رواية ورد صناعي الفصل الخامس 5 بقلم نشوة عادل

رواية ورد صناعي الفصل الخامس 5 بقلم نشوة عادل

رواية ورد صناعي البارت الخامس

رواية ورد صناعي الجزء الخامس

رواية ورد صناعي الحلقة الخامسة

-انا اسفة بس انا مش موافقة ع طلبك ده يا استاذ قاسم
قاسم بسرعة : طب ليه كده بس ليه بتقفلى الباب بالشكل ده طب ادى فرصة لعلاقتنا دى
دنيا بتنهيدة: انا اسفة جدا بس حقيقى انا مش مهيأة نفسياً لاى حاجة ومبقاش عندى بربع جنيه طاقة انى اتصدم او اتخدع فى حد تانى
قاسم: انا مقدرش الومك ع الكلام ده وحاسس بيكى والله بس صدقينى انا مش هقولك انا غير اى حد بس ارجوكى فكرى تانى وانا مش هقولك كلام لان مفيش ابسط منه لكن الايام والمواقف هى اللى هتثبتلك الحقيقة
دنيا: كلامك يحترم وفوق دماغى بس ارجوك اعطينى وقت كافى افكر واستخير ربنا
قاسم : وانا هستنى مش مستعجل وعندى استعداد استناكى عمرى كله
قفلت دنيا معاه وقامت نزلت راحت ع مكان راقى تسأل ع شقة تمليك ولقت فعلا بعد يومين ونقلت العفش بتاع مامتها فيها وفى خلال الوقت ده كان قاسم بيطمن عليها من وقت للتانى لكنها رفضت تعطيه عنوانها الجديد
عند قاسم اللى كان قاعد مع نادر اللى بيتكلم معاه فى موضوع مهم لكنه مش مركز تماماً….نادر: انت يا ابنى
قاسم : ها كنت بتقول حاجة؟!
نادر: بقول حاجة! انا بقالى ساعة بقرألك فى بنود العقد وانت مش معايا اصلا فى ايه ؟!
قاسم: بصراحة يا نادر دنيا واخدة كل تفكيرى وشاغلة دماغى بطريقة مش طبيعية
نادر بتنهيدة: قاسم انت متأكد انك فعلا بتحبها ولا مشفق عليها بس بالامانة؟!
قاسم: مشفق عليها ايه بس انا فعلا بحبها ومتعلق بيها جدا بس هى مش عايزة تعطينى الثقة مش عارف اعمل معاها ايه بجد !
نادر: طالما بتحبها اوى كده لازم تصبر عليها اى واحدة مكانها واتعرضت لظروفها دى اكيد كانت انهارت
قاسم: وانا عشان عارف الظروف دى نفسى بجد اعوضها عنها وانسيها اى حزن شافته بحياتها
نادر: طالما نيتك خير وحلال تأكد ان ربنا هيسر ليك امورك وهشوفك عريس قريب اوى يا صاحبى
قاسم :يارب يارب
بعد مرور شهر اتقربت فيه دنيا من قاسم وحست براحة اتجاهه وافقت ع خطوبة لفترة ٦ شهور عشان تعرفه اكتر وهو وافق …. وفى يوم كان قاسم واقف عند البيت بتاع دنيا القديم مع المهندس بتاعه لقى شخص داخل عليه
………: السلام عليكم لو سمحت كان فيه واحدة ساكنة هنا اسمها دنيا عبدالله متعرفش راحت فين
قاسم بشك: لا معرفش انا اشتريت منهم البيت ده وبعدها معرفش عنهم حاجة خير فيه حاجة؟!
………..: بصراحة انا اكون لطفى والد ملك مرات اخوها محمد والحقيقة ان محمد وملك عملوا حادثة كبيرة وللاسف الاثنين اتوفوا وكمان بنتهم جودى
قاسم بحزن: لا حول ولا قوة الا بالله العلي العظيم طب ايه المطلوب بالظبط يا حاج؟!
لطفى: عاوز اوصلها لان هى وريثة محمد الوحيدة دلوقتى يا ابنى وليها حق لازم تاخده
قاسم: طيب يا حاج حضرتك ممكن تسيبلى رقمك وانا لو قدرت اوصلها اكيد هعرفك
لطفى: يبقى كتر الف خيرك اكتب الرقم ٠١٠ ……… عن اذنك
اتنهد قاسم وهو مش عارف هيقول الخبر ده لدنيا ازاى وهتستقبله ازاى مسك فونه ورن عليها وطلب منها انها تروحله عند بيتها القديم وصلت دنيا وقالتله: خير يا قاسم فى ايه؟!
قاسم: هو لو يعنى عرفتى ان محمد اخوكى محتاج انه………
دنيا مقاطعة: متكملش لو سمحت انا مش عايزة اعرفه تانى ولا اعرف عنه اى حاجة ربنا يصلح حاله بعيد عنى
قاسم: دنيا انا مش قصدى كده هو بصراحة يعنى …..
دنيا باستغراب: مالك يا قاسم متوتر كده ليه وحاساك بتلف وتدور
قاسم: بصراحة محمد ومراته وبنته تعيشى انتى
دنيا بحزن وقلبها واجعها: ان….انت بتقول ايه ازاى وامتى وعرفت ازاى؟!
حكى ليها قاسم عن لطفى وكمل: لازم تروحى وتاخد حقك يا دنيا
دنيا: انا مش عاوزة اى حاجة من فلوس محمد
قاسم: بس ده حقك
دنيا: تمام وانا هاخد حقى ده واتبرع بيه لدار ايتام كصدقة جارية ع روحهم
قاسم بابتسامة: كل يوم بتثبتيلى انى اختارت صح يا دنيتى
تعدى فترة الست شهور ويأتى اليوم الموعود فرحة دنيا وقاسم واللى حدودوا يوم كتب الكتاب فى نفس يوم الفرح وبعد ان اعلن المأذون جملته الشهيرة حضنها قاسم بتملك وفرحة لتهمس دنيا فى اذنه بأكتر جملة كان يتمنى سمعها: بحبك يا قاسم
قاسم بفرحة: ايه انتى قولتى ايه ؟!
دنيا : قولت انى بحبك يا قاسم ووووووو..فى حفلة كبيرة مليانة بالكتاب والمؤلفين يأتى المقدم ويقول: اما الان مع كلمة الكاتبة المميزة لحفلنا الليلة دنيا عبدالله
دنيا: انا متشكرة جدا ع القائمين ع حفلة الليلة الحقيقة ان رواية ورد صناعى من اهم الروايات القصيرة اللى انا كتبتها وحقيقى مبسوطة جدا انها كانت مميزة
واحد من الكتاب: طب ايه سبب تسميتها بورد صناعى؟!
ابتسمت دنيا: الورد الصناعى مهما ارتوى بالمياه واخد اهتمام عمره ما هيكبر كذلك المشاعر لما بنعطيها للشخص الغلط عمرنا ما هنحصد حب منه ودى فكرة اسم الرواية
سفق الجميع بحرارة ونزلت دنيا وحضنت قاسم اللى كان واقف بفخر وحب كبير ليها فسألها: ليه مقولتيش ان الرواية قصة حقيقية؟!
دنيا: عشان انت الجزء الحلو فيها فخوفت عليك من العين
قاسم : بحبك
دنيا : وانا بعشقك👌😍

لقراءة باقي حلقات الرواية اضغط على : (رواية ورد صناعي)