت القهوه على المكتب .. وقربت منه .. ممكن اعرف زعلان ليه.!! وكمان متعصبه كده ليه ..؟
آدم : علشان انتي عنيده .. ومابتسمعيش الكلام .. قولتلك نجيب اكل من بره . وهيكون اكل يشرفك مش اي اكل . لكن انتي مصممه تتعبي نفسك وخلاص ..
مريم : طيب اهدي كده وتعالى نتكلم بهدوء .. ممكن تقولي انا هتعب في ايه …؟ في بنتين في المطبخ وداده سعاد كمان موجوده معاهم .. وانا قلتلهم امبارح على قايمه الاكل اللي هتتعمل . وداده بعتت الجناينى وجاب كل الطلبات . وكما داده سعاد هي والبنات الل هتعمل. كل حاجه من .محاشي و فراخ وحمام ولحوم والكلام ده .. وصحيت الصبح انا و انت .. ولما نزلت ما شاء الله .. دادا سعاد لقيتها مخلصه كل حاجه وانا قلتلها سيبي البشاميل انا هاعمله فين بقى التعب.!؟ حبيبي انا لما باعملك حاجه بعملها بحب وبكون مبسوطه..
آدم : مش عايز باشميل يستى كرهته ..ويا مريم اخر مره تكسري كلامي فاهمه ..
مريم : اكسر كلامك انت عايزني ازعل منك وانا عمري كسرت كلامك يا آدم
آدم : ايوه اهو . قولتلك امبارح ونبهت عليكى . انى مش عايز اشوفك واقفه في المطبخ .. ولا تعملى اي حاجه .. انت ليه مش قادره تفهمي اني عايزك ترتاحي ..
مريم : ابتسمت . من خوفه عليها … خلاص يا قلبي انا مش هاعمل حاجه .. وهافضل قاعده معاك هنا ايه رايك .. اضحك بقى الضيوف على وصول .. يقولوا ايه لما يشوفوا . آدم العدوي . مبوز كده ها .!!؟ وتعال هات بوسه بقى.
آدم : غصب عنه ابتسم . انا مش مطمنلك من امبارح .. انتى اخدتيني على الاوضه .. والنهارده هات بوسه بقى . ايه … النظام ايه … هاااا
مريم : هههههه . الله يا بو مراد .. مش انت جوزي . وحبيبى وسيد الرجاله كمان .
آدم : قرب منها وباسها من خدها . ربنا يخليكي ليا يا مريم بجد . انتى وجودك في حياتى بيحيينى ..
مريم : باست على ايده بحب .. ولا يحرمني منك ولا من حنيتك وخوفك وحبك وعشقك ياابو مراد
آدم : متقوليش أبو مراد . انا لسه صغير . انتى هتكبرينى ليه . قوليلى يادومى ..
مريم : ههههه . مين ده . الله كبر .. الله اكبر عليك .. ده الل يشوفك . يقول . اخو مراد الكبير . وانت احلى دومي .
آدم : لاء . كدا بقى . انا الل عايز بوسه …
مريم : قربت منه وباسته برقه . حبيبي . ربنا يديمك في حياتى .
آدم : روحى انتى يامريم . اميرتى انتى ..
مريم : حست انها هتضعف . احم . حبيبى . انت عزمت . الاستاذ بيتر ..
آدم : ايوه ياروحي . لكن مش هيجى . اعتذر
مريم : ليه كدا . انتو كنتو هتقضو مع بعض وقت حلو.
آدم : لانه كان عندو سفريه . وسافر امبارح بليل هو ومراته وبنته . علشان يجيب حماته لانها ..تعبانه .وهاتعيش معاهم .
مريم : اممم . ربنا يشفي كل مريض يارب ..
مريم : اروح بقى اعملك البشاميل ..!
آدم : بغيظ … مرررررريم …
مريم : خلاص . استهدا بالله وتعالى هات بوسه ..
—————
رودي جت .. ورينو استقبلتها .. وعرفتها على آدم ومريم .. ورحبوا بيها جدا .. وطلعت فوق في اوضتها و قعدوا يهزروا . ويضحكوا .. ورينو حولت تفرح نفسها .. لانها تعبت من كتر تفكير في الفهد..
. وبعدها زين . طلع وخبط عليها وقالها تيجي معاه مشوار مهم .. ورينو قالتله ان رودي صاحبتي موجوده معايا .. قالها .. ما فيش مشكله .. ممكن تجيبيها معاكي .. بس بسرعه علشان مشوار مهم اوى
… و فعلا رودي ورينو خرجوا مع زين ..
—————-بقلمى Mariem Nasar
حسام : يلا يا هدى اتاخرنا
هدى : ثواني بس يا حسام يا حبيبي بلبس الحجاب
حسام : مش عارف أنا .. الحريم بيلبسوا الحجاب في ساعه .. بجد الله يكون في عون الرجاله
هدى : هههههه .طبعا طبعا الرجاله دول ماسكين ياعيني .. واهو يا حبيبي انا خلصت
حسام : قمر الله اكبر .. يلا يا قلبي
هدى : حاضر يا حبيبي . انت جبت هديه مريم اختك
حسام : طبعا . وانا اقدر انسى ربنا ما يحرمني منك يا رب
مريم : ايه يا بابا خلصتو ولا لسه
حسام : ايوه يا حبيبتي يلا بينا تفضلوا ونزلوا
——-
ملك : مليكه . يا قلبي هتلبسي الطقم ده ولا ده
مليكه : اي حاجه يا مامي مش هتفرق
ملك : راحت قعدت جمبها وباستها من جبهتها . حبيبتي انا مافيش حاجه اسمها اي حاجه .. انتي لازم تلبسي الحاجه اللي انتي حباها
مليكه : ما انا كنت هلبس الحاجه اللي حباها ..بس بابي رفض
ملك : حبيبتي ما حدش قالك ما تلبسيش بناطيل .. لكن يا مليكه .. ده كان ضيق قوي يا حبيبتي ..وبابي كده بيحافظ عليكي .. مش ضدك ابدا .. قومي يا حبيبتي قومي ربنا يهديكي يا مليكه ويريح قلبك .. البسي.. وعارفه الفستان الهاڤان ده .. هيكون حلو قوي عليكي
مليكه : لا انا هلبس بنطلون وبلوزه .. انا مبستريحش في الفساتين
ملك : اوكي انا هاقوم اجيبلك طقم .. وملك قامت وطلعت طقم من الدولاب .. وكان محتشم وكان الطقم ده هدية من زياد لماليكا
ملك : ها .. ايه رايك الطقم ده حكايه عليكي بجد موافقه تلبسيه .
مليكه : اي حاجه مش هتفرق … لكن جواها مش عارفه لما شافت الطقم حست انها مفتقده للغايب الحاضر
ملك : طيب يا قلبي البسي .. وانا هاروح البس علشان عمتك هنا ..جهزت وقربو . يتحركوا من بيتهم ومش عايزين نوصل متأخر ماشي يا ملوكتي
مليكه : اوكي يا مامي
———-
مصطفى : يلا يا شيرين ..
شيرين : يلا يا حبيبي . انا مش عارفه هنا قالت انا جاهزه من بدري ..
هنا : انا اهو يا ماما . جاهزه وفعلا من بدري .. لكن زرار قميص اشرف اتقطع وكنت بخيطه ..
أشرف : وانا اهو جاهز يلا بينا ..
ريتال : نزلت وانا كمان جاهزه ..
أشرف وهنا اول ما شافو ريتال ..بسم الله ما شاء الله ..ايه القمر ده يا روحي .. وأشرف كان مبسوط بجمال بنته . وكأنه شايف ميكس من أشرف وهناه
ريتال : باحراج احم ميرسي ..
شيرين : الفستان هينطق عليكي يا قلبي .. بجد تسلم ايد مريم ذوقها جميل قوي ..
مصطفى : فعلا الفستان حلو قوي عليكي يا قلب جدك ..
ريتال : بجد ميرسي يا جدو .. ميرسي يا ناناه .. أشرف : امال يوسف فين …
مصطفى : هههههه يوسف في العربيه من بدري .. وجاب اخره منكم .. لان حسام وصل .. وطبعا مريم هناك … اخلصوا بقى ..
ريتال : طيب انا هروح ركب مع ابيه يوسف ..
هنا : اوكي يا قلبي .. واشرف عيونه على بنوته الل كبرت مره واحده ..
شيرين يلا بينا …
مصطفى : يلا يا حبيبتي
———-فيلا السيوفى…
طارق لابس وقاعد بينفخ جواه .. الحريم واللي يلبس قبل الحريم ….
وبص ل رنا ..عارفه يا رنا انا بعد كده . انتي هتلبسي اول ما تصحى و هتخلصي و لما تبدئى تلبسي الحجاب .. اقوم انا بقى ايه ..!؟ اكوي هدومي .. واخد شاور .. واخرج من الشاور .. والبس كل هدومي .. والشراب والجزمه .. واحط برفان و اسرح شعري .. وانزل اسلم على عماد الجنايني .. واشرب معاه كوبايه شاي .. تكوني انتي لبستي حجابك .. ويا عالم هتكوني خلصتي ولا لا ..
رنا : بتلبس الحجاب قدام المرايه … هههه حبيبي الله يا طارق .. هو انا يعني كنت قاعده .. ما انا اخدت شاور .. وجهزت هدومك وكمان جهزت لبس فارس .. وهو انا يعني مافيش ورايا غيرك ..
طارق : بديق .. أم كلامك يا شيخه … اخلصي بقى..
رنا : بزعل . تعرف انى وانا بجهز هدومك انت وفارس . قلبى وجعنى على فهد . انا قلبى بيتقطع عليه يطارق …
طارق : زعلان عليها . لانها بكت كتير الفتره الل فاتت . على فهد .. حبيبتي. وبعدين بقى معاكى .. هو فهد راح فين يعنى. وبعدين كدا كدا اغلب الوقت . فى الحربيه هيكون موجود في الكليه . مش هتشوفيه غير فى الإجازات . وفهد لسه فى أولى والسنه دى فى الحربيه بقضوها تدريبات حوالى ٣ شهور بس . يعنى حوالى شهرين كمان وابنك يكون فى تانيه حربيه . وهيقضى اغلب وقته هناك . يعنى انتى لازم تتعودى من دلوقتى . اعتبريه فى الكليه . مش احسن لما يسافر ويبعد ….
رنا : نفسى اعرف ايه الل جراله . ابنى أتغير خالص يطارق ..
طارق : اخدها في حضنه وضمها . حبيبتي إن شاء الله انا متفائل خير .. وربنا ليه حكمه في كدا . المهم أن جمبنا وكمان مهتم بالتدريبات مبيعملش حاجه وحشه . متقلقيش انا عيونى على ولادى .ظ
رنا : يارب .. واتنهدت .. قولي يطارق مراد كان هنا بيعمل ايه ..
طارق : حب يضحكها .. دا واد متخلف جاي وجايب معاه . علبه دبابيس بيقولي دول علشان حجاب فريحه .. عيل غبي..
رنا : هههههه . خرجت من حضنه .بجد .
طارق : اه بجد من قلت الدبابيس عندنا. .
رنا : لاء . هههههه بجد مراد عداك بمراحل .
طارق : اه مجنون انا .
رنا : : قربت منه . احلى مجنون . طيب تعرف لما تقعد عاقل كده انا بقلق منك . هههههه
طارق : ما تجيبي بوسه ..
رنا : هههههه والله مجنون فعلا ..
فريحه : خبطت ودخلت .. وكانت زي القمر . في الفستان .
رنا وطارق بسم الله ما شاء الله ..
طارق : عيونه لمعت ..حبيبة ابوكي ايه الجمال ده.
رنا :عيونها دمعت .. بنتي انا قمر . قمر والفستان تحفه عليكي يا قلبي .. ما شاء الله …بجد مراد ده ذوق جدا …
فريحه : بكسوف ميرسي يا بابي ميرسي يا مامي.
طارق : قرب من بنته وباسها من جبهتها .. وشاف حجابها . وبص عليه .. هي دي الدبابيس اللي جابها مراد المجنون ..
فريحه : ايوه . ولو سمحت يا بابي ما تقولش على مراد مجنون ..
طارق : يا سلام .شوفى البت .طيب ياختي اشبعي بيه … بس صدقي الدبابيس ماشيه مع لون الحجاب..
واد متخلف بس بيفهم …
رنا : ايه التناقض ده .. متخلف بس بيفهم ازاي.. فريحه : اتغاظت .. انا هاقول لمراد على فكره …
طارق : بص ل رنا .. شوفي البت هتبعنا في لحظه .. اممم . الظاهر اخيرا .ابن العدوي صالحك .ورضاكي. بعد اسبوع النكد الل كنتى معيشانا فيه.
فريحه : ايه ده . عرفتو ازاى . هو كان باين عليا قوي كده .
رنا : باين عليكى ..! ده كان باين علينا احنا ..فريحه يا حبيبتي . احنا ما شوفناش ضحكتك غير امبارح بس ..
طارق : ايوه .. وصح يا فريحه احنا ما شوفناش البوكس الكبير ده فيه ايه .؟ احنا عرفنا ان مراد جابلك الفستان ده ..بس البوكس اكيد مراد جابلك هديه حلوه.. لان البوكس كبير قوي.. جابلك ايه ..هااا .!!!؟
فريحه : بغيظ . بلاش . بلاش يا بابي .تعرفه احسن
رنا : قولي . قولي . حابين نعرف صالحك وجابلك ايه
فريحه : مابلاااااش .
طارق : ما تقولي يا بت بقى .واخلصى.
فريحه : جابلي كلب و ديناصور لعبه ..وساندوتشات . فول وطعميه. وجزر مخلل ..
طارق وفريحه بصو لبعض . هههههههههههه . هههههههههههه
فريحه : اضحكو . اضحكو. بس جابلى السلسلة دى . وشافو فريحه وهي لابسه سلسه . عباره اسم مراد
وكانت مبسوطه بيها جداااااا ..
فارس . خبط ودخل .. بابا الكل في الطريق . ورايحين لعمى آدم .
طارق : وفهد ..؟
فارس : فهد فونه مغلق ..
رنا .اتنهدت بوجع ..
طارق ::يبقى مش جاي .. يلا بينا احنا .وخرجوا
————
نور : اتصلت على محمد اللي شكله كده هيتاخر . لانه قالها انه عنده شغل في المستشفى .. واخيرا رد..
محمد : الو …
نور : بزعل . انت فين يا محمد …
محمد : حبيبتي . انا خلصت كشف ورايح على الشقه . اخد شاور على السريع .واغير هدومي والبس.
نور : كل ده .. على فكره . الكل وصل تحت وقاعدين كلهم بعض ..
محمد : حبيبتي . اديني بس ساعه مش اكتر ..انا في الطريق اهو .. وفي ثواني هاروح اغير واجيلك .. معلش والله اتأخرت غصب عني ..
نور : بزعل اوكي . خلي بالك من نفسك .
محمد : طيب زعلانه ليه بس ..
نور : لا مش زعلانه …
محمد : لا زعلانه . هو انا مش عارف بنوتي ولا ايه.
نور : زعلها راح وابتسمت .. لا صدقني مش زعلانه. محمد : دلوقتى بس انتي فعلا مش زعلانه ..
نور : بدهشه .. انا هتجنن منك يا محمد . انا حاسه انك ممكن تكون مركب كاميرات في كل حته.
محمد : تاني .. افهمك ازاي بس .. انتي نبضي و بحس بيكي يا نوري ..
نور : بحب . يارب ديما تحس بيا كده ..
محمد : بكره تشوفي يا قلبي ..
نور : ارجوك ما تتاخرش يا محمد لو سمحت ..
محمد : حاضر يا قلب محمد . انا هانجز . وهاجيلك لأنك وحشاني ونفسي اشوفك .. وقفلوا بعدها
—————-بقلمى Mariem Nasar
الكل . كده وصل ولكن لسه محمد وفهد اللي فونه مغلق .. وقاعدين كلهم في الفيلا..
. وادم ومريم . رحبو . جدا بكل الموجودين ..ادم ومريم قاعدين جوا الفيلا ..وموجود معاهم مصطفى وشيرين . وطارق ورنا . واشرف وهنا . وحسام وهدى . وجاسر وملك ..
. اما . كل الشباب والبنات في الجنينه …ورودي كانت هتموت من الاحراج … مالك واقف تحت شجره واتصل على ساره يكلمها ويطمن عليها
.اما مليكه .. قاعده على الكرسي و بتتصفح في الفون .
يوسف اول ما شاف مريم مش مصدق انها بالجمال ده . لانها كانت لابسه فستان زهري وكانت فعلا جميله فيه ..وراح وسلم عليها واتمشي معاها في الجنينه ….
اما . زين : راح سلم على ريتال وكانت محرجه.. وحاولت تقلد البنات في شخصيتهم .. وانها تكون عادي جدا قدام زين .. لان التوتر ده بيدايقها جدا..
ريتال : احم ازيك يا زين ..
زين : الحمد لله يا ريتال . انتي عامله ايه.
ريتال : انا كويسه .
زين : عارفه الفستان الاوف وايت ده يجنن عليكي
ريتال : احم . ميرسي .. فعلا انا كنت لسه هشكرك بجد ذوقك حلو قوي.. بس ليه تعبت نفسك..
زين : بصي انا كنت عاوز اجيبلك هديه من زمان .. لكن مكانش في وقت .. بس النهارده طقت في دماغي اني اجيبلك فستان .. واخدت البت رينو وكان معاها صاحبتها .. وروحنا على المول . وانا اللي اخترته علشان بس ما تفكريش ان رينو اللي اختارت .. لا.. انا اخترت اللون والتصميم عجبني قوي .. وبصراحه حبيته عليكي..
ريتال : قلبها بيدق بسرعه . لكن بتحاول احم متشكره يا زين .. والحمد لله جه على مقاسى بالظبط..
زين : لا. ما انا عيني لماحه بردو ..
ريتال : مش فاهمه ..
زين : احم قصدي . ان مقاسك زي رينو .. سيبك بقى من الفستان .. المهم حد لاحظ في البيت عندك ان انا اللي جبتلك الفستان ..
ريتال : لا. رينو جابته وقالت قدامهم انا عمتو مريم هي اللي جابته علشاني …
زين ::مش مهم .. مريم مش غريبه بردو ..
ريتال : ابتسمت . واكملو كلامهم وهما بيتمشوا مع بعض
———–
مراد :شاف فريحه بالفستان .. اللهم صل على النبي .. ايه يا بت ده.. ايه الجمدان اللي انتي فيه ده يخرب بيتك مزه …
فريحه : بجد عجبتك يامرادي ..
مراد : عجبتني بس .. اصبري عليا بس لما يجمعنا بيت واحد ..
فريحه : وشها بقى احمر ..
مراد ::الله… هو ده اللي انا عايزه فستان ابيض ووش احمر .. الله عليك ياض يا مراد .. ايه يا بت الجمال ده عروسه … وقرب منها ولسه عايز يغازلها .. لكن نده عليها بغضب مكتوم ..فريحه …..
فريحه : نعم يامراد ….
مراد : انتي حاطه برفان …
فريحه : في سرها وبهمس يا نهار اسود .. دا انا حاطه برفان هادي جدا شموا ازاي بس … وماتكلمتش..
مراد : ايه اتشليتي … وعلى صوته ما تردي ….
فريحه : خافت ..احم . هواا .. هوااا . برفان .. برفان .. ايوه .. اه .. ايوه .. تلاقي لما سلمت على.. على مين …؟ هو مين اللي بيحط برفان من الرجاله..!؟ .. اه لما سلمت علي بابي وحضنته…
مراد : وحياة امك .. سلمتي على ابوكي وحضنتيه. ليه كان وحشك في الطريق ولا ايه .. انتي هتستهبلي يا بت.. انتي حاطه زفت على راسك ليه …
فريحه : مش عارفه تعمل ايه .. لان كل بنات العيله ما بيحطوش برفان بره البيت علشان حرام …
فريحه : مراد
مراد : حط ايديه الاتنين . وربعهم على صدره .. سامعك قولي …
فريحه : مرادي . بص .هو انا حطيت فعلا . بس هو مش برفان قوي يعني..
مراد : والله .ايه العسل ده ..يعني مسكتي ازازه البرفان وانتي بترشي على الفستان . وقولتي رش بس ما تروشش برفان قوي .. انتي عبيطه ولا ايه يا فريحه ..
فريحه : خلاص يا مراد . اول واخر مره . انا من فرحتي . واني هقابلك النهارده رشيت رشه صغيره. وبعدين والله ده ريحته هاديه جدا يا مراد . واخر مره بليز بليز ما تزعلش والنبي . والنبي.
مراد : اول واخر مره يا فريحه . علشان المره اللي جايه .. هيكون فيها كلام تاني .. اقسم بالله احنا لو مش في مناسبه دلوقتي . كنت خليتك تقلعي ام الفستان ده وتلبسي اي زفت تاني على راسك ..
فريحه : ابتسمت . وتغمض عينيها وتفتحها بمرح .. غيران عليا يا بيبي ..
مراد : بيبك . اه ياختي غيران على مراتي ..
فريحه : مراتك .. يا لهوي يا فريحه .. والله انت عسل يامراد قلبى .. هو انا بحبك من شويه …
مراد : ايوه يا بت .. كلي بعقلي حلاوه كلي .
المهم قوليلي . فهد فين مش باين يعني . .
فريحه : خايفه تقوله من تحذير طارق ليهم ..فهد
مش عارفه انا لبست وخرجت مع فارس على طول المهم انتو هتاكلوا امتى انا جعانه ..
مراد : بصلها .. طفسه يا روحي
————
مليكه : قاعده في الجنينه وفاتحه فونها وباصه فيه .. ورينو جمبها سرحانه ..ورودي قاعده قصاد رينو … وعنيها على فارس ..
فارس كان واقف تحت شجره . وبيرن على فهد..
رودي : رينو .. باقولك ايه .. مش المفروض نروح نسلم على الاستاذ فارس .. وانا اشكره يعني. .
رينو : مخنوقه لان فهد الوحيد اللي لسه ما جاش ..
. هي عارفه ان محمد على وصول .. بس فهد يا ترى هيجي ولا لا .!؟ احم روحي انتي يا رودي انا حاسه بصداع …
رودي : بتفكير . طيب وقامت وراحت بتوتر عند فارس الل ضهره ليها…
رودي : احم استاذ فارس …
فارس : لف يشوف مين . لان الصوت ده مش من العيله .. ايوه ..
رودي : بتلم شتات اعصابها .. انا رودي فاكرني.
فارس : ايوه طبعا . فاكرك عامله ايه دلوقتى..
رودي : احم . الحمد لله انا كويسه ..وكل ده بفضل حضرتك..
فارس : من غير القاب .. رودي انا ما عملتش حاجه.
رودي : تنحت لما سمعت اسمها وسرحت في اسمها اللي نطقوا ..
فارس : انسه رودي ..
رودي : ها احم . اه ايوه ايوه وانا كمان..
فارس : باستغراب . وانتي كمان .!! وانتي كمان ايه ..؟
رودي : اسفه اصلي سرحت شويه .. احم حضرتك ماعملتش حاجه ازاي .. حضرتك. لو كنت اتأخرت شويه كان قلبي هيحصل ليه مضاعفات..
فارس : باستغراب ..قلبك .. !! هي مش كانت الزايده بيتهيالي ..
رودي : متلخبطه . ومتوتره .. اا. اي حاجه اهي كلها اعضاء .
فارس : ابتسم من لخبطتها .. هو مش فاهم ده طبعها .. ولا هي متوتره …
رودي : شافت ابتسامت فارس . احم ضحكتك حلوه قوي يا فارس ..
فارس : سمع اسمه منها . ومش عارف ليه وافق انه يقف معاها .. هي المفروض شكرته .. خلاص كان استأذن وسابها ومشي .. متشكر ..
رودي : فاقت وقالت فى سرها . يخرب بيتك يا لساني مبتسترش ابدا .. هيقول عليا ايه دلوقتى .. ماشي يا رينو.. سبتيني لوحدي . اهو عكيت الدنيا ..
فارس ::بتقولي حاجه يا رودي …
رودي : تاهت في اسمها من تاني .. وقلبها اتحرك من مكانه .. رودي متسرعه ..
رودي : احم ل ابدا ما قولتش هو انت اسمعتني باقول حاجه..
فارس : لا . لكن بتهمسي ومش سامع كويس ..
رودي : احسن ..
فارس : بدهشه نعم ..
رودي : قصدي يعني .. اني ما قولتش حاجه مهمه.
فارس : ماشي . المهم حمد لله على سلامتك .
رودي : ما تقلع النضاره دي .. فارس بدهشه واتعجب منها .. ولكن لا اراديا . فارس شال النضاره وكانت عيونه عسلي مع انعكاس الشمس .. جننت رودي..
رودي : شافت لون عينيه عن قرب . وكمان في الشمس .. يا لهوي عليك ..انت قمر يا فارس. . وعينيك حلوه قوي قوي ..
فارس : بدهشه . من شخصيتها .. احم . متشكر وغمض عينيه مع ابتسامه وفتحها .. ملقاش رودي قدامه .. شافها بتجري من قدامه لانها احرجت واتكسفت .. ولكن فارس ضحك على شكلها … غريبه رودي دي
—————-بقلمى Mariem Nasar
اخيرا محمد وصل .. ونور قاعده قرب باب الفيلا من الفيلا منتظراه …
.ورينو شافت محمد . وقامت راحت ل نور. نور .نور.
ابيه محمد جه …
نور : بجد وقامت وقفت قدام باب الفيلا الداخلى .. وشافت محمد داخل .. ولابس بدله جميله و النضاره والساعه .. وماسك ٢ فون ومفاتيحه .. وداخل عليهم..وبيدور على عشقه
ونور قلبهادق .. محمد سلم على كل الموجودين في الجنينه .. وعينيه على نور اللي واقفه على باب الفيلا.. ومحمد راح وطالع على سلم الفيلا وشاف نور وعينيها مع انعكاس الشمس . اول ما شافها .. كان عايز يشيل نور ويدخلها جوه قلبه ..
محمد : ابتسم .. اتأخرت ..
نور : هزت راسها بلاء..
محمد : ساعه بالظبط اهو .
نور : هزت راسها بايوه …
محمد : انتي ما بتتكلميش ليه ..
نور : حبت محمد في البدله . ومبسوطه من شياكته .. محمد..
محمد : نعم يا نوري ..
نور : انت حلوه قوي ..
محمد : انا برده اللي حلو .. امال اقول على القمر اللي قدامي ده ايه .. والله بجد ما لاقي كلام اوصف فيه جمالك . انتى فعلا قمر..
طارق : من جوه . تعالى يا قمر تعالى . خش سلم الاول …
محمد : احرج ودخل وقال ل نور امشى جمبى بالظبط . وميهمكيش حد .
نور : مشيه جمبه بسعاده كبيره ..
محمد سلم على كل الموجودين .. اسف يا جماعه اتاخرت عليكم .. والكل سلم عليه .. لكن رنا قاعده زعلانه على فهد .. لانه الوحيد اللي مجاش وزعلانه على حاله ..
وادم اتصل عليه وطارق وفونه مقفول . وآدم معلقش .
.رينو داخله جوه . وآدم شافها ونده عليها .. رينو حبيبتي..
رينو : نعم يا بابي …
آدم : قولي ل داده سعاد تجهز الغدا
رينو : بزعل جواها لان كده فهد مش جاي .. حاضر يا بابي …
.ورينو راحت وقالت ل داده سعاد فعلا .. وبدأت تجهز الغدا.
مريم : فهد فين يا رنا ..
رنا : مش عارفه تقول ايه.. والله ما انا عارفه يا مريم تلاقيه لسه نايم .. او فونه فصل شحن …
مريم : بصت في عيون رنا .. المشكله انك ما بتعرفيش تكدبي .. لاننا متربناش على كده .. احنا اه ممكن ندراى للمصلحه وعشان نبعد المشاكل ..
رنا : مخنوقه من جواها . لكن طارق . منبه عليهم . وطارق وقت عصبيته بيكون حد تانى . صدقيني يا مريم .. انا ماعرفش فهد فين دلوقتي .. وفونه مقفول ولا هو قافله .. وممكن يكون نايم …
مريم : متاكده .. ماشي يا رنا ..انا هعرف بطريقتي
مريم : قامت علشان تشرف على الأكل .
. وان الشباب كلهم وآدم ومصطفى وشرين وطارق ورنا . وجاسر .وحسام .وأشرف هيتغدو مع بعض في الجنينه. .
ومريم وملك وهنا وهدى . والبنات هيتغدو جوه في الفيلا علشان ياخدو راحتهم ..
وفعلا الغدا خلاص جاهز .. وداده سعاد . سي آدم غدا الرجاله جاهز في الجنينه ..
. وآدم قام متشكر يا دادا . يلا يا شباب اتفضل يا مصطفى باشا .. مصطفى قام والكل قام من بعده هو وشرين .. وخرجوا وقعدوا في الجنينه …
والبنات قعدت في الفيلا كلهم قعده ولسه هيبداو اكل
رينو قاعده زعلانه. علشان فهد مجاش .. ولكن سمعت زين يقول عمى طارق فهد جه …
رينو قلبها دق اكتر من مره . وابتسمت تلقائيا لوحدها .. ومريم متابعه بنتها .. ولكن مش قادره تحدد في ايه وبدؤ فى الغدا .
———
فهد كان قافل فونه وعايش في حرب نفسيه .. وحاسس انه مش عايز يروح .وكمان خايف من زعل آدم. وفكر كتير في تصرف رينو الاخير بعقله .. ولكن فكر بقلبه في عيون رينو وحراكتها ..وانها وحشاه وقلبه طبعا اللي فاز ..
.فهد : قام في اخر لحظه . ولبس وخرج .. وكان لابس قميص وبنطلون وشمر الكم . وكانت عضلاته بارزه . وكان في منتهى الجمال ..
ودخل عليهم في جنينه الفيلا .. وزين لسه بيقعد شاف فهد داخل .. ونده . على طارق .. عمي طارق فهد جه..
طارق ورنا شافوه واتنهدو باريحيه ..
وآدم كان زعلان طبعا .. لانه لو فهد مجاش كان هياخد موقف منه .. لانه اتصل عليه شخصيا …
فهد : قرب عليهم . مساء الخير ..
كلهم : مساء النور ..
فهد : عيونه بتدور على رينو .. ولكن اتأكد ان الستات كلهم جوه .
. وشاف نظرة آدم . ولكن حاول يبقى على طبيعته احم . لا سلام على الطعام .. نسلم بعد الغدا بقى..
وبص ل آدم اسف على التاخير ..
آدم : اترزع .. لحقت نفسك من قايمه البلاك لست..
فهد : ابتسم . وقعد .. وحاول جواه انه يسيطر على فهد القديم .. ويثبت شخصية فهد الجديد قدام رينو..
مراد : انما ايه الحلاوه دي ياض يا فهد .. حاسس ان عضلاتك في تقدم .. كلهم ضحكوا ..
فهد : لازم الواحد ياخد خطوه صح في حياته .
(طبعا آدم فهم إن الجمله دى وراها حوار . وحوار كبير . لكن معلقش).
فهد : انا ركزت شويه في التدريبات … وبعدين كمان انا ملاحظ انك ما شاء الله عضلاتك في تقدم بردو..
مراد : اه كبرت شويه ورقص عضله دراعه والكل ضحك عليهم ..
مصطفى : يلا بقى اتغدو . وبسم الله مشاء الله . يا آدم . الأكل في منتهى الروعه . انت عامل جميع انواع الاكل . طيب نعمل ايه احنا بقى .
طارق : فعلا انا محتار . اكل محشى ورق عنب . ولا المحاشى التانيه . ولا جلاش ورومي وحمام وفراخ وكفته ولحمه استيك . ولا الأنواع التانيه دى .. انا بفكر اقوم .. انا شبعت من المنظر ..الكل ضحك
آدم : كله من خيرك يا مصطفى باشا . ميجيش من بعد كرمك .
مصطفى : الله يخليك .
آدم : وانت يطارق . وبص ل مراد . كل رومى . مراد صمم ان حماه ياكل رومي انهردا .. مخصوص علشانك .
طارق بص ل مراد . اصيل ياض يامراد . طمرت فيك تربيتى .. والكل ضحك . لكن مراد نفسه يقول ل طارق ده لفريحته وبس . وفهد بياكل فى صمت
. وبعد فتره الكل اكل الحمد لله .. ومريم كانت مهتمه ب رودي لانها اول مره تحضر . ورودي . كانت مبهوره . بأنواع وأصناف الاكل الكتيره . وفعلا الكل . كان محتار ياكل ايه .ولا ايه
.واتغدو . كلهم .. وبعدها برده صلوا كلهم . جماعه . الرجاله لوحدهم . والستات لوحدهم ..
وبعد شويه ..
مراد : واقف في الجنينه هو كل الشباب وفهد جمبه بيتكلموا ويهزرو . وفهد بيمثل انه طبيعى . وعيونه بتدور على رينو . لانه لسه ماشفهاش ..
مريم: ندهت على رينو ..
رينو : نعم يا مامي ..
مريم : حبيبتي . خدي الصينيه دي وطلعي الكانزات دي بره ل مراد والشباب ..
رينو :خايفه تطلع . علشان كدا هتشوف فهد .. احم لازم انا يامامي ..
مريم : حبيبتي نور اختك قاعده مع محمد . ومش حلوه اندهلها … واخواتك قاعدين مع الضيوف.
والبنات وداده سعاد في المطبخ ..اتفضلي .. ولا اروح انا …
رينو : لا خلاص يا مامي هاتي . واخدت الصينيه وكانت كبيره عليها .. وقلبها خايف وطلعت من الفيلا ..
و نازله على السلم .. وفهد . اخيرا شاف رينو . واول ما شافها . قلبه دق بخفقان . ضربات مختلفه ومتلخبطه . وراقب حركاتها الل وحشاه اوى ..وهي نازله على السلم . كانت رجليها هتفلت لكن لحقت نفسها . وفهد في اللحظه دي جسمه اتشنج .وكان هيتحرك ويجري يلحقها .. لكن رينو لحقت نفسها..
ومراد : ايه يا فهد مالك..
فهد : لا ابدا ما فيش …
. وفهد لعن نفسه لانه حس أنه ضعف . وقال لنفسه انت لازم تكون اقوى من كد .. هي جايه عليك اهي ولما تقدم الحاجه الساقعه ما تاخدهاش منها اجرحها .. واحرجها .. اثبت عكس كلامها . رد كرامتك .. وانك خرجتها من حياتك … عرفها انها غلطت ….وقبض على ايديه ..
رينو علشان الصينيه كبيره عليها .. رجليها فلتت وهي نازله على السلم .ولكن لحقت نفسها .. ونزلت وهي رايحه على مراد .. وشافت فهد اخيرا .. و دقلبها بيدق .. وب تفكير ازاي هتشوف فهد وازاي هتقابله .. ياترى هتسلم عليه . وازاي هاتقدمله الكانز .———-
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها منذ نعومة أظافرها)
روعه آيه في الجمالر