رواية عشقتها منذ نعومة أظافرها الفصل العشرون 20 بقلم مريم نصار

رواية عشقتها منذ نعومة أظافرها الفصل العشرون 20 بقلم مريم نصار

رواية عشقتها منذ نعومة أظافرها البارت العشرون

رواية عشقتها منذ نعومة أظافرها الجزء العشرون

رواية عشقتها منذ نعومة أظافرها الحلقة العشرون

مريم صحيت من النوم وكانت الساعه ١٠ .. اتعدلت وصحت آدم ..
مريم : آدم حبيبي .
آدم :…….
مريم : آدم
آدم : امم . فتح عينيه وابتسم .. وشد مريم نيمها على دراعه تاني .. صباح الخير .
مريم : ابتسمت . ونامت على دراعه صباح الخير يا حبيبي .. ورمضان كريم .
آدم : الله أكرم يا قلبي .الساعه كام؟
مريم : الساعه 10 ما تقلقش لسه بدري على صلاه الجمعه .
آدم : طيب تمام ..
مريم : حبيبي كنت عايزه اسالك ..
آدم : تساليني على ايه !؟ اسالي يا قلبي .
مريم ؛ يعني انا بافكر في فرح نور .. وانه تاني يوم العيد .. وانت عارف شهر رمضان . عباده .. وكمان عزومات . واحنا كل سنه لازم نعزم العيله اكتر من مره .. وكمان بنعزم الاستاذ بيتر . وانت معودنا انك بتعزم العيله كلها اخر يوم رمضان .. وكمان زكاه الفطر . ولبس العيد .وانت عارف لسه محمد هياخد نور ويشتريلها الفستان .. ولسه هيحجز القاعه . وكمان رينو بنتك مصممه انها تشتري فستان مع نور ويكون لونه ابيض .. وكل ده هياخد وقت .. انت فكرت هتعمل ايه ..
آدم : اممم. بتفكير طيب بصي ايه رايك اننا نعزم بيتر ومراته وبنته بكره .. وبعد كده نعزم العيله بعد عزومه طارق .. يعني مثلا اعزمهم واخلص كل العزومات قبل نص رمضان .. وبعدها الباقي سهل..
مريم : ازاي ..
آدم : حبيبتي . الفستان والقاعه والحاجات دي سهله .. مش هتاخد يوم واحد .. انتي ما تقلقيش .. كل حاجه هتبقى تمام وزي ما انتي عايزه ..
مريم : حبيبي ربنا ما يحرمنا منك ورفعت راسها .. يعني هتعزم الاستاذ بيتر بكره ..
آدم : انتي ايه رايك ..

 

 

مريم : موافقه طبعا انت تؤمر واحنا ننفذ . وبعد كده اتنهدت .
آدم : مالك يا مريم .
مريم : عينيها دمعت . مراد ماشي بكره يا آدم .. والبيت هيبقى وحش من غيره .
آدم : اتنهد .. فعلا الواد ده . رغم اللي بيعملوا معايا . بس وجوده في البيت وقدامي بحس بالفخر .. لكن هو ابن كل…. اللهم اني صايم .
مريم : ابتسمت . تعرف اني كان نفسي .. اجوز مراد مع محمد .
آدم : ما ينفعش يا حبيبتي . يعني هيتجوز ويرجع على الكليه . مش هينفع طبعا . مراد خلاص في اخر سنه . وهيخلص وهيشتغل في الجهاز .. واول ما يخلص هيتجوز على طول بعد ٦شهور
مريم : بجد يعني ان شاء الله كده ٦ شهور ويكون مرادي متجوز.
آدم : بغيظ .اه ياختي ٦ شهور ومرادك يتجوز ..
مريم : ههههههه . حبيبي . والله ما في حد مرادي غيرك وبس . لكن ده ابني اول فرحتي . ويا سلام بقى لما يتجوز ويعيش معانا هنا تخيل هبقى مبسوطه قد ايه ..
آدم : مراد هيتجوز في شقته اللي هيستلمها من الجهاز . وبعدين لازم يعيش حياته ويفرح هو وعروسته . وبعد كدا .. لوحابب يعيش معانا هاكون مبسوط طبعا ..
مريم : بزعل .. يعني ايه يا آدم.!؟ مراد وفريحه مش هيعيشوا معانا هنا ف الفيلا .!!
آدم : حبيبتي انا ما قولتش كده .. بس انا مش هاجبرهم على حاجه .. انا لما اتجوزتك كنا في شقتنا ومبسوطين .. ولما نهاد الله يرحمها طلبت مني اعيش معاها في الفيلا كنت زعلان علشان مش هاخد راحتي معاكي .. وبعدين ده هيكون لسه عريس عايز يفرح بمراته .. وبعدين ياختي ممكن مرادك الحيله ده .. ميسبنيش في حالي ويفضل لازق معانا هنا علشان خاطرك .. وعلشان خاطر يرفعلي الضغط.
مريم ؛ بعد الشر عنك يا دومي .. طيب وزين !؟
آدم : ماله زين !!؟
مريم : هيتجوز هنا . ولا في شقه
آدم : لسه بدري على زين …خلاص هيمتحن وكلها كام شهر ويبقى في تالته كليه . وبعدها رابعه ..وبعدها هيستلم معايا في الشركه الأم .. هاعينه رئيس مجلس الاداره .. وكمان زين اتكلم معايا .. وطلب مني ان ريتال هتشتغل معاه في العلاقات العامه .. يعني زين ابنك قدامه سنتين ويتجوز ان شاء الله .. وبرده هيبقى له الحريه يتجوز ويعيش معانا هنا .. او يتجوز في شقه..

 

 

مريم : عيونها دمعت . يعني . يا آدم البيت هيفضى علينا ..
آدم : باس على راسها حبيبتي دي سنه الحياه هنعمل ايه
مريم : قامت من حضنه بزعل .. يعني انا يا آدم رسمه في حياتي ان الفيلا دي هتكون البذره اللي هتخرج عيله العدوي .. وكمان كنت متخيله ان مراد هيتجوز معانا وكمان زين والبيت يتملي علينا احفاد..
ودموعها نزلت …
آدم : قام بزعل عليها … مريم انتي بتعيطي ليه .
مريم : بعيط علشان البيت هيفضى .يا آدم بيتنا اللي بنيناه انا وانت .. وعيالي كبروا فيه هيفضى .. نور شهر وهتمشي . وبعدها مراد ٦ شهور وهيمشي… وزين سنتين وهيمشي .. ورينو اكيد هتتجوز وهتمشي . لا. يا آدم لاء .!!! انا عايزه عيالي جمبي لو سمحت .
آدم : حضنها … ششش . اهدي .. حبيبتي انتي ليه بتسقي الاحداث … انا باقول ممكن هما يكونوا حبين يقعدوا لوحدهم .. وبرده ممكن كلهم يعيشوا معانا هنا . من مراد وزين .. سيبي كل حاجه للايام يا روحي .. وبعدين انا روحت فين .. ولا انتي بقى عايزه عيالك وبس .!!!؟
مريم : بصتله بلوم .. انت عمري كله يا آدم .. انا لما بشوف عيالك بشوف ذريه آدم . وبملي عيوني منهم. لان دول ثمره حبي وحبك . هما موجودين . وشبهك وشبهي. دول بيكملوا آدم ومريم . دول ولادنا .
آدم : حضنها تاني .. هنعمل ايه يا مريم .. وغمض عينيه و دمعه نزلت من آدم بسرعه .. تعرفي ان البنات دي بتكبر بسرعه .. مش عارف البيت فعلا من غير نور ورينو .. هيكون عامل ازاي .. ومسح الدمعه بسرعه علشان مريم ما تزعلش اكتر من كده .. وابتسم وخرجها من حضنه .. وبعدين يعني العيال دي هيكبرونا كده .. تعرفي انا بافكر اجوزهم كلهم واخدك على شقتنا .. ونقعد فيها انا وانتي لوحدنا … ياااه هاكون انا واميرتى لوحدنا …
مريم : ابتسمت وسكتت
آدم : خلاص بقى . مع اني عارف ان مراد اللزقه هيقولي. وكمل بتريقه .. لا انا هقعد مع مريوم … وكمان هتعملي كيكه الفراوله . لفريحه عيل جبله.
مريم : ضحكت غصب عنها .. يا ريت يا ادم يا ريت.
آدم : بغيظ يا ريت .. عارفه لو عملتي حاجه انا هطربق البيت ده فاهمه ..
مريم : حبيبي حاضر .. اللي انت عايزه انا هاعمله . بس أرجوك يا آدم حاول ان مراد وزين مبيعودش عن البيت . انا عيزا عيلتى تكبر . وتكبر . ونربى احفادنا .

 

 

آدم : بغمزه . طيب وليه نربى احفادنا . لما ممكن نربى عيالنا .
مريم : عيالى متربيه يا آدم . ومتزعلنيش منك .
آدم : يابت افهمى . انا قصدى بدال مانربى عيال غيرنا . انتى تجبيلى تؤام حلو كدا ونربيه . ونكبر العيله زى ما انتى عيزا .
مريم : بدهشه . هههههه. انا اخلف تانى . دا انا اتحايلت عليك . بعد رينو . وانت حلفت عليا . انا مننساش شكلك فى اليوم ده كنت حاجه صعبه . انا اخلف تانى . هههههه
آدم : وتالت وحياتك . بس انا الل خايف عليكى . وكمان انا اتشهرت في مستشفى بيتر . اشيلك واجري بيكى والكل يوسع ل آدم ومريم .
مريم : اتكسفت . احم كانت ايام . ورمضان كريم يا آدم .
آدم : بص في الساعه وكانت 11 .. اتكلمنا ساعه و عدت بسرعه . حبيبتي انا مش عايزك تفكرى كتير . وسيبى كل حاجه عليا انا . وكل حاجه هتكون زى ما انتى عيزا … انا هدخل اخد شاور علشان متاخرش على صلاه الجمعه ..
مريم : متحرمش منك . ماشي يا حبيبي ..وانا هاروح اصحى .. مراد وزين .. وما تنساش . انت والولاد . تقرآو سوره الكهف .
آدم : ان شاء الله .. حاضر يا روحي ..
مريم تسلملي . وانا اصلي ان شاء الله .. وها عمل الكنافه . زي كل سنه ..
آدم : نفخ بديق . واتعفرت …
مريم : حبيبي مش كل سنه هنتكلم في الموضوع ده ..انت عارف انهم بيحبوا الكنافه من ايدي .. وبعدين الكنافه في رمضان والبيت بتكون ليها طعم تاني .. وغير كده قولتلك انا باعمل كل سنه واقدمها لاختي شيرين .. من باب المحبه .. وكمان ما تنساش افضالهم عليا ..
آدم : ماشي يا مريم .. كل سنه بتسمعيني نفس الكلمتين .. وفي الاخر انتي بتتعبي نفسك و بتتعبيني معاكى . قولتلك نشتري ….
مريم : حبيبي والله طقوس رمضان مع ادعية رمضان . وانت بتعمل الكنافه صدقني ليها طعم تاني .والنقشبندى . كل سنه وانت طيب يا آدم
آدم : استسلم .. وانتي طيبه يا مريم
آدم : دخل ياخد شاور .. ومريم خرجت علشان تصحى زين ومراد .
مريم : زين . زين يا حبيبي قوم
زين : امم .. ايه يا مريم . سيبيني انام شويه كمان
مريم : تنام ايه . قوم الساعه 11 يدوبك تقوم تاخد شاور . وتنزل على صلاه الجمعه .. يلا يازينى . ابوك لو خلص قبل منكم هيبهدل الدنيا ..
زين : قام قعد على السرير ..حاضر .. حاضر
مريم : قوم يا زيني . وكل سنه وانت طيب يا قلبي.
زين : حبيبتي يا مريم . وانتي طيبه وربنا يخليكي لينا يا رب . وقام علشان ياخد شاور ..
..ومريم خرجت وراحت ل مراد . مراد .. مراد
مراد : ايه يا بت ..

 

 

مريم : يا نهار ايه يا بت …
مراد : يحبيبي قوم .
مراد : اطلعي بره.
مريم : بدهشه وكشرت عينيها اطلع بره . الواد ده اسلوبه بقى في النازل خالص .. وقربت منه مراد … مراد قوم
مراد : مش حاسس … ان مريم اللي بتصحيه .. اطلعي بره يا بت قلتلك .. هاديكي على بوزك ..
مريم : اتغاظت ..انا بت . وهتديني علي بوزي كمان . وضربته علي كتفه .. قوم . قوم هنبتديها في رمضان كده .. قوم ولا اناديلك . ادم يجي يصحيك ..
مراد : فاق وفتح عينيه .. ايه يا مريم عايزه ايه ..
مريم : حبيبي . كل سنه وانت طيب .. وكشرت انا بت يا مراد
مراد : اتعدل بت . بت ايه مش فاهم .
مريم : بزعل . انا بصحيك دلوقتي قلتلي اطلعي بره يا بت وكمان هتديني على بوزى
مراد : بصدمه .. بجد هو كان صوتي عالي كده . اسف يا مريم . اصل كنت بحلم ..
مريم : بتحلم .!! بتحلم بمين وبت مين دي بقى
مراد : بيتاوب . ابدا كنت بطرد فريحه من الزريبه.
مريم : ههههه والله مجنون . وقوم صباح الخير مراد
صباح : العسل على عيونك يا قمر . الساعه كام
مريم : ١١ وربع . قوم علشان تلحق تاخد شاور .. وتنزل مع آدم على المسجد .. انت عارف اول جمعه في رمضان بالنسبه ل آدم ايه .
مراد : حاضر هاقوم اهو .
مريم : ما تتاخرش .. آدم زمانه اخد الشاور ولبس . ولو نزل ومالقكوش مستنيينه تحت علشان تمشوا معاه على المسجد . هيبهدل الدنيا وانت عارف ابوك وقت الجد ..
مراد : قام بسرعه .. جهزيلي هدومي يا مريم بسرعه .. وجري على الحمام علشان يوم الجمعه ده .. مميز عند آدم ولو فعلا أتأخر ؟ آدم بيزعق بجد

 

..مريم ابتسمت .. ودعت ربنا يحفظلها .. مرادها من كل شر . وكل مهمه هيكون فيها .. وزعلت بعدها لانه ماشي بكره ومش هنشوفه الا تاني يوم العيد . وطلعتله هدوم وهي بتدمع . وبعدها خرجت وراحت ل آدم اللي خرج من الحمام ..
مريم : ساعدته في اللبس ولبسته الساعه . ورشتله البرفان . ونزلت معاه ووقف وبص في الساعه . ومش عايز يتنرفز .
. وزين نزل بسرعه .. صباح الخير يا بابا.
آدم : صباح الخير .بصوت جهوري فين مراد !!؟
زين : بتوتر . احم زمانه نازل
آدم : بعلو صوته ..مرراااااااد ….
مراد : بيرش البرفان . وسمع صوت آدم .. وساب البرفان مفتوح ونزل جرى . صباح الخير يا حاج رمضان كريم.
آدم : مردش . ومريم ما تكلمتش .
آدم : اتحرك.. ومريم وصلته لباب الفيلا .. احم حبيبي ..
. آدم . بصلها …..
مريم :ما تنساش سوره الكهف
آدم : حاضر يامريم . واتحرك ..ومراد وزين اتحركو وراه يصلوا الجمعه …
—————
بعد فتره من الوقت …
فريحه : عاااااا .. عطشانه اعاااا .
رنا : ههههههه .. تستاهلي طارق قالك وانتي نشفتي دماغك .
فريحه : عطشانه يا مامي . عطشانه يا ناس . اعمل ايه ..ومش عارفه انام
رنا : اقراي قرآن . سبحي . اشغلى وقتك .
فريحه : قرأت يا مامي . بعد العصر وكمان قرأت سوره الكهف … هو فاضل قد ايه على المغرب .!؟
رنا : فاضل ساعتين
. فريحه : اااه مش قادره .. مش قادره عطشانه .
رنا : حبيبتي حاولي تنسي اشغلي نفسك باي حاجه.
انا هدخل اصحى فهد . وبعدها هالبس قبل ابوكى.. علشان وهو صايم بيبقى حد تاني خالص .. وممكن يطربق الدنيا . والبيت على اللي فيه . وما بيستحملش كلمه . وانتي قومي البسي . لان ماما اتصلت عليا .. وقالت ان حسام وعيلته اتحركوا .. وكمان جاسر وملك بيلبسه .. وشويه وهيكونو هناك
.. قومي حبيبتي .. خلاص الوقت عدى بسرعه اهو
فريحه : بتعب . حاضر يا مامي …
..وفريحه قامت . ودخلت تاخد شاور و هتلبس وكمان فارس بيجهز نفسه ..
..فهد نايم .. ورنا دخلت على فهد .. فهد حبيبي.
فهد : نومه خفيف جدا . ايوه يا ماما .

 

 

رنا : قوم يا حبيب ماما الحق العصر ..
فهد : اتعدل . العصر .!! انا مش عارف نمت ازاي .
رنا : حبيبي كويس انك نمت .. انت مانمتش من امبارح . وكمان صليت الجمعه في المسجد وجيت على هنا..
فهد : ايوه دخلت على الاوضه وكنت مريح على السرير .. وقولت هاقوم اغير و ماحستش بنفسي .
رنا : حبيبي مش مشكله .. انت اكيد مرهق وتعبان من قلة النوم .. المهم يا روحي قوم كده خدلك شاور حلو يفوقك ..وصلي العصر .. والبس علشان نروح عند جدك مصطفى ..مش عايزين نتأخر علشان انت عارف جدك هيزعل .
فهد : ماشى . يارنا انا هقوم
رنا : قامت . انا هاروح البس . واتحركت ..
.. وفهد قاعد على السرير و مسح وشه بايديه . وقام و قلع التيشرت ودخل الحمام . واخد شاور وبيحاول ما يفكرش .. خلص الشاور . وتوضا وصلى . ولبس وجهز نفسه . وسرح شعره . ومسك ازازه البرفان ولسه هيرش منها .. افتكر ان لارين ديما تقوله انها بتحب البرفان ده .. وبعدها ساب ازازه البرفان على التسريحه .. واخد ازازه تانيه ورش منها .. واخد موبايله ومفاتيحه وخرج ..
..كانت فريحه لبست وقاعده في الليفنج .. كسلانه وهمدانه .. وفهد شافها
فهد : مالك يا فريحه ..
فريحه : ابدا يا فهد .. يا ريتني سمعت كلام بابي.
فهد : مستغرب .. كلام ايه .
فريحه : اني ما تسحرش مخلل .. انا عطشانه قوي يا فهد ..
فهد : ابتسم معلش يا حبيبتي .. استحملي كلها ساعه ونص .. وبعد كده متاكليش مخلل تاني فاهمه..
فريحه : لا .. توبه حرمت خلاص ..
فهد : احم .. ما تعرفيش الكل وصل عند جدك ولا لسه ..
فريحه : خالو حسام وصل هناك . ومن شويه عمو وجاسر وعيلته وصلوا .. ومامي اتصلت على خالتو مريم .. قالتلها .. انها بتعمل الكنافه زي كل سنه و قربت تخلص .. وهيتحركو ..
فهد : احم . يعني هما لسه مش موجودين هناك .
فريحه : لا . واكيد يعنى هيوصلوا قبل المغرب على طول .. انت عارف عمو آدم .
فهد : اتنهد … وسكت ..
.. ورنا خرجت هي وطارق
..وفارس خرج ..
.وفريحه قامت .. وبدا ويتحركوا .. وفهد تحرك وكان متدايق ..لكن هو مش عايز يفكر ..وراح ركب العربيه .. وفريحه بتحب سواقه فهد المجنونه . وركبت معاه .
..وطارق هيتحرك هو ورنا..
…فارس . بابا . انا هوصل مشوار صغير وهحصلكم ..
طارق : هتتاخر ..

 

 

فارس : نص ساعه واكون عندك
طارق : تمام . وطارق اتحرك ومشي ..
. وفارس اتحرك وراح على محل فوانيس كبير.. واختار فانوس جميل علشان رودي .. وطلب من صاحب المحل .. انه يكتب على الفانوس رمضان احلى مع رودي ..واختار تصميم معين .. والراجل قاله انه .. هيستلموا منه بكره .. وفارس خرج من المحل وابتسم ..وقال هو ايه اللي انا باعمله ده . انا . اشترى (فانوس!!!) . وركب العربيه واتحرك .. وراح على فيلا عزيز ..وكان الكل موجود هناك ما عدا آل العدوي ..
..مصطفى وأشرف ومحمد .. جوه في الفيلا وقاعدين مع الشباب ..
.. وكل البنات مع شيرين وهنا قاعدين معاهم جوه . ف مكان لوحدهم ..
. مصطفى وأشرف رحبو . وكانوا مبسوطين من الاجواء الرمضانيه .. ورحبو بكل الموجودين .. ومحمد ..رحب بيهم جدا .. وكلهم قاعدين بيتناقشو . مع بعض في امور الدنيا والشغل …
..لكن فهد .. قاعد ساكت .. ومش مركز معاهم . فى اي حوار .. غير اللي يجي يسلم عليه يبتسم وخلاص.. وقاعد وجواه مش مرتاح .. ونفسه بكره يجي بسرعه .. علشان يرجع على الكليه ..
..شيرين وهنا رحبو جدا . ب ملك ومليكه . وهدى ومريم .. وطبعا رنا بنتها …
..فريحه .. نايمه على رجل شيرين كسلانه وعطشانه قوي .. والكل ب يضحك عليها .. علشان ما فيش حد .. بيتسحر مخلل .!!
ريتال : ا ووف . هو عمو آدم اتاخر ليه !!؟ وكلهم بصو عليها وضحكو على سؤالها التلقائي .. لانها عايزه تشوف زين …
شيرين : بتفهم . ريتال حبيبتي انتي صايمه يا روحي .. والصيام مش اننا نصوم عن الاكل والشرب وبس … لا . الصيام انك تصومي عن كل حاجه عن الكلام وعن الكذب و عن الرياء وعن انك تفكري في اي حد يعني ما ينفعش تفكري في زين .. .
.وكملت ..وسيدنا محمد . صل الله عليه وسلم . قال :
(مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ . رواه البخاري ) صدق رسول الله ..
يعنى ياريتال .. شهر رمضان شهر اختبار و سباق يتسابق . فيه العباد ليُروا الله من أنفسهم خيرا .
ومعنى احتسابا ايه ؟ احتسابا ببساطة ياريتال يعني “النية”
أنك تنوي وتستحضرى في قلبك ثواب العمل الصالح . الل احنا بنتمناه . من الله عند القيام به .. فتشجعى نفسك ..وتطلعى على قلبك علشان تاخدى الثواب العظيم من ورا العمل ده .
يعنى زين . لحد دلوقتي ميجوزلكيش انك تفكري فيه دلوقتي . علشان نيتك في الصيام . متروحش على الفاضي . لازم تغضى بصرك . وتسيطرى على افكارك . شهر رمضان . شهر اختبار . ولازم تنجحى فيه ….فاهمه يا حبيبتي .؟؟
ريتال : انا عارفه كل ده يا نانا .. حاضر اسفه مش هفكر في زين وانا صايمه .. بس ينفع افكر فيه بعد المغرب !؟؟
. الكل ضحك عليها .. وبعدها . سمعو صوت العربيات. قدام الفيلا .. وكان آدم وعيلته وصلو
آدم : وصل ونزل هو ومريم ..ومراد ونور وزين ورينو .. وكلهم ليهم دخول مبهر ..
آدم : اخد ايد مريم في دراعه ..
.. ومراد واخد ايد نور في دراعه ..
.. وزين واخد ايد رينو في دراعه ..

 

 

.وكانه دخول ملكي من اصل عائله ملكيه .. والكل حرفيا فرح لما شاف عيله آل العدوي ..
.ومحمد اللي عينيه على نور وشافها اخيرا .. وقلبه بيدق..
.. ومراد بيدور على فرحته لكن مش شافها ..
..وزين ماحولش يفكر . ولا يدور على ريتال .. لانها مش مراته .. هي خطيبته .. ودلوقتى . هو صايم ماينفعش .. لأن مريم مفهماهم شروط صيام شهر رمضان .. ان غض البصر شيء مهم ..
. وآدم : دخل وسلم على كل الموجودين ..
.ومريم : سلمت وراحت عند البنات جوه ..
. وشيرين : رحبت باختها جدا . وسلموا على بعض . وشيرين رحبت ب نور .. ورينو . وخلاص فاضل ربع ساعه على المغرب .. والكل اتوضا وجهز نفسه..
وشيرين : طلبت من بنات العيله .. ينزلوا على المطبخ .. يجهزوا العصاير .. وكلهم نزلو .. لكن فريحه رفضت علشان كانت عطشانه جدا . وصعبت عليهم ..
..والبنات جهزه العصاير. ورينو طلعت بصينيه العصير للشباب .. وقدمتها ل محمد .. علشان يقدم العصير .. وبعدها جابت التمر .. وقدمته . ل مراد اللي كان واقف جمب فهد .. ورينو . ما تكلمتش وماعلقتش .. وكلهم قاعدين منتظرين مدفع الافطار. وبيسمعو . النقشبندي .. ومدفع الافطار ضرب .. والكل قال الدعاء وفطرو . وكل واحد . قال التانى ..كل سنه وانت طيب ..
.. والشباب . صلت المغرب مع بعض ..
.. والبنات صلت المغرب مع بعض
..وبعدها الفطار جهز .. وكان في الجنينه في الخيمه الرمضانيه .. الل مصطفى طلبها من الشباب ..
. والشباب . بيفطرو . مع بعض .. وفهد . فك شويه من الجو الاسرى . واتكلم معاهم . وكان مبسوط .. لان اجواء رمضان .. تجبرك انك تكون مبسوط .. وكلهم فطرو مع بعض ..
.. والبنات كلهم جوه . بيفطرو مع بعض .. وفريحه شربت ميا كتير . وعصاير .. وكانوا مبسوطين وخلصوا الفطار .. الحمد لله …
.. الشباب والبنات كلهم اتجمعوا في الجنينه ..وقعدوا مع بعض …
. الشباب في اتجاه .. والبنات في اتجاه .
يوسف : قام مره واحده . ماما انا سامع ان خالتو مريم عملت الكنافه . زى كل سنه وجابتها .. كلهم ضحكوا …
شيرين : ايوه يا حبيبي . مريم عامله الكنافه بايديها النهارده .. زي كل سنه ..
يوسف : وساكتين .. حرام عليكم .. ده انا بموت فيها .. قومي يا ريتال هاتي كنافه ..
ريتال : حاضر يا ابيه ..
هنا : خليكي انتي يا حبيبتي .. انا هاقوم علشان اجيب للكل …
مصطفى : وتعبتى نفسك ليه بس يا أم مراد …
مريم : ولا تعب ولا حاجه . تعبك راحه دي حاجه بسيطه ..
شيرين : بسيطه !! ده بسم الله ما شاء الله . انتي عامله كميه كبيره قوي . ولازم كل سنه انتي اللي تعمليها بايديك .. تعب عليكي كل ده يا مريم.

 

 

مريم : كلام ايه ده يا ابله . وبعدين انا عاملاها علشان خاطر الولاد ..
فارس : بصراحه انا عمري ما اكلت كنافه زي اللي انتى بتعمليها يا خالتو .. وتسلم ايدك بجد ..
مريم الصغيره : فعلا .. انا اخدت من عمتو الطريقه و حاولت اعملها .. لكن ماطلعتش بنفس الطعم .
فريحه : ولا كيكه الفراوله . حاجه وهم اممم
آدم : بص ل مراد بغيظ ..وسكت .
مراد : نفسه يضحك .. لان آدم دلوقتي شايط لان الكل قاعد بيشكر في اكل مريم ..
.. وفتحو مواضيع كتير في اكل مريم . وان قد ايه اكلها جميل . والبنات بتقولها على أنواع نفسهم فيها ..ومريم بتتكلم وبتبص بالصدفه علي آدم وشافته . شايط . وحاولت تغير الموضوع .. وبعدها . هنا جابت الكنافه والكل اكل وعجبتهم كلهم ..
آدم : كان رافض ان مريم تعمل كنافه . وقالها هنشتري من بره . هي قالتله ان كنافة رمضان في البيت .. بتبقى ليها طعم تاني وانها حابه تعمل كل ده علشان خاطر الجميل اللي عمله معاها مصطفى وشيرين زمان .. وهو وافقها بعد محايله لان جواه مش عايز يبقى فيه جميل لحد عند مريم .. وبعدها كلهم صلوا التراويح واتجمعو من تاني ..
.وطارق : عزمهم عندهم تاني جمعه في رمضان ..وبعد كده عند حسام ..
..وبعد كده عند جاسر … ومحمد عزمهم والعزومه هتبقى في فيلا مصطفى عزيز .. لان الشقه ما تنفعش طبعا . لانها بتتشطب .
وآدم : عزمهم وطلب منهم ان العزومات بتاعته كلها قبل نص رمضان ..
———-
. وهما قاعدين . محمد لاحظ تغيير فهد شويه يضحك و يبقى مبسوط .. وشويه يسرح ويكون مخنوق
محمد : فهد تعالى نتمشى شويه
فهد : هز راسه وقام مع محمد واتمشوا
محمد : ايه يا فهد مالك .
فهد : مالي ايه ..انا كويس يا محمد ..
محمد : لا انت مش كويس .. انت مش عاجبني بقالك فتره متغير .. اقدر اعرف فيه ايه .. ومالك .. وايه اللي مغيرك كده ..
فهد : اتنهد .. انا تمام ما تشغلش بالك ..
محمد : لا واضح بالتنهيده دي انك تمام .. ده احنا . حتى في رمضان والكذب حرام .
فهد : بديق مكبت . عايزني اقولك ايه .. اذا كان مفيش حاجه تتقال انا كويس ..
محمد : لا مش كويس قولتلك … انا سبتك براحتك واقول هيجي ويحكيلي ويقولى على اللي جواه .. بس انت اتاخرت . وحابس جواك ..
فهد : احكيلك على ايه .. انا مفيش حاجه جوايا ..
———-

 

 

عند شيرين : هو فين محمد ..؟
هنا : انا شفته ماشي في الجنينه .. هو وفهد من شويه .. ورا الخيمه …
شيرين : طيب خدي يا رينو يا حبيبتي .. معلش انتي الصغيره واقدر عليكي .
رينو : خالتو حبيبتى . اؤمرينى . عايزانى اعملك حاجه .!؟
شيرين : تسلمى ياروحي .. محمد بيحب عصير المانجا .. خدي روحي قدميله هو وفهد ..
رينو : بتوتر ..حاضر يا خالتو . ورينو اخدت العصير واتحركت .. ورايحه تقدم العصير ل محمد والفهد .
——-
محمد : عينيك فضحاك يا فهد . وحبك ل رينو واضح جدا . بس اللي مستغرب منه . !! انك كنت على طول بتضحك وتهزر معاها .. وكمان كنت بتتوصل رينو بالعربيه .. واهتمامك بيها كان قدام عنينا .. وكنت تضحك معاها . وكل مناسبه بتكون قريب منها .. ودلوقتى .. انا ملاحظ انك بعيد عنها جدا . وعلى طول شارد وسرحان .. وكمان مبتتكلمش معاها . وعلاقتو مختصره . حتى رينو اتغيرت مابقتش البنت اللي روحها حلوه زي الاول .. كل حاجه بتعملها بتمثيل ..
فهد : انت بيتهيالك كل ده يا محمد . ما فيش حاجه من دي . ولا تمثيل كمان ولا حاجه .
محمد : الل واقف قدامك ده !!؟ اكتر واحد مثل انه كويس وبيضحك .. اللي قدامك ده !! خبى جواه حب 21 سنه .. يعني افهم من نظره عينيك انت بتحب مين . وزعلان من مين .ومخنوق. ولا لأ .
. احب اقولك انك بتحب رينو .. لكن في حاجه حصلت بينك وبينها . وصلتكو للحاله دى . يا ريت يا فهد تهدا وتحكيلي كل حاجه . صدقني لو حكيت هتستريح . وكمان ممكن لو في حاجه تتحل .نحلها.
فهد : تعب من المراوغه . وحاسس انه تعبان واتخنق اكتر .. وكان لسه هيتكلم ويحكي لمحمد ويقوله انه فعلا بيحبها . وانه ما يقدرش يعيش من غيرها . وانها مجنناه . وبيغير عليها من الهوا . لكن بعدها افتكر جرحها ليه . افتكر انها بتكرهه . افتكر انها اهانته في رجولته . وغمض عينيه وفتحها . وشاف .. لارين .. جايه عليهم وفكر بسرعه . ان دي فرصه انه يرد كرامته .. ولارين تسمع كلام الفهد خلاص رينو . وقربت وهتسمع …
فهد : لف ضهره ل رينو .. وبص ل محمد وقاله … انت فاهم غلط .. انا عمري ما فكرت في لارين .. ولا حبتها .. وان كنت بتعامل معاها او اتكلم معاها .ف ده .. من باب الذوق .. وان كنت بوصلها ساعات المدرسه ف ده من باب القرابه … وكمل بغيظ انا بوصلها بس علشان هي اللي بتحتاجلي .. لارين قريبتي يا محمد ..وعمري ما حبيتها ..الحب اللي في دماغك .. وهي اخت مراد صاحبي يعني لما بساعدها واقف جمبها علشان خاطر مراد . وكمان علشان خاطر آدم ومريم .. غير كده لارين زيها زي اي حد.. عمرها ما كانت في دماغي .. ولا ليها مكان جوايا .. انت غلطان .. و ان كنت انا متغير ف ده علشان انا في حربيه .. والحربيه عايزه تركيز وتدريبات كتير .. حب ايه .. ووجع دماغ ايه .. وبعدين مفيش واحده في الدنيا .. تستاهل ان فهد السيوفي يحبها ..ولا يفكر فيها . حتى لو كانت لارين ….

 

 

لارين : طبعا كانت جايبه العصير ل محمد وفهد وماشيه ومتوتره علشان هتشوف فهد . وقربت عليهم .. لكن وقفت مره واحده .. وسمعت كل كلمه فهد قالها .. لارين بتسمع ومصدومه .. وكانت هتضعف وتعيط .. فهد خلص كلام .. ولارين اخدت نفس عميق وطلعته ببطء .. وحاولت تهدا وتفكر .. هي كده شايفه ان الطريق بينهم بقى مسدود ..رينو .. غمضت عينيها وفتحت بقوه وكبرياء ..وقربت منهم .. وحاولت تثبت ل فهد عكس اللي جواها تماما …وقالت ..
رينو : ابتسمت ..ابيه محمد ..
محمد : لف وشاف رينو .. واتصدم واتمنى ان رينو متكونش سمعت كلام الغبي فهد .. احم ..اهلا تعالى يا رينو .. تعالى يا حبيبتي ..
رينو :قربت اتفضل .. خالتو شيرين . قالتلي انك بتحب عصير المانجه .. وخالتو صممت انى اجيبهولك بنفسي .. اتفضل ..
محمد : اخد منها العصير .. شكرا يا رينو .تعبتك معايا ..
وفهد جواه حاجات كتير متلخبطه وقلبه فيه خفقان وضربات مختلفه وبلع ريقه وحاول يكون سابت .. ومايظهرش اي حاجه جواه.. وواقف بجمود .
رينو : تعبك راحه يا ابيه .. ولفت ل فهد مع ابتسامه.. وعيونها كانت في عينيه وابتسمت بكبرياء.. اتفضل يا فهد عصير مانجا ..
فهد : عنيه في عيون رينو .. وتاه في غصن الزيتون .. وماردش .
رينو : فهد امسك خد العصير من ايدي
فهد : بجمود . لا متشكر . مش عايز ..
رينو : لا ازاي بقى مش عايز .. المفروض انت راجع على الكليه من بكره .. والمفروض تتغذى كويس . ههههه ولا ايه ابيه محمد ..
محمد : بيراقب .. ايوه طبعا يا رينو . معاكي حق

 

 

رينو : مسكت الكوبايه بايدها .. وحطت الصينيه على الكرسي اللي جمبهم .. ومدت ايدها ومسكت . ايد فهد وحطت فيها الكوبايه …وفهد متوتر وقلبه هيطلع من مكانه من لمسه رينو .
رينو : حطت الكوبايه في ايده . وابتسمت .. اتفضل العصير .. وبصتله نظره عمره ما هينساها .. نظره فيها عتاب كبير . وخيبة امل . وفراق طويل . وقالت كل سنه وانت طيب يا …. فهد . وسابت ايده ولفت. وسابتهم ومشيت .. واول ما لفت وشها دموعها نزلت بغزاره .. وجسمها كله بيترعش . وحاولت تهدي نفسها . علشان ماحدش يلاحظ حاجه …
. اما فهد : واقف مصدوم .. هو متأكد .. ان رينو سمعت كل كلمه . المفروض تكون زعلانه ومتدايقه .. لكن لا ….. دي بتضحك .. دي مبسوطه .. هي ازاي قادره تكون كده .. وبص ل الكوبايه اللي في ايده ولمسه ايديها مش ناسيها …
محمد : فعلا يا فهد انت مش بتحبها ..
فهد : بص ل محمد بدهشه …
محمد : انت بس يا دوبك .. بتعشق التراب اللي بتمشي عليه لارين …
————-بقلمى Mariem Nasar
كده اليوم خلص .. وكل واحد روح على بيته .. ونفس اللي حصل في السحور اول يوم حصل في سحور النهارده .. ورينو تعبت آدم . وهو بيصحيها..
ومريم كانت زعلانه .. علشان مراد هيصلي الفجر وهيجهز نفسه وهيمشي .. مريم كانت بتجهز حاجته بدموع .. ومراد ضمها بحب . وباس جبينها وايديها.. وقالها ان الشهر هيعدي بسرعه .. وهيكون عندها تاني يوم العيد ..
.وفريحه اتصلت على مراد .. وكانت بتعيط كتير.. وصممت ان مراد يجيلها عند البيت علشان تودعه.. وانها مش هتنام .. الا لما تطمن عليه …
. وآدم زعلان من جواه .. ومراد سلم علي آدم.. وحضنه بحب .. ودعا ان ربنا يحفظله ابنه ..
. مراد : سلم على زين وحضنوا بعض . وزين كان زعلان . ان اخوه الكبير ماشي ..
.ونور : عيطت في حضن توأمها . وباس جبينها..
اما . رينو .. اتشعلقت في رقبته ..وعيطت كتير.
ومراد . كان زعلان لانه بيحب رينو جدا . وحاول يهديها .. وانه هيجي مخصوص الفرح . علشان يشوف رينو وبس ..
.ومراد ودعهم .. وخارج ومريم دموعها نازله وبصت ل مراد .. لا اله الا الله يا مراد..
مراد : سيدنا محمد رسول الله يا مريم .. وركب مع زين اللي هيوصلوا عند فريحه .. علشان يسلم عليها وزين يسلم على فهد.. وهياخد فهد يوصله هو مراد ..

 

 

وزين اتحرك ومشي ..
..ومريم واقفه مكانها بتعيط .. وآدم دخلها كلها في حضنه . وما سبهاش غير لما هديت .. وقالها تعالي ارتاحي ونامي . علشان وراهم شغل كتير وانهم عازمين بيتر على الفطار هو ومراته وكالورين . واخدها في حضنه وناموا ..
.ونور زعلانه في اوضتها .. ومحمد اتصل عليها .. علشان عارف ان مراد اتحرك .. لانه اتصل على مراد وقاله .. انه لسه خارج واطمن على نور وخلاها تهدا.. واتكلم معاها لحد ما نامت ..
. اما : رينو قاعده على السرير .. وزعلانه على مراد اخوها . وكمان زعلانه ومجروحه من فهد . اللي راجع على الكليه .. ومش هتشوفه شهر كامل . وانه بكلامه الل قاله هو قطع اي امل . انهم يرجعوا ويتصالحوا .. ورينو عيطت كتير جدا .. لانها مخنوقه وزعلانه . وكل ما تفتكر كلام فهد اللي قاله .. وانها ما تستاهلش حبه حتى لارين . وانها وجع دماغ وانه سابها ومشي وهي واقفه قدامه .. كل المواقف دي مرسومه قدامها .. وبكت كتير لوحدها . لحد ما تعبت واستسلمت للنوم ..
—————–بقلمى Mariem Nasar
اما فهد : لبس وجهز نفسه ..وطارق ورنا زعلانين .. ورنا بتعيط وهي بتجهز هدومه .. وفهد جواه . مخنوق وزعلان .. لان دي اول مره يرجع على الكليه ورينو ماتودعوش .. ولا تكلمه وتقوله خلي بالك من نفسك يا فهد .. وبرده زعلان علشان امه بتعيط .. وحاول يكون طبيعي .. وسلم على رنا وباس ايديها وجبينها . وخلاها تهدا . وسلم على طارق بحب. وفارس.. وفريحه اللي تعلقت في توأمها .. وفهد زعلان ان اخته بتعيط .. وخرج وفريحه معاه علشان تسلم على مراد …
..مراد وزين . وصلوا وسلموا على رنا وطارق . وفارس . وخرجوا وفريحه قربت على مراد وحضنته ومراد حضنها قدام الكل . ومسد على حجابها . وخرجها من حضنه . ومسح دموعها و باس ايديها وقال . كلها 30 يوم واشوفك . و ٦ شهور و هتبقى مراتي وفي حضني . ومش عايز اشوف دموع فريحه العدوي ابدا فاهمه …
فريحه : ضمته تاني خلي بالك من نفسك يامرادي.
وبصت في عينيه هتوحشني ..
مراد : وانتي كمان .. لا اله الا الله .
فريحه : سيدنا محمد رسول الله . وودعو الكل وركبو مع زين اللي وصلهم الكليه وسلم عليهم ورجع وكان زعلان
..وفتح الواتساب وكانت ..ريتال كاتبه ليه رساله .. ان شاء الله اخوك مراد هيرجع بالسلامه بس انت ما تزعلش يا زين
زين :شاف الرساله وابتسم واتنهد ونام ..
————-بقلمى Mariem Nasar
بيتر معزوم على الفطار عند آدم
. وصل على الميعاد وكانت مراته انجي عامله صينيه كنافه ل مريم .. وقعدوا مع بعض . ومريم شكرت انجي على الكنافه لانها كانت جميله جدا ..والمغرب أذن . وبيتر وآدم وزين فطرو مع بعض .
..ومريم وانجي و كالورين ونور ورينو .فطرو مع بعض .. وقضوا اليوم وآدم كان مبسوط وكمان مريم.
وبيتر استأذن هو وعيلته اخر اليوم ..وكانوا مبسوطين وفرحانين جدا من اجواء رمضان ..
وبيتر عزم آدم وعيلته على الفطار وآدم رحب جدا.
——-

 

 

وعدى الشهر على خير ونقول ايه اللي حصل خلال شهر رمضان …
فارس قدم الفانوس ل رودي اللي كانت طايره من الفرحه وشكرت فارس جدا .. وقالتله انا كمان هاجيبلك فانوس . وانت تعمل حسابك انك كل سنه هتجبلى فانوس رمضان ..وفارس ضحك عليها وعلى تصرفاتها .
——
.طارق عزم العيله وكانت عزومه مميزه وطبعا كل واحد مبسوط . الا رينو . وبعدها فكرت بايجابيه وانها لازم تنسى فهد .. وتعتبره ماضي وانتهى .. وتحاول تكون مبسوطه .. وتعيش حياتها لكن كل شويه تسرح وترجع لقرارها تاني ..
..وعزومه طارق عدت على خير
.وبعدها عزومه جاسر وكانت جميله جدا . ومالك عزم ساره اللي فرحت جدا جدا جدا ووافقت بدون تردد .. ولكن لما حضرت الاجواء الرمضانيه معاهم عيونها دمعت .. لانها عمرها ما اتعزمت علي عزومه بالروعه دى ..
..ولكن ساره كانت خايفه وعايشه في رعب حقيقي. ان جاسر فعلا يكون هو اللي سرق ابوها عاصم … وساعتها مالك هيسيبها ….
.. وبرده خايفه ومرعوبه من ان الكلام اللي قاله مالك يكون هو الحقيقه .. وخايفه لما مالك يعرف ان ساره تبقى بنت عمه هي هتعمل ايه .. هي زعلانه علشان عارفه برده ان نهايه حبها هتنتهي بالفشل .. وان مالك هيطردها من حياته .. وهي عندها احساس ان مالك قال الحقيقه .. ساره جواها رعب كبير من النهايه .. وده صعب جدا .. ساره ضحيه عاصم وضحية سوزي وضحية ابتسام …
وعلى جمب كده .. آدم شاف ساره لاول مره .. ولكن شاف أن ساره دي وراها حكايه . وحكايه كبيره كمان.. و هيحاول يعرفها .. لكن برده شايف في عيونها خوف كبير لا ده مش خوف وبس ده رعب… يا ترى يا ساره ايه حكايتك وايه الرعب اللي موجود في عينيكي . وليه دايما بتتوتري لما جاسر ومالك يتكلموا معاكي . لازم اعرف..
.. وبعد كده تكون عزومه جاسر عدت على خير
. عزومة حسام .. كانت عزومه هاديه وجميله .. والكل كان موجود في شقته وقضو . وقت ممتع لانهم كلهم .. فطرو مع بعض شباب وبنات ..وكان احساس مختلف .. وكل واحد قاعد جمب مراته ..وكان آدم بياكل مريم من تحت النقاب . قدام كل الموجودين ومش مكسوف من اى حد .. وكمان كان بيظبط ليها نقابها .. وكانت فعلا عزومه مميزه والكل كان مبسوط .. ورينو فكت وفرحت شويه ..
آدم عزم العيله كلها عنده . ورينو طلبت من آدم انها تعزم رودي . وآدم وافق ورحب جدا .. وكل العيله اتجمعت عند آدم .. وكان يوم حافل .. ورودي كانت مبسوطه .. وفارس لما شاف رودي بالحجاب وهي لابساه في رمضان .. شاف بنت رقيقه وجميله ..ولكن رودي مسبتلوش مساحه يفكر .. وراحت وقفت معاه . واتسرعت وغازلته . وبعدها تجري من قدامه لان رودي سالته انت هتتجوز امتى يا فارس . وفارس ضحك عليها وشاف ان رودي خلاص اصبحت شيء اساسي في حياته .. لكن هو مش قادر يحدد .. ايه اللي جواه ..لان فارس ماحبش قبل كده.. ورودي اول بنت يتعامل معاها . وشاف انها صديقه مقربه .. وفاق على ضحك العيله . ورجع قعد معاهم و كلهم اتصوروا صوره للذكرى مع بعض .. ومحمد ونور فوادي تانى خالص .. وطبعا محمد بعد كده عزمهم في فيلا عزيز .
——-
طبعا الشهر بيعدي بسرعه زي ما احنا عارفين ..
محمد حجز القاعه واخد نور . علشان تختار الفستان.
لكن محمد هو اللي اختار فستان وكان شايف نور فيه . وعجبه جدا وكمان عجب نور جدا .وقاسته لكن محمد رفض يشوفه عليها ..وقالها هاشوفك يوم فرحنا ..وكان عاجبها جدا .. وبعد كده اشترت كل مستلزماتها الخاصه بالفرح .. وعزمها على الفطار وفطرو مع بعض .. وبعد كده اخدها يمشيها في شوارع مصر .. واخدها شارع المعز والحسين .. واي حاجه تعجبها يجيبهالها .. ونور كانت مبسوطه جدا .

 

وفي نفس اليوم ده … آدم اخد مريم لاول مره تختار فستان ليها . لانه كان هيشتريلها زي كل مره .. لكن رينو كانت عايزه تنزل تختار فستان مع محمد ونور..
وآدم رفض . وصمم انه هياخد رينو تختار اللي هي عايزاه .. وانه ينزل معاها واخد مريم ورينو . وكمان فريحه مرات ابنه وريتال خطيبه ابنه علشان يشتري ليهم وكل واحد من البنات يختار ..
. وآدم كان محاوط مريم من كتفها .. وبيختارلها ..وكل اللي في السنتر كان معجب اولا بجمال آدم . وانه لسه شباب ومش باين عليه انه اب ل رينو .. وثانيا هيتجننوا من اهتمامه بمراته اللي فعلا شافوا ان مريم.. اميرة .. آدم .
.وآدم اختار لمريم فستان في منتهى الرقه . وجاب ليها كل حاجه هي عايزاها .. ورينو اختارت فستان باللون الابيض اللي هي كانت بتتمناه ..وكان لونه هينطق مع لون بشرتها وعينيها الزيتوني .. ورينو . طلبت من آدم انها نفسها تفرد شعرها يوم الفرح .. لكن آدم طبعا رفض وبشده .. رينو كانت عايزه تعمل كده علشان تغيظ الفهد . ونفسها تنتقم منه ..
.وفريحه اختارت فستان جميل وكمان اختارت اللون اللي بيحبو . مراد الاوف وايت..
وريتال . اختارت تصميم زين كان قايل ليها عليه تختاره .. وفعلا اختارت اللي زين بيحبه يشوفوا عليها .
. وبعد ما الكل اختار الحاجه اللي بيحبها..
آدم : عزمهم على الفطار . وحجز مكان فاضي لوحده علشان مريم تاخد راحتها . ولكن آدم رفض انها ترفع النقاب علشان مش ضامن اي كاميرا تكون موجوده..
.ومريم قالت انها مكنتش هترفع النقاب. وبرده اكلها بايده قدام البنات . واكل رينو في بقها وقال فريحه اصبري عليا لما تتجوزي البجح مراد . انا هاكلك .بايدي قدامه .. وكلهم ضحكوا ..
.واليوم كان جميل و عدي على خير …
اما يوسف : كان هيشتري فستان الفرح ل مريم ..ولكن آدم قاله ان في حد مهم هيشتري الفستان هديه ل مريم وطلب من يوسف انه يقول ل مريم ان فستانها اتحجز . وكله تمام وفعلا حصل .. وبعدها بكام يوم الرؤيه ظهرت والعيد بكره .. والكل فرحان لكن بدموع .. الكل دمع علشان شهر الرحمه والغفران خلص.. شهر البركه شهر صله الارحام ..وشهر القران وصلاه التراويح والتهجد .. وموائد الرحمن .. واطعام المساكين .. والعباده والراحه والاطمئنان .. كل ده خلص .
. ولكن فرحو بالعيد . اللي ربنا قدموا لينا هدية الصيام ..
والكل هيصلى صلاه العيد مع بعض ..مريم اول ما سمعت الرؤيه عيطت وفرحت وبدات تكبيرات العيد في كل بيت .. والاطفال فرحانين في الشوارع .. و يوم وقفه العيد الكل ب يحتفل ويشتري الكحك والبسكويت . وكمان الكل اشتري لبس العيد .. وآدم اشتري ل سعاد والبنات واولادهم لبس العيد ..وكمان نبه عليهم .. انهم هيحضروا فرح نور. بكره .. و ان الكل لازم يفرح في بيت العدوي ..

 

 

وجاء يوم العيد ..و الكل صاحي من الفجر يجهز نفسه ويكبر تكبيرات العيد .. وادم خد عيله العدوي وكانت معاه عيله عزيز . والسيوفي . والصاوي وحسام الجزار . وكلهم راحو. على المسجد . وصلو صلاه العيد .. وكبرو تكبيرات العيد ..وصلوا كلهم مع بعض ..والكل سلم على بعض بعد الصلاه .. والتهاني والاحتفالات في الشوارع مصر ليها طعم تاني .. وكل حبيب سلم على حبيبته . وقالها كل سنه وانتي طيبه.
. ومحمد .. اول واحد راح واشتري كام بالون كبير ل نور ..
.والكل . بدء . يقلده . ويوسف وزين ومالك كمان ..
. اما فريحه . كانت زعلانه علشان مراد مش موجود. وآدم . راح اشتري بلون لفريحه وكمان بالون ل رينو.. وقدمه ليهم وفرحو جدا ..وكل واحد روح على بيته علشان منتظر جاره يدخل يسلم عليه ..وكمان هو هيروح يسلم على جارو ..
.وبيتر . برده اول واحد اتصل على آدم و هناه بالمناسبه الجميله اللي المسلمين والمسيحيين في مصر . بيعيدو . وتكون مناسبه واحده والكل بيحتفل..
.. كده اول يوم عدي على خير و ابطالنا كلهم مبسوطين وفرحانين .. ونور متوتره لان فرحها بكره ..
..والنهارده عاملين ليها حفله في البيت ..وكانت مريم الصغيره بتحتفل معاهم .. وكل العيله موجوده في بيت العدوى . وبيحتفلوا ب نور ومريم الصغيره.
وطبعا الكل موجود ..
ولكن محمد ويوسف مش موجودين . لانهم بيظبطوا امور شغلهم .. علشان محمد هيسافر هو ونور تاني يوم على باريس .ومحمد طلب من شرين ومريم انه بعد شهر العسل . يوميا يبعتوله غدا وعشا . علشان نور مش هتشتغل ولا هتتعب نفسها . وشرين ومريم . وافقو ..
. وكمان يوسف ومريم هيسافرو باريس يقضو شهر العسل..
.فريحه : فرحانه جدا .. لان خلاص هتشوف مرادها بكره ..
.ورينو . جواها وجع واشتياق لكن عندها ثبات انفعالي قدامهم .. وبرده كانت مبسوطه في الحفله .. ورقصت هي والبنات .. ورودي كانت معاهم وقالت ل رينو انها اشترت فستان جميل وهتفرد شعرها..
. واحتفلوا كلهم و اليوم عدى بسرعه . والكل روح ونام
————-بقلمى Mariem Nasar

 

 

في الصباح
.. مريم صحيت وصحت آدم .وخرجت تصحى نور علشان متتأخرش على سنتر التجميل هي ورينو والبنات ..
..ودخلت وكانت نور صاحيه وبتلبس وفاضل الحجاب . مريم قربت منها بدموع وفرحه ومسكت وش نور بايديها .
مريم : حبيبتي الل كبرت . وهتبقى اجمل عروسه النهارده .
نور : شالت ايد مريم من على وشها وباستها . حبيبتي يا مامى . ربنا يخليكي ليا يارب.
مريم : حضنتها . مبروك . مبروك يا قلبي .
نور : حضنت . امها بسعاده وحزن .ممزوجين مع بعض . الله يبارك فيكي يا مامى
مريم : خرجت من حضنها ومسحت دموعها. انتي صاحيه من بدري .
نور : بصوت مهزوز .. صحيت من شويه . محمد اتصل عليا . وقالي انه هيوصلني للسنتر ..
مريم :طيب تعالي اقعدي عايزاكي في موضوع مهم قبل ماتخرجى .
نور : قعدت جمب امها . اتفضلي يا مامي .
مريم : مسكت ايد نور ..وكلمتها عن حقوق الزوج وحقوق الزوجه . والواجبات بين الزوجين وشرحتلها كل حاجه. وكمان كلمت نور وقالتلها ان محمد تعب في حبه ليها . وانها لازم تعوضوا الحب ده لانه يستاهل . وقالت ل نور انها اللي زي محمد وآدم كلامهم يتسمع .. ونعم وحاضر تخلي الجليد يدوب والنار تخمد .. وانها تقابل محمد دايما بالابتسامه . وهو غصب عنه هيحبها اكتر .. وهيحترمك اكتر.. والاحترام المتبادل اهم حاجه .. واهم من ده الثقه .وانك لازم تسمعيه وقت خنقته .. ولو راجع من شغله تعبان ؟ انتي بقربك منه هتنسيه تعبه . لازم تكوني في بيتك كل يوم عروسه . ورقيقه في معاملتك معاه . وهو هيقدر تعبك .. اللي زي محمد يا نور .. يتشال من على الارض شيل . ولو مهموم وزعلان خديه في حضنك . هتنسيه همه وزعله .. خليكي امه وبنته ..صاحبته وحبيبته ومراته .. هو هيكون ليكى . اب واخ وصديق وحبيب وزوج.. فاهمه يا نور يابنت قلبى .
نور : بتفهم . حضنت امها . فاهمه يا مامي . انا فعلا كنت متوتره وخايفه .. لكن بالكلام الل حضرتك قولتيه ده انا اطمنت .. ومحمد انا هاكون ليه الزوجه الصالحه .. وقالت في سرها وهعوضه عن كل السنين اللي عدت .. وكل يوم هابقى عروسه ل محمد.

 

 

رينو : خبطت ودخلت عليهم .. الله الله ايه كميه الاحضان والبوس دي بقى ..
مريم : تعالي يا اوزعه تعالى. رينو كشرت عينيها. على فكره انا مش قصيره انا اطول منك ب ٢ سنتي اوكي ..
مريم : هههههههه . وال ٢سنتي دول بقى . عملوا ايه .؟ ولا حاجه يا اوزعه . هههههه
رينو : بتسرع .. مامي بقى . انتي هتقولي زي فهد ….. وسكتت . احم وبصت ل نور.. نور البنات اتصلوا . وكلهم نازلين ورايحين على السنتر .. انا هاروح مع ابيه زين .. وهو بيوصل ريتال للسنتر .. وفارس هيوصل فريحه .. ويوسف هيوصل مريم.. وانتي طبعا معروفه .. اكيد ابيه محمد هيجي ياخد الملكه . نوربانو هههههههه
نور : خفه يابت .. مش عارفه .التركي اللي واكل دماغك ده .. ايوه محمد اتصل وجاي في الطريق.
مريم : طيب يا حبيبتي . جهزي كل حاجه واوعي تنسى حاجه . انا هاقوم اشوف آدم . وقامت وهي خارجه باست رينو من خدها .وابتسمو وخرجت.
رينو : بدموع . قربت من نور وحضنتها . انا مش عارفه هاعمل ايه من غيرك يا نور بانو…
نور : اعملي اندومي .
رينو : ابتسمت وسط دموعها هههههه يخرب بيت الخفه ..
نور : حضنتها . حبيبتي يا رينو والله انتي هتوحشيني قوي . ورينو حطت راسها على كتف نور في حضنها .. وانتي هتوحشيني قوي . بس انا عارفه ان ابيه محمد مش هيمنعك عننا ..
نور : لا يا قلبي . محمد قالي وقت ماتحبي تشوفي مامي وبابي .. انا هاوصلك بنفسي .. ومحمد لما بيوعد بيوفى . واكيد كل اسبوع هاكون موجوده . لان بابي شرط علي محمد اننا نكون موجودين كل جمعه هنا .. يعني اكيد مش هابعد عنك يا رينو يا قلبي انتي . وعقبالك يا روحي
رينو : احم . لأ . انا مش هتجوز .
نور : ايه الكلام العبيط ده .؟
رينو : لا انا هاركز في مذاكرتي .وكمان عايزه اكون دكتوره جراحه زي ابيه محمد . و هختار اعلى قسم في الجراحه العامه .
نور : حبيبتي . تمام وكل اللي بتقوليه حلو جدا . لكن ليه قولتي . انك ما بتفكريش تتجوزي .. وبعدين انتي بقالك فتره يا رينو متغيره .. و سألتك كتير . ممكن اعرف مالك .
رينو : بلعت ريقها .. يوووه يا نور هو ده وقته الكلام ده . انتي النهارده عروسه ..عروووسه . وانا هخربها في الفرح . عارفه بفكر اغني .
نور : ابتسمت . اممم يعني انتي علشان صوتك حلو زي بابي . ها تغظيني . وتغنى.
رينو : يعني انتى اللي صوتك وحش.؟ ما انتي صوتك جميل برده ..
نور : حبيبتي مش احلى من صوتك .. وفون نور . رن يا خبر محمد بيتصل ولس?

 

 

آدم : قاعد في اوضته ما خرجش منها من الصبح.
. وفرحان ومتدايق . فرحان لان بنته هتتجوز. وزعلان علشان بنته اللي كانت بتكلمه وهي في بطن امها هتمشي . خلاص مدلله باباها هتمشي .
.. مريم دخلت وشافته . وعرفت انه مخنوق ومتدايق . راحت قعدت جمبه وتهون عليه .. فاكر : يوم فرحنا يا آدم
آدم : بصلها وابتسم . هو ده يوم يتنسي ..
مريم : تعرف . انا عشت في اليوم ده كل حاجه … انا محدش فرح فرحتي ابدا ..وعاش السعاده اللي عشتها في اليوم ده .
آدم : رجع خصله شعر ورا ودنها .. وانا كنت اسعد واحد في الكون كله ..
مريم : لا مش اكتر مني . انا في اليوم ده اتخطبت . واتجوزت . وضحكت بصوتها كله . وعرفت اني حامل.
آدم : غصب عنه ضحك .. العروسه حامل ..فعلا كان يوم مميز . وفرحه مميزه .
مريم : مش بقولك .. محدش عاش السعاده اللي انا عشتها معاك … طيب فاكر لما غنتلي يوم فرحي. كانت اغنيه ايه . ايه يامريم ..مش فاكره .. ايوه . ايوه اوعديني . واغار عليها ..
آدم : ابتسم . انتي لسه فاكره .
مريم : طبعا . انا اي حاجه وزكرى . في حياتنا ولو صغيره . عمري ما انساها . وبعدين احنا كل فتره بنتفرج على فرحنا .. كان يوم جميل .. وعارف ياحبيبى. احلى حاجه حبيتها قوي ايه.
آدم : ايه يا روحي .
مريم : وانت بتغنيلي كده ونزلت من على الاستيدج . وجيت لحد عندي .. احساس خيال.
آدم : خلاص اغنيلك .
مريم : هههههه انت هتغنيلي بس في اوضتنا هنا زي ما عودتني .. الخوف من رينو بنتك قالت انها هتخربها.
آدم : هههههههه . عسل البت دي . بس يا ترى هتعمل ايه .
مريم : انا عارفه اهي نفس دماغك. بس عنيده
آدم : وياترى عنيده لمين .!
مريم : انا مش عارفه .!! انت مصمم اني عنيده . مع اني كيوت وجميله..
آدم : انتي احلى من اي جميله يا مريم ..
مريم : وانت سيد الرجاله كلهم . وتاج راس مريم يا قلب مريم .. وانا عايزاك تكون مبسوط النهارده .. علشان نحتفل وغمزتله.
آدم : هههههههه . انت يا بت مالك كده . انا ابتديت اقلق منك ..
مريم : وتقلق منى ليه . مش انت جوزي .. ده انا شاريه حتة طقم . هيدوخك..
آدم : بدهشه .. يدوخني .. مالك يا مريم .
مريم : هههههههه.. مالك انت يا راجل . وغمزتله . مش قولنا جوزي . ههههههه
آدم ؛ ضحك على حبيبته اللي هيتجنن من تصرفاتها واغراءاتها المباحه في اي وقت .
مريم : جواها كانت عايزه آدم يطلع من حاله الحزن اللي هو فيها . ولكن هي فعلا جابت طقم ل آدم . لانها عارفه انه هيكون زعلان علشان فراق نور .. وهي كمان . لكن واجبها انها تنسيه زعله وهمه.
آدم : فعلا ضحك . ونسي الزعل . ومسك الفون واتصل على زين علشان ياخد غدا للبنات في السنتر.. علشان يتغدو قبل ما يلبسه .. وآدم قفل وبص في الساعه وكان يدوبك يقوموا علشان يلبسوا ..ويجهزو.. و قام من مكانه .. وقال تعالى يلا يا اللي هاتدوخيني انتي . وقرب عليها وشالها . ومريم ابتسمت بحب . ودخل بيها الحمام ونزلها في البانيو واخدو شاور . ونشفلها شعرها . وشالها وخرجها من الحمام . ونفس كل مناسبه .. آدم لبس مريم الفستان . وطلع ليها هديته كالمعتاد . وكانت السلسله المره دي عباره عن اسم آدم بالعربي . وكانت جميله جدا . وحطها على التسريحه . وراح يلبس البدله .وبعدها يلبس مريم السلسله قبل الحجاب والنقاب ..وهو داخل جوه يلبس البدله .
.مريم راحت وراه . واخدت البدله من ايده وشالتها في الدولاب . وهو استغرب .. مريم فتحت دولابها . وطلعت منه بدله في منتهى الروعه . وقالتله .. دي هديتي ليك هتلبس انت وزين ومراد زي بعض .. وآدم . ابتسم . وفعلا البدله عجبته . ومريم صممت انها تلبسه البدله . وبعدها سرحتله شعره . ولبسته الساعه اللي جابتهاله هديه مع البدله . ورشتله البرفان اللي هي بتحبه . وهو عيونه كل ده على عيون مريم .. وانها بتعمل كل حاجه بحب كبير . واتنهد بسعاده .ووشكر ربنا في سره على النعمه الجميله اللي ربنا رزقه بيها .. وبعدها قال شعر في جمالها . وهو بيلبسها السلسله . ولبسها الحجاب وساعدها في النقاب . وظبطلها النقاب . ولبسها الخاتم والساعه . وجاب لها الشنطه . وهو جاب فونه ومفاتيحه .وهينزلوا علشان يروحوا على سنتر التجميل . ل نور …
في نفس الوقت ..
.طارق جهز نفسه . ورنا كانت مبسوطه لان اخوها خلاص هيتجوز ..
.. وفارس كان بيلبس ومستعجل وكان بيضحك .. علشان رودي اتصلت عليه وقالتله تعال خدني بنفسك .. والا مش هتحضر الفرح . يا اما . لو مجاش هتولع في الفرح .. وضحك على المجنونه وكمان مستغرب بنفسه .. اشمعنى رودي ..
..ورنا دخلت اوضه فهد . وجهزتله . هدومه والبدله وسبتها على السرير..علشان لما يرجع يلبس ويطلع على الفرح هو ومراد..
. وطارق اخد رنا واتحرك .. وفارس خرج وراح علشان يجيب رودي المجنونه ..
..جاسر وملك ومليكه . جهزو . وكله تمام .

 

 

 

.. ومالك قال ل جاسر .. انه هيروح يجيب ساره ويطلعوا على قاعه الافراح .. وجاسر ابتسم لان مالك اعترف بحبه لابوه . وقاله انه بعد فتره . هيتقدم ل ساره ..
.. وخرجوا كلهم على سنتر التجميل ..
..بيتر جهز نفسه واخد كالورين علي السنتر ..ومراته مارحتش علشان والدتها موجوده وتعبانه ..
مصطفى : جهز طبعا . وشيرين بتلبس بدموع . لان اخر العنقود خلاص هيتجوز . وكمان حفيدها يوسف . وان محمد هيرتاح اخيرا ..
..ومصطفى ما سبهاش غير لما ابتسمت . وطمنها.
. واشرف . جهز نفسه . وكان مبسوط وهنا باركتله على فرح اخوه .. وفرح ابنه .. وجهزو كلهم .وخرجوا علشان يروحو . على سنتر التجميل ..
..حسام قاعد في البيت . وبيبكي .. وهدى حابسه دموعها . ومش مستحمله . وحاولت على قد ما تقدر تهديه . لانها عارفه ان حسام الجزار مهما كان بيحب زياد .. الا ان مريم دي بنته من صلبه . وبنته الوحيده.
. كان فعلا بيبكي من قلبه . وان كده خلاص.. هدي . وحسام . هيبقوا لوحدهم …
. زياد سافر ومريم هتمشي ومش عارف هيعمل ايه من غيرهم .. وهدى باست ايدو بحب كبير .. وحاولت على قد ما تقدر تهون عليه .. وقالتله انه يوحد الله ..
ويقوم يلبس علشان يروح يشوف بنته وهي لابسه فستان الفرح ..
. وفعلا قام .. هي لبسته البدله وساعدته فيها . ورشتله برفان .. وهي لبست وكانت زعلانه على حالة حسام .. لكن ابتسمت في الاخر . لما شافت انه ابتدي يهدي وكان متحمس علشان يشوف بنته في الكوشه ..
————-بقلمى Mariem Nasar
محمد : طبعا جهز نفسه .. هو ويوسف وفي الوقت ده ..خلاص يا دوبك يركب العربيه اللي مزوقها بطريقه خرافيه
.ويوسف كمان مجهز عربيته بطريقه جميله جداا.
محمد : خرج و قلبه بيدق . وبيعد الساعات اللي هتبقى فيها . نور ملكه لاخر يوم في العمر .. ومش مصدق نفسه .. وركب العربيه واتحرك على السنتر وبيفكر ازاي هيقابلها .وهيعمل ايه اول ما يشوفها

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشقتها منذ نعومة أظافرها)