رواية غرام الأكابر 4 الفصل الرابع 4 بقلم منال عباس

رواية غرام الأكابر 4 الفصل الرابع 4 بقلم منال عباس

رواية غرام الأكابر 4 البارت الرابع

رواية غرام الأكابر 4 الجزء الرابع

رواية غرام الأكابر 4 الحلقة الرابعة

بعد وصول عاصم إلى مطار برلين يذهب مباشرة إلى الفندق للسؤال عن غرام …وما أن وصل حتى وجد هاينز
عاصم : مستر هاينز ..ويسلم عليه ويسأله عن أخباره ..
هاينز يرحب به هو الآخر …
هاينز : يؤسفنى ما حدث لدكتور غرام هنا …
عاصم : انا جاى مخصوص علشان كدا ..بتصل عليها مش بترد ..
هاينز : دكتور غرام انتقلت للمستشفى وانا جيت علشان اخد عنوان المستشفى واطمن عليها
شكره عاصم وسأله عن عنوان المستشفى
هاينز : تعالى نروح سوا واتمنى تكون بخير …..
استقل عاصم سيارة هاينز ..
هاينز : دكتور غرام من الأطباء المشهورين على مستوى العالم …واكيد الكل هنا هيهتم لامرها ..كن واثقا ….بقلم منال عباس

 

 

 

فى فيلا عاصم
يحيي : مفيش اخبار عن دكتور غرام..
ادهم : للاسف لا …وبابا لسه ما اتصلش
شروق : ربنا يطمنكم عليها …
يوسف : انا جربت اتصل على عاصم بس لسه فونه خارج التغطيه …
شمس : الموضوع بقي مقلق …
حسناء : يلا يا ولاد كلنا نصلى ركعتين لله وندعى ربنا أن غرام تكون بخير ….
سماح فى سرها : ايه السر فى أن الكل هنا خايف على غرام …
انا على حد معلوماتى انها انسانه ق*ذ*ر*ة. استغلاليه وهى السبب وراء م*و*ت ماما …
انتهزت سماح فرصه أن الجميع منشغل فى الصلاة وصعدت للأعلى إلى حجرة غرام
فتحت الحجرة ببطئ وبدأت فى البحث …يأتيها الاتصال
سماح : الو
المتصل : هه وصلتى للملف.

 

 

 

سماح : لا لسه انا لسه داخله حجرتها …اول ما اوصل هكلمك انت المهم طمنى عليهم
المتصل : كويسين
سماح : طب ممكن اسمع صوتهم ؟
المتصل : مش وقته ويلا سلام واغلق الهاتف
سماح : انا ايه اللى ورطنى فى كل دا ..ما كنت عايشه مرتاحه ….
بعد أن صلت هند ودعت من أجل غرام بحثت بعينيها عن سماح ولكنها لم تجدها
هند والشك يوما بعد يوم يزداد من تصرفات سماح
فى المستشفى
يصل عاصم هو وهاينز فقد ساعده هاينز للوصول إلى مكان غرام
سأل هاينز عن حجرة غرام وأخبر الاستقبال أن عاصم يكون زوجها ..
ارشده موظف الاستقبال عن مكانها

 

 

 

صعدوا إلى حجرتها ليجدوا العديد من الحرس يحاوط تلك الغرفه
سأل هاينز الأمن عن ما حدث لدكتور غرام وكانت المفاجئه أنها قد تناولت نوع من أنواع السموم ولازالت فى غيبوبه
جن جنون عاصم ..كيف حدث ذلك إلى زوجته ومن يريد اذائها ؟بقلم منال عباس
طلب أحد المسئولين أخذ بعض اقوال عاصم وهاينز لمعرفه من وراء ذلك
الضابط : مستر هاينز حضرتك كنت من ركاب الطائرة..
هاينز : ايوا فعلا …كنت فى مصر للسياحه وليس للعمل وبالصدفه تقابلت مع دكتور غرام على متن الطائرة..وتناولت معها حديث قصير …
الضابط : وايه عرفك أنها هنا فى المستشفى
هاينز. : شاهدت البث المباشر..ولما شاهدت ذلك جئت للاطمئنان عليها فى الفندق وعرفت انها انتقلت إلى المستشفى..
الضابط : مستر عاصم .ايه علاقتك ب هاينز
عاصم : علاقه شغل بين شركاتنا وشركاته

 

 

 

الضابط : بتشك فى مين
عاصم : مش فى حد …غرام طول عمرها طيبه والكل بيحبها ….
الضابط : عموما دا رقمى لو افتكرت اى خلاف حصل للسيدة غرام تبلغنى ..
عاصم : تمام ..ينفع اشوفها
الضابط : الدكتور هنا اللى ممكن يفيدك وتركه….
طلب عاصم بإلحاح أن يرى زوجته
وافق الطبيب بعد أن توسط له هاينز
هاينز : هنتظرك فى السيارة اتمنى الأمور تمر بسلام على دكتور غرام…
دخل عاصم إلى حجرة غرام وجميع الأجهزة معلقه لها ..نزلت الدموع بانهيار
عاصم : غرام حبيبتى ..كان قلبي حاسس ..مين عمل فيكى كدا ..انت يا صاحبه القلب الابيض ..
وجلس بجانبها يبكى فهى رفيقه دربه ولا يدرى كيف يعيش بدونها …سرح فى حديث مضي بينهم
فلاش باااااااك

 

 

 

غرام : عاصومى انا مش مصدقه نفسي اقرصنى
عاصم : خير حبيبتي فرحينى معاكى ..
غرام : انا بقالى 3 سنين وانا بعمل ابحاث كتيرة وبعد تجارب كتير قدرت اوصل …………
دا هيعمل طفرة كبيرة فى جراحه المخ والاعصاب ..
عاصم : ما شاء الله عليكى يا غرام …ديما متميزة فى كل حاجه بتعمليها …
غرام : ادعيلى اخد براءة اختراع..
عاصم : أن شاء الله حبيبتي ..تحققى كل أمنياتك ….
غرام : انا بحاول اعمل كل دا فى السر ..على ما أوثق كل شئ انت عارف مافيا العقاقير …
عودة من الفلاش
انتفض عاصم من مكانه
عاصم : مافيا العقاقير !!!
فى فيلا عاصم
تبحث هند عن سماح وفى الآخر تجدها تنزل من الاعلى على السلم
هند : كنتى فوق بتعملى ايه ..

 

 

 

سماح : ابدا كنت بحاول الأقصى اى ملابس عند غرام علشان اصلى زيكم ..
هند : طب ليه ما طلبتيش ..ما يصحش تدخلى كدا من غير استئذان …
سماح : بقولك ايه شيلينى من دماغك شويه ..
هند : ايه الأسلوب اللى بتتكلمى بيه دا
هند بصوت مرتفع : انا حرة وانتى مش ولي امرى
يأتى رامز على صوتهم
رامز : فى ايه صوتكم عالى ليه
سماح بتمثيل : شوف مراتك بدل ما تواسينى وتكون جنبي ..عماله تزعق فيا …
رامز : طب معلش ما تزعليش نفسك ..هند طيبه واكيد ما تقصدش ..
هند : بس …
رامز : خلاص يا هند احنا فى ايه ولا ايه ..ويلا نمشي ..وهنطمن على غرام بالفون
سماح : انا هقعد هنا ..ما ينفعش اترك اولاد غرام لوحدهم ..
هند : ما رغد وزوجها هنا وكمان خالتها حسناء
سماح : حسناء ..مش دى الست اللى بابا اتجوزها
وكان وشها فقر عليه ومات ..

 

 

 

هند : عيب عليكى ..الست حسناء ست محترمه
سماح : ماشي عموما انا قاعدة ..
رامز : اتركيها على راحتها يا هند ويلا بينا …
عند عاصم
يتصل عاصم على أولاده ويخبرهم بما حدث مع غرام
ادهم : ازاى دا …وهى عامله ايه دلوقت
عاصم : هى فى غيبوبه …هحاول اكلمكم تانى ..انا داخل ليها دلوقتى ..سلام …
التف عاصم كى يعود إلى حجرة غرام ليجد …..

يتبع..

لقراءة الفصل التالي : اضغط هنا

لقرءاة باقي حلقات الرواية اضغط على : (رواية غرام الأكابر 4)