Uncategorized
رواية كانسر الفصل الثامن 8 بقلم آية السيد
رواية كانسر الفصل الثامن 8 بقلم آية السيد
 |
| رواية كانسر الفصل الثامن 8 بقلم آية السيد |
رواية كانسر الفصل الثامن 8 بقلم آية السيد
أحمد وإيمان وحور خرجوا وراحوا علي البيت وحور طول الطريق ساكته ومش بتتكلم وصلوا عند البيت ولقوا مالك وهو كان طالع البيت
أحمد بصدمه /انت!!!
مالك بص لحور اللي عيونها دمعت اول ما شافته وبصت في الارض عشان محش ياخد باله بس هو شافها
مالك /ايوة يا عم احمد بعد اذنك انا كنت جاي اتكلم معاك
حور مسحت عيونها وبصتله /مفيش كلام كل الكلام خلاص اتقال وانتهي الموضوع
مالك وهو يتجاهلها /قولت ايه يا عم احمد
حور اتغاظت من تصرفاته وطلعت وسابتهم وإيمان طلعت وراها
واحمد بص لمالك /ماشي يا بني تعالي اتفضل
مالك /لا يا عم احمد الكلام مش هينفع في البيت خلينا نروح كافيه او اي مكان نتكلم
أحمد /ماشي يا بني زي ما تحب يلا
____________________
في الكافيه
أحمد بتساؤل /ها يا بني خير
مالك /انا عاوز اتجوز حور
أحمد /بس يا بني….
مالك /مفيش بس يا عمي انا عرفت خلاص
أحمد بارتباك /عرفت… عرفت ايه يا بني
مالك بالم /عرفت ان حور عندها ك…
أحمد بحزن علي ابنته /خلاص يا بني ما تكملش والمطلوب مني ايه دلوقتي
مالك /انت عارف كويس اني بحب حور وهي كمان بتحبني انا معرفش هي ليه خبت عني وقررت انها تبعدني عن حياتها بس حور محتجالي زي ما انا ما محتاجها معايا
أحمد /بس يا بني….
مالك بمقاطعه /مفيش بس يا عم احمد يلا بينا علي الماذون دلوقتي
أحمد بصدمه /مأذون ايه بس يا بني استهدي بالله وازاي حور هتتجوز من غير ما تعرف
مالك /انت عارف انها موافقه عليا وبعدين انت وكيلها يعني تقدر تجوزها عادي وهي خلاص مبقتش قاصر
أحمد بتردد /بس….
مالك /مفيش بس يا عم احمد حور محتاجه ليا اكون جنبها وانا مش هقدر اكون جنبها غير لو بقيت جوزها وانا متأكد ان دا هيديها دافع انها تتعالج وتبقي كويسه
أحمد /والله يا بني ما عارف اقولك ايه
مالك /متقولش حاجه يا عم احمد يلا بينا علي الماذون وهو هيقول
أحمد /ماشي يا بني بس..
مالك /فيه ايه
أحمد /يا تري ايه هتكون رده فعل حور لما تعرف وكمان اهلك
مالك بثقه /متقلقش انا هظبط كل حاجه وبخصوص اهلي فهما عارفين
أحمد /ماشي يا بني توكلنا علي الله
وراحوا المأذون وفعلا مالك اتجوز حور وبقا جوزها رسمي
_________________________
في منزل عائله الصواف
حور طلعت البيت ودخلت الاوضه وفضلت تعيط جامد
حور بعياط /يا ربي هو ليه جه وليه اشوفه تاني يارب والله ماقادره استحمل اكتر من كده انا تعبت وكمان خليته يكرهني ايه بقا اللي خلاه يجي
والدتها دخلت الاوضه لقيتها بتعيط جامد فراحت ناحيتها وحضنتها
ايمان بدموع علي حاله بنتها /اهدي يا بنتي عشان خاطري اهدي
حور بعياط /هو جه ليه يا ماما انا بحبه اوي بس… بس قلبي واجعني اوي حاسه اني هموت
وفجأه سمعوا صوت وحور اتصدمت من الصوت دا
مالك بحنيه /بعد الشر عليكي يا حوري
حور وإيمان اتصدموا لما لقوا مالك موجود في الاوضه ومعاه احمد
ايمان باستغراب /مالك انت هنا ازاي
حور وهي تدعي الشجاعه /انت ايه اللي جابك هنا اطلع بره اظن ان كل شئ انتهي ووجودك هنا ميصحش
أسر جه علي صوتهم
أسر /فيه ايه……. وبص لمالك باستغراب /مالك!!!!
أحمد /تعالي يا ايمان معايا وانت كمان يا أسر
أسر بأعتراض /بس!!
أحمد /تعالي يا أسر وبطل مناهده وانا هفهمك كل حاجه
الكل طلع ومالك قفل الباب وبص لحور
حور بخوف /انت قفلت الباب ليه ويلا بعد اذنك اخرج
مالك بيقرب علي حور وهي بترجع لورا
حور بتوتر /ب.. بعد اذنك اخرج بره
مالك فضل يقرب منها لغايه ما وصلت للحيطه وكانت هتبعد بس هو مسكها وثبتها علي الحيطه
مالك وهو ينظر باتجاه عينها /ليه؟؟
حور بارتباك /ل… ليه ايه
مالك /ليه مقولتليش ليه خبيتي عني ليه كذبتي
حور بدموع /انا مخبتش حاجه ولا كذبت ولو سمحت اوعي
مالك /لا خبيتي وكذبتي
حور بعياط /لا مخبتش واوعي بقا واتفضل اخرج بره
مالك بعصبيه /لا خبيتي عليا مرضك وكذبتي فانك معدتيش بتحبيني رغم ان عينك بتقول غير كده
حور فضلت تعيط جامد
مالك /ما تردي ساكته ليه خبيتي وكذبتي ولا لا يا حور
حور بعصبيه /كنت عاوزني اقولك ايه اقولك اني مريضه وهموت ولا اقولك اني خلاص وان الكيماوي اللي هاخده هيخلي شعري يقع وجسمي هيبوظ وهبقا شبه الولد واني احتمال معرفش اخلف كنت عاوزني اقولك ايه يا مالك قولي وانا اقول
مالك /كنتي قولتيلي ليه خبيتي كنت هفضل معاكي
حور مسحت دموعها بس دموعها مش بتبطل تنزل /اه وهيبقا فيه حلين وقتها الأول انك هتقولي مش هقدر اكمل معاكي انا اسف والحل التاني انك هتتجوزني شفقه
مالك بصدمه/ شفقه!!!
حور بالم /ايوة شفقه هتتجوز واحده مريضه تعمل بيها ايه واحده خلاص كلها إيام وهتموت
مالك راح ناحيتها ومسك ايدها واتكلم بعصبيه /بطلي تقولي الكلمه دي يا حور وبعدين ايه كلها ايام دي الموت دا حاجه بتاع ربنا وهو واحده العالم كل واحد هيموت أمته وازاي ما انا ممكن اموت قبلك
حور بعدت ايده وقعدت علي السرير بتعيط جامد
حور بعياط /اخرج بره يا مالك اخرج وخرجني بره حياتك واتجوز واحده سليمه واحده تعرف تخلف وتكون زوجه
ورجعت تعيط اكتر
مالك قلبه وجعه من عياطها وحضنها جامد وهي كأنها كانت مستنيه الحضن دا فضلت تعيط باقصي ما فيها
مالك بحنيه /هشششش اهدي يا روحي كل حاجه هتعدي وهبتقا بخير انا معاكي وهفضل دايما جنبك وكلامك الأهبل دا هحاسبك عليه بس مش دلوقتي تفوقي بس ولينا كلام كتير
______________________
في مكتب احمد الصواف
أسر /يا بابا ممكن تفهمني فيه ايه وازاي مالك هنا وقاعد مع حور ازاي
ايمان /ما تفهمنا يا احمد فيه ايه
أحمد /مالك اتجوز حور
أسر وإيمان فضلوا مصدومين من اللي سمعوه
أسر /نعم دا ازاي
أحمد /احنا كنا عند الماذون الوقتي وانكتب كتابهم
ايمان /احمد انت بتقول ايه وازاي توافقه علي حاجه زي دي وانت عارف ان حور م…..
ايمان سكتت ومقدرتش تكمل كلامها
أحمد /اظن كلنا عارفين مالك بيحب حور اد ايه وهي كمان بتحبه ولو علي مرضها فهو عارف
أسر /بس يا بابا ازاي توافق علي كده
أحمد /اهم حاجه في علاج حور حالاتها النفسيه عشان العلاج يستجيب وانا عارف ان طالما مالك معاها دا هيحسن حالاتها النفسيه وهتستجيب للعلاج. اظن كلنا كنا شايفين حالتها كويس اليومين اللي فاتوا
ايمان /معاك حق يا احمد بس حور..
أحمد /متقلقيش مالك هيعرف يتصرف
______________________
في غرفه حور
حور بدأت تهدي وتستكين في حضن مالك
مالك بمرح ليخفف عنها /بس واضح ان حضني عجبك يا حوري
حور اخدت بالها انها في حضنه
حور بعدت عنه بسرعه وزقته وارتبكت ووشها احمر /ا.. انت ازاي تحضني كده… ا… اتفضل اخرج
مالك وهو يذهب ناحيتها وينظر لها بخبث /وان مخرجنش
حور /هخرج انا وكمان هقول لبابا
مالك قعد علي السرير بارياحيه /ماشي اتفضلي يلا
حور استغربت رد فعله وراحت وقفت جنب السرير
حور/ نعم دا ايه ده
مالك باستفزاز /واحد قاعد مع مراته فيها حاجه دي
حور بصدمه /م.. مرات مين
مالك /جوزك يا مدام حور مالك المحمدي
حور بدموع /ا… ازاي؟؟
مالك اتعدل علي السرير وسحبها من ايدها وقعدها جنبه ومسح دموعها
مالك بحنيه /مش عاوز اشوف دموعك دي تاني ابدا…وازاي … فأنا وعم احمد روحنا للماذون وبقيتي مراتي رسمي وقدام ربنا
حور بعدت ايده /لا يا مالك طلقني واتجوز…
مالك حط ايده علي شفايفها ومنعها تكمل كلام /هششش انا مش هتجوز غيرك ومفيش واحده تانيه هتبقى مراتي ولا ام ولادي غيرك… انتي … انتي وبس يا حوري
حور بدموع /بس…
مالك شدها لحضنه /هششش قولنا ايه انتي مراتي وانا جوزك وانتهي الموضوع يا حوري هتتعالجي وهكون جنبك وهنعدي الموضوع دا سوا وهنعيش حياتنا ونعمل كل اللي احنا عاوزينه وكل الحاجات اللي خططنا ليها هنعملها سوا بس انا عاوزك قويه… عاوز حوري اللي عندها ارداه ومش بتستسلم
حور بدموع /بس انا خايفه
مالك بحب /امال انا لازمتي ايه متخافيش طول ما انا جنبك
حور بدموع /ي… يعني م هتسيبني
مالك بعدها عنه ومسح دموعها /فيه حد بيبعد عن روحه
حور هزت راسها بالنفي
مالك/ شوفنتي بقا….. واكمل بخبث /وبعدين بطلي بقا تبصيلي بعيونك الحلوة دي عشان لما بشوفهم بحس اني عاوز اكلك
حور بخجل وهي تخبطه في كتفه /علفكره انت قليل الادب
مالك شدها لحضنه /هههه عارف…. انا بحبك اوي يا حوري ومقدرش ابعد عنك اوعديني انك تكون قويه عشانك وعشاني وعشان عيلتنا
حور /اوعدك بس عاوزه أسألك حاجه
مالك بعدها عنه /اسألي يا حوري
حور /ا.. انت عرفت ازاي
مالك بتهيده /من انجي
حور /بس انا قولتلها….
مالك /اجبرتها انها تقولي
حور باستغراب /ازاي
مالك بتنهيده /هقولك
_________________فلااااااش باااااااااك
في منزل المحمدي
مالك فضل قافل الباب عليه ورافض ان هو يخرج من الاوضه وكلهم كانوا قلقانين عليه
انجي راحت ناحيه الباب وخبطت
انجي بدموع /مالك بالله عليك افتح عشان خاطري
مالك بعصبيه /قولت مش عاوز اشوف حد ولا اتكلم مع حد
انجي بدموع /يا مالك عشان خاطري اطلع ايدك كنت بتنزف
مالك بعصبيه /افرق معاكي اوي
انجي /ايوة يا مالك انت اخويا و صاحبي وكل حاجه ليا
مالك /لو افرق معاكي كنتي قولتيلي الحقيقه لكن لا انا مفرقش معاكي أن شاء الله حتي اموت ولا اغور في داهيه
انجي بعياط /يا مالك بالله عليك متقولش كده وافتح الباب
مالك /قولت سبوني لوحدي
انجي /ط.. طيب افتح وهحكيلك
مالك قام فتح الباب بسرعه
مالك فتح واداها ضهره وهي وقفت وراه وبتعيط عاوزه تقوله بس الوعد بتاع حور مانعها
مالك /افندم سامعك
انجي بعياط /ح…. حور…..
مالك /مالها
انجي بعياط /حور عندها كانسر
مالك بصدمه /ايه!؟؟
انجي قصت له كل ما حدث
مالك قلبه وجعه عليها واتعصب انها مقالتلوش بص علي اخته لقاها بتعيط
مالك حضنها
مالك /هتبقي كويسه والله وكل حاجه هتبقي بخير
انجي برجاء /بجد
مالك هز راسه بايوة
_____________________بااااااااااك
مالك /بس يا ستي هو دا اللي حصل
حور /يعني انت مش هتسيبني ولا هتزهق مني ومن مرضي
مالك /قولتلك محدش بيزهق من روحه يا حوري
حور /ربنا يديمك ليا يا مالكي
مالك بضحك /هههههه ويديمك يلا يا روحي بس ايه مالكي دي
حور /ايوة انت اسمك مالك والياء دي للمكليه عشان انت بتاعي وقلبك ملكي تبقا مالكي
مالك بضحك /انا كلي ملكك يا حوري
بعد مده
مالك فضل حاضنها لغايه ما حس بانتظام أنفاسها
مالك بص عليها لقاها نايمه زي الملايكه وماسكه في هدومه جامد… عدلها في السرير وفك حجابها بالراحه وكانت اول مره يشوف شعرها
مالك نام جنبها وفضل يشم ريحه شعرها اللي كانت ريحته شبه الياسمين وشكله جميل وباس راسها
مالك ضمها ليه اكتر وراح هو كمان في سبات عميق
أحمد فتح الباب براحه لما ملقاش صوت وبص لقا مالك نايم وحور في حضنه وماسكه فيه كأنه هيسيبها ويمشي
أحمد اطمن وعرف انه اخد القرار الصح
أحمد قفل الباب وخرج تاني بهدوء
__________________________
في المستشفى
محمود /يا بني بقا احكيلي
يس /احكيلك ايه يا بني هو انت فاضي وجاي تتسلي عليا
محمود /اه تقدر تقول كده يلا بقا قر واعترف بسرعه
يس /يا بني مفيش اصلا حاجه تتحكي بنت شوفتها مرتين بس معرفش حاسس ان وراها حاجه ونظره الحزن اللي في عيونها مش عارف بس حاسس اني متلخبط
محمود /ايه ده مين بيتكلم
يس /بس يا خفه
محمود /ايوه يعني حبيتها ولا ايه
يس /انت عبيط يا بني دا انا حتي معرفش اسمها
محمود /مليش دعوة الحلق بقا اجهز البدله عشان الفرح وبيفتح الباب لقي…….
محمود بصدمه /انتي؟؟؟؟
يتبع…..
لقراءة الفصل التاسع : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد