رواية أجمل صدفة الفصل الثاني 2 بقلم توتا

رواية أجمل صدفة الفصل الثاني 2 بقلم توتا

رواية أجمل صدفة البارت الثاني

رواية أجمل صدفة الجزء الثاني

رواية أجمل صدفة الحلقة الثانية

مسحت دموعي ورحت اتنيلت اتخمدت .. يارب يارب يجيب الشبشب .. ياخد دبدوب بسيط اللي عندي ويجيب الشبشب ..
نزلت تاني يوم ورحت المكتبة .. اه منا شغالة في مكتبة للكتب والروايات وكدة ..
كان الشغل ممل كالعادة وقرفت من شغل المحن اللي بيقلبلي معدتي ده خالص .. مش عارفة انا متجيب زفت رواية لخطيبتك وانت ساكت ..
_ تعالي يا هند الكلب .. بقي أنا تسهريني للساعة تلاتة الفجر ويحصلي اللي حصلي ده ..
_ حصلك ايه ؟
_ أنتي كمان بتسأليني ؟
_ إنتي هبلة يابت ؟
_ لا معنديش خال أهبل..
_ لا حول ولا قوة الا بالله..
_ آسفة اندمجت المهم .. الدريس اللي انتي عاوزاه ده هتجيبه ولا بعد معملتي دراسة جدوي امبارح هتغيري رأيك ؟
_ لا هجيبه طبعا ..
_ 🙂
_ هشوف الألوان الأول .
_ 🙂
_ يوه بقي خلاص هشوفه مناسب ولا لا ..
_ بنت غتيتة ..
_ رخمة ..
رحنا مع بعض المول بعد الشغل وفضلنا نلف لحد ما خلاص تعبنا ..
_ خلاص يبت يا هند لاحسن ركبي مش شيلاني ..
_ متنشفي يبت كدة ياربي انا مش فاكرة كان فين ؟
_ اقلك فين ولا تزعليش .
_ طول عمرك قليلة رباية ..
_ بت بقلك ايه انا طالعة برة لو خلصتي تعالي وهجيب غدا وهاكل وحدي .
هند بعيون لامعة : ايه غدا .. لا خلاص استريحي انتي وانا هروح اجيبه .
_ والدريس ..
_ يولع بجاز اهم حاجة الغدا ايه .
_ هاتيلنا طواجن لحمة .
_ فوريرة .
مشيت هند وقعدت أنا علي المقاعد في المول ..
_ وأنا مالي يالمبي ومال الدريسات ابوها علي ابو اللي عايز يجيبها .. اه ياني ياركبي .. الديسك ياني ..يا حسرتي علي رقبتي ياني ياما ..
_ ايه شغل الدادة دودي اللي بتعمليه ده .
برقتله بصدمة اتحولت بغضب : حرامي الشباشب !
_ احترمي نفسك لو سمحتي.
_ يلا بقلك ايه يلا شغل عماد حمدي ده مش معايا انا ممكن اقلب عادل شكل علي فكرة عادي .
_ عادل مين ؟
_ شكل .
_ ربنا يشفيكي .
_ فين الشبشب ؟
_ طول منتي هبلة كدة ولا هتلمحيه .
_ يلا متصعش .
_ بكلم واحدة من تحت الكوبري وان مكنتيش ساكنة في المعادي .
_ الشبشب .

_ ماله .
_ عاوزاه .
_ عند ام ترتر .
_ امك يعني ..
بصلي بغضب وراح يمشي ..
_ لا لا لا استني رايح فين ؟
_ أنا سايبك تغلطي فيا عادي انما امي لا .
_ خلاص انا آسفة .
نسيت الشبشب ونسيت نفسي وانا بعتذرله .. مش عارفة ليه عملت كدة المفروض اني متضايقة من حرامي الشباشب ده ..
_ خلاص سماح المرة دي .
كنت هقوله امك دي بس اتكتمت .. بصلي بغضب : انتي اصلا قليلة الأدب بدماغك اللي عايزة التفجير دي .
رديت بضحك: خلاص خلاص المهم انا عايزة الشبشب .
_ متجيبي غيره .
نزلت دموعي فجأة : عشان خاطري أنا عايزة الشبشب ده .
_ ريم أنتي بتعيطي ؟
_أنا .. إيه ده لحظة واحدة .. أنت عرفت اسمي منين ؟
_ عم صبحي البقال .
_ كدة يا عم صبحي .. فين سياسة الخصوصية؟
_ هو أنتي ليه عايزة الشبشب أوي كدة .. ده أنا كل جمعة بشبشب عشان بيتسرق مني .
_ فقلت تردها فيا !
_ لا مقصدش بس .. بس .. اخدته عشان كنتي بترميه عليا .
_ منتا اللي عاكست .
_ منتي اللي حلوة .
يلهوي اتثبت تاني اعمل ايه انا .. اقتله طيب يمكن .. لا القتل حرام .. طيب ايه هو كل شوية يثبتني عيب كدة .
_ سكتي يعني .
_ منا خايفة اقلك بتعاكسني ليه تاخد هدومي .
_ انا عمري مشفت بجاحة بالشكل ده .
_ وانا عمري مشفت تحرش بالشكل ده .
_ وانا عمري مشفت في حلاوتك دي .
بس بقي بتكثف الاه .
_ طيب انا عاوزة الشبشب .
_ رجعنا تاني .
_ ده شبشب امي الله يرحمها عشان خاطري ..
حك في راسه الناعم ده الله يخربيت حلاوتك .. هي امك كانت بتتوحم علي آيس كريم وهي حامل فيك ولا ايه ..
_ خلاص انا موافق ..
_ لولولولولولي يحيا العدل ..
_ شششششش اسكتي الله يحرقك الناس .
_ خلاص هتجيبه امتي .
_ انا لسة عندي شرط ..
_ ايه ده هو انا بشحت انا عايزة الشبشب بتاعي .
_ بتاع امك .
_ ينفع تتكلم بأسلوب أحسن من كدة ..
_ تحلقيلي دقني ارجعلك الشبشب ..
بصتله بصدمة .. عيوني مفتحة علي آخرها وبقي وقع من أصلا .. بص علي منظري وضحك ضحكة قمر والله كل شوية تخطف قلبي ..

_ اقفلي الجراش ده كدة اللي هيدخل سحالي مش دبان .
_ انت واضح انك واخد عليا جامد وانا اصلا معرفكش .
_ انا قلتلك احلق دقني لو رجعته .
_ ماشي متحلقها انا مال اهلي انا .
_ عاوزك انتي تحلقيه .. رايحة فين ؟
_ خلاص مش عاوزاه اشبع بيه .
مسكني من دراعي ولفني ليه .. مسكة ايده دي خلت قلبي يقع وعينيا غرقت في بحر عنيه الزرقا دول .. ده شكلك امال اللي خلفوك شكلهم ايه .
ضحك وقال : متبصيش كدة انا بتكثف هههههه .
_ ياد انت متضحكش .
_ ايه ؟
فقت لنفسي وبعدت عنه : عاوز ايه ؟
_ هرجعهولك النهاردة في نفس المعاد اللي اخدته منك فيه امبارح .
_ ولو مجتش .
_ لا يستي جاي .. ويلا روحي شوفي صاحبتك اللي بتدور عليكي دي .
بصيت لقيت هند بتلف والأكل في ايدها .. لفيت تاني ملقتهوش .. ادور بعنيا ملاقيهوش .
_ كنتي فين يا زفتة ؟
_ كنت بعيييييد في جزيرة الأحلاااااام .
_ ايه ؟
فقت لنفسي : ها .. اقصد انتي اللي فين يا زفتة انا مستنياكي هنا وكلاب بطني بتهوهو .
_ انا جبته من بدري وبدور عليكي مش لاقياكي .
قعدنا ناكل وانا سرحانة فيه مش عارفة ليه ؟ ليه بفكر فيه وليه مش عايز يحل عني ..
رغم التعب لكن فضلت مستنياه .. هو انا سمعت كلامه واستنيته عشان شبشب امي ولا عشان حاجة تانية ..
كنت هموت وانام وخلاص كل شوية بتتاوب وعرفت انه ضحك عليا ومش هيجيب حاجة ..
ياتري زعلت عشان الشبشب برضه ولا حاجة تانية ..
_ الجميل قاعد لوحده ليه ؟
هو .. ده صوته ودي رخامته ..بصتله بابتسامة وانا بمسح دموعي : انت ايه اللي جابك ؟
_ كنت جاي عشان اديكي الشبشب .
_ بجد ؟ اقصد اه يلا هاته عشان ارتاح منك .
_ بس عندي شرط ..
_ تاني ؟
_ لا لا خلاص منا حلقت دقني اهو .
الصراحة .. كان احلي من غير الدقن ..
_ طيب ايه الشرط ؟
_ نتعرف ؟
_ نتعرف !؟
بص للشبشب بحزن اول مرة اشوفه فيه : انا معرفش حد ولا عندي صحاب وامي متجوزة من بعد ابويا ما مات ومن ساعتها وانا وحيد .. حتي زمايلي في الشغل محدش بيحبني وملناش كلام برة اطار الشغل .. ممكن نكون اصحاب ؟
عدي شهر وأنا اتعودت عليه وعلي غلاسته ورخامته .. في الاول كان صاحب .. بس دلوقتي..
دلوقتي أنا حبيته .. حبيت وجوده .. كل يوم بعد الشغل يتكلم معايا .. وبعد الفجر ييجي يتكلم معايا برضه .. يشتكيلي .. يرخم .. يهزر .. في عز البرد ييجي برضه ..
حبيت حياتي في وجوده .. حسيت نفسي معاه ..
عرفت كل حاجة عنه .. آسر طيار مدني ..
عدي شهر كمان محدش فينا بيلمح للتاني .. خايفة اقله ابقي مجرد حد بيرتاح في الكلام معاه .. مش عايزة اتجرح اتجرحت كتير زمان ..
بعد كدة اختفي .. بقيت استناه بعد الشغل ومش لاقياه .. استناه بعد الفجر وابقي هموت وانام وبرضه استناه .. شهر كامل عدي مسألش فيا ..
كنت عارفة انه بيتسلي .. كنت عارفة اني هتجرح .. بس انا اللي ضحكت علي نفسي .. انا اللي استاهل ..

يتبع…